സോവിയറ്റ് യൂണിയൻ സഹായത്തോടെ നിർമിക്കപ്പെട്ട ബാഗ്രാം എയർബേസ് അഫ്ഗാൻ അധിനിവേശ കാലത്ത് അമേരിക്കൻ സേനയുടെ പ്രധാന കേന്ദ്രമായിരുന്നു. നൂറുകണക്കിന് അഫ്‌ഗാനികളെ അമേരിക്കൻ സൈന്യം ഇവിടെ തടവിൽ പാർപ്പിച്ച് പീഡിപ്പിച്ചിരുന്നതായി മാധ്യമങ്ങൾ റിപ്പോർട്ട് ചെയ്തിരുന്നു.

എയർബേസിൽ നിന്നും അധികം അകലെ അല്ലാതെ ചൈനയുടെ തന്ത്രപ്രധാന കേന്ദ്രങ്ങളുണ്ട് എന്നതാണ് യുഎസിന് താവളത്തിൽ തലപര്യം ഉണ്ടാവാൻ കാരണമെന്ന് നിരീക്ഷകർ വിലയിരുത്തുന്നു. എന്നാൽ അമേരിക്കയുമായി സാമ്പത്തികമായും, സാങ്കേതികമായും , നയതന്ത്രപരമായും ബന്ധങ്ങൾ ആവാമെന്നും അമേരിക്കൻ സൈന്യത്തിന്റെ സാന്നിധ്യം അനുവദിക്കാൻ ആവില്ലെന്നുമാണ് താലിബാൻ നിലപാട്.

കിഴക്കന്‍ നഗരമായ ജലാലാബാദില്‍ നിന്ന് 17 മൈല്‍ അകലെ പാക്കിസ്ഥാന്റെ അതിര്‍ത്തിക്കടുത്താണ് ഭൂചലനം അനുഭവപ്പെട്ടത്, പ്രാദേശിക സമയം അര്‍ദ്ധരാത്രിയോടെ (ഇടി ഞായറാഴ്ച 3:30 pm), യുഎസ് ജിയോളജിക്കല്‍ സര്‍വേ അറിയിച്ചു.

ഭൂകമ്പം വിദൂര പര്‍വതപ്രദേശത്തെ ബാധിച്ചതിനാല്‍, ”മനുഷ്യനഷ്ടങ്ങളെയും അടിസ്ഥാന സൗകര്യങ്ങളുടെ നാശത്തെയും കുറിച്ചുള്ള കൃത്യമായ വിവരങ്ങള്‍ ലഭിക്കാന്‍ സമയമെടുക്കും,” അഫ്ഗാന്‍ പൊതുജനാരോഗ്യ മന്ത്രാലയത്തിന്റെ വക്താവ് ഷറഫത്ത് സമാന്‍ പറഞ്ഞു.

”ഞങ്ങള്‍ ഒരു വലിയ രക്ഷാപ്രവര്‍ത്തനം ആരംഭിച്ചു, ദുരിതബാധിത പ്രദേശങ്ങളിലെ ആളുകളെ സഹായിക്കാന്‍ നൂറുകണക്കിന് ആളുകളെ അണിനിരത്തി,” സമാന്‍ പറഞ്ഞു.

മരിച്ചവരുടെ എണ്ണം 800 ആയി ഉയര്‍ന്നതായി താലിബാന്‍ വക്താവ് സബിഹുല്ല മുജാഹിദ് പറഞ്ഞു. കിഴക്കന്‍ പ്രവിശ്യകളായ ജലാലാബാദ്, കുനാര്‍ എന്നിവിടങ്ങളില്‍ 622 പേര്‍ മരിച്ചതായും 1,300 ലധികം പേര്‍ക്ക് പരിക്കേറ്റതായും അഫ്ഗാന്‍ ആഭ്യന്തര മന്ത്രാലയ വക്താവ് മുഫ്തി അബ്ദുള്‍ മതിന്‍ ഖാനി നേരത്തെ പറഞ്ഞിരുന്നു.

പരിക്കേറ്റ 1000 പേരെ ആശുപത്രികളില്‍ പ്രവേശിപ്പിച്ചതായി മന്ത്രാലയം അറിയിച്ചു.

2017ല്‍ ആറ് മാസത്തിനിടെ 5122 പേര്‍ക്ക് പരിക്കേറ്റിരുന്നു. തീവ്രവാദി ആക്രമണങ്ങളിലും ചാവേര്‍ സ്‌ഫോടനങ്ങളിലുമാണ് ഏറെപ്പേരും കൊല്ലപ്പെട്ടത്. ജൂണില്‍ അഫ്ഗാന്‍ സേനയും താലിബാനും വെടിനിര്‍ത്തല്‍ പ്രഖ്യാപിച്ചിട്ടുപോലും മരണനിരക്ക് കൂടിയെന്നത് ഏറെ ശ്രദ്ധേയമാണ്.

2001ല്‍ അഫ്ഗാന്‍ യുദ്ധം ആരംഭിച്ച ശേഷം 2009 മുതലാണ് ഐക്യരാഷ്ട്രസഭ കൊല്ലപ്പെട്ടവരുടെ കണക്ക് സൂക്ഷിച്ചുതുടങ്ങിയത്. ബ്രസല്‍സിലെ നാറ്റോ ഉച്ചകോടിയില്‍ അഫ്ഗാന്‍ യുദ്ധം ചര്‍ച്ച ചെയ്തിരുന്നു. 2001ല്‍ ലോകവ്യാപാര കേന്ദ്രത്തിനുനേരെയുണ്ടായ ഭീകരാക്രമണത്തെ തുടര്‍ന്നാണ് താലിബാന്‍ ഭരണകൂടത്തെ അട്ടിമറിച്ച് അമേരിക്കയുടെ നേതൃത്വത്തിലുള്ള വിദേശ സേന അഫ്ഗാനില്‍ അധിനിവേശം നടത്തിയത്. വര്‍ഷങ്ങള്‍ നീണ്ട യുദ്ധത്തിന്റെ ഭാഗമായി ആയിരക്കണക്കിന് നാറ്റോ സൈനികരെ വിന്യസിച്ചെങ്കിലും അഫ്ഗാനില്‍ സമാധാനം പുനസ്ഥാപിക്കാന്‍ അമേരിക്കക്ക് സാധിച്ചില്ല. അഫ്ഗാനില്‍നിന്ന് തലയൂരുന്നതിന് 2014ല്‍ നാറ്റോ യുദ്ധദൗത്യം അവസാനിപ്പിച്ച് അഫ്ഗാന്‍ സേനക്ക് സുരക്ഷാ ചുമതല കൈമാറിയിരുന്നു. അത് മുതലെടുത്ത് താലിബാന്‍ രാജ്യത്തിന്റെ വിവിധ ഭാഗങ്ങളില്‍ കൂടുതല്‍ ശക്തമായ നേട്ടങ്ങള്‍ കൈവരിക്കുകയുണ്ടായി.

ഇസ്‌ലാമാബാദ്: രാജ്യത്ത് സുരക്ഷയൊരുക്കാന്‍ പാക്കിസ്ഥാന്‍ അമേരിക്കയോട് വീണ്ടും സാമ്പത്തിക സഹായം ആവശ്യപ്പെട്ടു. അഫ്ഗാനിസ്ഥാന്‍ അതിര്‍ത്തിയിലെ തര്‍ക്കമേഖലയില്‍ വേലിക്കെട്ട് നിര്‍മാണം പൂര്‍ത്തിയാക്കാന്‍ സഹായിക്കണമെന്നാണ് പാക്കിസ്ഥാന്റെ ആവശ്യം.

മലകളും കുന്നുകളും ഉള്‍പ്പെടുന്ന പ്രദേശത്ത് 2343 കിലോമീറ്റര്‍ വേലി നിര്‍മിക്കാനാണ് പാക്കിസ്ഥാന്‍ പദ്ധതിയിട്ടത്. എന്നാല്‍ പദ്ധതിയുടെ പത്തു ശതമാനത്തില്‍താഴെ മാത്രമേ ഇതുവരെ നിര്‍മിക്കാന്‍ കഴിഞ്ഞുള്ളൂ. സാമ്പത്തിക പ്രതിസന്ധിയെ തുടര്‍ന്ന് പിന്നീട് നിര്‍മാണം നിലയ്ക്കുകയായിരുന്നു. ഈഘട്ടത്തിലാണ് പാക്കിസ്ഥാന്‍ അമേരിക്കയോട് സഹായം ആവശ്യപ്പെട്ടത്. വേലി നിര്‍മാണത്തില്‍ സഹായം നല്‍കാന്‍ യുഎസിന് അധികം ചെലവ് വരില്ലെന്നും യുദ്ധത്തിനായി അവര്‍ അതിലേറെ പണം ചെലവഴിക്കുന്നുണ്ടെന്നും പാക് വിദേശകാര്യ മന്ത്രി ഖവാജ മുഹമ്മദ് ആസിഫ് ഒരു അഭിമുഖത്തില്‍ വ്യക്തമാക്കി.

വേലി നിര്‍മിക്കുന്നത് അഫ്ഗാനിസ്ഥാനില്‍ നിന്നുള്ള ഭീകരരുടെ വരവ് ചെറുക്കാന്‍ സഹായിക്കുമെന്നും വേലിയില്ലാത്തതിനാല്‍ 70,000 പേര്‍ ദിവസേന അതിര്‍ത്തി കടക്കുന്നുണ്ടെന്നും ആസിഫ് പറയുന്നു. 2019 ഓടെ വേലിയുടെ നിര്‍മാണം പൂര്‍ത്തിയാക്കേണ്ടതുണ്ട്. താലിബാന്‍ ഭീകരര്‍ക്ക് പാകിസ്താന്‍ സ്വര്‍ഗം ഒരുക്കി നല്‍കുകയാണെന്നു യുഎസ് പ്രസിഡന്റ് ട്രംപ് ആരോപിച്ചിരുന്നു. പാക്കിസ്ഥാനു വര്‍ഷാവര്‍ഷം നല്‍കിയിരുന്ന സാമ്പത്തിക സഹായം നിര്‍ത്തലാക്കുന്നതായി അടുത്തിടെ അമേരിക്ക പ്രഖ്യാപിച്ചിരുന്നു. 25.5 കോടി ഡോളറിന്റെ (ഏകദേശം 1630 കോടിരൂപ) സഹായമാണു നിര്‍ത്തലാക്കിയത്. സാമ്പത്തിക സഹായം കൈപ്പറ്റി അമേരിക്കന്‍ സര്‍ക്കാരുകളെ പാക്കിസ്ഥാന്‍ വിഡ്ഢികളാക്കുകയായിരുന്നെന്നു പുതുവര്‍ഷത്തെ ആദ്യ ട്വീറ്റില്‍ ഡൊണാള്‍ഡ് ട്രംപ് കുറ്റപ്പെടുത്തിയതിനു പിന്നാലെയാണ് ഭരണകൂടം നടപടി സ്വീകരിച്ചത്.