തേനീച്ചയെ തുരത്താനുള്ള നടപടികൾ ഉദ്യോഗസ്ഥർ തുടങ്ങിയിട്ടുണ്ടെന്നാണ് ലഭിക്കുന്ന വിവരം. ബോഡിംഗ് തുടങ്ങി 80 ശതമാനം പേരും അകത്ത് കയറിയപ്പോഴാണു പെട്ടെന്ന് തേനീച്ചകൾ കാർഗോ ഡോറിനടുത്ത് കൂട്ടമായെത്തിയത്.

ഉടന്‍ തന്നെ കാബിൻ ക്രൂ വിമാനത്തിന്‍റെ വാതിൽ അടച്ചതുകൊണ്ട് തേനീച്ച അകത്തു കയറിയില്ലെന്ന് വിമാനത്തിലെ ഒരു യാത്രക്കാരന്‍ പറഞ്ഞു. അഗ്നിശമന സേന ഉടന്‍ തന്നെ പൈപ്പിൽ ശക്തിയായി വെള്ളം ചീറ്റിച്ചു തേനീച്ചകളെ തുരത്തി. തുടർന്ന് മണിക്കൂറുകൾക്കു ശേഷം വിമാനം ടേക്ക് ഓഫ് ചെയ്തു.

സിദ്ദിഖ് മൊഴി മാറ്റിയത് മനസ്സിലാക്കാമെന്നും എന്നാല്‍ ഭാമയുടെ ഭാഗത്ത് നിന്ന് അത്തരത്തിലൊരു നീക്കം പ്രതീക്ഷിച്ചില്ലെന്നും രേവതി ഫെയ്‌സ്ബുക്കില്‍ കുറിച്ചു.

രേവതിയുടെ കുറിപ്പ് വായിക്കാം

സിനിമയിലെ സ്വന്തം സഹപ്രവര്‍ത്തകരെ വിശ്വസിക്കാന്‍ കഴിയില്ല എന്നതില്‍ വിഷമമുണ്ട്. ഒരുപാട് വര്‍ഷങ്ങളില്‍ നിരവധി പ്രോജക്ടുകള്‍ ചെയ്തു. എന്നാല്‍ ഒരു സ്ത്രീക്ക് ഒരു പ്രശ്‌നം വരുമ്പോള്‍ എല്ലാവരും പിറകോട്ടു പോകും. സൗഹൃദത്തിന്റെയും ഒപ്പം ജോലി ചെയ്തതിന്റെയും ഓര്‍മകളില്ല. 2017ലെ നടി ആക്രമിക്കപ്പെട്ട കേസ്. ഇടവേള ബാബു, ബിന്ദു പണിക്കര്‍ എന്നിവര്‍ സ്വന്തം മൊഴികള്‍ കോടതിയില്‍ പിന്‍വലിച്ചു. അവരില്‍ നിന്ന് കൂടുതല്‍ പ്രതീക്ഷിക്കാനാകില്ല. ഇപ്പോള്‍ സിദ്ധിഖും ഭാമയും. സിദ്ധിഖ് എന്തുകൊണ്ടാണ് ഇങ്ങനെ ചെയ്യുന്നത് എന്ന് മനസിലാക്കാം. പക്ഷേ ഭാമ??? സുഹൃത്തും വിശ്വസ്തയുമായിരുന്ന അവര്‍ സംഭവം നടന്നയുടനെ പൊലീസിനോട് പറഞ്ഞ കാര്യങ്ങള്‍ പിന്‍വലിക്കുന്നു. ആക്രമണത്തെ അതിജീവിച്ചയാള്‍ ഒരു സ്ത്രീക്ക് ലഭിക്കേണ്ട നീതിക്കായി ദുഷ്‌കരമായ സമയങ്ങളിലൂടെ കടന്നുപോകുന്നു. എന്തുകൊണ്ടാണ് ആക്രമണത്തെ അതിജീവിച്ചവരുടെ ജീവിതത്തെ കുറിച്ചും അവരുടെ കുടുംബത്തെ കുറിച്ചും ആരും ചിന്തിക്കാത്തത്. അവളോടൊപ്പം ഇപ്പോഴും കൂടെയുള്ള ആള്‍ക്കാരെ ഓര്‍മിപ്പിക്കാന്‍.

അമ്മക്കെതിരെ നല്‍കിയ ഹര്‍ജിക്കൊപ്പം പുതിയ ഹര്‍ജിയും പിന്നീട് പരിഗണിക്കുമെന്ന് കോടതി അറിയിച്ചു. സിനിമാരംഗത്തെ ലൈംഗിക ചൂഷണം അവസാനിപ്പിക്കണമെന്നും മലയാള സിനിമാ ലൊക്കേഷനുകളില്‍ ആഭ്യന്തര പരാതി സെല്‍ രൂപീകരിക്കണമെന്ന് ആവശ്യപ്പെട്ട് റിമ കല്ലിങ്കലും പത്മപ്രിയയും ഹര്‍ജി സമര്‍പ്പിച്ചിരുന്നു. സംസ്ഥാന സര്‍ക്കാരിനെയും അമ്മയെയും എതിര്‍കക്ഷിയാക്കിയാണ് ഈ ഹര്‍ജികള്‍.

ഒരു സ്ത്രീയെന്ന നിലയില്‍ കെ.പി.എ.സി ലളിത സ്വീകരിച്ച നിലപാട് തീര്‍ത്തും സ്ത്രീവിരുദ്ധമാണ്. എല്ലാം സഹിച്ചാല്‍ മാത്രമെ ‘അമ്മ’ക്കുള്ളില്‍ നിലനില്‍ക്കാന്‍ സാധിക്കൂ എന്നാണ് അവര്‍ പറയുന്നത്. ആ വാക്കുകളോട് തനിക്ക് മറുപടിയില്ല. പക്ഷേ ഞങ്ങള്‍ക്കതിന് സാധിക്കില്ല. ഞങ്ങള്‍ പുറത്തുവന്നു കഴിഞ്ഞു. എല്ലാം സഹിച്ച് നില്‍ക്കുന്നവരുടെ യുക്തി എന്താണെന്ന് അറിയില്ല. കെ.പി.എ.സി ലളിതയുടെ വാര്‍ത്താ സമ്മേളനത്തിലെ സാന്നിധ്യം ഏറെ സങ്കടപ്പെടുത്തുന്നുവെന്നും രമ്യാ നമ്പീശന്‍ കൂട്ടിച്ചേര്‍ത്തു.

അതിനിടെ, കെ.പി.എ.സി ലളിതക്കെതിരെ വിമര്‍ശനവുമായി ജോയ് മാത്യുവും രംഗത്തെത്തി. സിനിമയിലെ വനിതാ കൂട്ടായ്മയായ ഡബ്ല്യൂ.സി.സിയെ കേള്‍ക്കാതിരിക്കുന്നത് ജനാധിപത്യ വിരുദ്ധമാണെന്ന് ജോയ് മാത്യു പറഞ്ഞു. കെ.പി.എ.സി ലളിതയുടെ പരാമര്‍ശം സ്ത്രീ വിരുദ്ധമാണെന്നും അദ്ദേഹം കൂട്ടിച്ചേര്‍ത്തു. അമ്മയുടെ പ്രസിഡന്റായ മോഹന്‍ലാലിനും മറ്റ് അംഗങ്ങള്‍ക്കുമെതിരെ ആരോപണങ്ങള്‍ ഉന്നയിച്ചതിന് ഡബ്ല്യു.സി.സി അംഗങ്ങള്‍ മാപ്പ് പറയണമെന്ന് കെ.പി.എ.സി.ലളിത പറഞ്ഞിരുന്നു. ഇത് ചൂണ്ടിക്കാട്ടിയാണ് ജോയ് മാത്യവിന്റെ പ്രതികരണം.

‘അതീവ രഹസ്യമായാണ് ദിലീപിനെ സംഘടനയിലേക്ക് തിരിച്ചെടുത്തത്. തീരുമാനങ്ങള്‍ എക്‌സിക്യൂട്ടീവ് അംഗങ്ങളെ അറിയിക്കേണ്ടതാണ്. നേരത്തേ എടുത്ത തീരുമാനമാണെങ്കില്‍ എന്തുകൊണ്ട് അറിയിച്ചില്ല?’ ദിലീപിനെ തിരിച്ചെടുക്കാനുള്ള തീരുമാനം ചിലരുടേത് മാത്രമാണെന്നും സംഘടനയില്‍ ചിലര്‍ മാത്രം തീരുമാനം എടുക്കുകയായിരുന്നു” രമ്യ നമ്പീശന്‍ പറഞ്ഞു.

അമ്മയില്‍ മുമ്പും രാജിവെച്ച നടിമാര്‍ പ്രശ്‌നങ്ങള്‍ ഉണ്ടാക്കിയിട്ടുണ്ട്. അതുകൊണ്ട് രാജിയുടെ കാര്യത്തില്‍ അമ്മയിലെ അംഗങ്ങളാരും പ്രതികരിക്കേണ്ടെന്നും ഗണേഷ്‌കുമാര്‍ ജനറല്‍സെക്രട്ടറി ഇടവേള ബാബുവിനോട് പറഞ്ഞിരുന്നു. ഈ ശബ്ദസന്ദേശത്തിനോടാണ് രമ്യയുടെ പ്രതികരണം. വാര്‍ത്തകളും ഫേസ്ബുക്ക് പോസ്റ്റുകളും കണ്ട് ഭയപ്പെടരുതെന്നും രാജിവെച്ചവര്‍ അമ്മയോട് ശത്രുത പുലര്‍ത്തുന്നവരുമാണെന്നും ഗണേഷ്‌കുമാര്‍ പറഞ്ഞിരുന്നു.

സ്ത്രീകളുമായി ബന്ധപ്പെട്ട കേസില്‍ പെട്ടാലും സ്ത്രീകളെ ശത്രുവാക്കിയാലും പ്രത്യാഘാതം ഭയങ്കരമായിരിക്കും. എന്തൊക്കെയോ ദുരൂഹതകള്‍ നടി ആക്രമിക്കപ്പെട്ട കേസിന് പിന്നിലുണ്ടെന്നാണ് തോന്നുന്നത്. ചെറിയ റോളുകളില്‍ തുടങ്ങി ജനപ്രിയ നായകനായി മാറിയ ആളാണ് ദിലീപ്. അതുകൊണ്ട് പലര്‍ക്കും അസൂയ ഉണ്ടാകുമെന്നും പ്രതാപ് പോത്തന്‍ പറഞ്ഞു.

85 ദിവസത്തെ ജയില്‍വാസത്തിന് ശേഷമാണ് ദിലീപിന് ഹൈക്കോടതി ജാമ്യം അനുവദിക്കുന്നത്. കര്‍ശന ഉപാധികളോടെയായിരുന്നു ജാമ്യം അനുവദിച്ചത്. അതേസമയം, കേസിലെ കുറ്റപത്രം സമര്‍പ്പിക്കുന്നത് നീളുകയാണ്.

ഫേസ്ബുക്ക് പോസ്റ്റില്‍ താന്‍ പറഞ്ഞകാര്യങ്ങളാണ് ഇപ്പോഴും പറയുന്നത്. സിനിമയൊരു കൂട്ടായ്മയാണ്. നല്ല സിനിമകള്‍ വിജയിക്കുക എന്നത് മലയാള സിനിമയുടെ ആവശ്യമാണെന്നും നടി പറഞ്ഞു. എല്ലാ സിനിമകളും ഒരു കൂട്ടായ്മയാണ്. ഉദാഹരണം സുജാതയും ഒരു കൂട്ടായ വര്‍ക്കാണ്. എല്ലാ സിനിമകള്‍ക്കും അത് അര്‍ഹിക്കുന്ന അംഗീകാരം കിട്ടണമെന്നാണ് ആഗ്രഹം. സിനിമയില്‍ പ്രവര്‍ത്തിക്കുന്ന ഒരാളെന്ന നിലയില്‍ രാമലീലക്ക് പിന്തുണ നല്‍കിയതും നല്ല ഉദ്ദേശത്തോടുകൂടിയാണെന്നും മഞ്ജുവാര്യര്‍ പറഞ്ഞു.

സിനിമ റിലീസ് ചെയ്ത വേളയില്‍ സിനിമയിലെ വനിതാ കൂട്ടായ്മയായ വുമണ്‍ ഇന്‍ കളക്ടീവും രാമലീലക്കെതിരെ പ്രതിഷേധവുമായി രംഗത്തെത്തിയിരുന്നു. രാമലീലക്കുള്ള പിന്തുണ മഞ്ജുവിന്റെ പിന്തുണ വ്യക്തിപരമാണെന്നായിരുന്നു നടി രമ്യാനമ്പീശന്റെ പ്രതികരണം.

‘അമ്മ’യില്‍ സ്ത്രീകള്‍ക്ക് 50 ശതമാനം സംവരണം വേണമെന്ന് ആവശ്യപ്പെട്ട് കത്ത് നല്‍കിയെന്ന വാര്‍ത്ത തെറ്റാണെന്നും രമ്യ പ്രതികരിച്ചു. ‘വാക്കാല്‍ അങ്ങനെയൊരു അഭിപ്രായം മുന്നോട്ടുവച്ചിട്ടുണ്ട്. അമ്മയില്‍ സ്ത്രീ പങ്കാളിത്തം നല്ല രീതിയില്‍ വരണമെന്നാണ് ഇതിന്റെ ലക്ഷ്യം. വിഷയം ചര്‍ച്ച ചെയ്യുമെന്ന് അവര്‍ എന്നെ അറിയിച്ചിട്ടുണ്ട്’, സിനിമയിലെ വനിതാസംഘടന വിമന്‍ ഇന്‍ സിനിമ കളക്ടീവിന്റെ സജീവ പ്രവര്‍ത്തക കൂടിയായ രമ്യ നമ്പീശന്‍ കൂട്ടിച്ചേര്‍ത്തു.

ഡബ്യൂസിസി പുരുഷ വിദ്വേഷം വച്ചുപുലര്‍ത്തുന്ന സംഘടനയല്ലെന്നും സിനിമാ സെറ്റുകളില്‍ സ്ത്രീകള്‍ക്ക് കുറച്ചുകൂടി ആരോഗ്യകരമായ അന്തരീക്ഷമുണ്ടാക്കുകയാണ് സംഘടനയുടെ ലക്ഷ്യമെന്നും രമ്യ വ്യക്തമാക്കി. നടി ആക്രമിക്കപ്പെട്ട കേസില്‍ ശക്തമായ നിലപാടുകള്‍ സ്വീകരിച്ചവരില്‍ ഒരാളായിരുന്നു രമ്യ നമ്പീശന്‍.

പുരുഷവിരോധമുള്ള സംഘടനയല്ല വിമന്‍ ഇന്‍ കളക്ടീവ്. സിനിമാമേഖലയില്‍ സ്ത്രീകള്‍ക്ക് പേടികൂടാതെ ജോലി ചെയ്യാനുള്ള അവസരം ഉണ്ടാക്കുക എന്നത് മാത്രമാണ് ലക്ഷ്യം. ക്രൂരമായാണ് നടി ആക്രമിക്കപ്പെട്ടത്. ഇനിയാരും ഇത്തരത്തില്‍ ചിന്തിക്കാത്ത തരത്തിലുള്ള ശിക്ഷ നല്‍കണമെന്നാണ് തന്റെ അഭിപ്രായമെന്നും രമ്യ പറഞ്ഞു. വിമന്‍ ഇന്‍ കള്ക്ടീവിന്റെ രജിസ്‌ട്രേഷന്‍ നടപടികള്‍ ഒരു മാസത്തിനകം പൂര്‍ത്തിയാകും. പിന്നാലെ അംഗത്വ വിതരണം നല്‍കും. ക്യാമ്പെയ്‌ന് ശേഷം വിപുലമായ പദ്ധതികളാണ് സംഘടന ആലോചിക്കുന്നതെന്നും രമ്യ കൂട്ടിച്ചേര്‍ത്തു.

നേരത്തേയും നിരവധി സിനിമകളില്‍ രമ്യ പാടിയിരുന്നു. രമ്യ അഭിനയിച്ച സത്യയിലെ യവ്വനാ എന്ന ഗാനത്തിനാണ് രമ്യയും സംഘവും കവര്‍പതിപ്പൊരുക്കിയിരിക്കുന്നത്. യാസിര്‍ നിസാറും താരത്തിനൊപ്പം പാടിയിട്ടുണ്ട്.

watch song

ടി.പി വധക്കേസില്‍ പ്രതികള്‍ക്കുവേണ്ടി ഹാജരായ അഭിഭാഷകനാണ് ബി.രാമന്‍പിള്ള. സി.പി.എം നേതാക്കളായ പി.മോഹനന്‍ ഉള്‍പ്പെടെ ടി.പിയെ വധിക്കാന്‍ ഗൂഢാലോചന നടത്തിയെന്നതായിരുന്നു കേസ്. ഇതിന്റെ വിചാരണക്കിടയില്‍ പ്രോസിക്യൂഷന്‍ വാദിച്ചത് പ്രതികള്‍ എല്ലാവരും ഗൂഢാലോചനാ സമയത്ത് ഒരേ ടവര്‍ ലൊക്കേഷനില്‍ ഉണ്ടായിരുന്നുവെന്നാണ്. എന്നാല്‍ ഈ വാദം പൊളിച്ചടുക്കുകയായിരുന്നു രാമന്‍പിള്ള. ഒരേ ടവര്‍ ലൊക്കേഷനില്‍ ഉണ്ടെന്ന് കരുതി എന്താണ്? അന്ന് നേതാക്കള്‍ അതേസമയം പങ്കെടുത്ത പരിപാടിയുടെ ചിത്രങ്ങള്‍ കാട്ടിയായിരുന്നു രാമന്‍പിള്ളയുടെ വാദം. ഇങ്ങനെ പോലീസ് കണക്കാക്കുന്ന ഈ സമയത്ത് പ്രതി മറ്റൊരു സ്ഥലത്തായിരുന്നുവെന്ന് കാണിക്കാന്‍ കഴിഞ്ഞാല്‍ കേസില്‍ വിജയിക്കാനാകും. ഈ വാദമാണ് ടി.പി കേസില്‍ പി.മോഹനന്‍ മാസ്റ്ററുള്‍പ്പെടെയുള്ളവരെ വെറുതെ വിട്ടതിനു പിന്നില്‍. ഇതു തന്നെയായിരിക്കും ദിലീപിന്റെ കേസിലും പരീക്ഷിക്കുക എന്നാണ് നിയമവിദഗ്ധരുടെ അഭിപ്രായം. ഗൂഢാലോചന നടന്നുവെന്ന് പറയുന്ന സമയത്ത് ദിലീപ് മറ്റൊരിടത്തായിരുന്നുവെന്ന് തെളിയിക്കാനുള്ള ശ്രമം. നിയമരംഗത്ത് ‘അലിബി’ എന്നാണ് ഈ രക്ഷാമാര്‍ഗ്ഗം അറിയപ്പെടുന്നത്. കേസിലെ മുഖ്യപ്രതിയായ പള്‍സര്‍ സുനി ദിലീപിനെ നേരില്‍ കാണുകയോ ഫോണില്‍ സംസാരിക്കുകയോ ചെയ്തിട്ടില്ല, തിരിച്ചും വിളിച്ചിട്ടില്ല, ദിലീപിന്റെ ഫോണ്‍ നമ്പറിനു വേണ്ടിയാണ് വിഷ്ണുവിനെ സുനി നാദിര്‍ഷയുടേയും അപ്പുണ്ണിയുടേയും അടുത്തേക്ക് അയക്കുന്നതെന്നും ജാമ്യാപേക്ഷയില്‍ പറയുന്നുണ്ട്. ഫോണ്‍ നമ്പര്‍പോലും അറിയാതെയാണോ ക്വട്ടേഷന്‍ ഏറ്റെടുക്കുന്നത് എന്ന ചോദ്യമാവും പ്രതിഭാഗം ഉന്നയിക്കുക. കൂടാതെ സാക്ഷികള്‍ കൂറുമാറാനുള്ള സാധ്യതയും കേസില്‍ തള്ളിക്കളയാനാവില്ല. അങ്ങനെയെങ്കില്‍ അലിബി പരീക്ഷണം വിജയം കാണാനാകുമെന്നതും വസ്തുതയാണ്.

ഇന്ന് പരിഗണിക്കാനിരുന്ന ദിലീപിന്റെ ജാമ്യാപേക്ഷ ഹൈക്കോടതി ചൊവ്വാഴ്ച്ചത്തേക്ക് മാറ്റി. പ്രോസിക്യൂഷന്‍ കൂടുതല്‍ സമയം ചോദിച്ചതുകൊണ്ടാണിത്. നേരത്തെ ഹൈക്കോടതി ദിലീപിന്റെ ജാമ്യാപേക്ഷ തള്ളിയിരുന്നു. തുടര്‍ന്ന് സുപ്രീംകോടതിയെ സമീപിക്കാതെ ദിലീപ് ഹൈക്കോടതിയെ തന്നെ സമീപിക്കുകയാണുണ്ടായത്.