ഫീറ്റ് അപ്പ് വിത്ത ദ സ്റ്റാര്‍ എന്ന ടെലിവിഷന്‍ പരിപാടിയില്‍ പങ്കെടുക്കവെയാണ് സിനിമയില്‍നിന്ന് വിട്ടുനിന്നതിന്റെ കാരണം ശ്രുതി വെളിപ്പെടുത്തിയത്. മദ്യപാനം ശീലം അമിതമായപ്പോള്‍ ചില ആരോഗ്യപ്രശ്‌നങ്ങളുണ്ടായി. ഇതേത്തുടര്‍ന്ന് സിനിമയില്‍നിന്ന് വിട്ടുനില്‍ക്കേണ്ടിവന്നു. അസുഖത്തെ തുടര്‍ന്ന് കഴിഞ്ഞ വര്‍ഷം മദ്യപാനം ഉപേക്ഷിച്ചു. പിന്നീട് ഇതുവരെ മദ്യപിച്ചിട്ടില്ലെന്നും അവര്‍ പറഞ്ഞു. കഴിഞ്ഞ കുറച്ചുനാളുകളായി താന്‍ ചികിത്സയിലായിരുന്നു. ഇപ്പോള്‍ ആരോഗ്യം ഏറെക്കുറെ വീണ്ടെടുത്തു. സിനിമയിലേക്ക് തിരിച്ചുവരുമെന്നും അവര്‍ കൂട്ടിച്ചേര്‍ത്തു.

അതേസമയം, മൈക്കല്‍ കോര്‍സെലുമായുള്ള പ്രണയബന്ധം തകര്‍ന്നതിനെക്കുറിച്ചും ശ്രുതി പരിപാടിയില്‍ വ്യക്തമാക്കി. ആ ബന്ധത്തില്‍നിന്ന് ഒരുപാട് പാഠം പഠിച്ചു. നല്ലൊരു ബന്ധത്തിനായുള്ള അന്വേഷണത്തിലാണ് ഇപ്പോഴെന്നും ശ്രുതി ഹാസന്‍ പറഞ്ഞു.

ചിത്രത്തിന്റെ അണിയറ പ്രവര്‍ത്തകര്‍ ആരും തിരക്കഥ നല്‍കുകയോ ഷെഡ്യൂള്‍ തീരുമാനിക്കുകയോ ചെയ്യാത്തതിനെ തുടര്‍ന്ന് ശ്രുതി പ്രൊജക്റ്റില്‍ നിന്നും പിന്‍മാറുകയായിരുന്നു. രണ്ടു വര്‍ഷമായിരുന്നു ചിത്രത്തിന് വേണ്ടി മാറ്റി വെക്കേണ്ടിയിരുന്നത്. ഏപ്രില്‍ മുതല്‍ നടി സിനിമക്ക് തയ്യാറെടുത്തിരുന്നുവെന്നും ശ്രുതിയുടെ വക്താവ് പറയുന്നു. കാന്‍ ചലച്ചിത്രോത്സവത്തില്‍ വെച്ച് ഔദ്യോഗിക പ്രഖ്യാപനം നടത്തിയ ചിത്രം രണ്ടു ഭാഗങ്ങളിലായാണ് പുറത്തിറക്കുന്നത്.

ജയംരവി, ആര്യ എന്നിവരാണ് ചിത്രത്തിലെ മറ്റു പ്രധാന അഭിനേതാക്കള്‍. ചിത്രത്തിന് മികച്ച പരിശീലകര്‍ക്കുകീഴില്‍ പരിശീലനം നടത്തുകയായിരുന്ന ശ്രുതിഹാസന്റെ പിന്‍മാറ്റം സിനിമാലോകത്തെ ഞെട്ടിപ്പിക്കുന്ന വാര്‍ത്തയായിരുന്നു.