ശ്രീദേവിയെ ആസൂത്രിതമായി കൊലപ്പെടുത്തിയതാണ്. താരത്തിന്റേത് അപകടമരണമല്ലെന്നും ആസൂത്രിതമായ കൊലപാതകമാണെന്നുമുള്ള സംശയം ഉയരാന്‍ കൃത്യമായ കാരണങ്ങള്‍ ഉണ്ടെന്നും വേദ് ഭൂഷണ്‍ മാധ്യമങ്ങളോട് വിശദീകരിച്ചു. ‘ഒരാളെ ബാത്ത് ടബില്‍ തള്ളിയിട്ട് ശ്വാസം മുട്ടിച്ചു കൊല്ലാനും കുറ്റകൃത്യമാണെന്നതിന് തെളിവ് അവശേഷിപ്പിക്കാതെയിരിക്കാനും അപകടമരണമാണെന്ന് ചിത്രീകരിക്കാനും എളുപ്പമാണ്. ഇത് ഒരു ആസൂത്രിത കൊലപാതകമായിട്ടാണ് എനിക്ക് തോന്നുന്നത്’ വേദ് ഭൂഷണ്‍ പറഞ്ഞു. കേസില്‍ കൂടുതല്‍ അന്വേഷണം നടത്തുമെന്നും സത്യം പുറത്തുകൊണ്ടുവരുമെന്നും അദ്ദേഹം വ്യക്തമാക്കി.

ശ്രീദേവിയുടേത് അപകടമരണം ആണെന്നാണ് ഫെബ്രുവരി 26ന് ദുബായ് പൊലീസ് പുറത്തുവിട്ട ഫോറന്‍സിക് റിപ്പോര്‍ട്ട് പറയുന്നത്. ബാത്ത്ടബില്‍ ബോധരഹിതയായി കിടക്കുകയായിരുന്ന ശ്രീദേവിയുടെ ഉള്ളില്‍ മദ്യത്തിന്റെ അംശമുണ്ടായിരുന്നു. ദുബായ് പൊലീസിന്റെ ഈ വാദഗതി തെറ്റാണെന്ന് ഭൂഷന്‍ വാദിക്കുന്നു. കേസ് ഒതുക്കിത്തീര്‍ത്തതാണെന്ന് സംശയമുള്ളതായും ഭൂഷന്‍ പറഞ്ഞു.

‘ദുബായ് നിയമവ്യവസ്ഥയോടുള്ള എല്ലാ ബഹുമാനത്തോടെയും പറയട്ടേ, ശ്രീദേവിയുടെ മരണത്തില്‍ നിങ്ങള്‍ നടത്തിയ അന്വേഷണത്തില്‍ ഞങ്ങള്‍ തൃപ്തരല്ല. സത്യത്തില്‍ എന്താണ് നടന്നതെന്ന് ഞങ്ങള്‍ക്ക് അറിയണം. ഞങ്ങളുടെ പല ചോദ്യങ്ങളും നിങ്ങള്‍ ഉത്തരമില്ലാതെ തള്ളിക്കളയുകയാണ് ചെയ്തത്. ശരിയായ റിപ്പോര്‍ട്ടുകള്‍ ശേഖരിക്കാന്‍ ദുബായിലേക്ക് പോകും’; എ.സി.പി വേദ് ഭൂഷണ്‍ കൂട്ടിച്ചേര്‍ത്തു.

ശ്രീദേവിയുടെ വിവാഹത്തെക്കുറിച്ചും സാമ്പത്തിക പ്രതിസന്ധിയെക്കുറിച്ചുമാണ് അമ്മാവന്‍ വെളിപ്പെടുത്തല്‍ നടത്തിയത്. ബോണി കപൂറുമായുള്ള വിവാഹത്തില്‍ ശ്രീദേവിയുടെ അമ്മക്കു എതിര്‍പ്പായിരുന്നു. ഇതു സംബന്ധിച്ച് പലപ്പോഴും പ്രശ്‌നങ്ങളുണ്ടായിട്ടുണ്ടെന്നാണ് വേണുഗോപാല്‍ പറയുന്നത്.

വീട്ടില്‍ വരുന്ന അവസരങ്ങളിലൊക്കെ ബോണി കപൂറിനോടുള്ള അതൃപ്തി അമ്മ പരസ്യമായി പ്രകടിപ്പിച്ചിരുന്നു. അദ്ദേഹത്തെ മര്യാദപൂര്‍വം സ്വീകരിക്കുക പോലും ചെയ്തിരുന്നില്ലെന്നും വേണുഗോപാല്‍ പറഞ്ഞു.

സാമ്പത്തിക പ്രതിസന്ധിയാണ് ശ്രീദേവിയെ അലട്ടിയിരുന്ന മറ്റൊരു പ്രശ്‌നം. സൗന്ദര്യ സംരക്ഷണത്തിനായി ശ്രീദേവി നിരവധി സര്‍ജറികള്‍ നടത്തിയിട്ടുണ്ട്. മൂക്കിന്റെ ഭംഗി വര്‍ധിപ്പിക്കുന്നതിന് അമേരിക്കയിലാണ് ശ്രീദേവി സര്‍ജറി നടത്തിയിരുന്നത്. ഇതിന് വന്‍ തുക ചെലവഴിക്കേണ്ടി വന്നു. അവസാനമായി ചുണ്ടിനു നടത്തിയ സര്‍ജറിക്കും ഭീമമായ തുകയാണ് ചെലവഴിക്കേണ്ടി വന്നത്.

ബോണി കപൂറിന്റെയും സാമ്പത്തിക സ്ഥിതി മെച്ചപ്പെട്ടതായിരുന്നില്ല. അദ്ദേഹത്തിന്റെ പല ചിത്രങ്ങളും വേണ്ടത്ര വിജയം നേടാനാവാത്തതോടെ ശ്രീദേവിയുടെ സ്വത്തുക്കള്‍ വിറ്റായിരുന്നു നഷ്ടങ്ങള്‍ നികത്തിയത്. ശ്രീദേവി വീണ്ടും സിനിമാലോകത്തേക്ക് തിരിച്ചവന്നതും സാമ്പത്തിക പ്രതിസന്ധി മറികടക്കുന്നതിനായിരുന്നുവെന്നും വേണുഗോപാല്‍ പറഞ്ഞു.

അതേസമയം, പ്രിയതാരത്തിന് അന്തിമോപചാരമര്‍പ്പിക്കാന്‍ ബോളിവുഡില്‍നിന്ന് നിരവധി താരങ്ങളാണ് സെലിബ്രേഷന്‍ സ്‌പോര്‍ട്‌സ് ക്ലബ്ബിലേക്ക് എത്തിയത്. വെളുത്ത പൂക്കള്‍കൊണ്ട് അലങ്കരിച്ച വാഹനത്തിലാണ് ശ്രീദേവിയുടെ മൃതദേഹം വിലാപയാത്രയായി കൊണ്ടുപോകുന്നത്. ഐശ്വര്യറോയ്, കാജോള്‍, അജയ് ദേവ്ഗണ്‍, ഹേമമാലിനി, സോനം കപൂര്‍, ജയാബച്ചന്‍, മാധുരി ദീക്ഷിത്, രേഖ, വിദ്യാബാലന്‍ തുടങ്ങി ചലച്ചിത്ര രംഗത്തെ ഒട്ടുമിക്ക താരങ്ങളും അന്തിമോപചാരമര്‍പ്പിക്കാന്‍ എത്തിയിരുന്നു. ആയിരക്കണക്കിന് ആരാധകരും അന്തിമോപചാരമര്‍പ്പിക്കാനെത്തിയിരുന്നു. വിലാപയാത്രയെ ആയിരക്കണക്കിനാളുകളാണ് അനുഗമിക്കുന്നത്.

ശ്വാസകോശത്തില്‍ വെളളം കയറിയാണ് മരിച്ചം സംഭവിച്ചത്. പരാതി കിട്ടിയാല്‍ മാത്രം വീണ്ടും അന്വേഷിക്കുമെന്നും തലക്ക് മുറിവേറ്റെന്നും ഫൊറാന്‍സിക് റിപ്പോര്‍ട്ടുണ്ട്. എന്നാല്‍ മരണകാരണം ഈ മുറിവല്ലെന്നും പ്രോസിക്യൂഷന്‍ വ്യക്തമാക്കുന്നു. അതേസമയം, ഭര്‍ത്താവ് ബോണി കപൂറിന്റെ പാസ്‌പോര്‍ട്ട് ദുബായ് പൊലീസ് പിടിച്ചുവെച്ചതായി റിപ്പോര്‍ട്ട് ഉണ്ട്. മരണത്തില്‍ ദുരൂഹതയുള്ളതിനാല്‍ ബോണി കപൂറിനെ നേരത്തെ വീണ്ടും പൊലീസ് ചോദ്യം ചെയ്തിരുന്നു.

ഇന്ന് രാത്രിയോടെ മൃതദേഹം എത്തുമെന്നതിനാല്‍ മുംബൈയിലെ ശ്രീദേവിയുടെ വസതിക്കുമുന്നില്‍ ആരാധകര്‍ തടിച്ചകൂടിയിരിക്കുകയാണ്. രാത്രി മൃതദേഹം എത്തിയാല്‍ നാളെ രാവിലെയോ ഉച്ചയോടെയോ ആയിരിക്കും സംസ്‌ക്കാരം.

ശ്രീദേവിയുടെ മരണം കൊലപാതകമാണെന്നാണ് താന്‍ വിശ്വസിക്കുന്നത്. യഥാര്‍ഥ കാരണം എന്താണെന്ന് അറിയുന്നതു വരെ കാത്തിരിക്കാം. ഒരിക്കലും വീര്യമേറിയ മദ്യം ശ്രീദേവി കഴിക്കുമായിരുന്നില്ല. പിന്നെ എങ്ങനെയാണ് അത് അവരുടെ ശരീരത്തിനുള്ളില്‍ മദ്യം എത്തിയത്? സി.സി.ടി.വി ക്യാമറകള്‍ക്ക് എന്തുസംഭവിച്ചു?വെന്നും സ്വാമി ചോദിച്ചു. മരണത്തിനുശേഷം ഡോക്ടര്‍മാര്‍ വളരെപ്പെട്ടെന്ന് മാധ്യമങ്ങള്‍ക്ക് മുന്നില്‍ പ്രത്യക്ഷപ്പെടുകയായിരുന്നു. ശ്രീദേവി മരിച്ചത് ഹൃദയ സ്തംഭനം മൂലമാണെന്ന് അവര്‍ പറയുകയുമായിരുന്നുവെന്നും സ്വാമി കൂട്ടിച്ചേര്‍ത്തു.

അതേസമയം, ശ്രീദേവിയുടെ മരണത്തില്‍ ദുരൂഹത തുടരുന്നു. നേരത്തെ നടിയുടേത് മുങ്ങിമരണമെന്ന സ്ഥിരീകരണത്തിന് ശേഷമാണ് ഭൗതിക ശരീരം നാട്ടിലെത്തുന്നത് സംബന്ധിച്ച കാര്യങ്ങള്‍ അനന്തമായി നീളുന്നത്. ഇപ്പോള്‍ നടിയുടെ തലയില്‍ ആഴത്തിലുള്ള മുറിവുകള്‍ ഉള്ളതായ വെളിപ്പെടുത്തലുകളാണ് പുറത്തുവരുന്നത്. മുറിവ് വീഴ്ചയില്‍ സംഭവിച്ചതാകാമെന്നാണ് ഫോറന്‍സിക് പരിശോധനയെ തുടര്‍ന്നുള്ള നിഗമനം. അതിനിടെ, തലയിലെ മുറിവ് സംബന്ധിച്ചുള്ള കൂടുതല്‍ അന്വേഷണത്തിനായി വീണ്ടും പോസ്റ്റ്‌മോര്‍ട്ടം ചെയ്യുമെന്നും സൂചനയുണ്ട്.

മരണവുമായി ബന്ധപ്പെട്ട് ദുബൈ പോലീസിന്റെ അന്വേഷണവും പരിശോധനയും തുടരുകയാണ്. ഭര്‍ത്താവ് ബോണി കപൂറിനെ ദുബൈ പൊലീസെത്തി വീണ്ടും ചോദ്യംചെയ്യുന്നതായാണ് വിവരം. ഇതിനിടെ സ്‌റ്റേഷനിലെത്തിയ ഇന്ത്യന്‍ കോണ്‍സുലേറ്റ് പ്രതിനിധികളെ ദുബൈ അധികൃതര്‍ തിരിച്ചയച്ചു.

ഇതോടെ ശ്രീദേവിയുടെ മരണത്തിലെ അവ്യക്തതകള്‍ ഏറെയാവുകയാണ്. മരണവുമായി ബന്ധപ്പെട്ട് ദുബൈ പോലീസിന്റെ അന്വേഷണവും പരിശോധനയും തുടരുന്നു. ഭര്‍ത്താവ് ബോണി കപൂറിനെ ദുബൈ പൊലീസി വീണ്ടും ചോദ്യംചെയ്യുന്നതായാണ് വിവരം. ഇതിനിടെ സ്‌റ്റേഷനിലെത്തിയ ഇന്ത്യന്‍ കോണ്‍സുലേറ്റ് പ്രതിനിധികളെ ദുബൈ അധികൃതര്‍ തിരിച്ചയച്ചു.

നേരത്തെ യു.എ.ഇ ആരോഗ്യ മന്ത്രാലയം പുറത്തുവിട്ട മരണ സാക്ഷ്യപത്രത്തില്‍ ‘അപകട മുങ്ങിമരണ’മാണെന്ന് പറയുന്നത്. ശ്വാസകോശത്തില്‍ വെള്ളം കയറിയാണ് മരണം സംഭവിച്ചതെന്ന് ദുബൈ പൊലീസിന്റെ ഫോറന്‍സിക് റിപ്പോര്‍ട്ടിലും പറയുന്നു. നേരത്തേ, ഹൃദയ സ്തംഭനമാണ് മരണകാരണമായി കരുതിയിരുന്നത്.
മദ്യ ലഹരിയിലാണ് ശനിയാഴ്ച രാത്രി പതിനൊന്നിന് അപകടമുണ്ടായതെന്നാണ് കരുതുന്നത്. ഹോട്ടല്‍ മുറിയിലെ ബാത്ടബില്‍ വീണ് വെള്ളംകുടിച്ചാണ് ശ്രീദേവി മരിച്ചതെന്നാണ് ഔദ്യോഗിക റിപ്പോര്‍ട്ട്. നടിയുടെ രക്തത്തില്‍ മദ്യത്തിന്റെ അംശം കണ്ടെത്തുകയും ചെയ്തിട്ടുണ്ട്. ഫോറന്‍സിക് റിപ്പോര്‍ട്ട് പുറത്തുവന്നതിനു പിന്നാലെ കേസ് ദുബൈ പൊലീസ് ദുബൈ പബ്ലിക് പ്രോസിക്യൂഷന് കൈമാറിയിട്ടുണ്ട്. തൊട്ടുപിന്നാലെ നടിയുടെ ഭൗതിക ശരീരം കുടുംബത്തിന് കൈമാറാനും ഔദ്യോഗിക ഉത്തരവായി. കേസില്‍ വല്ല ക്രമക്കേടും ശ്രദ്ധയില്‍പ്പെട്ടാല്‍ പുനരന്വേഷണം കൈകൊള്ളാന്‍ പ്രോസിക്യൂട്ടര്‍മാര്‍ക്ക് അധികാരമുണ്ട്. അപകടത്തിലേക്ക് നയിച്ച സാഹചര്യങ്ങള്‍ കണ്ടെത്തുന്നതിനായി അന്വേഷണം തുടരുകയാണ്.

ദുബൈ, ജുമൈറ എമിറേറ്റ്‌സ് ടവേഴ്‌സ് ഹോട്ടല്‍ മുറിയിലെ കുളിമുറിയില്‍ ശ്രീദേവി കുഴഞ്ഞുവീണു മരിച്ചു എന്ന പ്രാഥമിക റിപ്പോര്‍ട്ടില്‍ ഹൃദയ സത്ംഭനമാണ് മരണകാരണമായി നിരീക്ഷിക്കപ്പെട്ടത്. മുമ്പൊരിക്കലും ഹൃദയാഘാതം സംഭവിച്ചിട്ടില്ലാത്ത നടിയുടെ മരണ കാര്യത്തില്‍ ബോളിവുഡ് സഹതാരങ്ങളില്‍ ചിലര്‍ അസ്വസ്ഥത പ്രകടിപ്പിക്കുകയും ചെയ്തിരുന്നു.
മരണത്തിലെ ദുരൂഹതകളെ സംബന്ധിച്ചുള്ള ചര്‍ച്ചകള്‍ ഞായറാഴ്ച മുതല്‍ ശക്തമായിരുന്നു. പൊലീസ് അന്വേഷണം നടക്കുന്നതിനാല്‍ ഹോട്ടല്‍ വൃത്തങ്ങളോ മറ്റോ കൂടുതല്‍ വിവരങ്ങള്‍ പുറത്തുവിടാന്‍ തയാറല്ലായിരുന്നു. പോസ്റ്റ്‌മോര്‍ട്ടം പൂര്‍ത്തിയാക്കി മരണ സര്‍ട്ടിഫിക്കേറ്റ് തയാറാക്കിയെങ്കിലും അന്വേഷണം അവസാനിച്ചിട്ടില്ല. നടിയുടെ മരണം ഹൃദയാഘാതമല്ലെന്നും മുങ്ങിമരണമായിരുന്നുവെന്നും സ്ഥിരീകരിച്ചതിനു പിന്നാലെ ഇതിലേക്ക് നയിച്ച സാഹചര്യങ്ങള്‍ കണ്ടെത്താനുള്ള ശ്രമത്തിലാണ് പ്രോസിക്യൂഷന്‍. സംഭവത്തിനു മുമ്പുള്ള മണിക്കൂറുകളില്‍ നടി എവിടെ, ആര്‍ക്കൊപ്പമാണ് ചെലവഴിച്ചതെന്നും മരണ സമയത്ത് ആരാണ് കൂടെയുണ്ടായിരുന്നതെന്നും അന്വേഷിക്കുന്നുണ്ട്. ഫോറന്‍സിക് റിപ്പോര്‍ട്ട് കുടുംബത്തിനും ഇന്ത്യന്‍ കോണ്‍സുലേറ്റിനും കൈമാറിയിട്ടുണ്ട്.

അതേസമയം, മരണത്തിനു തൊട്ടുമുമ്പുള്ള ശ്രീദേവിയുടെ വീഡിയോ ദൃശ്യങ്ങള്‍ വൈറലായി. ബന്ധുവും ബോളിവുഡ് താരവുമായ മോഹിത് മര്‍വയുടെ വിവാഹ ചടങ്ങുകളില്‍ പങ്കെടുക്കാന്‍ ദുബായിലെത്തിയപ്പോഴായിരുന്നു ശ്രീദേവിയും കുടുംബവും.

കുടുംബസമേതം റാസല്‍ഖൈമയില്‍ എത്തിയ ശ്രീദേവി വേദിയിലേക്ക് വരുന്ന വീഡിയോയും വിവാഹത്തില്‍ പങ്കെടുക്കുന്നതിന്റെ ചിത്രങ്ങളുമാണ് ഇപ്പോള്‍ ഇന്റര്‍നെറ്റില്‍ പ്രചരിക്കുന്നത്. വിവാഹവേദിയില്‍ അതിഥികള്‍ക്കൊപ്പം സംസാരിക്കുന്ന ശ്രീദേവിക്ക് ആരോഗ്യ പ്രശ്‌നങ്ങളൊന്നും പ്രകടമായിരുന്നില്ല. ചൊവ്വാഴ്ച മുതല്‍ വ്യാഴാഴ്ച വരെ നീണ്ട ആഘോഷ പരിപാടികളില്‍ ശ്രീദേവി സജീവമായി പങ്കെടുത്തിരുന്നു. റാസല്‍ഖൈമ വാര്‍ഡോര്‍ഫ് അസ്‌റ്റോറിയ ഹോട്ടലില്‍ നടന്ന ചടങ്ങുകള്‍ക്ക് ശേഷം രാത്രി ദുബൈയില്‍ എത്തിയപ്പോഴാണ് ശ്രീദേവിക്ക് ഹൃദയാഘാതം അനുഭവപ്പെട്ടത്.

കുടുംബസമേതം റാസല്‍ഖൈമയില്‍ എത്തിയ ശ്രീദേവി വേദിയിലേക്ക് വരുന്ന വീഡിയോയും വിവാഹത്തില്‍ പങ്കെടുക്കുന്നതിന്റെ ചിത്രങ്ങളുമാണ് ഇപ്പോള്‍ ഇന്റര്‍നെറ്റില്‍ പ്രചരിക്കുന്നത്. വിവാഹവേദിയില്‍ അതിഥികള്‍ക്കൊപ്പം സംസാരിക്കുന്ന ശ്രീദേവിക്ക് ആരോഗ്യ പ്രശ്‌നങ്ങളൊന്നും പ്രകടമായിരുന്നില്ല. ചൊവ്വാഴ്ച മുതല്‍ വ്യാഴാഴ്ച വരെ നീണ്ട ആഘോഷ പരിപാടികളില്‍ ശ്രീദേവി സജീവമായി പങ്കെടുത്തിരുന്നു. റാസല്‍ഖൈമ വാര്‍ഡോര്‍ഫ് അസ്‌റ്റോറിയ ഹോട്ടലില്‍ നടന്ന ചടങ്ങുകള്‍ക്ക് ശേഷം രാത്രി ദുബൈയില്‍ എത്തിയപ്പോഴാണ് ശ്രീദേവിക്ക് ഹൃദയാഘാതം അനുഭവപ്പെട്ടത്.

അതേസമയം, ശ്രീദേവിയുടെ മരണകാരണം ഹൃദയാഘാതം മൂലമല്ലെന്ന് ഗള്‍ഫ് മാധ്യമങ്ങളില്‍ റിപ്പോര്‍ട്ട്. ദുബായ് ഹോട്ടല്‍ മുറിയിലെ കുളിമുറിയില്‍ വീണതാണ് നടിയുടെ മരണകാരണമെന്ന് ഖലീജ് ടൈംസ് റിപ്പോര്‍ട്ട് ചെയ്യ്തിരിക്കുന്നത്. ഹോട്ടലിലെ കുളിമുറിയില്‍ കുഴഞ്ഞുവീണ ശ്രീദേവിയെ ഉടന്‍ ദുബായ് റാഷിദ് ആസ്പത്രിയില്‍ എത്തിച്ചെങ്കിലും മരിക്കുകയായിരുന്നെന്ന് റിപ്പോര്‍ട്ടുകളില്‍ പറയുന്നു.

മരണം സംബന്ധിച്ച് ബര്‍ ദുബായ് പൊലീസ് കേസ് രജിസ്റ്റ് ചെയ്തിട്ടുണ്ട്. എന്നാല്‍ കൂടുതല്‍ വിവരങ്ങളൊന്നും പുറത്ത് വിട്ടിട്ടില്ല. മൃതദേഹം ഇപ്പോള്‍ അല്‍ ഖ്വാസെയ്‌സ് മോര്‍ച്ചറിയില്‍ സൂക്ഷിച്ചിരിക്കുകയാണ്. ശ്രീദേവിയുടെ പോസ്റ്റ്‌മോര്‍ട്ടം നടപടികള്‍ പുരോഗമിക്കുകയാണ്. ശ്രീദേവിയുടെ മൃതദേഹം ഇന്ത്യയിലെത്തിക്കാന്‍ വൈകുമെന്നാണ് സൂചന. നാട്ടിലേക്ക് എത്തിക്കുന്നതിനുള്ള രേഖകള്‍ വൈകുന്നതാണ് കാരണം. ഇന്‍ക്വസ്റ്റ് നടപടികള്‍ പുരോഗമിക്കുകയാണ്. ഉച്ചയോടെ മുംബൈയിലെത്തിക്കുമെന്നായിരുന്നു നേരത്തെ റിപ്പോര്‍ട്ടുകളുണ്ടായിരുന്നത്. ഇന്നലെ രാത്രി പതിനൊന്നരയോടെ യു.എ.ഇയിലെ റാസല്‍ഖൈമയില്‍ വച്ചായിരുന്നു ശ്രീദേവിയുടെ മരണം. ഹൃദയാഘാതമായിരുന്നു മരണകാരണമെന്നാണ് ആദ്യം അറിയിച്ചിരുന്നത്.