actress thamanna – Chandrika Daily

ആരാധകന്റെ ചെരിപ്പേറിന് നടി തമന്നയുടെ മറുപടി

chandrika — Sun, 11 Feb 2018 04:22:28 +0000

തെന്നിന്ത്യന്‍ നടി തമന്നക്കു നേരെ ഹൈദരാബാദില്‍ ആരാധകന്റെ ചെരിപ്പേറ് കഴിഞ്ഞ ദിവസം സമൂഹമാധ്യമങ്ങള്‍ ഏറെ ചര്‍ച്ച ചെയ്തതാണ്. ജ്വല്ലറി ഷോറൂം ഉദ്ഘാടനത്തിന് എത്തിയപ്പോള്‍ 31കാരനായ ബിടെക് ബിരുദധാരിയാണ് താരത്തിനു നേരെ ചെരിപ്പെറിഞ്ഞത്. എന്നാല്‍ ഇപ്പോള്‍ താരം തന്നെ സംഭവത്തിനു മറുപടിയുമായി രംഗത്തുവന്നിരിക്കുകയാണ്. വളരെ പോസിറ്റീവായാണ് ഈ സംഭവത്തെ നോക്കി കണ്ടതെന്നായിരുന്നു താരത്തിന്റെ പ്രതികരണം. ‘ അവിടെ വലിയ സുരക്ഷ ഒരുക്കിയിരുന്നു. എന്നിട്ടും ഒരാള്‍ ഈ രീതിയില്‍ പ്രതികരിച്ചാല്‍ നമുക്കൊന്നും ചെയ്യാനാവില്ല. ഒരു അഭിനേത്രി എന്ന നിലയില്‍ ജനങ്ങള്‍ പൂക്കള്‍ജ കൊണ്ട് സ്വീകരിച്ചാലും ദേഹത്ത് ചെരിപ്പ് എറിഞ്ഞാലും അത് സ്വീകരിക്കും. അതില്‍ വേറൊന്നും ചെയ്യാനില്ല. എല്ലാം ഉള്‍കൊണ്ട് മുന്നോട്ടു പോകണം’, തമന്ന പറഞ്ഞു.
ഉദ്ഘാടനം കഴിഞ്ഞ ശേഷം തടിച്ചു കൂടിയ ആരാധകരെ അഭിസംബോധന ചെയ്യുന്നതിനിടെയാണ് യുവാവ് തമന്നക്കു നേരെ ചെരിപ്പെറിഞ്ഞത്. എന്നാല്‍ ചെരിപ്പ് തമന്നയുടെ ദേഹത്ത് കൊണ്ടില്ല. പകരം നടിക്കു സമീപത്തുണ്ടായിരുന്ന മറ്റൊരാളുടെ ദേഹത്താണ് ചെരിപ്പു കൊണ്ടത്. ഉടന്‍ തന്നെ യുവാവിനെ പൊലീസ് കസറ്റഡിയിലെടുക്കുകയും ചെയ്തു. തമന്നയുടെ ഇപ്പോഴത്തെ സിനിമ ഇഷ്ടമില്ലാത്തിനാലാണ് ചെരിപ്പ് എറിഞ്ഞതെന്നാണ് യുവാവ് പൊലീസിനോട് പറഞ്ഞത്.

Watch Video:

https://www.youtube.com/watch?time_continue=57&v=wlCJhipFkIU

നടി തമന്നക്ക് നേരെ ചെരുപ്പേറ്

chandrika — Mon, 29 Jan 2018 06:19:18 +0000

ഹൈദരാബാദ്: തെന്നിന്ത്യന്‍ നടി തമന്ന ഭാട്ട്യക്ക് നേരെ ചെരുപ്പേറ്. ഹിമയത്ത്‌നഗറില്‍ വച്ച് നടന്ന ഒരു ചടങ്ങിനിടെയാണ് യുവാവ് തമന്നയെ ചെരുപ്പുകൊണ്ട് എറിഞ്ഞത്. ഒരു ജ്വല്ലറി ഉദ്ഘാടനത്തിനെത്തിയതായിരുന്നു തമന്ന.

ഉദ്ഘാടനം കഴിഞ്ഞ് പുറത്തിറങ്ങിയപ്പോഴാണ് കരിമുള്ള തമന്നയുടെ നേരെ ചെരിപ്പെറിഞ്ഞത്. എന്നാല്‍ ചെരിപ്പ് തമന്നയുടെ ദേഹത്ത് കൊണ്ടില്ല. ജ്വല്ലറിയിലെ ജീവനക്കാരന്റെ ശരീരത്തിലാണ് കൊണ്ടത്.

ബിടെക് ബിരുദധാരിയയാ മുഷീരാബാദ് സ്വദേശിയായ ഇയാളെ പൊലീസ് അറസ്റ്റ് ചെയ്തു. അടുത്തകാലത്തായി തമന്ന ചെയ്ത ചിത്രങ്ങളിലെ കഥാപാത്രങ്ങള്‍ നിരാശപ്പെടുത്തിയതിനാലാണ് താന്‍ നടിക്കെതിരെ ചെരിപ്പെറിഞ്ഞതെന്ന് ഇയാള്‍ പൊലീസിനോട് പറഞ്ഞു. അതേസമയം, ചെരിപ്പേറുകൊണ്ട ജ്വല്ലറി ജീവനക്കാരന്‍ നല്‍കിയ പരാതിയില്‍ ഇയാള്‍ക്കെതിരെ പൊലീസ് കേസെടുത്തു.

തമന്നയെ തഴഞ്ഞ് ഫേസ്ബുക്ക്

chandrika — Wed, 24 May 2017 08:40:45 +0000

പ്രേക്ഷകര്‍ ഹിറ്റാക്കിയ ബാഹുബലി-2 ഇപ്പോഴും തിയ്യേറ്ററുകളില്‍ നിറഞ്ഞോടുകയാണ്. ചിത്രത്തിന്റെ ആദ്യഭാഗത്തില്‍ നടി തമന്നക്ക് പ്രാധാന്യമുണ്ടായിരുന്നെങ്കിലും രണ്ടാം ഭാഗത്തില്‍ താരത്തെ അവഗണിച്ചുവെന്ന് പരാതി ഉയര്‍ന്നിരുന്നു. ചിത്രീകരണത്തിനായി യുദ്ധരംഗങ്ങളിലെ അഭ്യാസങ്ങള്‍ പരിശീലിക്കുകയാണ് താനെന്ന് നടി വ്യക്തമാക്കിയിരുന്നെങ്കിലും ചിത്രം റിലീസ് ചെയ്തപ്പോള്‍ ഒരു ഡയലോഗു പോലുമില്ലാതെ തമന്നയെ ഒഴിവാക്കുകയായിരുന്നു. എന്നാല്‍ വാര്‍ത്തകള്‍ അടിസ്ഥാ രഹിതമാണെന്ന് തമന്ന പിന്നീട് വ്യക്തമാക്കി.

ക്ലൈമാക്‌സ് സീനില്‍ തന്റെ കഥാപാത്രം ഇല്ലെന്ന കാര്യം തനിക്ക് നേരത്തെ തന്നെ അറിയാം. സിനിമയില്‍ തന്റെ ഭാഗങ്ങള്‍ ഏതൊക്കെയാണെന്നും മനസിലാക്കിയിരുന്നു. ബാഹുബലി 2ന്റെ ക്ലൈമാക്‌സില്‍ താന്‍ ഉണ്ടെന്ന് ഒരിടത്തും പറഞ്ഞിരുന്നില്ലെന്നും തമന്ന വ്യക്തമാക്കിയിരുന്നു. എന്നാല്‍ അതിനുശേഷമിതാ തമന്നയെ ഫേസ്ബുക്കും ഒഴിവാക്കിയിരിക്കുന്നു. ഫേസ്ബുക്കിലെ ബാഹുബലി സ്റ്റിക്കേഴ്‌സില്‍ തമന്ന ഇല്ല. ബാഹുബലിയും ഭല്ലാലദേവനും കട്ടപ്പയും ശിവഗാമിയും കാലകേയനും ഫേസ്ബുക്കിലുണ്ട്. അതില്‍ തമന്ന മാത്രം ഇല്ല. ഫേസ്ബുക്കില്‍ ആദ്യമായാണ് ഒരു ഇന്ത്യന്‍ സിനിമയുടെ സ്റ്റിക്കര്‍ ഇടം നേടുന്നത്. എന്നാല്‍ അതില്‍ തമന്ന ഇല്ലെന്നുള്ളത് അവരെ തഴഞ്ഞതിന് തെളിവാണെന്നാണ് ഉയര്‍ന്നുവരുന്ന ആരോപണം.

ബാഹുബലി 2ല്‍ തമന്നക്ക് പ്രാധാന്യമില്ല; താരത്തിന് ട്രോള്‍മഴ

chandrika — Tue, 02 May 2017 10:43:40 +0000

ബാഹുബലി 2 വില്‍ നടി തമന്നയുമായി ബന്ധപ്പെട്ട വിവാദങ്ങള്‍ക്ക് മറുപടിയുമായി തമന്ന. സംവിധായകന്‍ എസ്.എസ് രാജമൗലിയുമായി തമന്ന അടിപിടിയാണെന്നും രണ്ടാം ഭാഗത്തില്‍ തമന്നയെ അവഗണിച്ചെന്നും ആരോപണം ഉയര്‍ന്നിരുന്നു. എന്നാല്‍ ഇത് അടിസ്ഥാന രഹിതമാണെന്ന് താരം പറഞ്ഞു. രാജമൗലിയുമായി യാതൊരു തരത്തിലുള്ള പ്രശ്‌നങ്ങളും ഇല്ല. രണ്ടാം ഭാഗത്തില്‍ തനിക്ക് ഏതൊക്കെ റോളുകളാണെന്ന് നേരത്തെ തന്നെ പറഞ്ഞിരുന്നു. മാധ്യമങ്ങള്‍ വാര്‍ത്ത വളച്ചൊടിക്കുകയാണെന്നും താരം കൂട്ടിച്ചേര്‍ത്തു.

അതിനിടെ, താരത്തിനെതിരെ ട്രോളുകളും വന്നു കഴിഞ്ഞു. ബാഹുബലി 2ല്‍ അഭിനയിക്കുന്നതിന് താന്‍ തയ്യാറെടുക്കുകയാണെന്ന് നേരത്തെ തമന്ന അഭിമുഖങ്ങളില്‍ പറഞ്ഞിരുന്നു. ഇത് ചൂണ്ടിക്കാട്ടിയാണ് ഇപ്പോള്‍ ട്രോള്‍മഴ വന്നിരിക്കുന്നത്.