‘അപകീര്‍ത്തി പരാമര്‍ശങ്ങള്‍ക്കെതിരെ കോടതിയെ സമീപിച്ചതും ഡല്‍ഹി ഹൈക്കോടതിയില്‍ നിന്ന് അനുകൂല വിധി നേടിയതും റോയ് കപൂര്‍ കാരണമാണ്. അദ്ദേഹം മുന്‍കൈ എടുത്തിട്ടില്ലായിരുന്നുവെങ്കില്‍ ഇത്തരത്തില്‍ ഒരു ഹര്‍ജി സമര്‍പ്പിക്കാന്‍ കഴിയുമായിരുന്നില്ല. പ്രധാനപ്പെട്ട എല്ലാ നിര്‍മാതാക്കളെയും വ്യക്തിപരമായി വിളിച്ച് ഹര്‍ജിയില്‍ ഒപ്പുവയ്ക്കാന്‍ അദ്ദേഹം ആവശ്യപ്പെടുകയായിരുന്നു’ – ഹര്‍ജിക്കാരില്‍ ഒരാള്‍ നാഷണല്‍ ഹെറാള്‍ഡിനോട് പറഞ്ഞു.

ബോളിവുഡിനെ അപകീര്‍ത്തിപ്പെടുത്തി എന്നാരോപിച്ച് 38 ഹിന്ദി സിനിമാ സംഘടകളാണ് കോടതിയെ സമീപിച്ചിരുന്നത്.

വിദ്യാബാലന്‍

ദന്‍ഗല്‍, ദ സ്‌കൈ ഈസ് പിങ്ക്, ചെന്നൈ എക്‌സപ്രസ്, ബര്‍ഫി തുടങ്ങി ഇന്ത്യയിലുടനീളമുള്ള അമ്പതിലേറെ ചിത്രങ്ങളുടെ നിര്‍മാതാവാണ് സിദ്ധാര്‍ത്ഥ് റോയ് കപൂര്‍. 2012 ഡിസംബര്‍ 14നാണ് ഇവര്‍ വിദ്യാബാലനെ വിവാഹം കഴിച്ചത്.

‘അകാലത്തിലുള്ള സുശാന്തിന്റെ മരണം ഇപ്പോള്‍ ഒരു മാധ്യമ സര്‍ക്കസായി മാറിയെന്നത് ഏറെ ദൗര്‍ഭാഗ്യകരമാണ്. അതുപോലെതന്നെ റിയയെ അപകീര്‍ത്തിപ്പെടുത്താന്‍ ശ്രമിക്കുന്നതു കാണുമ്പോള്‍ ഒരു സ്ത്രീ എന്ന നിലയില്‍ എന്റെ ഹൃദയം പൊട്ടുകയാണ്. കുറ്റക്കാരനാണെന്ന് തെളിയിക്കപ്പെടുന്നതുവരെ ഒരാള്‍ നിരപരാധിയല്ലെ, അതോ ഇനി നിരപരാധിയാണെന്ന് തെളിയിക്കപ്പെടുന്നതുവരെ കുറ്റവാളിയാണോ അയാള്‍?’- വിദ്യാ ബാലന്‍ ചോദിച്ചു.

നിയമം നടപ്പാക്കാന്‍ അനുവദിക്കണമെന്നു പറഞ്ഞ താരം വിധിന്യായങ്ങളില്‍ അനാവശ്യ ഇടപെടലുകള്‍ നടത്തരുതെന്നും അറിയിച്ചു. ‘ഒരു പൗരന്റെ ഭരണഘടനാപരമായ അവകാശങ്ങളോട് നമുക്ക് കുറച്ച് ബഹുമാനം കാണിക്കാം, നിയമം അതിന്റെ വഴിയ്ക്ക് തീരുമാനം എടുക്കട്ടെ’- വിദ്യാ ബാലന്‍ അഭിപ്രായപ്പെട്ടു.

കഴിഞ്ഞ ദിവസം നടി ലക്ഷ്മി മന്‍ചുവും റിയയ്‌ക്കെതിരെ നടക്കുന്നത് ക്രൂരതയാണെന്നു പറഞ്ഞ് രംഗത്തുവന്നിരുന്നു. ‘എനിക്ക് ഇവിടെ നീതിന്യായവ്യവസ്ഥയിലും സുശാന്തിന് നീതി ലഭ്യമാക്കാന്‍ പരിശ്രമിക്കുന്ന എല്ലാ ഏജന്‍സികളിലും വിശ്വാസമുണ്ട്. എന്നാല്‍ അതുവരെ ഒരു കുടുംബത്തെ ഇല്ലാതാക്കുന്ന ഇത്ര ക്രൂരവും പൈശൈചികവുമായി പ്രവര്‍ത്തനങ്ങളില്‍ നിന്ന് നമുക്ക് വിട്ട് നില്‍ക്കാം’- എന്നാണ് ലക്ഷ്മി ട്വിറ്ററില്‍ കുറിച്ചത്. ലക്ഷ്മിയുടെ പോസ്റ്റിനു മറുപടിയെന്നോണമാണ് വിദ്യാ ബാലന്റെ പ്രസ്താവന.

കേസ് എതിര്‍ കക്ഷികളായ സംവിധയകന്‍ കമല്‍, നിര്‍മാതാക്കള്‍ തുടങ്ങിയവര്‍ക്കും നോട്ടീസ് നല്‍കണമെന്നും കോടതി നിര്‍ദേശിച്ചു. സിനിമ നിരോധിക്കണം എന്നാവശ്യപ്പെട്ട് എഴുത്തുകാരിയായ മാധവിക്കുട്ടിയുടെ ജീവചരിത്രം ആസ്പദമാക്കിയുള്ള ചിത്രം സെന്‍സര്‍ ബോര്‍ഡിന്റെ സര്‍ട്ടിഫിക്കറ്റിന് സമര്‍പ്പിച്ചിരിക്കുകയാണ്. ജീവിതത്തിലെ പല സംഭവങ്ങളും ഒഴിവാക്കിയുള്ള ചിത്രീകരണമാണെന്നും സിനിമയുടെ പേരില്‍ യഥാര്‍ത്ഥ വസ്തുതകള്‍ മാറ്റിയെഴുതാന്‍ അവകാശമില്ലെന്നും ചൂണ്ടികാട്ടിയാണ് ഹര്‍ജി സമര്‍പ്പിച്ചത്. ചിത്രത്തിന്റെ കഥയും തിരക്കഥയും ബ്ലൂ പ്രിന്റും കോടതി പരിശോധിച്ച് മതവികാരം വ്രണപ്പെടുത്തുന്ന ഭാഗങ്ങളുണ്ടെങ്കില്‍ ഒഴിവാക്കണമെന്നും അതുവരെ നിരോധനം ഏര്‍പ്പെടുത്തണമെന്നുമാണ് ഉയര്‍ന്നുവന്ന ആവശ്യം.

ചിത്രത്തില്‍ ആമിയായി അഭിനയിക്കാന്‍ ആദ്യം തീരുമാനിച്ചിരുന്നത് ബോളിവുഡ് നടി വിദ്യബാലനെയായിരുന്നു. എന്നാല്‍ വിദ്യയുടെ പിന്‍മാറ്റവും മഞ്ജുവാര്യറുടെ കടന്നുവരവും ചിത്രത്തെ കൂടുതല്‍ വിവാദങ്ങളിലേക്കെത്തിച്ചു. ചിത്രത്തിന്റെ ട്രെയിലര്‍ പുറത്തിറങ്ങി റിലീസ് ആവാനിരിക്കുന്നതിനിടെയാണ് ഇപ്പോള്‍ നിരോധിക്കണമെന്നാവശ്യപ്പെട്ടുള്ള ഹര്‍ജി.

‘മാധവിക്കുട്ടിയുടെ എഴുത്തുകളെക്കുറിച്ച് ഒരുപാട് കേട്ടിട്ടുണ്ട്. അവരെക്കുറിച്ച് കൂടുതലായൊന്നും അറിയാത്ത ഞാന്‍ മാധവിക്കുട്ടിയുടെ എഴുത്തുകള്‍ വായിക്കാന്‍ തുടങ്ങിയിരുന്നു. സുഹൃത്തുക്കളോടും ബന്ധുക്കളോടും മാധവിക്കുട്ടിയെ കുറിച്ച് സംസാരിച്ചിരുന്നു. അവരെ വ്യക്തിപരമായും എഴുത്തുകാരിയെന്ന നിലയിലും താന്‍ കൂടുതലായും അറിയുകയും ചെയ്തു. എന്നാല്‍ അതില്‍ നിന്നും വ്യത്യസ്ഥമായിരുന്നു കമലിന്റെ ആമി. ഈ സാഹചര്യത്തില്‍ കമലിനെ കുറ്റപ്പെടുത്താതെ ഞാന്‍ പിന്‍മാറുകയായിരുന്നു’; വിദ്യാബാലന്‍ പറഞ്ഞു. ചിത്രത്തിന്റെ പ്രാരംഭ നടപടികള്‍ മുന്നോട്ടുപോയ സാഹചര്യത്തിലാണ് വിദ്യാബാലന്‍ ആമിയില്‍ നിന്ന് പിന്‍മാറുന്നതായി കമലിന് വിവരം ലഭിച്ചത്. പിന്നീട് ആമിയായി മഞ്ജുവാര്യറെത്തുകയായിരുന്നു.

വിദ്യാബാലന്‍ ചിത്രത്തില്‍ നിന്നും പിന്‍മാറിയത് നന്നായെന്നും അവരായിരുന്നെങ്കില്‍ ചിത്രത്തില്‍ ലൈംഗികത കടന്നുവരുമെന്നും കമല്‍ അടുത്തിടെ പറഞ്ഞത് വിവാദമായിരുന്നു. കമല്‍ പ്രതികരണം അര്‍ഹിക്കുന്നില്ലെന്നായിരുന്നു ഇതിനെതിരെ വിദ്യയുടെ പ്രതികരണം വന്നത്. ഏറെ വിവാദങ്ങള്‍ക്കിടെ ചിത്രത്തിന്റെ ട്രെയിലറും പുറത്തിറങ്ങിയിരുന്നു. അതേസമയം, വിവാദങ്ങള്‍ കത്തിനില്‍ക്കുമ്പോഴും ഏറെ പ്രതീക്ഷയോടെയാണ് മലയാള സിനിമാസ്വാദകര്‍ ആമി കാത്തിരിക്കുന്നത്.

ആമിയില്‍ വിദ്യ ബാലനെയായിരുന്നു തുടക്കത്തില്‍ നിശ്ചയിച്ചിരുന്നത്. എന്നാല്‍ ചിത്രീകരണം തുടങ്ങാന്‍ വെറും അഞ്ച് ദിവസം മാത്രം ബാക്കി നില്‍ക്കെ വിദ്യ ചിത്രത്തില്‍ നിന്ന് പിന്‍മാറി. തുടര്‍ന്ന് മഞ്ജു വാര്യരാണ് മാധവിക്കുട്ടിയായി അഭിനയിച്ചത്. ആമിയില്‍ വിദ്യ അഭിനയിക്കുകയാണെങ്കില്‍ കുറച്ചൊക്കെ ലൈംഗികത കടന്നുവരുമായിരുന്നുവെന്ന കമലിന്റെ പരാമര്‍ശം വിവാദമായിരുന്നു. കമലിനെതിരെ ശക്തമായ വിമര്‍ശനങ്ങളാണ് ഉയര്‍ന്നുവന്നത്. അതിന് വിശദീകരണം നല്‍കുകയാണ് കമല്‍.

‘വത്യസ്തമായ രണ്ട് സാഹചര്യങ്ങളില്‍ പറഞ്ഞ കാര്യങ്ങള്‍ ഒരുമിച്ച് നല്‍കിയപ്പോള്‍ എല്ലാം വളച്ചൊടിക്കപ്പെട്ടതാണത്. ഒന്ന് മാധവിക്കുട്ടിയുടെ ലൈംഗികതയെ സംബന്ധിച്ചായിരുന്നു. മറ്റൊന്നു ഒരു എഴുത്തുകാരി എന്ന നിലയില്‍ മാധവിക്കുട്ടിയുടെ നിഷ്‌കളങ്കതയെ സംബന്ധിച്ചായിരുന്നു. ഈ രണ്ട് പരാമര്‍ശങ്ങള്‍ ഒരുമിച്ച് വന്നപ്പോള്‍ മാധവിക്കുട്ടിയെ ഒരു ഗ്രാമീണ പെണ്‍കുട്ടിയായി ചിത്രീകരിച്ചു വെച്ചിരിക്കുകയാണെന്ന് പലരും വ്യാഖ്യാനിച്ചു. സത്യത്തില്‍ ഞാന്‍ ഉദ്ദേശിച്ചത് അതല്ല.

ഒരു സംവിധായകന്‍ എന്ന നിലയില്‍ ഞാന്‍ പറഞ്ഞത് ഇങ്ങനെയായിരുന്നു. സില്‍ക്ക് സ്മിതയുടെ ജീവിതത്തെ ആസ്പദമാക്കി ഡേര്‍ട്ടി പിക്ചര്‍ എന്ന സിനിമയില്‍ അഭിനയിച്ച വിദ്യ ആയിരുന്നെങ്കില്‍ കാമാതുരമായ രംഗങ്ങള്‍ ചിത്രീകരിക്കാന്‍ എനിക്ക് കൂടുതല്‍ സ്വാതന്ത്ര്യം ലഭിക്കുമായിരുന്നു. പക്ഷേ മഞ്ജുവിനുള്ളത് വ്യത്യസ്തമായ പ്രതിച്ഛായയാണ്. അതുകൊണ്ട് അത്തരം രംഗങ്ങള്‍ ചിത്രീകരിക്കുമ്പോള്‍ എനിക്ക് പരിമിതികളുണ്ടായിരുന്നു. എന്നാല്‍ കണ്ണെഴുതി പൊട്ടുംതൊട്ട് എന്ന ചിത്രത്തില്‍ ഒരു പരിധിവരെ മഞ്ജു അത്തരം ചെറിയ രംഗങ്ങള്‍ ചെയ്തിട്ടുണ്ട്. അതും വൈകാരികത ഒട്ടും ചോര്‍ന്നു പോകാതെ.

വിദ്യ ആമിയില്‍ നിന്ന് ഇറങ്ങിപ്പോയത് തുടക്കത്തില്‍ വെല്ലുവിളിയായി. ഈ ചിത്രവുമായി ബന്ധപ്പെട്ട് വിവാദങ്ങള്‍ പലതും എന്റെ അറിവോട് കൂടിയല്ല. എന്തുകൊണ്ട് ആമി വേണ്ടെന്ന് വച്ചുതിനുള്ള കാരണം വിദ്യ എപ്പോഴെങ്കിലും പറയുമായിരിക്കും’ കമല്‍ കൂട്ടിച്ചേര്‍ത്തു. ചിത്രത്തിന്റെ ട്രെയിലര്‍ കഴിഞ്ഞ ദിവസം പുറത്തുവന്നിരുന്നു.