‘എല്ലാ രീതിയിലും ഞാന്‍ കര്‍ഷകരുടെ കൂടെയാണ്, കര്‍ഷക സമരത്തിന്റെ കൂടെയാണ്. അതിലെനിക്ക് മറ്റൊരു വശമില്ല. ഞാനിപ്പോഴും പറയുന്നതെന്താണെന്നാല്‍, തത്ത പറയുന്നതുപോലെ കോപ്പി പേസ്റ്റ് ചെയ്ത് സെലിബ്രിറ്റീസ് അടക്കം എല്ലാവരും ട്വീറ്റ് ചെയ്യുന്നത് വളരെ അസഹനീയമായതും വളരെ മ്ലേച്ചമായതുമായ പെരുമാറ്റമാണ്. ഇന്ത്യ എഗെയിന്‍സ്റ്റ് പ്രൊപ്പഗാന്‍ഡ എന്ന് അവര്‍ അവര്‍ ഹാഷ്ടാഗിടുമ്പോള്‍ തിരിച്ച് അവരോടാണ് ഇത് പറയേണ്ടത്. അവര്‍ ചെയ്യുന്നത് പ്രൊപ്പഗാന്‍ഡയാണ്, പ്രൊപ്പഗാന്‍ഡയുടെ ഭാഗമാണ് എന്നത് പകല്‍ പോലെ വ്യക്തമാണ്’, പാര്‍വതി പറഞ്ഞു.

ഇതിനിടെ ഒരു സ്വകാര്യ എഫ്എം ചാനലിന് പാര്‍വതി മുമ്പ് നല്‍കിയ അഭിമുഖം ഇപ്പോള്‍ വീണ്ടും സോഷ്യല്‍ മീഡിയയില്‍ വൈറലായിരിക്കുകയാണ്. സിനിമയെക്കുറിച്ചുള്ള തന്റെ നിലപാടുകള്‍ പാര്‍വതി തുറന്നുപറയുന്നതാണ് അഭിമുഖം വീണ്ടും ചര്‍ച്ചയാവാന്‍ കാരണം. സൂപ്പര്‍താരങ്ങള്‍ എന്ന പ്രയോഗത്തോട് യോജിപ്പില്ലെന്നും മനുഷ്യരുടെ സിനിമ എന്ന പരിഗണനയിലാണ് സിനിമകള്‍ കാണാന്‍ പോവേണ്ടതെന്നും പാര്‍വതി പറയുന്നു.

പാര്‍വതി ഒരു സിനിമ സംവിധാനം ചെയ്താല്‍ ആരായിരിക്കും നായകന്‍ എന്ന ചോദ്യത്തിന് പാര്‍വതി പറയുന്ന പേര് ആസിഫലിയുടേതാണ്. റിമ കല്ലിങ്കലിനെ പോലുള്ള വനിതകള്‍ സിനിമ നിര്‍മാണ രംഗത്തേക്ക് കടന്നുവരുന്നത് പ്രതീക്ഷ നല്‍കുന്നതാണെന്നും പാര്‍വതി പറഞ്ഞു. മലയാളത്തിലെ മികച്ച നടനായി പാര്‍വതി പറയുന്ന പേര് ഫഹദ് ഫാസിലിന്റെതാണ്.

താന്‍ സിനിമയില്‍ അഭിനയിക്കുമ്പോള്‍ ആരാണ് നായകനെന്ന് നോക്കാറില്ലെന്നും പാര്‍വതി പറയുന്നുണ്ട്. അത് സംവിധായകന്റെ അവകാശമാണ്. കഥ നല്ലതാണെങ്കില്‍ ആര്‍ക്കൊപ്പവും അഭിനയിക്കുന്നതില്‍ തനിക്ക് പ്രശ്‌നമില്ലെന്നും പാര്‍വതി വ്യക്തമാക്കുന്നു.

‘എടുത്ത് പറയേണ്ട കാര്യമാണ്. എംഎല്‍എയാണ് പബ്ലിക്കിനെ റെപ്രസെന്റ് ചെയ്യുന്ന ആള്‍ക്കാരാണ്. അവര്‍ ആളുകളോട് സംസാരിക്കുന്നത് ഇതില്‍ അങ്ങനെ പ്രശ്‌നമുണ്ടെന്ന് ഉന്നയിച്ച് ഞാന്‍ രാജിവെച്ച് പോയി എന്ന് പറയുമ്പോള്‍ ടിആര്‍പി കിട്ടാനും ജീവിച്ചിരിപ്പുണ്ട് എന്ന് കാണിക്കാനും വേണ്ടിയിട്ടാണെന്ന് പറഞ്ഞ എം.എല്‍.എ.യാണ് ഗണേഷ് കുമാര്‍. എ.എം.എം.എ. എന്ന് പറയാന്‍ പാടില്ല അമ്മ എന്ന് തന്നെ പറയണം, അങ്ങനെ കുറെ അലിഖിതമായ നിയമങ്ങളുണ്ട്. അതിന്റെ ഭാഗമാകണം എങ്കില്‍ നമ്മള്‍ ചില ഇമോഷണല്‍ കാര്യങ്ങള്‍ക്ക് നിന്ന് കൊടുക്കണം. എ.എം.എം.എ.യുടെ ജനറല്‍ ബോഡി മീറ്റിങ്ങില്‍ എന്നോട് ഒരാള്‍ പറഞ്ഞിട്ടുളള കാര്യമാണ്, എനിക്ക് എ.എം.എം.എ. എന്ന് പറഞ്ഞാല്‍ കുടുംബമാണ്. താങ്കള്‍ക്ക് അത് ആയിരിക്കും. എനിക്കിതൊരു അസോസിയേഷന്‍ ആണ് എന്ന് ഞാന്‍ അദ്ദേഹത്തോട് തിരിച്ചും പറഞ്ഞിട്ടുണ്ട്.’

ഒരു അസോസിയേഷന്‍ എന്ന് പറയുമ്പോള്‍ ഒരു റെസ്‌പെക്റ്റ് ഉണ്ട്. അവര്‍ ചെയ്യുന്ന കാര്യങ്ങള്‍ അത്രയും മേലോട്ടാണ് ഞാന്‍ കാണുന്നത്. ഒരു അസോസിയേഷന്‍ ചെയ്യേണ്ട ഉത്തരവാദിത്തം തലപ്പത്ത് നില്‍ക്കുന്ന ആള്‍ക്കാര്‍, അല്ലെങ്കില്‍ വളരെ അധികം സ്വാധീനം ചെലുത്തുന്ന ആള്‍ക്കാര്‍, ഇവര്‍ക്ക് എല്ലാവര്‍ക്കുമുളള പവറിന് ഒപ്പം വരുന്നൊരു കാര്യമാണ്, ഗ്രേറ്റ് റെസ്‌പോണ്‍സിബിലിറ്റി. ഗ്രേറ്റ് പവര്‍ കം ഗ്രേറ്റ് റെസ്‌പോണ്‍സിബിലിറ്റി എന്ന് പറയുന്ന കാര്യം. അത് അവര്‍ മനസിലാക്കുക. പക്ഷേ അവര്‍ ഒരു പൗരന്‍ എന്ന നിലയില്‍ കാണിക്കേണ്ട ഉത്തരവാദിത്ത ബോധം പോലും കാണിക്കുന്നില്ല. എം.എല്‍.എ. എന്ന രീതിയില്‍ തിരഞ്ഞെടുക്കപ്പെട്ടവരാണെങ്കില്‍ കൂടെ, അവരുടെ വായില്‍ നിന്ന് വരുന്ന വാക്കുകള്‍ ശ്രദ്ധിച്ച് സംസാരിക്കണം എന്നാണ് എനിക്ക് അവരോട് പറയാനുളളത്.’പാര്‍വ്വതി കൂട്ടിച്ചേര്‍ത്തു.

ലോക്ഡൗണ്‍ സമയമായതുകൊണ്ട് ജീവിച്ചിരിക്കുന്നു എന്നറിയിക്കാനാണ് പാര്‍വ്വതിയുടെ രാജിയെന്നായിരുന്നു ഗണേഷ്‌കുമാറിന്റെ പരാമര്‍ശം.

കോഴിക്കോട്: നടിയെ ആക്രമിച്ച കേസില്‍ നടന്മാരായ സിദ്ദിഖ്, ഭാമ ഉള്‍പെടെയുള്ളവര്‍ കൂറു മാറിയതില്‍ പ്രതികരിച്ച് നടി പാര്‍വതി. സുഹൃത്തെന്ന് കരുതുന്നവര്‍ പോലും കൂറുമാറുന്നുവെന്നത് തന്നെ ഞെട്ടിക്കുന്നുവെന്ന് പാര്‍വതി പറഞ്ഞു. അതിജീവിച്ചവളുടെ പോരാട്ടം വിജയിക്കണമെന്നാണ് താന്‍ ആഗ്രഹിക്കുന്നതെന്നും അവള്‍ക്കൊപ്പം നില്‍ക്കുന്നുവെന്നും പാര്‍വതി പറഞ്ഞു. ഫെയ്‌സ്ബുക്കിലൂടെയായിരുന്നു പ്രതികരണം.

ഫെയ്‌സ്ബുക് പോസ്റ്റ് മുഴുവന്‍ വായിക്കാം:

”അവള്‍ തല ഉയര്‍ത്തി നീതിക്കായി പോരാടുന്നത് ഞങ്ങള്‍ കണ്ടു. സാക്ഷികള്‍ എങ്ങനെയാണ് കൂറുമാറിയതെന്നത് എന്നെ ഞെട്ടിച്ചു. പ്രത്യേകിച്ച് സുഹൃത്തെന്ന് കരുതുന്നുവരുടെ മൊഴിമാറ്റം. അതിജീവിച്ചവളുടെ പോരാട്ടം വിജയിക്കണമെന്നാണ് താന്‍ ആഗ്രഹിക്കുന്നതെന്നും അവള്‍ക്കൊപ്പം നില്‍ക്കുന്നു” പാര്‍വ്വതി ഫേസ്ബുക്കില്‍ കുറിച്ചു.

ഭാമയും സിദ്ദിഖും പ്രോസിക്യൂഷന് നല്‍കിയ മൊഴി തിരുത്തിയെന്ന വാര്‍ത്ത പുറത്ത് വന്നതിന് പിന്നാലെ രേവതിയും റിമ കല്ലിങ്കലും രമ്യാനമ്പിശനും ഉള്‍പെടെയുള്ളവര്‍ രൂക്ഷമായി പ്രതികരിച്ചിരുന്നു. അവള്‍ക്കൊപ്പം എന്ന ഹാഷ്ടാഗോടെയായിരുന്നു ക്യാമ്പയിന്‍. എന്നാല്‍ സംഭവത്തില്‍ താരസംഘടനയായ അമ്മ ഇതുവരെ പ്രതികരിച്ചിട്ടില്ല.

‘തനിക്ക് മൂന്നോ നാലോ വയസുള്ളപ്പോഴാണ് അത്തരമൊരു അനുഭവമുണ്ടായത്. അന്നെന്താണ് സംഭവിച്ചതെന്ന് തനിക്ക് മനസിലായിരുന്നില്ല. ഇത് മനസിലാക്കാന്‍ 17 വര്‍ഷമെടുത്തു. ഇക്കാര്യം തുറന്ന് പറയാന്‍ വീണ്ടും 12 വര്‍ഷങ്ങളും.’പാര്‍വ്വതി പറഞ്ഞു.

ഇക്കാര്യം സംഭവിച്ചുവെന്നത് സത്യമാണ്. എന്നാല്‍ ഒരു സ്ത്രീയായതിന്റെ പേരിലല്ല ഇങ്ങനെ സംഭവിച്ചത്. ആത്യന്തികമായി ഒരു വ്യക്തിയാണ് താന്‍. ബാക്കിയുള്ള വിശേഷങ്ങളെല്ലാം പിന്നെയാണ് വരുന്നത്. ഈ അവസ്ഥയെ അതിജീവിക്കുകയാണ് പ്രധാനം. ഓരോ ദിവസവും ഇക്കാര്യം സ്വയം പറഞ്ഞ് ബോധ്യപ്പെടുത്താന്‍ വളരെ ബുദ്ധിമുട്ടാണെന്നും അവര്‍ പറഞ്ഞു.

ഡബ്ലിയൂ.സി.സിക്കെതിരേയുള്ള സൈബര്‍ ആക്രമണത്തെ ന്യായീകരിച്ചായിരുന്നു സിദ്ധിഖിന്റെ പത്രസമ്മേളനം. എ.എം.എം.എ പ്രസിഡന്റ് മോഹന്‍ലാലിനെ ഇവര്‍ അപമാനിച്ചുവെന്നും അത്തരം ആരോപണം ഉന്നയിച്ചവര്‍ക്കെതിരെ നടപടി ഉണ്ടാകുമെന്നും സിദ്ധിഖ് വ്യക്തമാക്കിയിരുന്നു. ദിലീപിനെ സംരക്ഷിക്കുന്ന ഒരു നടപടിയും സ്വീകരിച്ചിട്ടില്ലെന്നും ഇരയ്‌ക്കൊപ്പം തന്നെയാണ് തങ്ങളെന്നുമാണ് എ.എ.എം.എയുടെ ഔദ്യാഗിക പ്രതികരണമായി സിദ്ധിഖും കെ.പി.എ.സി ലളിതയും അറിയിച്ചത്. എന്നാല്‍ ഇവരുടെ വാദം തള്ളിക്കൊണ്ട് സംഘടനയുടെ ഔദ്യോഗിക വക്താവ് എന്ന നിലയ്ക്ക് നടന്‍ ജഗദീഷും പത്രക്കുറിപ്പ് പുറത്തിരക്കിയിരുന്നു. ഈ അവസരത്തിലാണ് പാര്‍വതിയുടെ പ്രതികരണം.

”രണ്ട് കാര്യങ്ങളാണ് ഇപ്പോള്‍ പറയാനുള്ളത്, ശ്രീ ജഗദീഷ് പുറത്തു വിട്ട പത്രകുറിപ്പാണോ അവരുടെ യഥാര്‍ത്ഥ ഔദ്യോഗിക പ്രതികരണം അതോ ഇപ്പോള്‍ സിദ്ധിഖ് സാറും കെ.പി.എ.സി.ലളിത ചേച്ചിയും കൂടി ഇരുന്ന് സംസാരിച്ചതാണോ എ.എം.എം.എയുടെ ഔദ്യോഗിക പ്രതികരണം. അതേപോലെ അവര്‍ പറയുകയും ചെയ്തു മഹേഷ് എന്ന നടന്‍ ഇവര്‍ക്ക് വേണ്ടി ഘോരം ഘോരം വാദിച്ചത് ഇവര്‍ പറഞ്ഞിട്ടല്ലെന്ന്. നമുക്കറിയാനുള്ളത് ആര് പറയുന്നതാണ് കേള്‍ക്കേണ്ടത് എന്നതാണ്.

പിന്നെ ഏറ്റവും അസഹനീയമായ കാര്യം ഇവര്‍ രണ്ടു പേരും ഇങ്ങനെയൊരു സംഭവം നമ്മുടെ സിനിമാ മേഖലയില്‍ നടക്കുന്നേ ഇല്ലെന്ന് വീണ്ടും വീണ്ടും പറയുന്നു. ഇങ്ങനെ ഒരു സ്റ്റേറ്റ്മെന്റ് ഇതിന് മുന്‍പും വന്നിട്ടുണ്ടായിരുന്നു. നമ്മുടെ സുഹൃത്തിന് ഇങ്ങനെ വലിയൊരു സംഭവം നടന്നതിന് ശേഷവും അങ്ങനെയൊന്ന് ഇവിടെ ഇല്ലേ ഇല്ലെന്നാണ് സിദ്ധിഖ് സാര്‍ പറയുന്നത്. കെ.പി.എ.സി ലളിത ചേച്ചി പറയുന്നത് മറ്റുള്ള തൊഴിലിടങ്ങളിലെ പോലെ ഒക്കെ തന്നെയേ ഉള്ളൂ ഇത് ഇവിടെ മാത്രം അല്ലല്ലോ എന്നാണ്. അതിനെ തീര്‍ത്തും നിസാരവത്കരിക്കുകയാണ്. അതിന് ഒരുപാട് പ്രശ്നങ്ങളുണ്ട്. ഇവരെ മാതൃകയാക്കുന്ന നോക്കിക്കാണുന്ന ഒരുപാടു പേര്‍ ഉണ്ട്. ഇങ്ങനെ ഒക്കെ കള്ളം പറയുകയാണെങ്കില്‍ കഠിന ഹൃദയ ആയിരിക്കണം. പിന്നെ ഇതില്‍ ആര് പറയുന്ന സ്റ്റേറ്റ്മെന്റിനാണ് നമ്മള്‍ റസ്പോണ്ട് ചെയ്യേണ്ടത് എന്ന് അവരൊന്ന് വ്യക്തമാക്കിയാല്‍ വലിയ ഉപകാരമാണ്.”പാര്‍വതി പറഞ്ഞു.

എ.എം.എം.എ പ്രസിഡന്റ് മോഹന്‍ലാലിനെ അപമാനിച്ചു എന്ന ആരോപണത്തില്‍ നടിമാര്‍ക്കെതിരേ നടപടി എടുക്കുമെന്ന സിദ്ധിഖിന്റെ പ്രസ്താവനയോടും പാര്‍വതി പ്രതിരകരിച്ചു.

‘അമ്മ എന്ന സംഘടന എന്തെങ്കിലും രീതിയില്‍ എന്തിനെങ്കിലും എതിരെ ഒരു ഔദ്യോഗിക നടപടി എടുക്കുന്നത് കണ്ടു കഴിഞ്ഞാല്‍ അതില്‍ സന്തോഷമുണ്ട്. അതായത് ബാക്കി കാര്യങ്ങള്‍ എല്ലാം നല്ല രീതിയില്‍ ചെയ്യുന്നുണ്ട് എന്ന് പറഞ്ഞാലും ഔദ്യോഗിക മറുപടിയെ ചോദിച്ചിട്ടുള്ളു, ഏതൊരു ജനറല്‍ ബോഡി അംഗത്തിനും തോന്നാവുന്ന സംശയമേ ഞങ്ങള്‍ ചോദിച്ചിട്ടുള്ളൂ. അങ്ങനെ ഉള്ളതിന് ഉത്തരം കിട്ടാതെ വരികയാണ്. ഇതൊരു പൊതു പ്രശ്നമാണ്. രഹസ്യമായ സംഭവമല്ല. ഒരു ഉത്തരവാദിത്തം നമ്മുടെ സമൂഹത്തോട് നമുക്കുണ്ട്.

പക്ഷെ ഇതിന് ഒരു ഉത്തരവും നമുക്ക് കിട്ടിയിട്ടില്ല. പക്ഷെ ഇതിനെ ഗൂഢാലോചന ആണെന്നും അജണ്ടയാണെന്നും പറയുന്നത് വളരെ എളുപ്പമുള്ള പോംവഴിയാണ്, അതില്‍ വളരെ സങ്കടമുണ്ട്. നമുക്ക് നേടാനുള്ളതെന്താണ് എന്നതിന് ഒരു തെളിവുമില്ല. നമ്മള്‍ നീതിക്ക് വേണ്ടി സുരക്ഷിതമായ തൊഴിലിടത്തിന് വേണ്ടിയാണ് ഈ ചര്‍ച്ച തന്നെ തുടങ്ങിയത്. അതിനെ ഒരു അജണ്ട ആക്കി മാറ്റാനെങ്കില്‍ എനിക്കൊന്നും പറയാനില്ല’.

#justiceforasifa

A post shared by Parvathy (@par_vathy) on Apr 13, 2018 at 3:06am PDT

താന്‍ സജീവമായ ഇന്‍സ്റ്റഗ്രാമിന് പുറമെ ദേശീയ രാഷ്ട്രീയത്തില്‍ ചര്‍ച്ചകള്‍ക്ക് സാധ്യത കൂടിയ ട്വിറ്റര്‍ അക്കൗണ്ടിലും പാര്‍വതി പോസ്റ്റ് ഷെയര്‍ ചെയ്തിട്ടുണ്ട്.

I am Hindustan. I am Ashamed. #JusticeForOurChild #JusticeForAasifa
8 years old. Gangraped. Murdered.
In ‘Devi’-sthaan temple. #Kathua and lest we forget #unnao Shame on us! #BreakTheSilence #EndTheComplicity #ActNow pic.twitter.com/MoZXiubDXy

— Parvathy T K (@parvatweets) April 13, 2018

“ഞാന്‍ ഹിന്ദുസ്ഥാനിയാണ്ഞാ, ന്‍ നാണിക്കുന്നു” എന്ന കുറിപ്പോടെയാണ് ആസിഫക്ക് നീതി ലഭിക്കണം എന്ന ഹാഷ് ടാഗോടെയുള്ള പോസ്റ്റര്‍.
എട്ടു വയസുകാരി ഗ്യാങ്‌റാപ്പ് ചെയ്യപ്പെട്ടെന്നും. ക്ഷേത്രത്തില്‍ വെച്ചാണ് ക്രൂരത നടന്നതെന്നും പ്രതിഷേധ പോസ്റ്ററില്‍ നടി വ്യക്തമാക്കുന്നുണ്ട്.
“ഉന്നോവോ” നമ്മള്‍ വിട്ടു പോകരുത്. നമ്മള്‍ ലജ്ജിക്കുക.

നിശബ്ദത തകര്‍ക്കുക…സങ്കീര്‍ണ്ണത അവസാനിപ്പിക്കുക..പ്രവര്‍ത്തിച്ചു തുടങ്ങുക…
എന്നീ മുദ്രാവാക്യങ്ങളും പോസ്റ്ററിലുണ്ട്.

കത്തുവയിലെ രസന ഗ്രാമവാസിയായ പെണ്‍കുട്ടിയെ ജനുവരി 10നാണ് കാണാതായത്. വീടിന് പരിസരത്ത് നിന്ന് കാണാതായ ആസിഫയുടെ മൃതദേഹം ഏഴു ദിവസങ്ങള്‍ക്ക് ശേഷമാണ് പരിസരത്തെ വനപ്രദേശത്തുനിന്നും ലഭിച്ചത്. ആസിഫയെ തട്ടിക്കൊണ്ടുപോയ ശേഷം രണ്ട് പൊലീസുകാരടങ്ങുന്ന ആറുപേരുടെ സംഘം മൂന്ന് വട്ടം കൂട്ടബലാത്സംഗം ചെയുകയും കൊലപ്പെടുത്തുകയുമായിരുന്നു. ബലാത്സംഗത്തിന് മുമ്പ് മയക്കുമരുന്ന് നല്‍കി, ക്ഷേത്രത്തിലെ ‘ദേവസ്ഥാന’ത്ത് ഉറക്കി കിടത്തി മുഖ്യപ്രതി ചിലപൂജകള്‍ നടത്തി. പ്രതികളിലൊരാളെ ഉത്തര്‍പ്രദേശിലെ മീററ്റില്‍ നിന്ന് വിളിച്ചുവരുത്തിയതായിരുന്നു. കഴുത്തുഞെരിച്ച് കൊന്നശേഷം മൃതദേഹം വീടിനു പരിസരത്ത് ഉപക്ഷേിക്കുകയായിരുന്നു. തടവിലാക്കിയ പെണ്‍കുട്ടിയെ പ്രതികള്‍ അതിക്രൂരമായി ബലാത്സംഗം ചെയ്തിരുന്നുവെന്ന് വ്യക്തമായിട്ടുണ്ട്.

കൊച്ചി പഴയ കൊച്ചിയല്ലെന്ന് അറിയാം, പക്ഷേ ബിലാല്‍ പഴയ ബിലാല്‍ തന്നെയാണെന്നായിരുന്നു ചിത്രത്തിലെ മമ്മുട്ടിയുടെ ഡയലോഗ്. എന്നാല്‍ കൊച്ചി പഴയ കൊച്ചിതന്നെയാണെന്ന് കമല്‍ പറഞ്ഞു. ഗ്രാമഫോണ്‍ എന്ന ചിത്രം താന്‍ മട്ടാഞ്ചേരിയില്‍ ചിത്രീകരിച്ചപ്പോള്‍ പലരും നിരുല്‍സാഹപ്പെടുത്തി. പക്ഷേ മട്ടാഞ്ചേരിക്കാര്‍ തന്നോട് പൂര്‍ണമായി സഹകരിച്ചു. പിന്നീട് കണ്ടപ്പോള്‍ ചില സുഹൃത്തുക്കള്‍ ഗ്രാമഫോണിനെക്കുറിച്ച് പറഞ്ഞത് ഇങ്ങനെയായിരുന്നു. കസബയിലെ സ്ത്രീവിരുദ്ധ ഡയലോഗിനെ വിമര്‍ശിച്ചപ്പോള്‍ പാര്‍വ്വതിക്കുനേരെ മമ്മുട്ടി ആരാധകരുടെ സൈബര്‍ ആക്രമണം ഉണ്ടായിരുന്നു. പിന്നീട് ആരാധകരെ തള്ളി മമ്മുട്ടി തന്നെ രംഗത്തെത്തുകയായിരുന്നു.

ഫോര്‍ട്ടുകൊച്ചിയിലെ ഇസ്‌ലാമിക് ഹെറിട്ടേജ് സെന്റര്‍ ഉദ്ഘാടനച്ചടങ്ങില്‍ മുഖ്യാതിഥിയായിരുന്നു കമല്‍. കെ.വി.തോമസ് എം.പി, കൊച്ചി ബിനാലെ ഫൗണ്ടേഷന്‍ പ്രസിഡന്റ് ബോസ് കൃഷ്ണമാചാരി, സെക്രട്ടറി റിയാസ് കോമു തുടങ്ങിയവര്‍ സംബന്ധിച്ചു.

ഒടുവില്‍ താന്‍ തിരിച്ചു വരികയാണെന്ന് പാര്‍വ്വതി തന്നെ പറയുന്നു. വനിതക്കു നല്‍കിയ അഭിമുഖത്തിലാണ് പാര്‍വ്വതിയുടെ വെളിപ്പെടുത്തല്‍. തിരിച്ചു വരവിന് ജയറാമും മക്കളും എല്ലാ പിന്തുണയും തരുന്നുണ്ടെന്നും, എന്നാല്‍ നല്ലൊരു വേഷത്തിനായി കാത്തിരിക്കുകയാണ് താനെന്നും പാര്‍വ്വതി പറയുന്നു. തന്റെ ‘അമ്മ’ കഥാപാത്രമായി തിരിച്ചുവന്നുകൂടെ എന്നു കാളിദാസ് ചോദിച്ചിരുന്നുവെന്നും, എന്നാല്‍ അതിനേക്കാള്‍ താന്‍ പ്രാധാന്യം നല്‍കുന്നത് മികച്ച ഒരു കഥാപാത്രത്തിലൂടെ തിരിച്ചുവരാനാണെന്നും പാര്‍വ്വതി വെളിപ്പെടുത്തി. മകനെ ആശ്രയിച്ചു സ്വപ്‌നം കാണാന്‍ ആഗ്രഹമില്ലെന്നും അവര്‍ കൂട്ടിച്ചേര്‍ത്തു.

‘എന്നെക്കാള്‍ നന്നാവുന്നത് വേറൊരാള്‍ കണ്ണന്റെ അമ്മയായി അഭിനയിക്കുന്നതാകും. ജയറാമിന്റെ കാര്യത്തിലും അങ്ങനെ തന്നെ. എങ്കിലേ കാണാനൊരു വ്യത്യസ്തതയുണ്ടാകൂ. ഉറപ്പായും സിനിമയിലേക്ക് എത്തണമെന്നു തന്നെയാണ് ആഗ്രഹം. നല്ല കഥാപാത്രം കിട്ടിയാല്‍ ഒട്ടും വൈകില്ല. പിന്നെ, ഞാന്‍ വന്നാലും ഇവരുടെ കൂടെയൊന്നും അഭിനയിക്കില്ല. എന്റെ സ്വപ്‌നങ്ങള്‍ മറ്റു ചിലതാണ്,’ പാര്‍വ്വതി വ്യക്തമാക്കി.

ഇത്രയും നാള്‍ വിട്ടു നിന്നതുകൊണ്ട് തിരിച്ചു വരവ് അത്രയും നല്ലൊരു കഥാപാത്രത്തിലൂടെയാകട്ടെ എന്നാണ് ജയറാമിന്റെയും അഭിപ്രായം. ’25 വര്‍ഷത്തിനു ശേഷം അശ്വതി തിരിച്ചു വരുമ്പോള്‍ അങ്ങനെയൊരു സിനിമ വേണമെന്ന് വാശിയാണെനിക്ക്. അധികം വൈകില്ലായിരിക്കും,’ ജയറാം പറഞ്ഞു.