ജോര്‍ദാന്‍ വഴി യൂറോപ്പിലേക്ക് പുറപ്പെടാനായിരുന്നു തമീമിയുടെയും കുടുംബത്തിന്റെയും പദ്ധതി. വിദേശ യാത്രാ വിലക്കിന്റെ വിവരം ഫലസ്തീന്‍ അതോറിറ്റിയാണ് അവരെ അറിയിച്ചത്. ഇതുസംബന്ധിച്ച് ഇസ്രാഈല്‍ അധികാരികളില്‍നിന്ന് പ്രതികരണമൊന്നുമില്ല. വിലക്കിനുള്ള കാരണം ഫലസ്തീന്‍ അതോറിറ്റിയോ ഇസ്രാഈലോ തങ്ങളെ അറിയിച്ചിട്ടില്ലെന്ന് തമീമിയുടെ പിതാവ് ബാസിം തമീമി പറഞ്ഞു.

ഇസ്രാഈല്‍ അധിനിവേശത്തിനെതിരെ ഫലസ്തീന്‍ ജനതയുടെ ചെറുത്തുനില്‍പ്പിന്റെ പ്രതീകമായി ലോകമെങ്ങും അറിയപ്പെടുന്ന തമീമി(17) എട്ട് മാസത്തിന് ശേഷം ജൂലൈ അവസാനമാണ് ജയില്‍ മോചിതയായത്. കഴിഞ്ഞ ഡിസംബര്‍ 15ന് വെസ്റ്റ്ബാങ്കിലെ വീടിനുമുന്നില്‍ ഇസ്രാഈല്‍ സൈനികന്റെ കരണത്തടിച്ച കേസിലാണ് അവരെ ജയിലിലടച്ചത്. അധിനിവേശം അവസാനിക്കുന്നതു വരെ പോരാട്ടം തുടരുമെന്ന് ജയിലില്‍നിന്ന് പുറത്തിറങ്ങിയ ശേഷവും തമീമി പ്രഖ്യാപിച്ചിരുന്നു. സൈനികനെ അടിക്കുന്ന ദൃശ്യം വീഡിയോയില്‍ പകര്‍ത്തിയതിന് അറസ്റ്റിലായ പെണ്‍കുട്ടിയുടെ മാതാവ് നരിമാന്‍ തമീമിയെ ഇസ്രാഈല്‍ വിട്ടയച്ചിട്ടുണ്ട്. ഇസ്രാഈല്‍ വിരുദ്ധ വികാരം ആളിക്കത്തിച്ച് തമീമി കുടുംബം പ്രശസ്തിക്ക് ശ്രമിക്കുന്നുവെന്നാണ് ഇസ്രാഈല്‍ ആരോപിക്കുന്നത്.

സൈനികരെ സധൈര്യം ചോദ്യം ചെയ്ത തമീമിയുടെ നിലപാടിന് അന്താരാഷ്ട്രതലത്തില്‍ വന്‍ സ്വീകാര്യതയാണ് ലഭിച്ചത്. എന്നാല്‍ ഇപ്പോള്‍ തമീമി ഇസ്രാഈല്‍ ജഡ്ജിക്കു നല്‍കിയ ധീരമായ മറുപടി ഫലസ്തീന്‍ ജനതക്കു ഊര്‍ജം പകരുന്നതാണ്. ഞങ്ങളുടെ സൈനികരെ എങ്ങനെയാണ് നീ അടിച്ചതെന്ന ജഡ്ജിയുടെ ചോദ്യത്തിന് എന്റെ വിലങ്ങഴിക്ക് സൈനികരെ അടിച്ചത് എങ്ങനെയെന്ന് കാണിച്ചു തരാമെന്ന മറുപടിയാണ് തമീമി നല്‍കിയത്.

പതിറ്റാണ്ടുകള്‍ നീണ്ട ഫലസ്തീന്‍ ജനതയുടെ പ്രതിഷേധത്തിന്റെ നേര്‍മുഖമായിരിക്കുകയാണ് തമിമിയുടെ നിലപാട്.
അതേസമയം, തമീമിയെ ജനുവരി എട്ടു വരെ കസ്റ്റഡിയില്‍ വെക്കാന്‍ കോടതി ഉത്തരവിട്ടു. തമീമിയുടെ മാതാവിനും സഹോദരിക്കുമെതിരെ ഇസ്രാഈല്‍ കോടതി 12 കുറ്റങ്ങളാണ് ചുമത്തിയിരിക്കുന്നത്.

Watch Video:

സൈനികരെ കയ്യേറ്റം ചെയ്യല്‍, കല്ലെറിയല്‍, ഭീഷണിപ്പെടുത്തല്‍, ഫേസ്ബുക്കിലൂടെ മറ്റുള്ളവരെ തീവ്രവാദ പ്രവര്‍ത്തനങ്ങള്‍ക്ക് പ്രേരിപ്പിച്ചു തുടങ്ങിയ കുറ്റങ്ങളാണ് ഇതില്‍ പ്രധാനം.

നബീ സ്വാലിഹിലെ ഫലസ്തീന്‍ പ്രവര്‍ത്തനങ്ങളിലൂടെ പ്രശസ്തമാണ് തമീമി കുടുംബം. എന്നാല്‍ആദ്യമായാണ് തമീമിയെ ഇസ്രാഈല്‍ സേന അറസ്റ്റു ചെയ്യുന്നത്. മുമ്പ് മാതാവ് നരിമാനെ ഇസ്രാഈല്‍ പട്ടാളക്കാര്‍ അഞ്ചു തവണ അറസ്റ്റ് ചെയ്തിട്ടുണ്ട്. ഓഫര്‍ തടങ്കല്‍ പാളയത്തിന് പുറത്ത് ബന്ധുക്കളെ മോചിപ്പിക്കണമെന്ന് ആവശ്യപ്പെട്ട് പ്രതിഷേധിച്ച മനാല്‍ തമീമിയെന്ന യുവതിയെയും കഴിഞ്ഞ വ്യാഴാഴ്ച കസ്റ്റഡിയിലെടുത്തിയിരുന്നു.

ക്രിമിനല്‍ കുറ്റങ്ങളൊന്നും ചുമത്താത്തതിനാല്‍ നൂറിനെയും മാലിനെയും അതിവേഗം മോചിപ്പിക്കാന്‍ സാധിക്കുമെന്ന് കുടുംബത്തിന്റെ അഭിഭാഷകന്‍ ഗാബി ലാസ്‌കി പറഞ്ഞു. ഇസ്രാഈല്‍ കോടതി മകള്‍ക്ക് തടവു ശിക്ഷ വിധിച്ചേക്കുമെന്ന് തമീമിയുടെ പിതാവ് ബാസിം ആശങ്ക പ്രകടിപ്പിച്ചു. പരമാവധി കാലം തടവില്‍ പാര്‍പ്പിക്കാവുന്ന വകുപ്പുകള്‍ പ്രകാരമാണ് കേസെടുത്തിരിക്കുന്നതെന്ന് അദ്ദേഹം പറഞ്ഞു. ബാസിമിനെയും ഇസ്രാഈല്‍ സേന നിരവധി തവണ അറസ്റ്റ് ചെയ്തിട്ടുണ്ട്.

യുവതിയുടെ ഇരുപത് വയസുള്ള സഹോദരി നൂറിനെയും മാതാവ് നരിമാനെയും വീഡിയോയില്‍ കാണാം. സൈനികനെ ആക്രമിച്ചു, സൈനികനെ കൃത്യനിര്‍വഹണത്തില്‍നിന്ന് തടഞ്ഞു തുടങ്ങി 12 കുറ്റങ്ങളാണ് തമീമിക്കെതിരെ ചുമത്തിയിരിക്കുന്നത്. മുമ്പ് നടന്ന രണ്ട് കല്ലേറ് സംഭവങ്ങളിലും ഇവരെ പ്രതിചേര്‍ത്തിട്ടുണ്ട്. സൈനികനെ ആക്രമിച്ചുവെന്നാണ് നൂറിനെതിരെയുള്ള ആരോപണം. നബീ സ്വാലിഹിലെ ഫലസ്തീന്‍ പ്രവര്‍ത്തനങ്ങളിലൂടെ പ്രശസ്തമാണ് തമീമി കുടുംബം. ആദ്യമായാണ് തമീമിയെ ഇസ്രാഈല്‍ സേന അറസ്റ്റ് ചെയ്യുന്നത്. മുമ്പ് മാതാവ് നരിമാനെ ഇസ്രാഈല്‍ പട്ടാളക്കാര്‍ അഞ്ചു തവണ അറസ്റ്റ് ചെയ്തിട്ടുണ്ട്.

വ്യാഴാഴ്ച ഓഫര്‍ തടങ്കല്‍ പാളയത്തിന് പുറത്ത് ബന്ധുക്കളെ മോചിപ്പിക്കണമെന്ന് ആവശ്യപ്പെട്ട് പ്രതിഷേധിച്ച മനാല്‍ തമീമിയെന്ന യുവതിയെയും കസ്റ്റഡിയിലെടുത്തിയിരുന്നു. ക്രിമിനല്‍ കുറ്റങ്ങളൊന്നും ചുമത്താത്തതിനാല്‍ നൂറിനെയും മാലിനെയും അതിവേഗം മോചിപ്പിക്കാന്‍ സാധിക്കുമെന്ന് കുടുംബത്തിന്റെ അഭിഭാഷകന്‍ ഗാബി ലാസ്‌കി പറഞ്ഞു. ഇസ്രാഈല്‍ കോടതി മകള്‍ക്ക് തടവ് ശിക്ഷ വിധിച്ചേക്കുമെന്ന് തമീമിയുടെ പിതാവ് ബാസിം ആശങ്കപ്രകടിപ്പിച്ചു. പരമാവധി കാലം തടവില്‍ പാര്‍പ്പിക്കാവുന്ന വകുപ്പുകള്‍ പ്രകാരമാണ് കേസെടുത്തിരിക്കുന്നതെന്ന് അദ്ദേഹം പറഞ്ഞു. ബാസിമിനെയും ഇസ്രാഈല്‍ സേന നിരവധി തവണ അറസ്റ്റ് ചെയ്തിട്ടുണ്ട്.