അവസാനം പാറ്റ് കമ്മിണ്‍സിനെ കൂട്ടുപ്പിടിച്ച് മാക്‌സ്‌വെല്‍ നടത്തിയ വെടിക്കെട്ട് ബാറ്റിങ്ങിലൂടെ അഫ്ഗാനിസ്ഥാനോട് തോല്‍ക്കുക എന്ന നാണക്കേടില്‍ നിന്ന് ഓസിസ് രക്ഷപ്പെട്ടു. കൈവിട്ടെന്ന് തോന്നിയ നിമിഷത്തില്‍ നിന്ന് അക്ഷരാര്‍ത്ഥത്തില്‍ മാക്‌സ്‌വെല്‍ ഓസ്‌ട്രേലിയയെ കരകയറ്റി. 46.5 ഓവറില്‍ 7വിക്കറ്റ് നഷ്ടത്തിലാണ് ഓസ്‌ട്രേലിയ വിജയം നേടിയത്.

ആദ്യം ബാറ്റുചെയ്ത അഫ്ഗാനിസ്താന്‍ 50 ഓവറില്‍ അഞ്ചുവിക്കറ്റ് നഷ്ടത്തില്‍ 291 റണ്‍സെടുത്തു. സെഞ്ചുറി നേടിയ ഓപ്പണര്‍ ഇബ്രാഹിം സദ്രാന്റെ തകര്‍പ്പന്‍ പ്രകടനമാണ് അഫ്ഗാന് മികച്ച സ്‌കോര്‍ സമ്മാനിച്ചത്.

ഇതാദ്യമായാണ് അഫ്ഗാന്‍ ലോകകപ്പില്‍ 2 വിജയങ്ങള്‍ നേടുന്നത്.ലോകചാമ്പ്യന്‍മാരെ അട്ടിമറിച്ചായിരുന്നു ഈ ലോകകപ്പിലെ ആദ്യവിജയം. മൂന്നാം തോല്‍വിയോടെ പാകിസ്താന്റെ സെമി സാധ്യത പരുങ്ങലിലായി.

ഇബ്രാഹിം സദ്രാന്‍, റഹ്മാനുള്ള ഗുര്‍ബാസ്, റഹ്മത് ഷാ എന്നിവരുടെ അര്‍ധ സെഞ്ച്വറികളാണ് അഫ്ഗാന്റെ ജയം എളുപ്പമാക്കിയത്.283 റണ്‍സ് വിജയലക്ഷ്യത്തിലേക്ക് തകര്‍പ്പന്‍ തുടക്കമായിരുന്നു അഫ്ഗാനിസ്താന്റേത്. റഹ്മാനുള്ള ഗുര്‍ബാസ് ഇബ്രാഹിം സദ്രാന്‍ ഓപ്പണിങ് സഖ്യം 21.1 ഓവറില്‍ 130 റണ്‍സ് ചേര്‍ത്തപ്പോള്‍ തന്നെ അഫ്ഗാന്‍ മത്സരവിജയം തങ്ങള്‍ക്കൊപ്പമെന്ന സന്ദേശം നല്‍കിയിരുന്നു. 53 പന്തില്‍ നിന്ന് ഒരു സിക്‌സും 9 ഫോറുമടക്കം 65 റണ്‍സെടുത്ത ഗുര്‍ബാസിനെ മടക്കി ഷഹീന്‍ അഫ്രീദി ഈ കൂട്ടുകെട്ട് പൊളിച്ചു.

എന്നാല്‍ രണ്ടാം വിക്കറ്റില്‍ റഹ്മത്ത് ഷായെ കൂട്ടുപിടിച്ച് സദ്രാന്‍ 60 റണ്‍സിന്റെ കൂട്ടുകെട്ടുണ്ടാക്കിയതോടെ പാകിസ്ഥാന്‍ വീണ്ടും പ്രതിരോധത്തിലായി. ഇതിനിടെ സെഞ്ച്വറിയിലേക്ക് കുതിക്കുകയായിരുന്ന സദ്രാനെ ഹസന്‍ അലി റസ്വാന്റെ കൈകളിലെത്തിച്ചു. 113 പന്തില്‍ നിന്ന് 10 ബൗണ്ടറിയടക്കം 87 റണ്‍സെടുത്ത സദ്രാനാണ് അഫ്ഗാന്‍ നിരയിലെ ടോപ് സ്‌കോറര്‍.

തുടര്‍ന്ന് മൂന്നാം വിക്കറ്റില്‍ ഒന്നിച്ച റഹ്മത്ത് ഷാ ക്യാപ്റ്റന്‍ ഹഷ്മത്തുല്ല ഷാഹിദി സഖ്യം കൂടുതല്‍ നഷ്ടങ്ങളില്ലാതെ ടീമിനെ വിജയത്തിലെത്തിച്ചു. ഇരുവരും കൂട്ടിച്ചേര്‍ത്ത 93 റണ്‍സ് വിജയത്തില്‍ നിര്‍ണായകമായി. 84 പന്തുകള്‍ നേരിട്ട റഹ്മത്ത് ഷാ 77 റണ്‍സോടെയും 45 പന്തുകള്‍ നേരിട്ട ഷാഹിദി 48 റണ്‍സോടെയും പുറത്താകാതെ നിന്നു.

ക്യാപ്റ്റന്‍ ബാബര്‍ അസമിന്റയും അബ്ദുള്ള ഷഫീകിന്റെയും അര്‍ധ സെഞ്ച്വറികളുടെയും ബലത്തില്‍ നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ പാകിസ്ഥാന്‍ 282 റണ്‍സ് നേടി. അവസാന ഓവറുകളില്‍ ഷദബ് ഖാനും ഇഫ്തിഖര്‍ അഹമ്മദിന്റെയും തകര്‍പ്പന്‍ അടിയാണ് പാകിസ്ഥാന് ഭേദപ്പെട്ട സ്‌കോര്‍ ഉയര്‍ത്താനായത്. ടോസ് നേടിയ പാകിസ്ഥാന്‍ ബാറ്റിങ് തെരഞ്ഞെടുക്കുകയായിരുന്നു. 17 റണ്‍സ് എടുത്ത ഇമാം ഉള്‍ ഹഖിനെ തുടക്കത്തിലേ നഷ്ടമായെങ്കിലും അബ്ദുല്ല ഷഫീക്കും ക്യാപ്റ്റന്‍ ബാബറും അസമും ചേര്‍ന്ന് ഉണ്ടാക്കിയ മികച്ച കൂട്ടുകെട്ട് പാകിസ്ഥാന് സഹായകമായി. അര്‍ധ സെഞ്ച്വറി നേടിയ അബ്ദുല്ല എട്ട് റണ്‍സ് കൂടി എടുത്ത ശേഷം നൂര്‍ അഹമ്മദ് എല്‍ബിഡബ്ല്യുവില്‍ കുടുക്കി.

74 റണ്‍സ് എടുത്ത ബാബര്‍ അസമാണ് ടോപ് സ്‌കോറര്‍. 92 പന്ത് നേരിട്ടാണ് അസം 74 റണ്‍സ് എടുത്തത്. നാല് തവണ പന്ത് അതിര്‍ത്തി കടത്തിയപ്പോള്‍ ഒരു തവണ അസം സിക്‌സര്‍ പറത്തി. കഴിഞ്ഞ മത്സരങ്ങളില്‍ നന്നായി കളിച്ച റിസ് വാന് എട്ടുറണ്‍സ് മാത്രമാണ് എടുക്കാന്‍ കഴിഞ്ഞത്. സൗദ് ഷക്കീലും ഷദബ് ഖാനും ഇഫ്തിഖര്‍ അഹമ്മദിന്റെയും അവസരോചിതമായ കൂട്ടുകെട്ടാണ് ഭേദപ്പെട്ട സ്‌കോര്‍ കണ്ടെത്താന്‍ പാകിസ്ഥാന് സഹായമായത്.

നൂറ് അഹമ്മദ് മൂന്നും നവീന്‍ ഉല്‍ ഹഖ് രണ്ടും മുഹമ്മദ് നബി, അസ്മതുല്ല ഒമര്‍സായ് എന്നിവര്‍ ഓരോ വിക്കറ്റും വീഴ്ത്തി. വിക്കറ്റ് ഒന്നും നേടിയില്ലെങ്കിലും റാഷിദ് ഖാന്‍ നന്നായി പന്തെറിഞ്ഞു.

ചെന്നൈയിലെ ചിദംബരം സ്‌റ്റേഡിയത്തില്‍ ടോസ് നേടിയ അഫ്ഗാനിസ്ഥാന്‍ കിവീസിനെ ബാറ്റിങ്ങിനയച്ചു. ഡെവോണ്‍ കോണ്‍വേ 20, വില്‍ യങ്ങ് 54, രച്ചിന്‍ രവീന്ദ്ര 32, ഡാരല്‍ മിച്ചല്‍ ഒന്ന് എന്നിവര്‍ മടങ്ങുമ്പോള്‍ ന്യുസിലന്‍ഡ് നേടിയത് 4 വിക്കറ്റിന് 110 റണ്‍സ് മാത്രം. അഞ്ചാം വിക്കറ്റില്‍ ടോം ലതാമും ഗ്ലെന്‍ ഫിലിപ്‌സും ഒന്നിച്ചതോടെ സ്‌കോര്‍ബോര്‍ഡ് മുന്നോട്ടുനീങ്ങി. ഇരുവരെയും പുറത്താക്കാന്‍ ലഭിച്ച അവസരങ്ങള്‍ അഫ്ഗാന്‍ ഫീല്‍ഡര്‍മാര്‍ നഷ്ടപ്പെടുത്തി.

48ാം ഓവറിലെ ആദ്യ പന്തില്‍ ഗ്ലെന്‍ ഫിലിപ്‌സ് പുറത്താകുമ്പോള്‍ കിവീസ് സ്‌കോര്‍ 254ല്‍ എത്തിയിരുന്നു. 80 പന്തില്‍ 4 വീതം ഫോറും സിക്‌സും സഹിതം ഫിലിപ്‌സ് 71 റണ്‍സെടുത്തു. ടോം ലതാം 74 പന്തില്‍ 68 റണ്‍സെടുത്ത് പുറത്തായി. അവസാന ഓവറുകളില്‍ മാര്‍ക് ചാപ്മാന്‍ പുറത്താകാതെ പൊരുതി നേടിയ 25 റണ്‍സ് കൂടിയായതോടെ കിവീസ് ഭേദപ്പെട്ട സ്‌കോറിലെത്തി.

മറുപടി ബാറ്റിംഗിനിറങ്ങിയ അഫ്ഗാനിസ്ഥാന്‍ നിരുപാധികം കീഴടങ്ങി. കഴിഞ്ഞ മത്സരത്തില്‍ മുന്‍ ചാമ്പ്യന്‍മാരായ ഇംഗ്ലണ്ടിനോട് കളിച്ച അഫ്ഗാന്റെ നിഴല്‍ മാത്രമായിരുന്നു ഇന്ന് കളത്തില്‍ കണ്ടത്. അഫ്ഗാന്‍ ഓപ്പണര്‍മാരെ പുറത്താക്കി ട്രെന്റ് ബോള്‍ട്ട് വിക്കറ്റ് വേട്ടയ്ക്ക് തുടക്കമിട്ടു. മിച്ചല്‍ സാന്ററും ലോക്കി ഫെര്‍ഗൂസനും 3 വീതം വിക്കറ്റുകള്‍ പങ്കിട്ടു. ഓരോ വിക്കറ്റുകള്‍ വീഴ്ത്തി രച്ചിന്‍ രവീന്ദ്രയും മാറ്റ് ഹെന്റിയും പട്ടിക പൂര്‍ത്തിയാക്കി. തുടര്‍ച്ചയായ നാലാം വിജയത്തോടെ ന്യുസിലന്‍ഡ് പോയിന്റ് ടേബിളില്‍ ഒന്നാമതെത്തി.

28 പേര്‍ കൊല്ലപ്പെട്ടെന്നും 10 പേര്‍ക്ക് പരിക്കേറ്റെന്നും ഫറാ പ്രവിശ്യ വക്താവ് മുഹിബുള്ള മുഹീബ് പറഞ്ഞു. അഫ്ഗാനിസ്ഥാനിലെ ആഭ്യന്തര യുദ്ധത്തില്‍ കൊല്ലപ്പെടുന്ന പൗരന്മാരുടെ എണ്ണം വര്‍ധിക്കുകയാണെന്ന യുഎന്‍ റിപ്പോര്‍ട്ട് പുറത്തുവന്നതിന് തൊട്ടുപിന്നാലെയാണ് ആക്രമണം.

മോസ്‌കോ: തീവ്രവാദ ആക്രമണങ്ങള്‍ പതിവായ അഫ്ഗാനിസ്താനില്‍ സമാധാനത്തിന്റെ പാത തുറന്നിട്ട് റഷ്യയില്‍ ചര്‍ച്ച. റഷ്യ, അഫ്ഗാനിസ്താന്‍, താലിബാന്‍ എന്നിവരാണ് ചര്‍ച്ചയില്‍ പങ്കെടുക്കുന്നത്. കൂടാതെ യു.എസ്, ഇന്ത്യ ഉള്‍പ്പെടെ മറ്റു രാജ്യങ്ങളുടെ പ്രതിനിധികളും ചര്‍ച്ചയില്‍ പങ്കെടുക്കുന്നുണ്ട്.
ഇന്നലെ രാവിലെയാണ് ചര്‍ച്ചക്ക് തുടക്കമിട്ടത്. റഷ്യ മുന്‍കൈ എടുത്താണ് ചര്‍ച്ച നടക്കുന്നത്. അഫ്ഗാന്റെയും താലിബാന്റെയും പ്രതിനിധികളുടെ സാന്നിധ്യം ചര്‍ച്ച വിജയിക്കുമെന്നതിന്റെ സൂചനയാണ് നല്‍കുന്നതെന്ന് റഷ്യന്‍ വിദേശകാര്യമന്ത്രി സെര്‍ജി ലാവ്‌റോവ് പറഞ്ഞു. ചര്‍ച്ചയിലൂടെ എല്ലാ പ്രശ്‌നങ്ങള്‍ക്കും പരിഹാരം കാണാനാകും. അഫ്ഗാനിലെ ജനങ്ങള്‍ക്ക് നീതി ലഭിക്കുമെന്നാണ് പ്രതീക്ഷ. അഫ്ഗാന്റെ ചരിത്രത്തില്‍ പുതിയ ഏടാണ് ഈ ചര്‍ച്ച തുറന്നിടുകയെന്നും മന്ത്രി വ്യക്തമാക്കി. ഏഷ്യയിലെ പ്രശ്‌നബാധിതമായ രാജ്യം കൂടിയാണ് അഫ്ഗാനെന്നും റഷ്യന്‍ വിദേശകാര്യമന്ത്രി പറഞ്ഞു.
പാക്കിസ്താനാണ് താലിബാന് വേണ്ട പിന്തുണ നല്‍കുന്നതെന്ന് അഫ്ഗാന്‍ വിദേശകാര്യമന്ത്രാലയം വക്താവ് മുഹമ്മദ് ഫൈസല്‍ പറഞ്ഞു. ചര്‍ച്ച നിരീക്ഷിക്കാന്‍ നയതന്ത്ര പ്രതിനിധിയെ യുഎസ് അയച്ചിട്ടുണ്ട്. സെപ്റ്റംബറില്‍ റഷ്യ ചര്‍ച്ച നടത്താന്‍ തീരുമാനിച്ചിരുന്നെങ്കിലും അഫ്ഗാന്‍ നിരസിച്ചിരുന്നു.
ചര്‍ച്ച അനൗദ്യോഗികമെന്നാണ് സൂചന. താലിബാന്‍ പ്രതിനിധികള്‍ എത്തുന്ന ചര്‍ച്ചയില്‍ അഫ്ഗാനിസ്ഥാനില്‍ സമാധാനം പുന:സ്ഥാപിക്കുക എന്നതായിരിക്കും പ്രധാന വിഷയം. അഫ്ഗാനിസ്ഥാനിലെ ഇന്ത്യന്‍ അംബാസിഡര്‍ അമര്‍ സിന്‍ഹ, പാക്കിസ്ഥാനിലെ മുന്‍ ഇന്ത്യന്‍ ഹൈകമീഷണര്‍ ടി.സി.എ രാഘവന്‍ എന്നിവരാണ് ചര്‍ച്ചയില്‍ ഇന്ത്യയെ പ്രതിനിധീകരിക്കുന്നത്. അഫ്ഗാനിസ്താനില്‍ സമാധാനവും സുരക്ഷയും കൊണ്ടുവരാനുള്ള എല്ലാ ശ്രമങ്ങള്‍ക്കും ഇന്ത്യ പിന്തുണ നല്‍കുമെന്നും വിദേശകാര്യ വക്താവ് രവീഷ് കുമാര്‍ പറഞ്ഞു.
റഷ്യന്‍ പ്രസിഡന്റ് വഌഡിമര്‍ പുടിന്‍ ഇന്ത്യ സന്ദര്‍ശിച്ചതിനു ശേഷമാണ് ഇത്തരമൊരു കൂടിക്കാഴ്ചയ്ക്ക് രാജ്യം സന്നദ്ധത അറിയിച്ചത്. എന്നാല്‍ അഫ്ഗാന്‍ വിഷയത്തില്‍ റഷ്യയില്‍ ചര്‍ച്ച് നടക്കുന്നുണ്ടെന്ന് അറിയിച്ചെങ്കിലും താലിബാനുമായുള്ള ചര്‍ച്ചകള്‍ സംബന്ധിച്ച് ഒന്നും പുറത്തു പറയാന്‍ വിദേശകാര്യ വക്താവ് രവീഷ് കുമാര്‍ തയ്യാറായിട്ടില്ല.

കാബൂള്‍: അഫ്ഗാനിസ്താനിലെ കിഴക്കന്‍ നന്‍ഗര്‍ഹാര്‍ പ്രവിശ്യയില്‍ തെരഞ്ഞെടുപ്പ് റാലിക്കുനേരെയുണ്ടായ ചാവേറാക്രമണത്തില്‍ 13 പേര്‍ കൊല്ലപ്പെട്ടു. 25 പേര്‍ക്ക് പരിക്കേറ്റു. പാര്‍ലമെന്റ് തെരഞ്ഞെടുപ്പ് സ്ഥാനാര്‍ത്ഥി അബ്ദുല്‍ നാസിര്‍ മുഹമ്മദിന്റെ പ്രചാരണ റാലിയിലാണ് സ്‌ഫോടനമുണ്ടായത്. മുതിര്‍ന്ന നേതാക്കള്‍ സംസാരിച്ചുകൊണ്ടിരിക്കുമ്പോഴാണ് സ്‌ഫോടനമുണ്ടായതെന്ന് ദൃക്‌സാക്ഷികളില്‍ ഒരാളായ സയ്യിദ് ഹുമയൂണ്‍ പറഞ്ഞു. സ്‌ഫോടനശബ്ദം കേട്ട് ഞാന്‍ ബോധരഹിതനായി. ശേഷം കണ്ണുതുറന്നു നോക്കുമ്പോള്‍ ചിതറിത്തെറിച്ച ശരീരാവശിഷ്ടങ്ങളാണ് ചുറ്റും കണ്ടതെന്ന് അദ്ദേഹം അറിയിച്ചു. 250ഓളം പേര്‍ റാലിയില്‍ പങ്കെടുത്തിരുന്നു. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. ഒക്ടോബര്‍ 20നാണ് പാര്‍ലമെന്റ് തെരഞ്ഞെടുപ്പ്. പ്രചാരണം തുടങ്ങിയ ശേഷം രാജ്യത്ത് അഞ്ച് സ്ഥാനാര്‍ത്ഥികള്‍ കൊല്ലപ്പെട്ടിട്ടുണ്ട്.

നാറ്റോ സഖ്യത്തില്‍ ഉള്‍പ്പെട്ട 50 രാജ്യങ്ങളില്‍ നിന്ന് 130000 സൈനികരാണ് അഫ്ഗാനിസ്താനിലുള്ളത്. ബ്രിട്ടന്റെ 9500 സൈനികരും 137 സൈനിക താവളങ്ങളും അഫ്ഗാനിലുണ്ട്. സുരക്ഷയുടെ ഭാഗമായി കാബൂളില്‍ സൈനികരുടെ എണ്ണം കഴിഞ്ഞ മാസം നാറ്റോ ഉയര്‍ത്തിയിരുന്നു. 39 രാജ്യങ്ങളില്‍ നിന്നായി 16000 സൈനികരെയാണ് വിന്യസിച്ചത്. അഫ്ഗാന്‍ സൈന്യത്തെയും പൊലീസിനെയും സഹായിക്കുന്നതിനായാണ് അധികം സൈനികരെ കാബൂളില്‍ വിന്യസിച്ചത്. കഴിഞ്ഞ സെപ്റ്റംബറില്‍ 3000 സൈനികരെയാണ് യുഎസ് അധികമായി വിന്യസിച്ചത്.