പുതുപ്പാടിയിലെ വിവിധ രാഷ്ട്രീയപ്പാര്‍ട്ടി പ്രതിനിധികളും പഞ്ചായത്ത് മെമ്പര്‍മാരുമൊക്കെയുള്ള ഗ്രൂപ്പിലാണ് ഷൈജല്‍ വിവാദ പരാമര്‍ശം നടത്തിയത്. പുതുപ്പാടി ഗ്രാമപഞ്ചായത്ത് മെമ്പറായ വ്യക്തി ബലിപെരുന്നാള്‍ ആശംസ നേര്‍ന്നുകൊണ്ട് ഇട്ട പോസ്റ്റിന് താഴെയാണ് ഷൈജല്‍ ബലിപെരുന്നാളിനെ വിമര്‍ശിച്ച് കുറിപ്പിട്ടത്.

ഷൈജലിനെതിരെ മുസ്ലിം ലീഗ് താമരശ്ശേരി പൊലീസില്‍ പരാതി നല്‍കിയിരുന്നു. മതസ്പര്‍ദ്ധ വളര്‍ത്തുന്ന പരാമര്‍ശമാണ് ഷൈജല്‍ നടത്തിയതെന്ന് ആരോപിച്ചാണ് പരാതി. വിവിധ മതസംഘടനകളും ഷൈജലിന്റെ പരാമര്‍ശത്തിനെതിരെ രംഗത്തുവന്നിരുന്നു. വിവാദമായതോടെ ഷൈജല്‍ ഖേദപ്രകടനം നടത്തിയിരുന്നു.

കള്ളപ്പണം കടത്തും കെ.പി.സി.സി അധ്യക്ഷനെ കൊലപ്പെടുത്താന്‍ ഗൂഡാലോചന നടത്തിയെന്നുമുള്ള വെളിപ്പെടുത്തലുകളില്‍ കേസെടുക്കാന്‍ തയാറല്ലെങ്കില്‍ കോണ്‍ഗ്രസും യു.ഡി.എഫും നിയമനടപടികളുമായി മുന്നോട്ട് പോകും. ഹീനമായ ആക്രമണമാണ് സി.പി.എം ശക്തിധരനെതിരെ നടത്തുന്നത്. സി.പി.എം ഇതിനൊക്കെ മറുപടി പറയേണ്ടി വരും. എ.കെ.ജി സെന്ററില്‍ ഇരുന്നു കൊണ്ടാണ് മാധ്യമ പ്രവര്‍ത്തകര്‍ ഉള്‍പ്പെടെ അവര്‍ക്കെതിരെ പറയുന്ന എല്ലാവരെയും വേട്ടയാടുന്നത്.രാഷ്ട്രീയ എതിരാളികള്‍ക്കെതിരെ എന്തും ചെയ്യാന്‍ മടിക്കാത്ത വൃത്തികെട്ട പാര്‍ട്ടിയാണ് സി.പി.എം. സുധാകരനെ കൊല്ലാന്‍ പറ്റാത്തത് കൊണ്ടാണ് ഇപ്പോള്‍ ഇല്ലാതാക്കാന്‍ ശ്രമിക്കുന്നത്. രണ്ട് വെളിപ്പെടുത്തലുകളിലും പ്രതിയാകുമെന്ന് അറിഞ്ഞുകൊണ്ടാണ് ശക്തിധരന്‍ സത്യം പറഞ്ഞിരിക്കുന്നത്. അദ്ദേഹം പറഞ്ഞു.
കൈതോലപ്പായ വെളിപ്പെടുത്തലില്‍ അന്വേഷണം ആവശ്യപ്പെട്ടുള്ള പരാതിയിലെ ഒച്ചിഴയുന്ന വേഗത്തിലാണ് നീങ്ങുന്നത്. പരീക്ഷ എഴുതാതെ ഒരുത്തന്‍ പാസായവന്‍ കൊടുത്ത കേസില്‍ മാധ്യമ പ്രവര്‍ത്തകയ്‌ക്കെതിരെ കേസെടുത്തു. പക്ഷെ പരീക്ഷ എഴുതാത്തവനെതിരെ ഇതുവരെ കേസില്ല. ഇരട്ടനീതിയാണ് കേരളത്തില്‍ നടക്കുന്നത്. സുധാകരനെതിരെ വ്യാജ വാര്‍ത്ത നല്‍കിയ ദേശാഭിമാനിക്കും അത് ആവര്‍ത്തിച്ച ഗോവിന്ദനും എതിരെ കേസില്ല. വ്യാജ വാര്‍ത്തയ്ക്ക് എതിരെ കെ.പി.സി.സി നല്‍കിയ പരാതിയിലും കേസില്ല. സി.പി.എം സംസ്ഥാന സെക്രട്ടറിക്കും സെക്രട്ടേറിയറ്റിനുമൊന്നും ഒരു കാര്യവുമില്ല. മുഖ്യമന്ത്രിയെ പോലും ഹൈജാക്ക് ചെയ്യുന്ന ഒരു സംഘം മുഖ്യമന്ത്രിയുടെ ഓഫീസില്‍ പ്രവര്‍ത്തിക്കുന്നുണ്ട്. മുഖ്യമന്ത്രിയെ നിഷ്‌ക്രിയനാക്കി അവരുടെ കയ്യിലേക്ക് കേരളത്തിന്റെ ഭരണം പോകുകയാണ്. ഈ ഗൂഡസംഘം സി.പി.എമ്മിന്റെ ശവപ്പെട്ടിയിലെ അവസാന ആണിയും അടിക്കും. വി.ഡി.സതീശൻ പറഞ്ഞു.

2023- 24 സാമ്പത്തിക വര്‍ഷത്തിലേക്കായി ധനമന്ത്രി കെ.എന്‍ ബാലഗോപാല്‍ നിയമസഭയില്‍ അവതരിപ്പിച്ച ബജറ്റിനെ സംസ്ഥാന സർക്കാരിന്റെ പകൽ കൊള്ള എന്നുവേണം വിശേഷിപ്പിക്കാൻ. തീർത്തും ജനദ്രോഹപരമായ ഒരു ബജറ്റ്. സാധാരണ ജനങ്ങൾക്കും തൊഴിലാളികൾക്കും കൃഷിക്കാർക്കും യാതൊരു ഗുണവുമില്ലാത്ത ബജറ്റ് ആണ് കേന്ദ്രസർക്കാറും സംസ്ഥാന സർക്കാരും സമർപ്പിച്ചത്. സർക്കാരിന്റെ മുൻ വാഗ്ദാനങ്ങളും പ്രലോഭനങ്ങളും എല്ലാം വെറും പൊള്ളയായ തടിക്കഷണം ആണെന്ന് തെളിയിച്ചിരിക്കുകയാണ് ഒരിക്കൽ കൂടി. അഞ്ചുവർഷത്തേക്ക് വിലവർധനവുകൾ ഉണ്ടാവില്ല എന്നു പറഞ്ഞ അതേ നാവു കൊണ്ട് തന്നെ ഇന്ധന വില തുടങ്ങി നിരവധി ജനദ്രോഹ നടപടികൾക്കാണ് സർക്കാർ തിരികൊളുത്താൻ പോകുന്നത്. എൽഡിഎഫ് വരും എല്ലാം ശരിയാകും എന്ന വാക്യത്തിന് ദിപ്പോ ശരിയാക്കിത്തര എന്ന സിനിമ ഡയലോഗിന്റെ വിലപോലുമില്ലെന്ന് 2023 24 സംസ്ഥാന ബജറ്റ് കൊണ്ട് ഇടതു സർക്കാർ മനസ്സിലാക്കിത്തന്നു.

കോവിഡ് പ്രതിസന്ധിയിൽ നിന്നും ഇനിയും കര കയറിയിട്ടില്ലാത്ത കേരളത്തിലെ ജനങ്ങളെ വീണ്ടും പടുകുഴിയിലേക്ക് തള്ളിയിടാൻ ആണ് സർക്കാർ ശ്രമിക്കുന്നത്. “ജനങ്ങളോടൊപ്പം, ജനങ്ങൾക്കുവേണ്ടി, അശരണർക്കൊപ്പം, നീതിക്കൊപ്പം ” തുടങ്ങിയ പൊള്ളയായ ” ഒപ്പങ്ങളാൽ ” ജനങ്ങളെ കബളിപ്പിച്ചു കൊണ്ടിരിക്കുന്ന ഇടതു സർക്കാർ തന്ത്രങ്ങളെ ജനങ്ങൾക്ക് വ്യക്തമായി ധാരണ നൽകാൻ ഈ ബജറ്റിനായി.പെട്രോളിനും ഡീസലിനും വില കൂട്ടിയ സർക്കാർ ഭൂനികുതിയിലും കെട്ടിടനികുതിയിലും വർദ്ധന വരുത്തി. വാഹന ഉപഭോക്താക്കൾക്കും വലിയ തിരിച്ചടിയാണ് ഈ ബജറ്റ് നൽകുന്നത്.

കേന്ദ്രസർക്കാറിന്റെ ബജറ്റ് അവതരണം കേട്ട് നടുവൊടിഞ്ഞു കിടക്കുന്ന ജനങ്ങളുടെ മേൽ ചാടി വീണതിനോട്‌ തുല്യമാണ് ഇടതു സർക്കാരിന്റെ ബജറ്റ് അവതരണം.ഒരു കൈ കൊണ്ട് കൊടുത്ത് മറുകൈ കൊണ്ട് എടുക്കുക എന്ന് കേട്ടിട്ടേയുള്ളൂ…
സംസ്ഥാന ബജറ്റിനെ കുറിച്ച്‌ രുക്ഷ വിമര്‍ശനം ഉയര്‍ന്നതോടെ പ്രതികരണവുമായി സി.പി.എം സംസ്ഥാന സെക്രട്ടറി എം.വി ഗോവിന്ദന്‍ അടക്കമുള്ള നിരവധി പാർട്ടി നേതാക്കളാണ് തട്ടും മുട്ടും ന്യായീകരണങ്ങൾ പറഞ്ഞു രംഗത്ത് വരുന്നത്.പെട്രോളിനും ഡീസലിനും വില വര്‍ധിപ്പിച്ചത് കേന്ദ്രസര്‍ക്കാറാണ്. കേന്ദ്രം അനിയന്ത്രിമായി നികുതി കൂട്ടിയതാണ് വില വര്‍ധനവിനിടയാക്കിയത്. സംസ്ഥാനം രണ്ടുരൂപ സെസ് ഏര്‍പ്പെടുത്തുക മാത്രമാണ് ചെയ്തതെന്നതാണ് ഇവരുടെ വാദം….

ഇതിപ്പോ ചിരിക്കാനുള്ള കാര്യം എന്താണെന്ന് വെച്ചാൽ കുഴിക്കുന്ന കുഴികളിലേക്കുള്ള പാത സ്വയം തോണ്ടിയിട്ടാണ് സർക്കാരിന്റെ യാത്ര…

‘സി.പി.എം മതത്തിനെതിരല്ല; വിശ്വാസം സംരക്ഷിക്കുന്ന നിലപാടാകും സ്വീകരിക്കുക’ സി.പി.എം സംസ്ഥാന സെക്രട്ടറി എം.വി ഗോവിന്ദന്റേതാണ് മുകളില്‍ കൊടുത്ത പ്രസ്താവന. സി.പി.എം ജില്ലാ കമ്മറ്റി ‘മതം, ജാതി, ഇന്നലെ ഇന്ന്’എന്ന വിഷയത്തില്‍ കട്ടപ്പനയില്‍ സംഘടിപ്പിച്ച സെമിനാര്‍ ഉദ്ഘാടം ചെയ്ത് സി.പി.എം. സംസ്ഥാന സെക്രട്ടറിയേറ്റ് അംഗം എം. സ്വരാജ് പറഞ്ഞത് ഇങ്ങനെ ‘കമ്യൂണിസ്റ്റുകാര്‍ മതങ്ങള്‍ക്കെതിരാണെന്നത് വലതുപക്ഷ രാഷ്ട്രീയക്കാരുടെ പ്രചാരണമാണ്: വിശ്വാസികളെ ചേര്‍ത്തുപിടിക്കുന്ന സമീപനമാണ് കമ്യൂണിസ്റ്റുകളുടേത്’. (മാധ്യമം: ഒക്ടോബര്‍ 18, 2022)

സത്യസന്ധമാണോ ഇവരുടെ ഈ അവകാശവാദങ്ങള്‍? മത നിഷേധത്തില്‍ അധിഷ്ഠിതമായ ഭൗതികവാദമാണ് മാര്‍ക്സിസം എന്നത് അനിഷേധ്യമായ യാഥാര്‍ത്ഥ്യമല്ലേ? ആകയാല്‍ മതത്തിനും ദൈവത്തിനുമെതിരായ കുരിശ് യുദ്ധം ലോകമെങ്ങുമുള്ള കമ്യൂണിസ്റ്റുകാര്‍ ജീവിത ശൈലിയായി സ്വീകരിച്ചുപോന്നതാണ് ചരിത്രം. ഒരു മാര്‍ക്‌സിസ്റ്റ് സ്വന്തം നിലയില്‍ മതനിഷേധിയും നിരീശ്വരനുമായിരുന്നാല്‍ പോര, മതത്തിനെതിരെ വിട്ടുവീഴ്ചയില്ലാതെ നിലകൊള്ളുകയും മതത്തോട് ഏറ്റുമുട്ടുകയും വേണം. മാര്‍കിസ്റ്റ് താത്വികാചാര്യന്‍ ഇക്കാര്യം വ്യക്തമാക്കുന്നതിങ്ങനെ. ‘മാര്‍ക്സിസം ഭൗതികവാദമാണ്. വിട്ടുവീഴ്ചയില്ലാതെ മതത്തിനെതിരാണ്. നാം മതത്തോട് ഏറ്റുമുട്ടണം അതാണ് എല്ലാ ഭൗതികവാദത്തിന്റെയും ഹരിശ്രീ’ (ഇ.എം.എസ് സാംസ്‌കാരിക വിപ്ലവം, മതം, മാര്‍ക്സിസം. പേജ് 56) ‘മാര്‍ക്‌സിസ്റ്റ്കാരന്‍ ഭൗതിക വാദിയായിരിക്കണം. അതായത് മതത്തിന്റെ ശത്രു.’ (അതേ പുസ്തകം പേജ് 59) ‘മത വിശ്വാസത്തിനും അതിന്റേതായ അനാചാരങ്ങള്‍ക്കും എതിരെ ആശയപരമായും പ്രായോഗികമായും മാര്‍ക്‌സിസ്റ്റുകാര്‍ക്ക് കടമയുണ്ട്.’ (ചിന്ത 1984 ഓഗസ്റ്റ് 17) ഈ കടമ നിറവേറ്റാനും പ്രായോഗികമാക്കാനും പാര്‍ട്ടിക്ക് അധികാരം ലഭിച്ചിടത്തെല്ലാം, അധികാരദണ്ഡ് ഉപയോഗിച്ച്തന്നെ തീവ്രയത്നം നടത്തിയതാണ് ചരിത്രം. നിരീശ്വരത്വ ഗവേഷണത്തിനായി മാത്രം റഷ്യയില്‍ ഇന്‍സ്റ്റിറ്റിയൂട്ട് ഓഫ് സയന്റിഫിക് എത്തിസം എന്ന ഇന്‍സ്റ്റിറ്റിയൂട്ട് പ്രവര്‍ത്തിക്കുകയുണ്ടായി. ‘മതത്തിന്റെ വളര്‍ച്ച തടയുന്നതിനായി എല്ലാ സാഹചര്യങ്ങളും സര്‍ക്കാര്‍ കര്‍ശനമായി നടപ്പില്‍ വരുത്തിയിട്ടുണ്ടെന്ന്’ (ചിന്ത 17.2.84) ഇ.എം.എസ് എഴുതിയിട്ടുണ്ട്.

റഷ്യയില്‍ മാത്രമല്ല; ചൈന, അല്‍ബേനിയ, ബള്‍ഗേറിയ, ദക്ഷിണ യമന്‍ തുടങ്ങി എല്ലായിടത്തും കമ്യൂണിസ്റ്റുകള്‍ യുദ്ധം അഴിച്ചുവിട്ടിട്ടുണ്ട്. ദക്ഷിണ യമനില്‍ മത പഠനം നിരോധിച്ച കാര്യം ദേശാഭിമാനി റിപ്പോര്‍ട്ട് ചെയ്തത് ഇങ്ങനെ. ‘ദക്ഷിണ യമനില്‍ ഇസ്‌ലാം മതത്തെക്കുറിച്ച് പഠിപ്പിക്കുന്നത് നിര്‍ത്തിയിരിക്കയാണെന്നുള്ളത് ഇസ്‌ലാമിക രാജ്യങ്ങളെയാകെ നേരത്തെതന്നെ രോഷം കൊള്ളിച്ചിട്ടുണ്ട്.’ (ദേശാഭിമാനി 17.7.1978) ചൈനയില്‍ മതത്തിന്റെ വേരറുക്കാന്‍ ആയുഷ്‌കാലം മുഴുവന്‍ പോരാടിയ വ്യക്തിയായിരുന്നു മാവോ സേതൂങ്ങ്- മവോവിന്റെ കാലത്ത് കണ്‍ഫ്യൂഷ്യസ് മതം, ബുദ്ധമതം, ക്രിസ്തു മതം എന്നിവക്കെതിരെ കര്‍ശന സമീപനം സ്വീകരിച്ചു. 1968 ലെ സാംസ്‌കാരിക വിപ്ലവം മതവിശ്വാസികള്‍ക്ക് കടുത്ത പീഢനമാണ് സമ്മാനിച്ചത്. 10 കോടി വിശ്വാസികള്‍ പീഢന വിധേയരായി. മാവോവിന്റെ ചെമ്പട നിലവിലുണ്ടായിരുന്ന 40000 പള്ളികളില്‍ മിക്കവയും മ്യൂസിയങ്ങളായും വിദ്യാലയങ്ങളായും അറവ്ശാലകളായും പരിവര്‍ത്തിക്കപ്പെട്ടു. 1975 മുതല്‍ 79 വരെയുള്ള ചുരുങ്ങിയ കാലയളവില്‍ 1.5 മുതല്‍ 3 മില്യന്‍ കംബോഡിയക്കാരെ കംബോഡിയന്‍ നേതാവായിരുന്ന പോള്‍പോട്ടിന്റെ കിങ്കരന്‍മാര്‍ യമപുരിക്കയച്ചു.

തങ്ങള്‍ മതത്തിനെതിരല്ലെന്നും വിശ്വാസികളെ ചേര്‍ത്തുപിടിക്കുന്നവരാണെന്നും തട്ടിവിടുന്ന കമ്യൂണിസ്റ്റുകള്‍ തന്നെയാണ് വര്‍ത്തമാനകാലത്തും ചൈനയിലെ ഉയിഗൂര്‍ മുസ്‌ലിംകളെ ക്രൂരമായി പീഡിപ്പിച്ചുകൊണ്ടിരിക്കുന്നത്. ‘പതിനായിരക്കണക്കിന് അയ്യപ്പന്‍മാരെ സൃഷ്ടിക്കുന്ന ഭൗതിക സാഹചര്യങ്ങള്‍ക്കെതിരെ ബഹുജനങ്ങളെ അണിനിരത്താനും അങ്ങനെ അയ്യപ്പന്‍മാര്‍ പ്രതിനിധാനം ചെയ്യുന്ന വിശ്വാസങ്ങളെ എതിര്‍ത്തു തോല്‍പിക്കാനും മാര്‍ക്സിസ്റ്റ് ആചാര്യന്‍ ആഹ്വാനം ചെയ്തത് (സാംസ്‌കാരിക വിപ്ലവം, മതം, മാര്‍ക്സിസം. പേജ് 74) മതത്തോടുള്ള എതിര്‍പല്ലെകില്‍ മറ്റെന്താണ്?

മതവിശ്വാസിക്ക് സി.പി.എം അംഗമാകാമോ എന്ന ചോദ്യത്തിന് ഇ.എം.എസ് നല്‍കിയ മറുപടി ഇങ്ങനെ ‘പാര്‍ട്ടിയില്‍ അംഗത്വം നേടുന്നതിനുള്ള നിബന്ധനയായി മതനിഷേധത്തെ പാര്‍ട്ടി മുന്നോട്ട്‌വെക്കുന്നില്ല. പക്ഷേ മതവിശ്വാസിയായി പാര്‍ട്ടി അംഗം, വൈരുധ്യാത്മകവും ചരിത്ര പരവുമായ ഭൗതികവാദം പഠിച്ച് മാര്‍ക്സിസ്റ്റ്- ലെനിനിസ്റ്റ് ആവാന്‍ നിരന്തരം ശ്രമിച്ചുകൊണ്ടിരിക്കണം. പാര്‍ട്ടി സംഘടനയുടെ നേതൃത്വത്തിലിരിക്കുന്ന സഖാക്കള്‍ മതപരമായ ചടങ്ങുകളില്‍നിന്നും വിട്ടുനില്‍ക്കുകയും വേണം’. (ചിന്ത ചോദ്യോത്തരം ഇ.എം.എസ് സമ്പൂര്‍ണ കൃതികള്‍)

പ്രാകാശ് കാരാട്ട് വിശദീകരിക്കുന്നത് നോക്കൂ: ‘മാര്‍ക്സിസ്റ്റുകള്‍ നിരീശ്വരവാദികളാണ്. അവര്‍ ഒരു മതത്തിലും വിശ്വസിക്കുന്നില്ല. മാര്‍ക്സിസ്റ്റായിമാറുന്ന പ്രക്രിയയില്‍ പാര്‍ട്ടി അംഗങ്ങള്‍ ശാസ്ത്രീയമായ ലോക വീക്ഷണം സ്വീകരിക്കുകയും, മതവിശ്വാസം വെടിയുകയും വേണം. മതപരമായ ചടങ്ങുകള്‍ സംഘടിപ്പിക്കരുതെന്നും വ്യക്തിപരമായി മതാചാരങ്ങള്‍ നടത്തരുതെന്നും അവരോട് നിര്‍ദേശിച്ചിട്ടുണ്ട്.’ (ദേശാഭിമാനി 14-1-2010)മതത്തോടുള്ള കമ്യൂണിസ്റ്റുകളുടെ വ്യക്തമായ നിലപാടാണിത്.

മഹാ ഭൂരിപക്ഷംവും വിശ്വാസികളായ ഒരു സമൂഹത്തോട് പൂര്‍ണമായും മതപരമായ ശത്രുതയോടുള്ള സമീപന സ്വീകരണം നഷ്ടക്കച്ചവടമാണെന്ന് അവര്‍ മനസ്സിലാക്കിയിട്ടുണ്ട്. അതുകൊണ്ടാണ് തങ്ങള്‍ മതത്തിനെതിരല്ല, വിശ്വാസികളെ ചേര്‍ത്തുപിടിക്കും എന്നൊക്കെ ഇടക്കിടെ പറഞ്ഞുകൊണ്ടിരിക്കുന്നത്. ഇക്കാര്യം ദേശാഭിമാനി വ്യക്തമാക്കുന്നതിങ്ങനെ. ‘വിശ്വാസികള്‍ക്ക് ഭൂരിപക്ഷമുള്ള സമൂഹത്തില്‍ അവരുമായി യോജിച്ച സമരംകൊണ്ട് മാത്രമേ മനുഷ്യനെ ദുരന്തങ്ങളില്‍നിന്ന് സഹായകരമായ സാമൂഹ്യ വ്യവസ്ഥ സൃഷ്ടിക്കാന്‍ കഴിയുകയുള്ളു.’ (ദേശാഭിമാനി 26.10.2007) എന്നിരുന്നാലും മതമില്ലാത്ത ജീവന്‍, പാഠ്യപദ്ധതി എന്നിവയിലൂടെ മതനിരാസം ഒളിച്ചുകടത്താന്‍ അവര്‍ ശ്രമിച്ചുകൊണ്ടിരിക്കും. അധികാരം പൂര്‍ണമായും കയ്യിലമര്‍ന്നാല്‍ ചൈനയിലെ ഉയിഗൂര്‍ മുസ്‌ലികളോടെന്ന പോലെ വിശ്വാസികളെ അവര്‍ ‘ചേര്‍ത്തുപിടിക്കുക’ തന്നെ ചെയ്യും.

നേരത്തെ നാട്ടുകാരുടെ പ്രതിഷേധത്തെത്തുടര്‍ന്ന് പൊലീസ് പൂട്ടിച്ച ഹോം സ്റ്റേ ഇപ്പോള്‍ സിഐടിയു പ്രവര്‍ത്തകനായ സുധീര്‍ ആണ് നടത്തുന്നത്.

തിരുവനന്തപുരം കോര്‍പറേഷന്‍ ആരോഗ്യ വിഭാഗത്തില്‍ 295 ജീവനക്കാരുടെ നിയമനത്തിന് ലിസ്റ്റ് അയക്കാന്‍ മേയര്‍ ആര്യാ രാജേന്ദ്രന്‍ സി.പി.എം ജില്ലാ സെക്രട്ടറിക്ക് അയച്ചതെന്ന് പറയപ്പെടുന്ന കത്ത് സംബന്ധിച്ചാണ് പുതിയ വിവാദം. ജില്ലാ സെക്രട്ടറി ആനാവൂര്‍ നാഗപ്പനും മേയറും നിഷേധിച്ചിട്ടുണ്ടെങ്കിലും ഒരു കാര്യം വ്യക്തമാണ്. കോര്‍പറേഷനില്‍ ധാരാളം ഒഴിവുണ്ടെന്നും അത് നികത്താന്‍ പാര്‍ട്ടി തലത്തില്‍ ശ്രമമുണ്ടെന്നുമുള്ള കാര്യം. ‘എവിടെ എന്റെ ജോലി’ (വേര്‍ ഈസ് മൈ ജോബ്) എന്നു ചോദിച്ചു കൊണ്ട് ഡി. വൈ.എഫ്.ഐയുടെ നേതൃത്വത്തില്‍ ഡല്‍ഹിയില്‍ പാര്‍ലമെന്റിനു മുമ്പില്‍ മേയര്‍ ആര്യാരാജേന്ദ്രന്‍ അടക്കം പങ്കെടുത്ത പ്രതിഷേധ മാര്‍ച്ച് അരങ്ങേറിയതും ഈ സമയത്ത് തന്നെയാണ്. തനിക്ക് അധികാരമുള്ളിടത്ത് ഒഴിവുള്ള പോസ്റ്റുകളില്‍ വഴിവിട്ട വഴികളിലൂടെ നിയമനം നടത്താന്‍ വേണ്ടതെല്ലാം ചെയ്തു വെച്ചിട്ടാണ് മേയര്‍ ഡല്‍ഹിയിലേക്ക് വണ്ടി കയറിയതെന്നു വ്യക്തം.

കേരളത്തിലെ സര്‍വകലാശാലകളിലും സര്‍ക്കാര്‍, പൊതുമേഖലാ സ്ഥാപനങ്ങളിലും ഇടതുമുന്നണി സര്‍ക്കാര്‍ പാര്‍ട്ടിക്കാര്‍ക്കും ബന്ധുക്കള്‍ക്കുമായി നടത്തുന്ന അധാര്‍മിക നിയമനങ്ങള്‍ സര്‍വ സീമകളും ലംഘിച്ചു തകര്‍ന്നാടുകയാണ്. സര്‍വകലാശാലകളില്‍ ഉയര്‍ന്ന അധ്യാപകഅനധ്യാപക പദവികളിലേക്ക് സി.പി. എം നിര്‍ദ്ദേശിക്കുന്ന അയോഗ്യര്‍ പിന്‍വാതിലിലൂടെ കടന്നുകൂടുന്നു. സ്വജനപക്ഷപാതം അരങ്ങ് തകര്‍ക്കുന്നു. ആര്യാരാജേന്ദ്രന്‍ മാത്രമല്ല മുഖ്യമന്ത്രിയും ഈ വഴിക്ക് തന്നെയാണ് സഞ്ചരിക്കുന്നത്. എന്റെ ജില്ലയിലെ ആളെ കണ്ണൂര്‍ സര്‍വകലാശാല വി.സിയായി നിയമിക്കണമെന്നു ഗവര്‍ണറോട് ആവശ്യപ്പെട്ടത് മുഖ്യമന്ത്രി പിണറായി വിജയന്‍ തന്നെയാണ്. നിയമനങ്ങള്‍ക്കുള്ള യോഗ്യതകള്‍ യഥേഷ്ടം ഭേദഗതി ചെയ്യപ്പെടുന്നതും പതിവായിരിക്കുന്നു.

ഇ.പി ജയരാജന്‍, കെ.ടി ജലീല്‍ തുടങ്ങിയവര്‍ സമാരംഭം കുറിച്ച ഈ ഏര്‍പ്പാട് യാതൊരു മടിയുമില്ലാതെ ഇന്നും തുടരുന്നു. നിയമനങ്ങളില്‍ പാലിക്കേണ്ട എല്ലാ നിയമങ്ങളെയും ചട്ടങ്ങളെയും നഗ്‌നമായി കാറ്റില്‍ പറത്തികൊണ്ടുള്ള അഴിമതി നിര്‍ഭരമായ കുത്സിത രാഷ്ട്രീയ നീക്കങ്ങള്‍ ഈ നിയമനങ്ങളിലെല്ലാം തെളിഞ്ഞു കാണാം. കുടില തന്ത്രങ്ങളോടെ കേന്ദ്ര ബി.ജെ.പി സര്‍ക്കാര്‍ ദേശീയ തലത്തില്‍ വ്യവസ്ഥകളെ കാറ്റില്‍പറത്തുമ്പോള്‍, അതിന്റെ മറപിടിച്ചു സംസ്ഥാനത്തും ദുഷ്‌ചെയ്തികള്‍ നിര്‍ലജ്ജം പിണറായി സംഘം നടത്തുകയാണ്. സര്‍വകലാശാലകളില്‍ വൈസ് ചാന്‍സലര്‍മാരെ നിയമിച്ചത്‌വരെ സി.പി.എം താല്‍പര്യങ്ങള്‍ക്കനുസരിച്ചാണെന്നു ഈയിടെയുണ്ടായ വിവാദങ്ങളിലൂടെ ബോധ്യപ്പെട്ടു. പാര്‍ട്ടിക്ക് റാന്‍ മൂളുന്ന വി.സിമാരെ ഉപയോഗിച്ചു സി.പി.എം നേതാക്കളുടെ ബന്ധുക്കള്‍ക്കും സ്വന്തക്കാര്‍ക്കും നിയമനം നല്‍കിയതിന്റെ എത്രയോ ഉദാഹരണങ്ങള്‍ ഈയിടെ പുറത്തുവന്നു.

യഥാര്‍ത്ഥത്തില്‍, തൊഴില്‍ ഇല്ലാതെ അലയുന്ന കേരളത്തിലെ യുവതക്ക് ജോലി നല്‍കേണ്ട ഉത്തരവാദിത്തം പിണറായി സര്‍ക്കാരിനില്ലെ? സര്‍ക്കാര്‍ ജോലി സ്വപ്‌നം കണ്ട്, വര്‍ഷങ്ങള്‍ നീണ്ട പഠനത്തിലൂടെ, പി.എസ്.സി പരീക്ഷ എഴുതി പാസ്സായിട്ടും അവരെ പരിഗണിക്കാതിരിക്കുന്നത് എന്തുകൊണ്ടാണ്? സി.പി.എമ്മിനു വേണ്ടി തെരുവില്‍ മുദ്രാവാക്യം വിളിക്കുന്നതാണോ ജോലിക്ക് മാനദണ്ഡമാ വേണ്ടത്? സി.പി.എം നേതാക്കളുടെ ബന്ധുവായി ജനിക്കണമെന്നതാണോ അതിനുള്ള യോഗ്യതയാവേണ്ടത്? കാസര്‍ക്കോട് പെരിയ കേല്യാട്ടെ കൃപേഷിനെയും ശരത് ലാലിനെയും വെട്ടിക്കൊന്ന കൊലയാളികളുടെ ഭാര്യമാര്‍ക്ക് കാഞ്ഞങ്ങാട് ജില്ലാ ആശുപത്രിയില്‍ ജോലി നല്‍കിയ കാര്യം ഓര്‍ക്കുക.

കേന്ദ്ര സ്റ്റാറ്റിസ്റ്റിക്കല്‍ മന്ത്രാലയത്തിന്റെ കണക്ക്പ്രകാരം 2022 ജനുവരി മാര്‍ച്ച് മാസങ്ങളില്‍ തൊഴിലില്ലായ്മ പട്ടികയില്‍ കേരളം മൂന്നാമതാണ് (13.2 ശതമാനം). സ്ത്രീകളുടെ തൊഴിലില്ലായ്മ നിരക്കില്‍ കേരളമാണ് ഒന്നാം സ്ഥാനത്ത് (19.1 ശതമാനം). പിണറായി സര്‍ക്കാരിന്റെ കാലത്ത് തൊഴിലില്ലായ്മ വര്‍ധിക്കുകയാണെന്നര്‍ത്ഥം. ഇടതുപക്ഷ യുവജന സംഘടനകള്‍ എന്തുകൊണ്ടാണ് സമരരംഗത്തിറങ്ങാത്തത്? മനുഷ്യചങ്ങലകള്‍ തീര്‍ത്തിരുന്ന ഡി.വൈ.എഫ്.ഐ മാളത്തില്‍ ഒളിച്ചിരിക്കുകയാണല്ലോ. യജമാനന്മാര്‍ക്കെതിരെ രംശത്തിറങ്ങാന്‍ അവര്‍ക്ക് ശക്തിയില്ലാതായിരിക്കുന്നു. വര്‍ധിച്ചുവരുന്ന തൊഴിലില്ലായ്മ പ്രശ്‌നം പരിഹരിക്കാന്‍ സര്‍ക്കാരിനുമുന്നില്‍ ഒരു പദ്ധതിയുമില്ല. തദ്ദേശ സ്ഥാപനങ്ങളിലും സര്‍ക്കാര്‍, പൊതുമേഖലാസ്ഥാപനങ്ങളിലും ഉണ്ടാവുന്ന ഒഴിവുകള്‍ യഥാസമയം പി.എസ്.സിക്ക് റിപ്പോര്‍ട്ട് ചെയ്യാന്‍ ബന്ധപ്പെട്ടവര്‍ തയ്യാറാവുന്നുമില്ല. തന്‍മൂലം നേതാക്കള്‍ക്കും ബന്ധുക്കള്‍ക്കും പാര്‍ട്ടി ക്രിമിനലുകള്‍ക്കും വേണ്ടി, അവരെ തീറ്റി പോറ്റാന്‍ മാത്രം, സ്വജനപക്ഷപാതം കൈമുതലാക്കിയ ഭരണമായി പിണറായി വിജയന്റെ തുടര്‍ ഭരണം മാറിയിരിക്കുന്നു. പാര്‍ട്ടിക്ക് വേണ്ടി ചുമരെഴുതുകയും പോസ്റ്റര്‍ ഒട്ടിക്കുകയും സോഷ്യല്‍ മീഡിയയില്‍ പാര്‍ട്ടി നേതാക്കളുടെ ഏത് വൃത്തികേടുകളെയും ന്യായീകരിക്കുകയും ചെയ്യുന്ന സഖാക്കള്‍ എല്ലാരംഗത്തും തഴയപ്പെടുകയും ചെയ്യുന്നു.

സി.പി.എം സമാന്തര എംപ്ലോയ്‌മെന്റ് എക്‌സ്‌ചേഞ്ചുകളായി മാറിയിരിക്കുന്നു എന്നതാണ് രണ്ടാം പിണറായി സര്‍ക്കാരിന്റെ വിശേഷം. ജില്ലാ സെക്രട്ടറിമാരാണ് നിയമനാധികാരികള്‍. തിരുവനന്തപുരം നഗരസഭയിലെ ഒഴിവുകള്‍ നികത്താനാവശ്യപ്പെട്ടു മേയര്‍ പാര്‍ട്ടി സെക്രട്ടറിക്ക് എഴുതിയ കത്തിനുപുറമെ, എസ്.എ.ടി ആശുപത്രിയിലെ ഒന്‍പത് നിയമനങ്ങള്‍ക്കായി പട്ടിക ആവശ്യപ്പെട്ടു നഗരസഭയിലെ സി.പി.എം പാര്‍ലമെന്ററി സെക്രട്ടറി ഡി. ആര്‍ അനില്‍ എഴുതിയ കത്തും പുറത്ത് വന്നിരിക്കുന്നു. ഇതെല്ലാം മുന്‍കാലങ്ങളിലും പതിവുള്ളത് തന്നെയാണെന്നു മുന്‍ മേയറും വ്യക്തമാക്കിയിരിക്കുന്നു. ഒന്നാം പിണറായി സര്‍ക്കാരിന്റെ കാലത്ത് ചലചിത്ര അക്കാദമി ചെയര്‍മാന്‍ കമല്‍, സാംസ്‌കാരിക മന്ത്രി എ.കെ ബാലന് ചലചിത്ര അക്കാദമിയില്‍ താല്‍ക്കാലിക നിയമനം നേടിയ നാല് പേരെ സ്ഥിരപ്പെടുത്തണമെന്നാവശ്യപ്പെട്ടു ഔേദ്യാഗിക ലെറ്റര്‍പാഡില്‍ കത്ത് അയച്ചിരുന്നു. അവരെ സ്ഥിരപ്പെടുത്തിയാല്‍ അത് ചലചിത്ര അക്കാദമിയുടെ ഇടതുപക്ഷ സ്വഭാവം നിലനിര്‍ത്താന്‍ സഹായകരമായിരിക്കുമെന്നായിരുന്നു കത്തിലെ ഉള്ളടക്കം. അന്നത്തെ പ്രതിപക്ഷ നേതാവ് രമേശ് ചെന്നിത്തല ആ കത്ത് നിയമസഭയുടെ മേശപ്പുറത്ത് വെക്കുകയും ചെയ്തു. ഇതു പോലെയുള്ള എത്രയോ നിയമനങ്ങള്‍ ജില്ലാ സെക്രട്ടറിമാര്‍ മുതല്‍ ലോക്കല്‍ സെക്രട്ടറിമാര്‍ വരെ തദ്ദേശ സ്ഥാപനങ്ങളിലും സര്‍ക്കാര്‍ അര്‍ധ സ്ഥാപനങ്ങളിലും നടത്തികൊണ്ടിരിക്കുന്നു. ആദ്യം നിയമനം താല്‍ക്കാലികമായിരിക്കും. ക്രമേണ അത് സ്ഥിര നിയമനമാക്കിമാറ്റും. സി.പി.എമ്മും ഡി.വൈ. എഫ്.ഐയും യുവജനങ്ങളെ ‘തൊഴിലെവിടെ സര്‍ക്കാരേ’ എന്നു ചോദിച്ചുകൊണ്ടു സമരത്തിനായി ഇറക്കിവിടും. യുവജനങ്ങളോടു എന്തെങ്കിലും ബാധ്യത നിര്‍വഹിക്കാന്‍ ഈ സര്‍ക്കാരിനു സാധിച്ചിട്ടുണ്ടോ? പകരം അവര്‍ക്ക് തൊഴില്‍ മേഖലയില്‍ കൂടുതല്‍ പ്രയാസങ്ങള്‍ ഉണ്ടാക്കുകയല്ലെ സര്‍ക്കാര്‍ ചെയ്യുന്നത്!

ഏതാനും ദിവസങ്ങള്‍ക്ക് മുമ്പാണ് പൊതുമേഖലാ സ്ഥാപനങ്ങളിലെ വിരമിക്കല്‍ പ്രായം 60 ആക്കാനുള്ള തീരുമാനം വന്നത്. തൊഴില്‍ രഹിതരോടുള്ള വെല്ലുവിളിയായിരുന്നില്ലെ അത്? പ്രതിപക്ഷ യുവജന സംഘടനകള്‍ ശക്തമായി പ്രതിഷേധിച്ചപ്പോള്‍ മുഖ്യമന്ത്രി പിന്തിരിഞ്ഞു. താനും മന്ത്രിമാരും പാര്‍ട്ടിയും അറിഞ്ഞിട്ടില്ലെന്നു പറഞ്ഞു. പെന്‍ഷന്‍ പ്രായം ഉയര്‍ത്താന്‍ തീരുമാനമെടുത്തതോ മന്ത്രിസഭയും. എന്നിട്ടാണ് അറിയില്ലെന്നു മുഖ്യമന്ത്രിയും സി. പി.എം സംസ്ഥാന സെക്രട്ടറി എം.വി ഗോവിന്ദനും പ്രസ്താവനയിറക്കിയത്. ആരെയാണ് ഇവര്‍ വിഡ്ഢികളാക്കാന്‍ ശ്രമിക്കുന്നത്? സ്വകാര്യത്തില്‍ നടത്താല്‍ നോക്കിയ കാര്യം പുറത്തായപ്പോള്‍ അത് ഉദേ്യാഗസ്ഥന്മാരുടെ തലയില്‍ കെട്ടിവെച്ചു തടിയൂരാന്‍ നടത്തിയ പൊറാട്ടു നാടകം മാത്രമായിരുന്നു അത്.

ഈമാസം 13നാണ് വീടിനോട് ചേര്‍ന്ന ഷെഡ്ഡില്‍ ഓമനക്കുട്ടനെ ആത്മഹത്യചെയ്ത നിലയില്‍ കണ്ടത്. ദീര്‍ഘകാലം സി.പി.എം ലോക്കല്‍ കമ്മിറ്റി സെക്രട്ടറിയും പോഷകസംഘടനകളുടെ സജീവ പ്രവര്‍ത്തകനുമായ ഇയാള്‍ക്കെതിരെ പാര്‍ട്ടിയിലെ ഒരുവിഭാഗം പ്രവര്‍ത്തിച്ചിരുന്നു.

കോന്നി ഗ്രാമപഞ്ചായത്ത് തെരഞ്ഞെടുപ്പില്‍ 15ാം വാര്‍ഡില്‍ സി.പി.എം സ്ഥാനാര്‍ത്ഥി പരാജയപ്പെട്ടതിന്റെ ഉത്തരവാദിത്വം ഓമനക്കുട്ടനാണെന്ന് ആരോപിച്ച് വധഭീഷണി മുഴക്കുകയും സമൂഹമാധ്യമങ്ങളിലൂടെ നിരന്തരം ആക്ഷേപിക്കുകയും ചെയ്തിരുന്നു. നിരന്തരഭീഷണി നേരിട്ട ഓമനക്കുട്ടന്‍ മനംനൊന്താണ് ആത്മഹത്യ ചെയ്തതെന്ന് ഭാര്യയും ബന്ധുക്കളും നേരത്തെ വ്യക്തമാക്കിയിരുന്നു.

നിമയസഭ തെരെഞ്ഞെടുപ്പിൽ വെൽഫെയർ പാർട്ടിയുമായി സഖ്യമോ ധാരണയോ ഉണ്ടാക്കാൻ പാടില്ലയെന്നതാണ് യൂത്ത്ലീഗിന്റെ നയം. തീവ്രവാദ സംഘടനയായ എസ്.ഡി.പി.ഐയുമായി സി.പി.എം ഉണ്ടാക്കിയ അവിശുദ്ധ സഖ്യത്തെ തുറന്ന് കാണിക്കും. സ്ഥാനാർത്ഥി നിർണ്ണയത്തിൽ ലിസ്റ്റ് നൽകി യൂത്ത്ലീഗിന് സീറ്റുകൾ ചോദിക്കുന്ന പ്രവണത ഇല്ലെന്നും യു.ഡി.എഫിനെ ജയിപ്പിക്കുകയെന്ന ഒറ്റ അജണ്ടയാണ് യൂത്ത്ലീഗിന് ഇപ്പോൾ മുന്നിലുള്ളതെന്നും മാധ്യമ പ്രവർത്തകരുടെ ചോദ്യത്തിന് മറുപടിയായി ഫിറോസ് പറഞ്ഞു. പി.കെ കുഞ്ഞാലിക്കുട്ടിയുടെ കേരള രാഷ്ട്രീയത്തിലേക്കുള്ള മടങ്ങി വരവ് സ്വാഗതാർഹമാണെന്നും അത് യു.ഡി.എഫിന് കരുത്ത് പകരുമെന്നും മറ്റൊരു ചോദ്യത്തിന് മറുപടിയായി അദ്ദേഹം പറഞ്ഞു.

നിയമസഭ തെരെഞ്ഞെടുപ്പിന്റെ പ്രവർത്തനങ്ങൾ ഊർജ്ജിതമാക്കുന്നതിനും യു.ഡി.എഫിനെ അധികാരത്തിൽ കൊണ്ട് വരുന്നതിനും യൂത്ത്ലീഗ് കർമ്മ പരിപാടികൾ ആവിഷ്‌കരിച്ചതായി ഫിറോസ് അറിയിച്ചു. ജനുവരി 31നകം പുതിയ ജില്ല കമ്മിറ്റികൾ നിലവിൽ വരും. ഫെബ്രുവരി 1മുതൽ 12വരെ നിയോജക മണ്ഡലം തലത്തിൽ സയ്യിദ് മുനവ്വറലി ശിഹാബ് തങ്ങളുടെ നേതൃത്വത്തിൽ ‘ഫെയ്സ് ടു ഫെയ്സ്’ വർക്ക്ഷോപ്പുകൾ നടത്തും. ഫെബ്രുവരി 13ന് ആസ്ഥാന മന്ദിര നിർമ്മാണ പൂർത്തീകരണത്തിന് ഏകദിന ഫണ്ട് സ്വരൂപണം നടത്തും. ഫെബ്രുവരി 25,26,27,28 തിയ്യതികളിൽ സംസ്ഥാനത്തുടനീളം സംസ്ഥാന സർക്കാരിനെതിരെ യുവജന കുറ്റപത്രം സമർപ്പിച്ച് കൊണ്ട് നിയോജക മണ്ഡലംതലത്തിൽ പദയാത്രകൾ സംഘടിപ്പിക്കും. പത്രസമ്മേളനത്തിൽ സംസ്ഥാന ട്രഷറർ എം.എ സമദ്, സീനിയർ വൈസ് പ്രസിഡന്റ നജീബ് കാന്തപുരം പങ്കെടുത്തു.