കൊല്ലപ്പെട്ടവരില്‍ മൂന്ന് ക്രിക്കറ്റ് താരങ്ങളായ കബീര്‍, സിബ്ഗത്തുള്ളി, ഹാറൂണ്‍ ഉള്‍പ്പെടുന്നു. അതേസമയം മറ്റ് അഞ്ചുപേരും മരണപ്പെട്ടു. ഏഴ് പേര്‍ക്ക് പരിക്ക് സംഭവിച്ചുവെന്ന് അറിയിപ്പില്‍ പറയുന്നു.

ഈ സംഭവത്തെ തുടര്‍ന്ന് പാകിസ്താനും ശ്രീലങ്കയും ഉള്‍പ്പെടുന്ന ത്രിരാഷ്ട്ര ട്വന്റി 20 ടൂര്‍ണമെന്റില്‍ നിന്ന് അഫ്ഗാനിസ്ഥാന്‍ പിന്മാറി.

അഫ്ഗാനിസ്താന്‍ ക്രിക്കറ്റ് ബോര്‍ഡ് ആക്രമണത്തെ ഭീരത്വ ആക്രമണം എന്ന് വിശേഷിപ്പിക്കുകയും, ക്രിക്കറ്റ് താരങ്ങളുടെ മരണത്തില്‍ അനുശോചനം രേഖപ്പെടുത്തുകയും ചെയ്തു. പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നതനുസരിച്ച്, അഫ്ഗാനിലെ പാക്തിക പ്രവിശ്യയില്‍ പാകിസ്താന്‍ വ്യാപക ആക്രമണം നടത്തുകയാണെന്നാണ് വിവരം.

ഒരാഴ്ചത്തെ സന്ദര്‍ശനത്തിനായി ഇന്ത്യയിലെത്തിയ മുത്താഖി തന്റെ മുന്‍ മാധ്യമ ഇടപെടലില്‍ വനിതാ മാധ്യമപ്രവര്‍ത്തകരെ ഉള്‍പ്പെടുത്താത്തതിനെ തുടര്‍ന്ന് വിമര്‍ശനങ്ങള്‍ ഏറ്റുവാങ്ങിയിരുന്നു.

എഡിറ്റേഴ്സ് ഗില്‍ഡ് ഓഫ് ഇന്ത്യയും ഇന്ത്യന്‍ വിമന്‍സ് പ്രസ് കോര്‍പ്സും (ഐഡബ്ല്യുപിസി) വനിതാ മാധ്യമപ്രവര്‍ത്തകരെ ഒഴിവാക്കുന്നത് ”വളരെ വിവേചനപരം” എന്ന് വിശേഷിപ്പിച്ചിരുന്നു.

വെള്ളിയാഴ്ചത്തെ പ്രസറില്‍ നിന്ന് വനിതാ മാധ്യമപ്രവര്‍ത്തകരെ ഒഴിവാക്കിയതുമായി ബന്ധപ്പെട്ട വിവാദത്തോട് പ്രതികരിക്കവെ, സംഭവം മനഃപൂര്‍വമല്ലെന്നും സാങ്കേതിക പ്രശ്നത്തിന്റെ ഫലമാണെന്നും മുത്താഖി പറഞ്ഞു.

‘ഞങ്ങള്‍ക്ക് സമയം കുറവായിരുന്നു, അതിനാല്‍ ഞങ്ങള്‍ കുറച്ച് പത്രപ്രവര്‍ത്തകരെ ക്ഷണിച്ചു’ എന്ന് അദ്ദേഹം ആവര്‍ത്തിച്ചു, കൂടാതെ ‘ആരുടെയും അവകാശങ്ങള്‍-പുരുഷന്മാരുടെയോ സ്ത്രീകളുടെയോ-നിഷേധിക്കാന്‍ പാടില്ല’ എന്നും കൂട്ടിച്ചേര്‍ത്തു.

2021-ല്‍ അഫ്ഗാനിസ്ഥാനില്‍ താലിബാന്‍ അധികാരത്തില്‍ തിരിച്ചെത്തിയതിന് ശേഷമുള്ള തന്റെ ആദ്യ ഔദ്യോഗിക സന്ദര്‍ശനത്തിനായി മുതിര്‍ന്ന താലിബാന്‍ നേതാവായ മുത്താഖി വ്യാഴാഴ്ച ന്യൂഡല്‍ഹിയിലെത്തി. ഉഭയകക്ഷി വ്യാപാരം, മാനുഷിക സഹായം, സുരക്ഷാ സഹകരണം എന്നിവയെക്കുറിച്ച് ചര്‍ച്ച ചെയ്യാന്‍ അദ്ദേഹം വെള്ളിയാഴ്ച വിദേശകാര്യ മന്ത്രി എസ് ജയശങ്കറുമായി കൂടിക്കാഴ്ച നടത്തി.

അതേസമയം സ്ത്രീകള്‍ക്ക് വിദ്യാഭ്യാസം ഹറാമായി പ്രഖ്യാപിച്ചിട്ടില്ലെന്നും താലിബാന്‍ വിദേശകാര്യ മന്ത്രി അമീര്‍ ഖാന്‍ മുത്തഖി പറഞ്ഞു. ഞങ്ങളുടെ സ്‌കൂളുകളില്‍ 10 ദശലക്ഷം വിദ്യാര്‍ഥികള്‍ പഠിക്കുന്നുണ്ടെന്നും അതില്‍ 2.8 ദശലക്ഷം പെണ്‍കുട്ടികളാണെന്നും മുത്തഖി പറഞ്ഞു.

സ്ത്രീകളുടെ അവകാശങ്ങള്‍, വിദ്യാഭ്യാസം, പൊതുപങ്കാളിത്തം എന്നിവയെ നിയന്ത്രിക്കുന്ന നയങ്ങളില്‍ തുടര്‍ച്ചയായി വിമര്‍ശനങ്ങള്‍ നിലനില്‍ക്കുന്നുണ്ടെങ്കിലും പ്രാദേശിക രാജ്യങ്ങളുമായി വീണ്ടും ഇടപഴകാനുള്ള താലിബാന്‍ സര്‍ക്കാരിന്റെ ശ്രമങ്ങള്‍ക്കിടയിലാണ് അദ്ദേഹത്തിന്റെ സന്ദര്‍ശനം.

രാജ്യം നിലവില്‍ ‘മൊത്തം ഇന്റര്‍നെറ്റ് ബ്ലാക്ഔട്ട്’ അനുഭവിക്കുകയാണെന്ന് ഇന്റര്‍നെറ്റ് വാച്ച്‌ഡോഗ് നെറ്റ്‌ബ്ലോക്ക്‌സ് റിപ്പോര്‍ട്ട് ചെയ്യുന്നു.

തലസ്ഥാനമായ കാബൂളിലെ ഓഫീസുകളുമായുള്ള ബന്ധം നഷ്ടപ്പെട്ടതായി അന്താരാഷ്ട്ര വാര്‍ത്താ ഏജന്‍സികള്‍ പറയുന്നു. മൊബൈല്‍ ഇന്റര്‍നെറ്റ്, സാറ്റലൈറ്റ് ടിവി എന്നിവയും അഫ്ഗാനിസ്ഥാനിലുടനീളം സാരമായി തടസ്സപ്പെട്ടു.

അടച്ചുപൂട്ടലിന്റെ ഔദ്യോഗിക കാരണം താലിബാന്‍ ഇതുവരെ വെളിപ്പെടുത്തിയിട്ടില്ല. 2021-ല്‍ അധികാരം പിടിച്ചെടുത്തതിനുശേഷം, ഇസ്ലാമിക ശരീഅത്ത് നിയമത്തിന്റെ വ്യാഖ്യാനത്തിന് അനുസൃതമായി താലിബാന്‍ നിരവധി നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്.

ഇനിയൊരു അറിയിപ്പ് ഉണ്ടാകുന്നത് വരെ ടെലികോം അടച്ചുപൂട്ടല്‍ തുടരുമെന്ന് താലിബാന്‍ ഉദ്യോഗസ്ഥന്‍ പറഞ്ഞു.

സ്വകാര്യ ഉടമസ്ഥതയിലുള്ള അഫ്ഗാന്‍ വാര്‍ത്താ ചാനലായ ടോളോ ന്യൂസ്, അതിന്റെ ടെലിവിഷന്‍, റേഡിയോ നെറ്റ്വര്‍ക്കുകളില്‍ തടസ്സങ്ങള്‍ പ്രതീക്ഷിക്കുന്നതിനാല്‍ അപ്ഡേറ്റുകള്‍ക്കായി അതിന്റെ സോഷ്യല്‍ മീഡിയ പേജുകള്‍ പിന്തുടരാന്‍ ആളുകളോട് പറഞ്ഞു.

കാബൂള്‍ വിമാനത്താവളത്തില്‍ നിന്നുള്ള വിമാന സര്‍വീസുകളും തടസ്സപ്പെട്ടതായി പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

ഫ്‌ലൈറ്റ് ട്രാക്കിംഗ് സേവനമായ Flightradar24 അനുസരിച്ച്, ചൊവ്വാഴ്ച കാബൂള്‍ അന്താരാഷ്ട്ര വിമാനത്താവളത്തില്‍ നിന്ന് പുറപ്പെടുകയോ എത്തിച്ചേരുകയോ ചെയ്യേണ്ട കുറഞ്ഞത് എട്ട് വിമാനങ്ങളെങ്കിലും റദ്ദാക്കിയിട്ടുണ്ട്.

പ്രാദേശിക സമയം ഏകദേശം 17:00 (12:30 GMT) പ്രവൃത്തി ദിവസത്തിന്റെ അവസാനത്തോടെ തങ്ങളുടെ ഫൈബര്‍-ഒപ്റ്റിക് ഇന്റര്‍നെറ്റ് പ്രവര്‍ത്തനം നിര്‍ത്തിയതായി കാബൂളിലെ നിരവധി ആളുകള്‍ പറഞ്ഞു.

ഇന്റര്‍നെറ്റ് നിരോധനം തുടര്‍ന്നാല്‍ തങ്ങളുടെ പ്രവര്‍ത്തനങ്ങളെ സാരമായി ബാധിക്കുമെന്ന് അന്നത്തെ വ്യവസായ പ്രമുഖര്‍ മുന്നറിയിപ്പ് നല്‍കി.

അധികാരത്തില്‍ തിരിച്ചെത്തിയതിന് ശേഷം താലിബാന്‍ ഏര്‍പ്പെടുത്തിയ നിയന്ത്രണങ്ങളുടെ ഒരു പരമ്പരയിലെ ഏറ്റവും പുതിയതാണ് ബ്ലാക്ക്ഔട്ട്.

മനുഷ്യാവകാശങ്ങളും ലൈംഗികാതിക്രമങ്ങളും പഠിപ്പിക്കുന്നത് നിയമവിരുദ്ധമാക്കിയ ഒരു പുതിയ നിരോധനത്തിന്റെ ഭാഗമായി ഈ മാസം ആദ്യം അവര്‍ രാജ്യത്തെ യൂണിവേഴ്‌സിറ്റി ടീച്ചിംഗ് സിസ്റ്റത്തില്‍ നിന്ന് സ്ത്രീകള്‍ എഴുതിയ പുസ്തകങ്ങള്‍ നീക്കം ചെയ്തു.

ടോസ് നേടി ബാറ്റിങ് തെരഞ്ഞെടുത്ത ബംഗ്ലാദേശ് അഞ്ചു വിക്കറ്റ് നഷ്ടത്തില്‍ 154 റണ്‍സ് നേടി. ഓപ്പണര്‍ തന്‍സിദ് ഹസന്‍ അര്‍ധ സെഞ്ച്വറി (50) നേടി. സൈഫ് ഹസന്‍ 30 റണ്‍സും, തൗഹീദ് ഹൃദോയ് 26 റണ്‍സും നേടി. റാഷിദ് ഖാനും നൂര്‍ അഹമ്മദും രണ്ട് വിക്കറ്റ് വീതം നേടി ബംഗ്ലാദേശിന്റെ സ്‌കോര്‍ നിയന്ത്രിച്ചു.

മറുപടിയായി ഇറങ്ങിയ അഫ്ഗാനിസ്ഥാന്‍ 146 റണ്‍സില്‍ പുറത്തായി. റഹ്മാനുള്ള ഗര്‍ബാസ് (35), അസ്മത്തുള്ള ഒമാര്‍സായ് (30), റാഷിദ് ഖാന്‍ (20) എന്നിവരാണ് പ്രതിരോധിച്ചത്. ബംഗ്ലാദേശിന് വേണ്ടി മുസ്തഫിസുര്‍ റഹ്മാന്‍ മൂന്ന് വിക്കറ്റ് നേടി. റിഷാദ് ഹൊസൈന്‍, തസ്‌കിന്‍ അഹമ്മദ്, നസും അഹമ്മദ് എന്നിവര്‍ക്ക് രണ്ട് വിക്കറ്റ് വീതം വീണു.

ഏകദിന ലോകകപ്പില്‍ ഓസീസിനെതിരെ ജയത്തിന് അടുത്തെത്തിയ അഫ്ഗാനിസ്ഥാനെ ഗ്ലെന്‍ മാക്‌സ്വെല്ലിന്റെ വെടിക്കെട്ട് ഡബിള്‍ സെഞ്ചുറിയുടെ കരുത്തില്‍ മറികടന്ന ഓസീസിനായി ഇത്തവണയും അര്‍ധസെഞ്ചുറിയുമായി മാക്‌സ്വെല്‍ പൊരുതിയെങ്കിലും ജയം അടിച്ചെടുക്കാനായില്ല. മൂന്ന് നിര്‍ണായക ക്യാച്ചുകളും 4 വിക്കറ്റും വീഴ്ത്തിയ ഗുല്‍ബാദിന്‍ നൈബാണ് കളിയിലെ താരം.

ജീവന്‍മരണപ്പോരാട്ടത്തില്‍ അഫ്ഗാനിസ്ഥാന്‍ ജയിച്ചതോടെ ഗ്രൂപ്പ് രണ്ടില്‍ നിന്ന് ഇന്ത്യ സെമി ഉറപ്പിച്ചു. അവസാന മത്സരത്തില്‍ ഇന്ത്യയെ തോല്‍പ്പിച്ചാല്‍ മാത്രമെ ഇനി ഓസീസിന് സെമിയിലെത്താനാവു. അവസാന മത്സരത്തില്‍ ബംഗ്ലാദേശിനെ തോല്‍പ്പിച്ചാല്‍ അഫ്ഗാനിസ്ഥാനും സെമിയിലെത്താം.ടി20 ക്രിക്കറ്റില്‍ ഓസ്‌ട്രേലിയക്കെതിരെ അഫ്ഗാനിസ്ഥാന്റെ ആദ്യ ജയമാണിത്. സ്‌കോര്‍ അഫ്ഗാനിസ്ഥാന്‍ 20 ഓവറില്‍ 148-6, ഓസ്‌ട്രേലിയ 19.2 ഓവറില്‍ 127ന് ഓള്‍ ഔട്ട്.

അഫ്ഗാന്‍ ഉയര്‍ത്തിയ 149 റണ്‍സ് വിജയലക്ഷ്യത്തിലേക്ക് ബാറ്റു വീശിയ ഓസീസിന് തുടക്കത്തിലെ അടിതെറ്റി. ഓപ്പണര്‍ ട്രാവിസ് ഹെഡ്(0) ആദ്യ ഓവറിലും ഡേവിഡ് വാര്‍ണര്‍(3) മൂന്നാം ഓവറിലും മടങ്ങി. ക്യാപ്റ്റന്‍ മിച്ചല്‍ മാര്‍ഷിനെ(12) നവീന്‍ ഹള്‍ ഹഖ് മടക്കി. ഗെല്ന്‍ മാക്‌സ്വെല്‍(41 പന്തില്‍ 59)ഒരിക്കല്‍ കൂടി ഓസീസിന്റെ രക്ഷകനാകുമെന്ന് കരുതിയെങ്കിലും 11 റണ്‍സെടുത്ത മാര്‍ക്കസ് സ്റ്റോയ്‌നിസ് മാത്രമെ പിന്നീട് ഓസീസ് നിരയില്‍ രണ്ടക്കം കടന്നുള്ളു. ടിം ഡേവിഡ്(2), മാത്യു വെയ്ഡ്(5), പാറ്റ് കമിന്‍സ്(3) എന്നിവരെല്ലാം വന്നപോലെ മടങ്ങിയപ്പോള്‍ അഫ്ഗാനിസ്ഥാന്‍ ആവേശജയം സ്വന്തമാക്കി.

അഫ്ഗാനായി ഗുല്‍ബാദിന്‍ നൈബ് നാലോവറില്‍ 20 റണ്‍സിന് നാലു വിക്കറ്റെടുത്തപ്പോള്‍ നവീന്‍ ഉള്‍ ഹഖ് 20 റണ്‍സിന് മൂന്ന് വിക്കറ്റെടുത്തു. നായകന്‍ റാഷി്ദ് ഖാന്‍ നാലോവറില്‍ 23 റണ്‍സിന് ഒരു വിക്കറ്റെടുത്തു. നേരത്തെ ആദ്യം ബാറ്റ് ചെയ്ത അഫ്ഗാനിസ്ഥാന്‍ ഓപ്പണര്‍മാരായ റഹ്മാനുള്ള ഗുര്‍ബാസിന്റെയും(49 പന്തില്‍ 60), ഇബ്രാഹിം സര്‍ദ്രാന്റെയും(48 പന്തില്‍ 51) തകര്‍പ്പന്‍ അര്‍ധസെഞ്ചുറികളുടെ കരുത്തിലാണ് ഭേദപ്പെട്ട സ്‌കോറിലെത്തിയത്.

ഓപ്പണിംഗ് വിക്കറ്റില്‍ ഇരുവരും ചേര്‍ന്ന് 15.5 ഓവറില്‍ 118 റണ്‍സടിച്ചു. എന്നാല്‍ ഇരുവരും പുറത്തായശേഷം പിന്നീട് വന്ന അസ്മത്തുള്ള ഒമര്‍സായി(2), കരീം ജന്നത്ത്(13), റാഷിദ് ഖാന്‍(2), ഗുല്‍ബാദിന്‍ നൈബാ(0) എന്നിവരെല്ലാം നിരാശപ്പെടുത്തിയപ്പോള്‍ മുഹമ്മദ് നബി(4 പന്തില്‍ 10*) ആണ് അഫ്ഗാനെ 148ല്‍ എത്തിച്ചത്. ഓസീസിനായി പാറ്റ് കമിന്‍സ് തുടര്‍ച്ചയായ രണ്ടാം മത്സരത്തിലും ഹാട്രിക്ക് അടക്കം 28 റണ്‍സിന് മൂന്ന് വിക്കറ്റെടുത്തപ്പോള്‍ ആദം സാംപ 28 റണ്‍സിന് രണ്ട് വിക്കറ്റെടുത്തു.

പടിഞ്ഞാറന്‍ അഫ്ഗാനിസ്താനിലുണ്ടായ ഭൂചലനപരമ്പരയില്‍ ജീവന്‍ നഷ്ടപ്പെട്ടവരുടെ എണ്ണം കുതിച്ചുയരുന്നു. ഇതിനകം 2,053 പേര്‍ മരിച്ചതായും 9,240 പേര്‍ക്ക് പരിക്കേറ്റതായും താലിബാന്‍ ഭരണകൂടം അറിയിച്ചു. മരിച്ചവരില്‍ കൂടുതലും സ്ത്രീകളും കുട്ടികളുമാണ്.

മോര്‍ഗന് പുറമെ ജോണി ബെയര്‍സ്‌റ്റോയും ജോ റൂട്ടും അര്‍ധസെഞ്ച്വറി നേടി.
571 പന്തില്‍ നിന്ന് ഇയാന്‍ മോര്‍ഗന്‍ 148 റണ്‍സെടുത്താണ് പുറത്തായത്. 17 സിക്‌സറുകള്‍ക്ക് പുറമെ നാല് ഫോറുകളും അദ്ദേഹം അടിച്ചു. ആകെ 25 സിക്‌സറുകള്‍ ഇംഗ്ലീഷ് ബാറ്റ്‌സ്മാന്‍മാര്‍ അടിച്ചു. മോയിന്‍ അലി 9 പന്തില്‍ നിന്ന് 31 റണ്‍സെടുത്ത് പുറത്താവാതെ നിന്നു. ഇതില്‍ നാല് സിക്‌സറുകളുണ്ട്.

മുന്‍നിര ബാറ്റ്‌സ്മാന്മാരുടെ മികച്ച പ്രകടനത്തിനു ശേഷമാണ് ശ്രീലങ്ക അവിശ്വസനീയമായ വിധത്തില്‍ ബാറ്റിങ് പരാജയം ഏറ്റുവാങ്ങിയത്. ദിമുത് കരണുരത്‌നെ (30), കുസാല്‍ പെരേര (78), ലഹിരു തിരിമന്നെ (25) എന്നിവര്‍ മികച്ച പ്രകടനം നടത്തിയെങ്കിലും നാലു വിക്കറ്റെടുത്ത മുഹമ്മദ് നബിയുടെ പ്രകടനം അഫ്ഗാനെ മത്സരത്തിലേക്ക് തിരികെ കൊണ്ടുവന്നു. രണ്ടുവിക്കറ്റിന് 144 എന്ന ശക്തമായ നിലയില്‍ നിന്നാണ് നബി മുന്‍ ചാമ്പ്യന്മാരെ പിടിച്ചുലച്ചത്. നേരത്തെ ഓപണര്‍ കരുണരത്‌നെയെ മടക്കിയ വെറ്ററന്‍ താരം ലഹിരു തിരിമന്നെ കുസാല്‍ മെന്‍ഡിസ് (2), എയ്ഞ്ചലോ മാത്യൂസ് (0), എന്നിവരെ കൂടി തിരിച്ചയച്ചു. റാഷിദ് ഖാന്‍, ദൗലത്ത് സദ്‌റാന്‍ എന്നിവര്‍ രണ്ട് വിക്കറ്റ് നേടി. ഹാമിദ് ഹസ്സന്‍ ഒരു വിക്കറ്റെടുത്തു.
ടൂര്‍ണമെന്റില്‍ തങ്ങളുടെ ആദ്യ മത്സരങ്ങള്‍ തോറ്റിരുന്ന ലങ്കക്കും അഫ്ഗാനും ഇനിയുള്ള കളികള്‍ നിര്‍ണായകമാണ്.

പെട്രോളിംഗ് നടത്തുന്ന റൊമാനിയന്‍ സൈനികര്‍ക്ക് നേരെ ഭീകരര്‍ വാഹനമോടിച്ച് കയറ്റുകയായിരുന്നു. ഈ സമയത്ത് അവിടെയുണ്ടായിരുന്ന വിദ്യാര്‍ത്ഥികളാണ് കൊല്ലപ്പെട്ടതെന്ന് കാണ്ഡഹാര്‍ മീഡിയ ഓഫീസ് ഡെപ്യൂട്ടി വക്താവ് മത്തിയുല്ല പറഞ്ഞു. ആക്രമണത്തിന്റെ ഉത്തരവാദിത്തം ഒരു ഭീകരസംഘടനയും ഏറ്റെടുത്തിട്ടില്ല.

കാബൂള്‍: അഫ്ഗാനിസ്താന്റെ തലസ്ഥാനമായ കാബൂളില്‍ ഇന്നലെയുണ്ടായ വന്‍ സ്‌ഫോടനത്തില്‍ 29 പേര്‍ കൊല്ലപ്പെട്ടു. 52 പേര്‍ക്ക് പരിക്കേറ്റു. കാബൂള്‍ സര്‍വകലാശാലക്കും അലി അബാദ് ആസ്പത്രിക്കും സമീപം സാഖി തീര്‍ത്ഥാടനകേന്ദ്രത്തിന് അടുത്താണ് ചാവേറാക്രമണമുണ്ടായത്. ആക്രമണത്തിന്റെ ഉത്തരവാദിത്തം ഇസ്‌ലാമിക് സ്‌റ്റേറ്റ്(ഐ.എസ്) ഏറ്റെടുത്തു.

സംഘം ചേര്‍ന്ന് പോകുന്ന ആളുകള്‍ക്കിടയിലാണ് ചാവേര്‍ പൊട്ടിത്തെറിച്ചത്. നൗറൂസ് പുതുവര്‍ഷാഘോഷത്തോടനുബന്ധിച്ചായിരുന്നു ആക്രമണം. നൗറൂസിനോട് അനുബന്ധിച്ച് രാജ്യത്ത് വന്‍ സുരക്ഷാ ക്രമീകരണങ്ങള്‍ നടത്തിയിരുന്നു. ദേശീയ അവധി ദിനത്തില്‍ ആളുകള്‍ പുതുവര്‍ഷം ആഘോഷിക്കാന്‍ വ്യത്യസ്ത സ്ഥലങ്ങളില്‍ ഒത്തുകൂടാറുണ്ട്. അത്തരമൊരു സംഗമത്തിലാണ് സ്‌ഫോടനമുണ്ടായതെന്ന് മാധ്യമങ്ങള്‍ പറയുന്നു.

ന്യൂനപക്ഷമായ ഷിയാ വിഭാഗക്കരാണ് ആള്‍ക്കൂട്ടത്തില്‍ ഏറെയും ഉണ്ടായിരുന്നത്. തീര്‍ത്ഥാടന കേന്ദ്രത്തിന് അടുത്തേക്ക് കാല്‍നടയായെത്തിയ ചാവേര്‍ ആള്‍ക്കൂട്ടത്തില്‍ പൊട്ടിത്തെറിക്കുകയായിരുന്നുവെന്ന് ആഭ്യന്തര മന്ത്രാലയ വക്താവ് അറിയിച്ചു. നൗറൂസ് ആഘോഷത്തിന്റെ ഭാഗമായി പാട്ടുപാടിയും നൃത്തം വെച്ചും ആഘോഷത്തില്‍ മുഴുകിയവരാണ് ആക്രമണത്തിനിരയായത്. സാഖി തീര്‍ത്ഥാടന കേന്ദ്രത്തിനുനേരെ മുമ്പും ആക്രമണമുണ്ടായിട്ടുണ്ട്. 2016 ഒക്ടോബറിലുണ്ടായ ആക്രമണത്തില്‍ 14 പേര്‍ കൊല്ലപ്പെട്ടിരുന്നു.