രണ്ടുകോടി രൂപ കിട്ടിയിട്ട് എന്തു കിട്ടാനാണ്. താന്‍വീട്ടില്‍ പോയി ചോറോ ചപ്പാത്തിയോ കഴിക്കും. തനിക്കതിലും വലിയ ആവശ്യങ്ങളൊന്നുമില്ലെന്ന് സായ്പല്ലവി പറഞ്ഞു. നിറത്തെക്കുറിച്ചുള്ള നമ്മുടെ സ്റ്റാന്റേര്‍ഡ് തെറ്റാണെന്നാണ് അഭിപ്രായം. ഇത് ഇന്ത്യന്‍ നിറമാണ്. വിദേശികളുടെ അടുത്തുപോയി അവരെന്തുകൊണ്ടാണ് വെളുത്തിരിക്കുന്നതെന്ന് ചോദിക്കാന്‍ സാധിക്കില്ല. അതവരുടെ നിറമാണ്. ഇത് നമ്മുടേതുമെന്നും സായ് പല്ലവി പറഞ്ഞു.

ചെറുപ്പത്തില്‍ അനിയത്തിയുമായുണ്ടായ ചില കാര്യങ്ങളും പങ്കുവെച്ചായിരുന്നു സായിയുടെ പ്രതികരണം. നിറം കുറവുള്ള അനിയത്തി നിറം കൂടാന്‍ പച്ചക്കറി തിന്നാന്‍ പറഞ്ഞതും പിന്നീട് അതില്‍ കുറ്റബോധം തോന്നിയെന്നും സായ്പല്ലവി പറഞ്ഞു. ഇത്തരം പരസ്യങ്ങള്‍ ചെറുപ്പക്കാരെ സ്വാധീനിക്കുമെന്ന കാര്യം വളരെ ചെറുപ്പത്തിലേ തനിക്ക് ബോധ്യപ്പെട്ടിട്ടുണ്ടെന്നും താരം വ്യക്തമാക്കി.

സിനിമയില്‍ വരുമ്പോള്‍ തനിക്ക് അരക്ഷിതബോധം ഉണ്ടായിരുന്നു. മുഖക്കുരുവും ആണുങ്ങളെപ്പോലിരിക്കുന്ന ശബ്ദവും ഏറെ വേദനിപ്പിച്ചിട്ടുണ്ട്. എന്നാല്‍ പ്രേമം സിനിമ സ്വീകരിക്കപ്പെട്ടതോടെ അരക്ഷിതാവസ്ഥ തന്നില്‍ നിന്നും മാറിയെന്നും സമൂഹത്തെ സ്വാധീനിക്കാനുള്ള ശക്തി ഇപ്പോഴുണ്ടെങ്കില്‍ അത് നല്ല രീതിയില്‍ ഉപയോഗപ്പെടുത്താനാണ് താന്‍ ആഗ്രഹിക്കുന്നതെന്നും സായ് പല്ലവി പറഞ്ഞു.

ഒരു അഭിമുഖത്തിലായിരുന്നു നടന്‍ നാഗ ശൗര്യ സായ്പല്ലവിയെ വിമര്‍ശിച്ചത്. എന്നാല്‍ ഇതുവരേയും ആരോപണങ്ങളില്‍ സായ് പല്ലവി മറുപടി പറഞ്ഞിരുന്നില്ല. ഇപ്പോഴിതാ താരം ആരോപണങ്ങള്‍ക്ക് മറുപടി പറഞ്ഞിരിക്കുന്നു. ഒരു അഭിമുഖത്തിലാണ് സായ് പല്ലവിയുടെ പ്രതികരണം.

‘നാഗ ശൗര്യയുടെ അഭിമുഖം കണ്ടപ്പോള്‍ ഞാന്‍ ഞെട്ടിപ്പോയി. ഉടന്‍ തന്നെ സംവിധായകന്‍ എ.എല്‍.വിജയ്‌യെയും സിനിമാറ്റോഗ്രാഫര്‍ നീരവ് ഷായെയും വിളിച്ചു. ഞാന്‍ കാരണം എന്തെങ്കിലും പ്രശ്‌നങ്ങള്‍ ഉണ്ടായോയെന്നും സെറ്റില്‍ ഞാന്‍ മോശമായി പെരുമാറിയോ എന്നും ചോദിച്ചു. അവര്‍ പറഞ്ഞു എന്റെ ഭാഗത്തുനിന്നും മോശമായ ഒന്നും ഉണ്ടായിട്ടില്ലെന്ന്. ശൗര്യ അങ്ങനെ പറഞ്ഞത് എന്താണെന്ന് അവര്‍ക്കും അറിയില്ലെന്നു പറഞ്ഞു. സംവിധായകനും നിര്‍മ്മാതാവിനും വേണ്ടിയാണ് ഞങ്ങളെല്ലാം ജോലി ചെയ്യുന്നത്. ആര്‍ക്കെങ്കിലും എന്തെങ്കിലും പ്രശ്‌നങ്ങളുണ്ടെങ്കില്‍ അവരോടാാണ് പറയേണ്ടത്. എങ്കില്‍ മാത്രമേ ഷൂട്ടിങ് സെറ്റില്‍ നല്ല അന്തരീക്ഷത്തില്‍ ജോലി ചെയ്യാനാകൂ. നാഗ ശൗര്യ നല്ലൊരു നടനാണ്. പക്ഷേ എന്നെക്കുറിച്ച് എന്തിനാണ് അങ്ങനെ പറഞ്ഞതെന്ന് അറിയില്ല. ഞാനാരെയും വേദനിപ്പിക്കാറില്ല, അങ്ങനെ ചെയ്താല്‍ ഞാന്‍ ആയിരിക്കും കൂടുതല്‍ വേദനിക്കുക’ സായ് പല്ലവി പറഞ്ഞു.

സിനിമയിലെ മുതിര്‍ന്ന നടന്‍മാരോടുപോലും സായ് പല്ലവിക്ക് ബഹുമാനമില്ല. എല്ലാവരേക്കാളും മുകളിലാണ് താനെന്ന ഭാവമാണ് നടിക്കുള്ളത്. സെറ്റിലുള്ളപ്പോള്‍ അനാവശ്യമായി ബഹളം വെക്കും. ഇത് മറ്റുള്ളവരുടെ ആത്മവിശ്വാസം കെടുത്തുമെന്നും നാഗശൗര്യ പറഞ്ഞു. സായ്പല്ലവിയുടെ ഫിദ മികച്ച വിജയമായിരുന്നു. എന്നാല്‍ അത് അവരുടെ മാത്രം കഴിവുകൊണ്ടല്ലെന്നും സായ്പല്ലവിയുടെ പെരുമാറ്റം തന്നെ വേദനിപ്പിച്ചെന്നും താരം കൂട്ടിച്ചേര്‍ത്തു.

നേരത്തേയും സായ്പല്ലവിക്കുനേരെ ഇത്തരത്തിലുള്ള വിമര്‍ശനങ്ങള്‍ ഉയര്‍ന്നുവന്നിട്ടുണ്ട്. സെറ്റില്‍ അനാവശ്യമായി സായ് പല്ലവി ബഹളം വെച്ചുവെന്നും തെന്നിന്ത്യന്‍ നായകന്‍ നാനിയോട് ദേഷ്യപ്പെട്ട് ഇറങ്ങിപ്പോയെന്നും വാര്‍ത്തകളുണ്ടായിരുന്നു. അല്‍ഫോന്‍സ് പുത്രന്റെ പ്രേമത്തിലൂടെ വെള്ളിത്തിരയിലേക്ക് വന്ന സായ് പല്ലവി മലയാളികള്‍ക്ക് ഏറെ സ്വീകാര്യയായിരുന്നു. പിന്നീട് ദുല്‍ഖറിന്റെ കലിയിലും സായ് വേഷമിട്ടിരുന്നു. തമിഴ്‌നാട് സ്വദേശിനിയായ താരം ഡോക്ടര്‍ കൂടിയാണ്.

പുതിയ സിനിമയുടെ പ്രചാരണത്തിന്റെ ഭാഗമായി നടന്ന പരിപാടിക്കിടെയാണ് സായ് പല്ലവിയെ ഒരാള്‍ മലയാളിയെന്ന് വിശേഷിപ്പിച്ചത്. എന്നാല്‍ താന്‍ മലയാളിയല്ലെന്ന് താരം തിരിച്ചടിക്കുകയായിരുന്നു. താന്‍ മലയാളിയല്ല. തമിഴ്‌നാട്ടുകാരിയാണെന്ന് അനിഷ്ടത്തോടെ സായ് പറഞ്ഞതായി തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നു. കോയമ്പത്തൂര്‍ കോട്ടഗിരി സ്വദേശിനിയായ സായ് പല്ലവി മലയാളത്തില്‍ കലി എന്ന സിനിമയിലും അഭിനയിച്ചിട്ടുണ്ട്. ദുല്‍ഖറിന്റെ നായികയായി കലിയിലും എത്തിയ സായിയുടെ ശ്രദ്ധിക്കപ്പെട്ട വേഷം പ്രേമത്തിലെ മലര്‍ മിസ്സിന്റേതായിരുന്നു.

വേണു ശ്രീരാമന്റെ മിഡില്‍ക്ലാസ് അബ്ബായി എന്ന ചിത്രത്തിലാണ് സായിയിപ്പോള്‍ അഭിനയിക്കുന്നത്. തെലുങ്കിലും തമിഴിലുമായി ഏറെ തിരക്കുള്ള നായികയായി മാറിയ സായ് പല്ലവി വേഷങ്ങള്‍ തിരഞ്ഞെടുക്കുന്നത് അതീവ ശ്രദ്ധയോടെയാണ്.

ഇരുവരും ചേര്‍ന്നുള്ള രംഗങ്ങള്‍ ചിത്രീകരിക്കുന്നതിനിടയിലാണ് സംഭവം. സായ് പല്ലവി ചിത്രത്തിലെ നായകനായ നാനിയോട് ദേഷ്യപ്പെടുകയായിരുന്നു. താരങ്ങള്‍ വഴക്ക് തുടരുകയും സായി ദേഷ്യപ്പെടുകയും ചെയ്തു. പിന്നീട് ഷൂട്ടിങ് നിര്‍ത്തിവെച്ച് നാനി സെറ്റില്‍ നിന്നിറങ്ങിപ്പോവുകയായിരുന്നു. നിര്‍മ്മാതാവും സംവിധായകനും ഇടപെട്ട് പിന്നീട് തര്‍ക്കം പരിഹരിക്കാനുള്ള ശ്രമങ്ങള്‍ ആരംഭിച്ചു. ഒടുവില്‍ സായ് നാനിയോട് ക്ഷമപറയുകയായിരുന്നു. നാനി തിരിച്ചെത്തിയതോടെയാണ് ചിത്രീകരണം വീണ്ടും തുടങ്ങിയത്.
എന്നാല്‍ ഇരുവരും തമ്മിലുള്ള തര്‍ക്കത്തിന് കാരണമെന്തെന്ന് വ്യക്തമല്ല.

അല്‍ഫോന്‍സ് പുത്രന്റെ പ്രേമത്തിലൂടെയാണ് സായ് പല്ലവി സിനിമയില്‍ അരങ്ങേറ്റം കുറിക്കുന്നത്. ചിത്രത്തോടൊപ്പം സായ് പല്ലവിയും ശ്രദ്ധിക്കപ്പെട്ടിരുന്നു. പ്രേമത്തിന് ശേഷം കലിയില്‍ ദുല്‍ഖറിന്റെ നായികയായും സായ് അഭിനയിച്ചിരുന്നു.

കോടികള്‍ വാങ്ങി മാള്‍ ഉദ്ഘാടനം ചെയ്യാന്‍ താന്‍ തയ്യാറല്ലെന്ന് സായ് പല്ലവി പറഞ്ഞതായി തെന്നിന്ത്യന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു. ഒരു ഡോക്ടറാകാനായിരുന്നു ആഗ്രഹം. ഡോക്ടര്‍ സ്വപ്‌നങ്ങള്‍ക്കിടയിലെ ചെറിയൊരു ഭാഗം മാത്രമായിരുന്നു തനിക്ക് സിനിമയെന്ന് നടി പറഞ്ഞു. സമൂഹത്തോട് ഏറെ പ്രതിബദ്ധതയുള്ള ജോലിയാണ് ഡോക്ടര്‍. ഏതെങ്കിലും സ്‌കൂളോ, ആശുപത്രികളോ തുടങ്ങി എല്ലാ ജനങ്ങള്‍ക്കും വേണ്ടി പ്രവര്‍ത്തിക്കുന്ന സ്ഥാപനങ്ങള്‍ക്ക് വേണ്ടി ഒരു രൂപ പോലും പ്രതിഫലം വാങ്ങാതെ ഉദ്ഘാടനം ചെയ്യാന്‍ താന്‍ തയ്യാറാണെന്ന് സായ് പല്ലവി പറഞ്ഞതായാണ് റിപ്പോര്‍ട്ടുകള്‍.

നേരത്തെ സായ്പല്ലവിയുടെ പ്രതിഫലം 50ലക്ഷമാണെന്ന രീതിയില്‍ വാര്‍ത്തകള്‍ പുറത്തുവന്നിരുന്നു. മലയാളത്തിലെ ഒട്ടുമിക്ക നടിമാര്‍ക്കും വളരെ ചെറിയ രീതിയിലാണ് പ്രതിഫലം ലഭിക്കുന്നത്. കലി, പ്രേമം തുടങ്ങി രണ്ടു മലയാളസിനിമയില്‍ നായികയായ സായ്പല്ലവി പിന്നീട് തെലുങ്കിലാണ് വേഷമിട്ടത്. പ്രേമത്തിലെ മലര്‍ എന്ന കഥാപാത്രമാണ് സായ്പല്ലവിയുടെ അഭിനയജീവിതത്തില്‍ വഴിത്തിരിവായത്.

ഡോക്ടറായ താരം ജോലിക്കൊപ്പംതന്നെ സിനിമാജീവിതവും കൊണ്ടുപോകുന്നതിനാണ് തീരുമാനിച്ചിരിക്കുന്നത്. ഇപ്പോള്‍ വിക്രത്തെ നായകനാക്കി വിജയ് ചന്ദര്‍ സംവിധാനം ചെയ്യുന്ന തമിഴ് ചിത്രത്തിലും നടി കരാര്‍ ഒപ്പിട്ടതായി വാര്‍ത്ത വന്നിട്ടുണ്ട്. 50ലക്ഷം രൂപയാണ് താരം പ്രതിഫലമായി വാങ്ങുന്നതെന്നാണ് വിവരം. താരത്തിന്റെ പ്രതിഫലം കേട്ട് മറ്റു നടിമാര്‍ ഞെട്ടിയിരിക്കുകയാണത്രേ.

അല്‍ഫോന്‍സ് പുത്രന്റെ പ്രേമത്തില്‍ മൂന്നുനടിമാര്‍ക്കൊപ്പമാണ് സായ് എത്തുന്നത്. ചിത്രത്തിലെ നായികാവേഷം ഏറെ ശ്രദ്ധിക്കപ്പെട്ടിരുന്നു. തുടര്‍ന്നാണ് കലിയില്‍ അഭിനയിക്കുന്നത്. ഒട്ടേറെ അവസരങ്ങള്‍ തേടിയെത്തുന്നുണ്ടെങ്കിലും വാരിവലിച്ച് സിനിമകള്‍ ചെയ്യേണ്ടെന്നാണ് താരത്തിന്റെ തീരുമാനം.