‘എന്റെ ഏറ്റവും വേഗതയേറിയ സെഞ്ചുറിയുടെ റെക്കോഡ് ഏകദേശം 18 വര്‍ഷം നിലനിന്നു. എന്നാല്‍ അത് ഒടുവില്‍ തകര്‍ക്കപ്പെട്ടു. അതിനാല്‍ റെക്കോഡുകള്‍ ഒരു കളിക്കാരന്‍ സ്ഥാപിക്കുകയും മറ്റൊരു കളിക്കാരന്‍ വന്ന് അത് തകര്‍ക്കുകയും ചെയ്യുന്നു. ഇതാണ് ക്രിക്കറ്റ് എന്ന് അഫ്രീദി പറഞ്ഞു. റക്കോഡുകള്‍ തകര്‍ക്കപ്പെടാനുള്ളതാണെന്നും താന്‍ എപ്പോഴും ഇഷ്ടപ്പെട്ടിരുന്ന ഒരു കളിക്കാരന്‍ ഈ റെക്കോഡ് തകര്‍ത്തതില്‍ സന്തോഷവാനാണെന്നും അഫ്രീദി പ്രതികരിച്ചു.

‘2008-ല്‍ എന്റെ ഏക ഇന്ത്യന്‍ പ്രീമിയര്‍ ലീഗ് സീസണില്‍ ഡെക്കാന്‍ ചാര്‍ജേഴ്സിനായി രോഹിത്തിനോടൊപ്പം കളിച്ചിട്ടുണ്ട്. അന്ന് എനിക്ക് അദ്ദേഹത്തെ ഇഷ്ടമായിരുന്നു. പരിശീലന സമയത്ത്, ഞാന്‍ അദ്ദേഹത്തിന്റെ ബാറ്റിങ് കണ്ടു. അദ്ദേഹത്തിന്റെ ക്ലാസ്സ് എന്നെ ആകര്‍ഷിച്ചു. രോഹിത് ഒരുനാള്‍ ഇന്ത്യക്ക് വേണ്ടി കളിക്കുമെന്ന് എനിക്കറിയാമായിരുന്നു. അദ്ദേഹം ഒരു ക്ലാസ് ബാറ്റ്‌സ്മാനായി സ്വയം തെളിയിച്ചിരിക്കുന്നു’ – അദ്ദേഹം പറഞ്ഞു.

‘വിരാടും രോഹിത്തും ഇന്ത്യന്‍ ബാറ്റിങ് നിരയുടെ നട്ടെല്ലാണ്. അടുത്തിടെ നടന്ന ഏകദിന പരമ്പരകളില്‍ കളിച്ച രീതി വെച്ച് നോക്കുമ്പോള്‍ 2027 ലോകകപ്പ് വരെ അവര്‍ക്ക് കളിക്കാന്‍ കഴിയുമെന്ന് ആത്മവിശ്വാസത്തോടെ പറയാം. ഇന്ത്യ ദുര്‍ബലരായ ടീമുകള്‍ക്കെതിരേ കളിക്കുമ്പോള്‍, പുതിയ കളിക്കാരെ പരീക്ഷിക്കാനും കോലിയും രോഹിത്തിനും വിശ്രമം നല്‍കുകയും ചെയ്യാം. – അഫ്രീദി  പ്രതികരിച്ചു.

ഇന്ത്യന്‍ പരിശീലകന്‍ ഗൗതം ഗംഭീറിനെതിരേയും അഫ്രീദി രംഗത്തെത്തി. താന്‍ ചിന്തിക്കുന്നതും പറയുന്നതും ശരിയാണ് എന്ന് ഗംഭീര്‍ കരുതിയിരിക്കാമെന്നും എന്നാല്‍ എല്ലായിപ്പോഴും അത് ശരിയല്ലെന്ന് പിന്നീട് തെളിയിക്കപ്പെട്ടെന്നും അഫ്രീദി കൂട്ടിച്ചേര്‍ത്തു.

Great to spend time with loved ones. Best feeling in the world to have my daughter copy my wicket taking celebrations. And yes don't forget to take care of animals, they too deserve our love and care 🙂 pic.twitter.com/CKPhZd0BGD

— Shahid Afridi (@SAfridiOfficial) June 9, 2018

‘പ്രിയപ്പെട്ടവര്‍ക്കൊപ്പം സമയം ചെലവഴിക്കുക എന്നത് സന്തോഷകരമാണ്. എന്റെ വിക്കറ്റ് ടേക്കിങ് സെലിബ്രേഷന്‍ എന്റെ മകള്‍ അനുകരിക്കുന്നത് കാണുന്നതാണ് ലോകത്തെ ഏറ്റവും നല്ല വൈകാരികാനുഭവം. ഒപ്പം, നാം മൃഗങ്ങളെ സംരക്ഷിക്കാനും മറക്കരുത്. അവരും സ്‌നേഹവും പരിചരണവും അര്‍ഹിക്കുന്നുണ്ട്.’ മകളുടെ ഫോട്ടോയ്‌ക്കൊപ്പം അഫ്രീദി കുറിച്ചു. ഇതോടൊപ്പം ഒരു മാന്‍കുഞ്ഞിനെ മടിയിലിരുത്തി കുപ്പിപ്പാല്‍ നല്‍കുന്ന ചിത്രവും അഫ്രീദി ട്വിറ്ററില്‍ പ്രസിദ്ധീകരിച്ചു.

വീട്ടില്‍ സിംഹത്തെ വളര്‍ത്തുന്നതിലെ അത്ഭുതം പല ആരാധകരും പങ്കുവെച്ചപ്പോള്‍ സിംഹത്തെ ചങ്ങലയില്‍ ബന്ധിച്ചതിലുള്ള പരിഭവമാണ് മറ്റു ചിലര്‍ ഉന്നയിച്ചത്. ചിലര്‍ക്കറിയേണ്ടത് അഫ്രീദി ‘വളര്‍ത്തുന്ന’ സിംഹത്തിന്റെ പേരും മറ്റു വിശേഷങ്ങളുമായിരുന്നു. വന്യജീവിയായ സിംഹത്തെ വീട്ടില്‍ കെട്ടിയിട്ടു വളര്‍ത്തുന്നതിനെയും ചിലര്‍ വിമര്‍ശിച്ചു.

wah lala sher k sath maste jaro. lakn vote nhe daina. love you lala pic.twitter.com/T8Y1F1AuTY

— Rashid Khan (@RashidK97504820) June 9, 2018

Shahid bhai???? There's a literal lion behind your daughter????

— F (@furreekatt_) June 9, 2018

Exactly that's what i thought
Lion is a wild habitant and it can never be friendly to humans
He will go by his basic instinct
And can give lethal and life threating injuries … To its masters even

Hope khan lala realised this soon and let it go to its own. World

— (@shakeeel88) June 10, 2018

മുന്‍ പാകിസ്താന്‍ ക്രിക്കറ്റ് ക്യാപ്ടനായ അഫ്രീദിക്ക് നാല് പെണ്‍മക്കളാണുള്ളത്. അഖ്‌സ, അജ്‌വ, അസ്മറ, അന്‍ഷ. കുടുംബത്തിനൊപ്പമുള്ള ചിത്രങ്ങള്‍ അഫ്രീദി തന്നെ ഇടക്കിടെ സാമൂഹ്യ മാധ്യമങ്ങളില്‍ പോസ്റ്റ് ചെയ്യാറുള്ളതിനാല്‍ മക്കളും ആരാധകര്‍ക്ക് പരിചിതരാണ്.

1996-ല്‍ തന്റെ രണ്ടാം ഏകദിനത്തില്‍ തന്നെ ശ്രീലങ്കക്കെതിരെ 37 പന്തില്‍ സെഞ്ച്വറിയടിച്ചാണ് ‘ബൂം ബൂം’ അഫ്രീദി ലോക ക്രിക്കറ്റ് പ്രേമികളുടെ മനംകവരുന്നത്. 18 വര്‍ഷത്തോളം ഈ റെക്കോര്‍ഡ് ഭേദിക്കപ്പെടാതെ നിലനിന്നു. ലെഗ്‌സ്പിന്‍ ഓള്‍ റൗണ്ടറായ അഫ്രീദി 2009-ല്‍ പാകിസ്താന്‍ ട്വന്റി 20 ലോകകപ്പ് നേടുന്നതില്‍ നിര്‍ണായക പങ്കുവഹിച്ചു. 2016 ലോകകപ്പ് ആദ്യറൗണ്ടില്‍ പുറത്തായതിനെ തുടര്‍ന്ന് നായകപദവി രാജിവെച്ച അഫ്രീദി, സെപ്തംബറില്‍ വെസ്റ്റ് ഇന്‍ഡീസിനെതിരെ വിടവാങ്ങല്‍ മത്സരം കളിക്കാന്‍ താല്‍പര്യമുണ്ടെന്ന് അറിയിച്ചിരുന്നു. പക്ഷേ, സെലക്ടര്‍മാര്‍ അതിന് അവസരം നല്‍കിയില്ല.27 ടെസ്റ്റ് മത്സരങ്ങളും 398 ഏകദിനങ്ങളും 98 ട്വന്റി 20 മത്സരങ്ങളുമാണ് അഫ്രീദി പാകിസ്താനു വേണ്ടി കളിച്ചത്. ടെസ്റ്റില്‍ നിന്ന് 1176 റണ്‍സും 48 വിക്കറ്റും നേടി. ഏകദിനങ്ങളില്‍ നിന്ന് റണ്‍സും 395 വിക്കറ്റും നേടിയ അഫ്രീദി ട്വന്റി 20-യില്‍ 1405 റണ്‍സും 97 വിക്കറ്റും എടുത്തിട്ടുണ്ട്.