പൊതു പ്രവേശന പരീക്ഷയുടെ ഫലം www.joinindianarmy.nic.in എന്ന വെബ്‌സൈറ്റില്‍ ലഭിക്കും. ഷോര്‍ട്ട് ലിസ്റ്റ് ചെയ്യപ്പെട്ടവരുടെ അഡ്മിറ്റ് കാര്‍ഡ് ഇ.മെയിലില്‍ അയച്ചിട്ടുണ്ട്. ഉദ്യോഗാര്‍ത്ഥികള്‍ക്ക് www.joinindianarmy.nic.in വെബ്‌സൈറ്റില്‍ തങ്ങളുടെ പ്രൊഫൈലില്‍ ലോഗിന്‍ ചെയ്തും അഡ്മിറ്റ് കാര്‍ഡുകള്‍ ഡൗണ്‍ലോഡ് ചെയ്യാമെന്ന് കോഴിക്കോട് ആര്‍മി റിക്രൂട്ടിങ് ഓഫീസില്‍ നിന്നും അറിയിച്ചു.

ഐ.എ.എഫ് പരീക്ഷയ്ക്ക് ഏകദേശം 6,34,249 ഉദ്യോഗാര്‍ഥികള്‍ അപേക്ഷിച്ചിരുന്നു. മുന്‍ വര്‍ഷങ്ങളില്‍ എല്ലാ പ്രാവശ്യവും നടത്തിയിരുന്ന പരീക്ഷ 2020-21 ല്‍ ഒറ്റ പ്രാവശ്യമാണ് നടത്തിയത്. അഗ്നിപഥ് റിക്രൂട്ട്‌മെന്റ് കൊണ്ട് വന്നതിന് പിന്നാലെ ഐ.എ.എഫ് പരീക്ഷ റദ്ദാക്കിയത് ഉദ്യോഗാര്‍ഥികളെ നിരാശരാക്കിയിട്ടുണ്ട്.

വ്യോമ, നാവിക സേനകളില്‍ വേറെയും ഒഴിവുകളുണ്ട്. ഇതിനു പുറമെ ആഭ്യന്തര മന്ത്രാലയത്തിനു കീഴിലെ സി.എ.പി.എഫിലും അസം റൈഫിള്‍സിലുമായി 73,219 ഒഴിവുകളുണ്ട്. കേന്ദ്ര ഭരണ പ്രദേശങ്ങളിലെ പൊലീസ് ഫോഴ്‌സുകളില്‍ 18,124 ഒഴിവുകളുമുണ്ട്. ഇത്രയും ഒഴിവുകള്‍ നികത്താനിരിക്കെയാണ് സൈനിക നിയമനം കരാര്‍ വല്‍ക്കരിക്കാനുള്ള പിന്‍വാതില്‍ നീക്കവുമായി കേന്ദ്രം അഗ്നിപഥ് പദ്ധതി അവതരിപ്പിച്ചത്.