മഞ്ജുവാര്യരെ പ്രധാന കഥാപാത്രമാക്കി നവാഗതനായ പ്രവീണ്‍ ജോസഫാണ് സുജാത സംവിധാനം ചെയ്യുന്നത്. സുജാതയുടെ കഥയും തിരക്കഥയും ഒരുക്കിയിരിക്കുന്നത് മാര്‍ട്ടിന്‍ പ്രക്കാട്ടും നവീന്‍ ഭാസ്‌കറും ചേര്‍ന്നാണ്. ദ് സീന്‍ സ്റ്റുഡിയോസിന്റെ ബാനറില്‍ മാര്‍ട്ടിന്‍ പ്രക്കാട്ടും ജോജു ജോര്‍ജും ചേര്‍ന്നാണ് ചിത്രം നിര്‍മിച്ചിരിക്കുന്നത്. മഞ്ജുവിനൊപ്പം നെടുമുടി വേണു, മംമ്ത മോഹന്‍ദാസ്, ജോജു ജോര്‍ജ്, അനശ്വര, അലെന്‍സിയര്‍, സുധി കോപ്പ എന്നിവരും അഭിനയിക്കുന്നുണ്ട്. ഒട്ടേറെ തവണ റിലീസ് മാറ്റിവെച്ച ചിത്രമാണ് രാമലീല. ട്രെയിലറുകളിലൂടെയും വിവാദത്തിന് മറുപടി നല്‍കിയ ചിത്രം പുറത്തിറങ്ങുന്നത് ഏറെ പ്രതീക്ഷയോടെയാണ് ദിലീപ് അനുകൂലികള്‍ കാണുന്നത്.

പുതുമുഖ സംവിധായകനായ അരുണ്‍ ഗോപിയാണ് ചിത്രത്തിന്റെ സംവിധായകന്‍. പ്രയാഗ മാര്‍ട്ടിന്‍ ആണ് നായിക. 15 കോടി രൂപ ചെലവില്‍ ടോമിച്ചന്‍ മുളകുപാടമാണ് ചിത്രം നിര്‍മ്മിച്ചിരിക്കുന്നത്.

രണ്ടാഴ്ചയ്ക്കുള്ളില്‍ അന്വേഷണം പൂര്‍ത്തിയാക്കി കുറ്റപത്രം സമര്‍പ്പിക്കുമെന്നാണ് ഡിജിപി ഇന്നലെ കോടതിയില്‍ വ്യക്തമാക്കിയിരുന്നത്. അന്വേഷണം വൈകുന്നതില്‍ കോടതി കടുത്ത വിമര്‍ശനം ഉന്നയിച്ചതിനെ തുടര്‍ന്നാണ് ഡിജിപി ഇക്കാര്യം കോടതിയില്‍ പറഞ്ഞത്. അന്വേഷണ സംഘവുമായി ആലോചിക്കാതെയാണ് സമയപരിധി അറിയിച്ചതെന്നും രണ്ടാഴ്ചയ്ക്കുള്ളില്‍ അന്വേഷണം പൂര്‍ത്തീകരിക്കേണ്ടിവരുന്നത് കുറ്റപത്രത്തെ ബാധിക്കുമെന്നുമാണ് അന്വേഷണ സംഘത്തിന്റെ നിലപാട്.

അന്വേഷണ പുരോഗതി കൃത്യമായി കോടതിയെ അറിയിക്കുന്നതില്‍ പ്രോസിക്യൂഷന് വീഴ്ചയുണ്ടായെന്ന് പോലീസ് കരുതുന്നു. ഈ കേസില്‍ ഇതിനുമുന്‍പ് കോടതിയില്‍നിന്ന് പ്രോസിക്യൂഷനോ പോലീസിനോ വിമര്‍ശനം കേള്‍ക്കേണ്ടിവന്നിട്ടില്ലാത്ത സാഹചര്യത്തില്‍ ഇത് ഒഴിവാക്കാമായിരുന്നു എന്നാണ് പോലീസ് കരുതുന്നത്. ഇന്നലെ സംവിധായകന്‍ നാദിര്‍ഷാ സമര്‍പ്പിച്ച മുന്‍കൂര്‍ ജാമ്യഹര്‍ജി പരിഗണിക്കവെയാണ് കോടതി പോലീസിനെതിരെ വിമര്‍ശനമുന്നയിച്ചത്.

നടിയെ ആക്രമിച്ച കേസ് നടത്തിപ്പില്‍ അന്വേഷണ സംഘത്തിന് അതൃപ്തി. ഹൈക്കോടതിയില്‍ ഡയറക്ടര്‍ ജനറല്‍ ഓഫ് പ്രോസിക്യൂഷന്‍ വിവരങ്ങള്‍ അറിയിക്കുന്നതില്‍ വീഴ്ച വരുത്തുന്നുവെന്നാണ് അന്വേഷണ സംഘത്തിന്റെ നിഗമനം. ഇന്നലെ ഹൈക്കോടതി കേസ് അന്വേഷണത്തെ പറ്റി വിമര്‍ശിച്ചത് വസ്തുകള്‍ അറിയാത്തതിനാലാണ്. കേസ് അന്വേഷണം രണ്ടാഴ്ചക്കുളളില്‍ തീര്‍ക്കുമെന്ന് ഡിജിപി ഇന്നലെ ഹൈക്കോടതിയെ അറിയിച്ചത് അന്വേഷണ സംഘവുമായി ആലോചിക്കാതെയാണെന്നാണ് റിപ്പോര്‍ട്ട്.

.

‘പ്രതി ഞാന്‍ ആകണം എന്നൊരു തീരുമാനമുള്ളതുപോലെ’ദിലീപ് പറയുന്ന ഈ ഡയലോഗ് ആണ് ടീസറിന്റെ മുഖ്യ ആകര്‍ഷണം. ദിലീപിനെ കൂടാതെ വിശമിച്ചു നില്‍ക്കുന്ന മുകേഷിനെയും ടീസറില്‍ ഉള്‍പ്പെടുത്തിയിട്ടുണ്ട്.

ദിലീപിന്റെ നിലവിലെ ജീവിതം സൂചിപ്പിക്കുന്നതാണ് ടീസറിന്റെ എടുപ്പും സംഭാഷണങ്ങളും. കൂടാതെ ശക്തമായ കഥാപാത്രത്തെയാണ് ദിലീപ് ചിത്രത്തില്‍ അവതരിപ്പിക്കുന്നത്. പ്രേക്ഷകരെ ആകര്‍ഷിക്കുന്ന രീതിയില്‍ അണിയിച്ചൊരുക്കിയിരിക്കുന്ന ടീസര്‍ തരംഗമാകുമെന്ന് ഉറപ്പ്.

നവാഗതനായ അരുണ്‍ ഗോപി സംവിധാനം ചെയ്യുന്ന ചിത്രത്തില്‍ കലാഭവന്‍ ഷാജോണ്‍, വിജയരാഘവന്‍, രാധിക ശരത്കുമാര്‍ തുടങ്ങി പ്രമുഖതാരങ്ങള്‍ അണിനിരക്കുന്നു. ടോമിച്ചന്‍ മുളകുപാടം ആണ് നിര്‍മാണം.
ഈ വര്‍ഷത്തെ വമ്പന്‍ റിലീസുകളില്‍ ഒന്നാണ് രാമലീല. ജൂലൈ 21ന് ചിത്രം തിയറ്ററുകളില്‍ എത്തിക്കാനായിരുന്നു തീരുമാനിച്ചിരുന്നത്. എന്നാല്‍ നടിയെ ആക്രമിച്ച കേസില്‍ ദിലീപ് അറസ്റ്റിലായതോടെ റിലീസ് നീട്ടിവെക്കുകയായിരുന്നു.

എന്നാല്‍ കേസില്‍ ദിലീപിന് ജാമ്യം ലഭിക്കുന്നതോടെ സിനിമയുടെ റിലീസ് ഉണ്ടാകുമെന്നാണ് സൂചന. ദിലീപിന്റെ ഡബ്ബിങ് ഉള്‍പ്പെടെയുള്ള മിനുക്കുപണികള്‍ ഇനിയും പൂര്‍ത്തിയാകാനുണ്ട്. വ്യാഴാഴ്ചയാണ് ദിലീപിന്റെ ജാമ്യാപേക്ഷ ഹൈക്കോടതി പരിഗണിക്കുന്നത്

ഉച്ചയ്ക്ക് 1.45-നാണ് ജാമ്യഹര്‍ജി കോടതിക്കു മുന്നില്‍ എത്തിയത്. അറസ്റ്റ് സംശയത്തിന്റെ അടിസ്ഥാനത്തിലാണ്. തനിക്കെതിരെ തെളിവുകളൊന്നുമില്ല. സാക്ഷികളെ സ്വാധീനിക്കുമെന്ന വാദം അടിസ്ഥാനരഹിതമാണ്. ജാമ്യം അടിയന്തരമായി പരിഗണിക്കണമെന്നും ദിലീപിനായി സമര്‍പ്പിച്ച ഹര്‍ജിയില്‍ പ്രതിഭാഗം ആവശ്യപ്പെട്ടു. എന്നാല്‍ ഇന്ന് തന്നെ ജാമ്യഹര്‍ജി പരിഗണിക്കണമെ പ്രതിഭാഗത്തിന്റെ ആവശ്യം കോടതി തള്ളുകയായിരുന്നു.

അതേസമയം വ്യാഴാഴ്ച ജാമ്യാപേക്ഷയില്‍ വിശദമായ വാദം കേള്‍ക്കുമെന്നും കോടതി അറിയിച്ചു. അങ്കമാലി മജിസ്‌ട്രേട്ട് കോടതി ജാമ്യം നിഷേധിച്ചതിനെ തുടര്‍ന്നാണ് ദിലീപ് ഹൈക്കോടതിയെ അപേക്ഷ സമര്‍പ്പിച്ചത്. നിലവില്‍ മജിസ്‌ട്രേട്ട് കോടതി ജാമ്യം നിഷേധിച്ചാല്‍ ജില്ലാ സെഷന്‍സ് കോടതിയില്‍ ജാമ്യാപേക്ഷ നല്‍കാന്‍ അവസരമുണ്ട്. അതിനു ശ്രമിക്കാതെയാണ് പ്രതിഭാഗം ഹൈക്കോടതിയെ നേരിട്ടു സമീപിച്ചത്.

എന്നാല്‍ ഹര്‍ജി പരിഗണിച്ചപ്പോള്‍ ഇരക്ക് വേണ്ടി ഹാജരായ ഡയറക്ടര്‍ ജനറല്‍ ഓഫ് പ്രോസിക്യൂഷന്‍ മഞ്ചേരി ശ്രീധരന്‍ നായര്‍ കേസിനെക്കുറിച്ച് പഠിക്കാന്‍ കൂടുതല്‍ സമയം ആവശ്യപ്പെടുകയായിരുന്നു. പ്രതിഭാഗം പുതിയ ഹര്‍ജി സമര്‍പ്പിച്ച സാഹചര്യത്തിലാണ് വിഷയം പഠിക്കാന്‍ കൂടുതല്‍ സമയം വേണമെന്ന് കോടതിയോട് ആവശ്യപ്പെട്ടത്. കേസില്‍ ഗൂഢാലോചനയില്ലെന്ന മുഖ്യമന്ത്രി പിണറായി വിജയന്റെ പ്രസ്താവന പ്രതിഭാഗം ജാമ്യഹര്‍ജിയില്‍ ചൂണ്ടിക്കാട്ടിയിരുന്നു.

ദിലീപിന്റെ ജാമ്യഹര്‍ജി ഹൈക്കോടതിയില്‍ എതിര്‍ക്കുമെന്ന് പൊലീസ് വ്യക്തമാക്കിയിരുന്നു. ജാമ്യ ഹര്‍ജി എതിര്‍ത്ത് പോലീസ് എതിര്‍ സത്യവാങ്മൂലം നല്‍കും. കേസ് ഡയറിയുള്‍പ്പെടെയുള്ളവ ഹാജരാക്കി റിമാന്‍ഡ് കാലാവധി നീട്ടിക്കാനാണ് പൊലീസിന്റെ നീക്കം.

ദിലീപിന് ജാമ്യം അനുവദിക്കുന്നതിനെതിരെ പ്രോസിക്യൂഷന്‍ നിരത്തിയ വാദങ്ങള്‍ അംഗീകരിച്ചാണ് ജാമ്യാപേക്ഷ തള്ളിയത്. പ്രതിക്കെതിരെ ആരോപിക്കുന്ന ഇത്തരം കുറ്റകൃത്യങ്ങള്‍ കോടതി ലഘുവായി കാണുന്നില്ല. സമാനമനസ്‌കര്‍ക്കുള്ള മുന്നറിയിപ്പായാണ്  പ്രതിയുടെ ജാമ്യം നിഷേധിക്കുന്നതെന്നും കോടതി ഉത്തരവില്‍ പറയുന്നു.

ദിലീപിന്റെ പേരില്‍ ഉയര്‍ന്നത് വളരെ ഗുരുതരമായ ആരോപണങ്ങളാണ്. നടന്‍ കൂടിയായ പ്രതിക്ക് ജാമ്യം നല്‍കിയാല്‍ തെളിവുകള്‍ നശിപ്പിക്കാന്‍ സാധ്യതയുണ്ട്. അതിനാല്‍ തന്നെ അന്വേഷണം നടക്കുമ്പോള്‍ ദിലീപ് ജുഡീഷ്യല്‍ കസ്റ്റഡിയില്‍ ഉണ്ടാവേണ്ടതുണ്ടെന്നുമാണ് ഉത്തരവിലുള്ളത്.

ശനിയാഴ്ചയാണ് ദിലീപിന്റെ ജാമ്യാപേക്ഷ അങ്കമാലി കോടതി തള്ളിയത്. പ്രതിക്കു ജാമ്യം ലഭിച്ചാല്‍ തെളിവുകള്‍
നശിപ്പിക്കാനും സാക്ഷികളെ സ്വാധീനിക്കാനും സാധ്യതയുണ്ടെന്ന പ്രോസിക്യൂഷന്‍ വാദം കണക്കിലെടുത്തായിരുന്നു
കണക്കിലെടുത്തായിരുന്നു നടപടി. ദിലീപിന് വേണ്ടി നടക്കുന്ന പ്രചാരണവും നടന് സമൂഹ്യ മാധ്യമങ്ങിലുള്ള സ്വാധീനവും പ്രോസിക്യൂഷന്‍ ചൂണ്ടിക്കാണിച്ചിരുന്നു. പ്രതി പുറത്തിറങ്ങിയാല്‍ ഇരയായ നടിയുടെ ജീവന് പോലും ഭീക്ഷണിയാണെന്നും പ്രോസിക്യൂഷന്‍ ജാമ്യം തടയുന്നതിനായുള്ള വാദത്തില്‍ പറഞ്ഞു.

പ്രതിഭാഗത്തിന്റേയും വാദിഭാഗത്തിന്റേയും വാദങ്ങള്‍ കേട്ട കോടതി, കേസ് ഡയറി വായിച്ചു ബോധ്യപ്പെട്ട ശേഷമാണ് ഗൗരവകരമായ നിരീക്ഷണങ്ങളോടെ ദിലീപിന് ജാമ്യം നിഷേധിച്ചത്. ജാമ്യം നിഷേധിച്ച ഉത്തരവില്‍ കോടതി നിരീക്ഷിച്ച കാരണങ്ങള്‍ മേല്‍ക്കോടതിയിലും ദിലീപിന് പ്രശ്‌നമാവുമെന്നാണ് വിവരം.

അതേസമയം നടി ആക്രമിക്കപ്പെട്ട കേസില്‍ അറസ്റ്റിലായ ദിലീപ് ഹൈക്കോടതിയില്‍ ജാമ്യാപേക്ഷ സമര്‍പ്പിച്ചു. ഗൂഡാലോചന ആരോപിച്ച് പൊലീസ് അറസ്റ്റ് ചെയ്ത ദിലീപിനെതിരെ തെളിവുകളൊന്നുമില്ലന്നാണ് പ്രതിഭാഗത്തിന്റെ വാദം. സാക്ഷികളെ സ്വാധീനിക്കുമെന്ന പ്രോസിക്യൂഷന്‍ വാദം അടിസ്ഥാനരഹിതമാണെന്നും അറസ്റ്റ് തന്നെ സംശയത്തിന്റെ അടിസ്ഥാനത്തിലാണെന്നും ഹര്‍ജിയില്‍ പറയുന്നത്.

നേരത്തേ ജാമ്യാപേക്ഷയില്‍ വാദം കേട്ട കോടതി വിധി പറയാന്‍ മാറ്റുകയായിരുന്നു. തുടര്‍ന്ന് ദിലീപിനെ കോടതിയില്‍ ഹാജരാക്കി ജാമ്യാപേക്ഷ തള്ളിയതായി അറിയിക്കുകയായിരുന്നു.
ദിലീപിനെ ആലുവ സബ് ജയിലിലേക്ക് കൊണ്ടുപോയി. അതേസമയം കസ്റ്റഡി നീട്ടി കിട്ടാനായി പൊലീസ് അപേക്ഷ നല്‍കിയിരുന്നില്ല.

അങ്കമാലി ജൂഡീഷ്യല്‍ മജിസ്‌ട്രേറ്റ് കോടതിയില്‍ ഉച്ചയ്ക്ക് ശേഷമാണ് ദിലീപിന്റെ ജാമ്യ ഹര്‍ജിയില്‍ വാദം തുടങ്ങിയത്. ദിലീപിന് വേണ്ടി മുതിര്‍ന്ന ഹൈക്കോടതി അഭിഭാഷകന്‍ അഡ്വ കെ രാംകുമാറും പ്രോസിക്യൂഷന്‍ വേണ്ടി അഡ്വ. എ സുരേഷനുമാണ് കോടതിയില്‍ ഹാജരായത്.

ആക്രമിക്കപ്പെട്ട നടിക്കെതിരെ നടന്‍ ദിലീപ് നടത്തിയ ആരോപണങ്ങള്‍ അദ്ദേഹത്തിന്റെ മനോനില വ്യക്തമാക്കുന്നതാണെന്ന് പ്രോസിക്യൂഷന്‍ വാദിച്ചു. നടിക്കെതിരെ ഇപ്പോള്‍ സാമൂഹിക മാധ്യമങ്ങള്‍ വഴി നടക്കുന്ന പ്രചരണങ്ങള്‍ ദിലീപിന്റെ സ്വാധീനം മൂലമാണെന്നും ഇപ്പോള്‍ തന്നെ ശക്തമായ പ്രചരണമാണ് സാമൂഹിക മാധ്യമങ്ങളില്‍ പ്രതിക്കുവേണ്ടി നടക്കുന്നതെന്നും പ്രോസിക്യൂഷന്‍ വാദിച്ചു. കസ്റ്റഡിയില്‍ ഉള്ളപ്പോള്‍ ഇങ്ങനെ ആണെങ്കില്‍ ജാമ്യത്തില്‍ ഇറങ്ങിയാല്‍ എങ്ങനെ ആയിരിക്കുമെന്ന് ഊഹിക്കാമെന്നും പ്രോസിക്യൂഷന്‍ വാദിച്ചു.
എന്നാല്‍ ഇതിനെതിരെ ശക്തമായ വാദവുമായി പ്രതിഭാഗവും രംഗത്തെത്തി.

റിമാന്‍ഡ് റിപ്പോര്‍ട്ടില്‍ പൊലീസ് ചുമത്തിയ ആരോപണങ്ങളെല്ലാം കളവാണെന്നും മുഖ്യപ്രതിയും കൊടും കുറ്റവാളിയുമായ സുനില്‍ കുമാറിന്റെ മൊഴി മാത്രമാണ് ദിലീപിനെതിരെയുള്ള തെളിവന്നും പ്രതിഭാഗം വാദിച്ചു. അത് വിശ്വസിച്ചാണ് പൊലീസ് മുന്നോട്ട് പോകുന്നത്. ജയില്‍ കിടന്ന് പ്രതികള്‍ എങ്ങനെ ഫോണ്‍ ഉപയോഗിച്ചു എന്നും അവിടെ നിന്ന് മറ്റുള്ളവരെ എങ്ങനെ ബന്ധപ്പെട്ടു തുടങ്ങിയ കാര്യങ്ങളാണ് പൊലീസ് അന്വേഷിക്കേണ്ടത്, പ്രതിഭാഗം വാദിച്ചു.

ദിലീപിനെ ജൂലൈ 25 വരെയാണ് ഇപ്പോള്‍ റിമാന്‍ഡ് ചെയ്തിരിക്കുന്നത്.

അതിനിടെ പ്രതിഭാഗം മുദ്രവെച്ച രണ്ട് മൊബൈല്‍ ഫോണുകള്‍ കോടതിക്ക് കൈമാറി. കോടതിയുടെ മേല്‍നോട്ടല്‍ ശാസ്ത്രീയ പരിശോധന നടത്താന്‍ വേണ്ടിയാണ് ദിലീപ് ഉപയോഗിച്ചിരുന്ന ഫോണുകള്‍ കോടതിയെ സമര്‍പ്പിച്ചതെന്ന് പ്രതിഭാഗം വക്കീല്‍ അഡ്വ. രാംകുമാര്‍ പറഞ്ഞു. എന്നാല്‍ മാധ്യമപ്രവര്‍ത്തകരുടെ കൂടുതല്‍ ചോദ്യങ്ങളോട് കേസ് കഴിഞ്ഞ് പ്രതികരിക്കാം എന്നായിരുന്നു രാംകുമാറിന്റെ മറുപടി.
അതേസമയം നടി ആക്രമിക്കപ്പെട്ട സംഭവത്തില്‍ പ്രതിയായ നടന്‍ ദിലീപിന്റെ ജാമ്യാപേക്ഷ കോടതി വിധി പറയാനായി മാറ്റിവെച്ചു. അങ്കമാലി ജുഡീഷ്യല്‍ മജിസ്ട്രേറ്റ് കോടതിയാണ് ദിലീപിന്റെ ജാമ്യാപേക്ഷയില്‍ വാദം പൂര്‍ത്തിയായ ശേഷം വിധി പറയാനായി മാറ്റിയത്.

അതേസമയം അന്വേഷണവുമായി ബന്ധപ്പെട്ട് കാവ്യയെ വിളിപ്പിച്ചേക്കാമെന്ന് എസ്.പി എ.വി ജോര്‍ജ് വ്യക്തമാക്കി. എന്നാല്‍ കേസിനെ സംബന്ധിച്ച് കൂടുതല്‍ സംസാരിക്കാന്‍ എസ്.പി തയാറായില്ല. അതേസമയം നടിയെ സംബന്ധിച്ച മാധ്യമ വാര്‍ത്തകളം വിമര്‍ശിക്കാനും റൂറല്‍ എസ്.പി എ.വി ജോര്‍ജ് ശ്രമിച്ചില്ല.

കുറ്റം ചെയ്തു എന്ന് തെളിയിക്കപ്പെടുന്നത് വരെ ഒരാളും കുറ്റവാളിയെല്ലെന്ന് നടനും തിരക്കഥാകൃത്തുമായ മുരളി ഗോപി പറഞ്ഞു.
ഫെയ്‌സ്ബുക്ക് വഴിയാണ് ആരാധകരോടും ജനങ്ങളോടും അമിതാവേശം അരുതെന്ന ഉപദേശമായി മുരളിഗോപി പ്രതികരിച്ചത്.

കയ്യടിയുടെയും കൂക്കുവിളിയുടെയും ഇടയില്‍, കരുണയുടെയും ക്രൂരതയുടെയും ഇടയില്‍ ഒരു ഇടമുണ്ട്. പരിഷ്‌കൃതമായ ലോകം ഈ ഇടങ്ങളില്‍ ആണ് നിലയുറപ്പിക്കുന്നത്. നിയമം നടക്കട്ടെ. നീതി പുലരട്ടെ. കോലാഹലം അല്ല ഉത്തരം-മുരളി ഗോപി ഫെയ്‌സ്ബുക്കില്‍ കുറിച്ചു.

ദിലീപ് അടുത്തതായി അഭിനയിക്കേണ്ടിയിരുന്ന കമ്മാരസംഭവം എന്ന ചിത്രത്തിന്റെ തിരക്കഥാകൃത്ത് കൂടിയാണ് മുരളി ഗോപി. മുരളി ഗോപിയുടെ തിരക്കഥയില്‍ ആദ്യമായി ഒരുങ്ങിയ രസികന്‍ സിനിമയിലും ദിലീപായിരുന്നു നായകന്‍.
അതിനിടെ നടി ആക്രമിക്കപ്പെട്ട കേസില്‍ അറസ്റ്റിലായ ദിലീപനെതിരെ നിലപാടെടുത്ത യുവതാരം ആസിഫ് അലി മലക്കം മറിഞ്ഞു. ദിലീപിനൊപ്പം ഇനി അഭിനയിക്കില്ലെന്ന അഭിപ്രായമാണ് ആസിഫ് തിരുത്തിയത്.

ദിലീപിനൊപ്പം അഭിനയിക്കില്ലെന്ന് പറഞ്ഞത് അദ്ദേഹത്തെ അഭിമുഖീകരിക്കാന്‍ പറ്റാത്തത് കൊണ്ടാണെന്നും വാക്കുകള്‍ക്കിടയിലൂടെ സഞ്ചരിക്കരുതെന്നും ആസിഫ് ഫെയ്‌സ് ബുക്ക് കുറിപ്പില്‍ വ്യക്തമാക്കി.

ദിലീപ് അറസ്റ്റിലായ ദിവസം ഒരു സ്വകാര്യ ചാനലിന് നല്‍കിയ അഭിമുഖത്തിലാണ് ഇനി ദിലീപിനൊപ്പം അഭിനയിക്കില്ലെന്ന് ആസിഫ് അലി പറഞ്ഞത്.

ഇതിനിടെ ദിലീപ് തന്നെ തഴഞ്ഞെന്ന വാര്‍ത്ത നിഷേധിച്ചും നടന് പിന്തുണയുമായും കലാഭവന്‍ ഷാജോണും രംഗത്തെത്തി. ദിലീപ് അറസ്റ്റിലായതോടെ താരത്തിനെതിരെ നിരവധി ആരോപണള്‍ ഉയരുന്നതിനിടെ കലാഭവന്‍ ഷാജോണെ ബന്ധപ്പെടുത്തിയും ഒരു വാര്‍ത്ത പരന്നിരുന്നു. കുഞ്ഞിക്കൂനന്‍ സിനിമയില്‍ ഷാജോണിന് വില്ലന്‍ ആവാന്‍ കിട്ടിയ ചാന്‍സ് ദിലീപ് വെട്ടിയതായായിരുന്നു വാര്‍ത്ത.

എന്നാല്‍ ഇതിന് പ്രതികരണവുമായി ഷാജോണ്‍ തന്നെ എത്തുകയായിരുന്നു. ‘വീണുപോയ ഒരാളിനെ ചവിട്ടാന്‍ എന്നെ ആയുധമാക്കരുത്… പറയാന്‍ കാരണം, കുഞ്ഞിക്കൂനന്‍ എന്ന സിനിമയില്‍ നിന്ന് എന്നെ പുറത്താക്കിയത് ദിലീപേട്ടന്‍ ആണെന്നൊരു വാര്‍ത്ത പ്രചരിക്കുന്നു. ഞാന്‍ കുഞ്ഞിക്കൂനലില്‍ അഭിനയിക്കാന്‍ പോവുകയും മേക്ക് അപ്പ് ടെസ്റ്റ് നടത്തുകയും ചെയ്തിരുന്നു പക്ഷെ നിര്‍ഭാഗ്യവശാല്‍ ആ വേഷം എനിക്ക് ലഭിച്ചില്ല അതിനു കാരണം ഒരിക്കലും ദിലീപേട്ടന്‍ ആയിരുന്നില്ല. ദിലീപേട്ടന്‍ ശശിശങ്കര്‍ സാറിനോട് റെക്കമെന്റ് ചെയ്തിട്ടാണ് ഞാന്‍ ആ സെറ്റില്‍ എത്തിയത് തന്നെ. അതുകൊണ്ടു അസത്യങ്ങള്‍ വാര്‍ത്തകള്‍ ആക്കരുത്.’

ത്രില്ലര്‍ സിനിമകളിലെ പോലെ വാര്‍ത്തകളില്‍ സസ്‌പെന്‍സ് ആയി നിലനിന്ന വില്ലന്‍ ഒരു കഥാപാത്രമായിരുന്നു മാഡം.
നടിയെ ആക്രമിക്കാന്‍ ക്വട്ടേഷന്‍ കൊടുത്തത് ഒരു മാഡം ആണെന്നായിരുന്നു പ്രചാരണം. ദിലീപിന്റെ ഭാര്യയും നടിയുമായ കാവ്യാ മാധവനോ, അമ്മ ശ്യാമളയോ ആണ് ആ മാഡം എന്നുവരെ സോഷ്യല്‍ മീഡിയ വഴി പ്രതികരണങ്ങള്‍ വന്നിരുന്നു. ഇതിനിടെയാണ് മാഡത്തെ പൂര്‍ണമായും തള്ളി പൊലീസ് എത്തിയിരിക്കുന്നത്.

മാഡം എന്നത് പള്‍സര്‍ സുനിയുടെ ഭാവനാസൃഷ്ടി മാത്രമാണ് എന്നാണ് പൊലീസ് പറയുന്നു. അന്വേഷണം വഴിതെറ്റിക്കാനാണ് സുനി ഇത്തരമൊരു കെട്ടുകഥ ഉണ്ടാക്കിയത്. സുഹൃത്തുക്കളില്‍ അടക്കം ഈ മാഡത്തെക്കുറിച്ച് സുനി തെറ്റിദ്ധാരണ ഉണ്ടാക്കിയതായും സംശയിക്കുന്നതായി പൊലീസ് പറഞ്ഞു.