നടിയെ ആക്രമിച്ച കേസിന്റെ വിചാരണ തുടങ്ങാനിരിക്കെയാണ് അന്വേഷണത്തിന് നേതൃത്വം നല്‍കിയ എഡിജിപി ബി സന്ധ്യയെ അപ്രധാന തസ്തികയിലേക്ക് മാറ്റുന്നത്. ഉന്നത ഉദ്യോഗസ്ഥര്‍ പോലും അറിയാതെയാണ് ഈ അഴിച്ചുപണിയെന്നാണ് സൂചന. നേരത്തെ, നടിയെ ആക്രമിക്കപ്പെട്ട കേസുമായി ബന്ധപ്പെട്ട് അന്വേണഷസംഘത്തിനകത്ത് അതൃപ്തി ഉടലെടുത്തിരുന്നു. കേസിന്റെ അന്വേഷണ ഉദ്യോഗസ്ഥനായിരുന്ന ദിനേന്ദ്ര കശ്യപിനെ മുഖ്യമന്ത്രി കഴിഞ്ഞ ദിവസം നേരിട്ട് വിളിച്ചിരുന്നു. ദിലീപിന്റെ അറസ്റ്റുള്‍പ്പടെയുള്ള കാര്യങ്ങള്‍ ദിനേന്ദ്രേ കശ്യപ് അറിഞ്ഞിരുന്നില്ല. ഈ പ്രശ്‌നങ്ങളുടെ സാഹചര്യത്തിലാണോ സര്‍ക്കാര്‍ നടപടിയുണ്ടാവുന്നത്. എന്നാല്‍ മാറ്റത്തിന് പിന്നിലെ കാരണം മുഖ്യമന്ത്രിയുടെ ഓഫീസ് വ്യക്തമാക്കിയിട്ടില്ല.

സുനി കത്തയച്ചത് സംബന്ധിച്ച് ദിലീപ് പരാതി നല്‍കിയിരുന്നു. ദിലീപ് പരാതി നല്‍കിയത് എപ്പോഴെന്നും അദ്ദേഹത്തിന്റെ ആക്ഷേപങ്ങള്‍ക്കും കോടതിയില്‍ മറുപടി നല്‍കുമെന്ന് ഡിജിപി പറഞ്ഞു. തിരുവനന്തപുരത്ത് മാധ്യമപ്രവര്‍ത്തകരോട് പ്രതികരിക്കുകയായിരുന്നു ബെഹ്‌റ.

അന്വേഷണം പുരോഗമിക്കുന്നതിനാല്‍ നിലവില്‍ യാതൊന്നും വെളിപ്പെടുത്താന്‍ സാധിക്കില്ല. ദിലീപിന്റെ പരാതിയില്‍ എന്ത് നടപടിയാണ് സ്വീകരിച്ചതെന്നും കോടതില്‍ വ്യക്തമാക്കും, അദ്ദേഹം കൂട്ടിച്ചേര്‍ത്തു.

കഴിഞ്ഞ ദിവസം ദിലീപ് സമര്‍പ്പിച്ച ജാമ്യാപേക്ഷയില്‍ ഡി.ജി.പി ലോക്‌നാഥ് ബെഹ്‌റയ്‌ക്കെതിരെ പരാമര്‍ശങ്ങളുണ്ടായിരുന്നു. പള്‍സര്‍ സുനി തന്നെ വിളിച്ചകാര്യം അന്നു തന്നെ ബെഹ്‌റയുടെ പേഴ്‌സണല്‍ നമ്പര്‍ വഴിയും വാട്‌സ്ആപ്പ് മെസേജ് വഴിയം കൈമാറിയെന്നായിരുന്നു ദിലീപ് ജാമ്യാപേക്ഷയില്‍ അവകാശപ്പെടുന്നത്. എന്നാല്‍ ദിലീപ് പരാതിപ്പെടാന്‍ വൈകിയെന്നായിരുന്നു പൊലീസിന്റെ ആരോപണം.

പോലീസിനെ കുടുക്കി പഴുതുകളടച്ച ജാമ്യാപേക്ഷയാണ് ദിലീപ് സമര്‍പ്പിച്ചിരിക്കുന്നത്. പള്‍സര്‍ സുനിയെ അറിയില്ലെന്നും തനിക്കെതിരെ ഗൂഢാലോചന നടക്കുന്നുവെന്നും ദിലീപ് പറയുന്നു. ഹൈക്കോടതി നേരത്തെ ജാമ്യാപേക്ഷ തള്ളിയിരുന്നു. എന്നാല്‍ സുപ്രീംകോടതിയെ സമീപിക്കാതെ ഹൈക്കോടതിയെ തന്നെ ജാമ്യത്തിനായി ദിലീപ് സമീപിക്കുകയായിരുന്നു. ദിലീപ് സമര്‍പ്പിച്ച ജാമ്യഹര്‍ജിയില്‍ ദിലീപന്റെ മുന്‍ ഭാര്യ മഞ്ജുവാര്യക്കെതിരെ ആരോപണമുണ്ട്. കേസ് അന്വേഷിക്കുന്ന എ.ഡി.ജി.പി ബി സന്ധ്യക്ക് കേസില്‍ ഗൂഢാലോചനയുണ്ടെന്ന് ആദ്യം ആരോപിച്ച ദിലീപ് അവര്‍ക്ക് നടിയുമായി ബന്ധമുണ്ടെന്നാണ് കോടതിയില്‍ സമര്‍പ്പിച്ച ജാമ്യഹര്‍ജിയില്‍ ആരോപിക്കുന്നത്. ചോദ്യം ചെയ്യലിനിടെ ചില പ്രത്യേക ഭാഗങ്ങള്‍ റെക്കോര്‍ഡ് ചെയ്യാതെ ക്യാമറ ഓഫാക്കിയതായും ആരോപണമുണ്ട്.

ദിലീപിന് ജയിലില്‍ പ്രത്യേക ഭക്ഷണമാണ് നല്‍കുന്നത്. രാത്രി കിടക്കാന്‍ മാത്രമാണ് ദിലീപ് എത്താറുള്ളത്. എല്ലാവരും രാവിലെ ഇറങ്ങിയാലും ദിലീപ് ഇറങ്ങാറില്ല. ജയില്‍ ഉദ്യോഗസ്ഥരുടെ മുറിയിലാണ് ദിലീപ് കഴിയുന്നത്. അവിടെവെച്ചാണ് ഭക്ഷണം കഴിക്കുന്നതും കുളിക്കുന്നതുമെല്ലാം. എല്ലാവര്‍ക്കും ഈ കാര്യങ്ങള്‍ അറിയാം. മര്‍ദ്ദനം ഭയന്നാണ് പലരും ഇക്കാര്യങ്ങള്‍ പറയാതിരിക്കുന്നത്. കോടതിയിലേക്ക് കൊണ്ടുപോകുമ്പോഴോ മറ്റെവിടെയെങ്കിലോ വെച്ച് പറഞ്ഞാല്‍ തിരികെയെത്തിയാല്‍ പോലീസുകാര്‍ ക്രൂരമര്‍ദ്ദനത്തിനിരയാക്കും. അതുകൊണ്ടാണ് ആരും പറയാത്തത്. ജയിലിലെ സി.സി.ടി.വി ദൃശ്യങ്ങള്‍ പരിശോധിച്ചാല്‍ ഇക്കാര്യങ്ങള്‍ മനസ്സിലാക്കാന്‍ കഴിയുമെന്നും സനൂപ് പറഞ്ഞു.

നേരത്തെ ജയിലില്‍ ദിലീപിന് സുഖവാസമാണെന്ന് റിപ്പോര്‍ട്ടുണ്ടായിരുന്നു. എന്നാല്‍ എ.ഡി.ജി.പി ബി.സന്ധ്യ ഇതിനെ എതിര്‍ക്കുകയായിരുന്നു. അങ്ങനെയൊരു സംഭവമില്ലെന്ന് അവര്‍ പറഞ്ഞിരുന്നു. എന്നാല്‍ ദിലീപിന് ജയിലില്‍ സുഖസൗകര്യമാണെന്ന് സനൂപ് വെളിപ്പെടുത്തുകയായിരുന്നു.

എന്നാല്‍ ഓരോ കേസിലും രണ്ടു കാര്യങ്ങളുണ്ട്. തെളിവും സംശയവും രണ്ടാണ്. അന്വേഷണത്തിന്റെ ആ ദിശയില്‍ ആരേയും പ്രതിയാക്കാന്‍ തെളിവില്ല. കൂടുതല്‍ തെളിവുകള്‍ ശേഖരിക്കണമെന്നാണ് ഉദ്ദേശിച്ചത്. ഇപ്പോള്‍ തെളിവില്ലെന്ന് കരുതി ഇനി തെളിവില്ലാതിരിക്കണമെന്നുമില്ല. 13 മണിക്കൂര്‍ ചോദ്യം ചെയ്തപ്പോള്‍ എന്തുകൊണ്ട് അന്വേഷണസംഘത്തലവന്‍ ദിനേന്ദ്ര കശ്യപ് ഉണ്ടായിരുന്നില്ല. നല്ല കഴിവുള്ള ഉദ്യോഗസ്ഥനാണ് കശ്യപ്. നല്ല രീതിയില്‍ അന്വേഷിക്കണമെന്ന് മാത്രമാണ് ഉദ്ദേശിച്ചത്. എഡി.ജി.പി സന്ധ്യയെ അഭിനന്ദിച്ചുകൊണ്ട് ബെഹ്‌റ എഴുതിയ കത്ത് അവരുടെ ആഭ്യന്തര കാര്യമാണെന്നും താനിപ്പോള്‍ പോലീസിലില്ലെന്നും സെന്‍കുമാര്‍ കൂട്ടിച്ചേര്‍ത്തു. നടിയെ ആക്രമിച്ചത് എന്തിനെന്നതിന് തെളിവില്ലെന്നും അദ്ദേഹം പറഞ്ഞു.