ടിവികെ നേതാവിന്റെ ആരോപണങ്ങള്‍ പൂര്‍ണമായും തള്ളിയ എഐഎഡിഎംകെ, വിജയ് തന്റെ സിനിമാ ജീവിതത്തിലുടനീളം തന്നെ ഗുരുതരമായ അഴിമതികള്‍ നടത്തിയിട്ടുണ്ടെന്ന് ആരോപിച്ചു. ‘ബ്ലാക്ക് ടിക്കറ്റ് വിജയ്’ എന്ന് പരിഹസിച്ചാണ് പാര്‍ട്ടി പ്രതികരിച്ചത്.

വിജയ് കരിഞ്ചന്തയില്‍ സിനിമാ ടിക്കറ്റുകള്‍ വിറ്റ് അനധികൃതമായി വന്‍തോതില്‍ പണം സമ്പാദിച്ചുവെന്നാണ് എഐഎഡിഎംകെയുടെ ആരോപണം. വിജയ് കടുത്ത ആത്മരതി പ്രകടിപ്പിക്കുകയാണെന്നും പാര്‍ട്ടി കുറ്റപ്പെടുത്തി. കൂടാതെ, കഴിഞ്ഞ വര്‍ഷം കരൂരില്‍ നടന്ന ദുരന്തത്തില്‍ 41 പേര്‍ മരിച്ച സംഭവത്തില്‍ വിജയ് ഭാഗികമായി ഉത്തരവാദിയാണെന്ന ഗുരുതര ആരോപണവും എഐഎഡിഎംകെ ഉന്നയിച്ചു.

അനിത രാധാകൃഷ്ണന്റെ തൂത്തുകിടി, മധുര, ചെന്നൈ എന്നിവിടങ്ങളിലെ സ്ഥാവര സ്വത്തുക്കളാണ് കണ്ടുകെട്ടുക. കള്ളപ്പണം വെളുപ്പിക്കല്‍ നിരോധന നിയമം (പിഎംഎല്‍എ) പ്രകാരം ഇഡി താല്‍ക്കാലിക ഉത്തരവാണ് പുറപ്പെടുവിച്ചിട്ടുള്ളത്. 2001 മെയ് 14നും 2006 മാര്‍ച്ച് 31നും ഇടയില്‍ 2.07 കോടി രൂപയുടെ അനധികൃത സ്വത്ത് സമ്പാദിച്ചെന്നാണ് ആരോപണം. കള്ളപ്പണത്തിന്റെ ഒരു ഭാഗം അദ്ദേഹം വിവിധ സ്ഥാപനങ്ങള്‍ വഴി വെളുപ്പിച്ചതായും ഇഡി അവകാശപ്പെട്ടു.

ഏകകണ്ഠമായാണു തീരുമാനമെന്നും മുന്നണിയില്‍ ഏതൊക്കെ പാര്‍ട്ടികളെ ഉള്‍പ്പെടുത്തണമെന്നു ലോക്‌സഭാ തിരഞ്ഞെടുപ്പിനു മുന്‍പു തീരുമാനിക്കുമെന്നും ഡപ്യൂട്ടി ജനറല്‍ സെക്രട്ടറി കെ.പി.മുനുസാമി അറിയിച്ചു.

മുന്‍ മുഖ്യമന്ത്രി സി.എന്‍.അണ്ണാദുരൈയെക്കുറിച്ചുള്ള ബി.ജെ.പി സംസ്ഥാന അധ്യക്ഷന്‍ കെ.അണ്ണാമലൈയുടെ പരാമര്‍ശത്തെ തുടര്‍ന്നാണ് കടുത്ത തീരുമാനം. ഈറോഡ് ഈസ്റ്റ് ഉപതിരഞ്ഞെടുപ്പിനു പിന്നാലെയാണ് ഇരു പാര്‍ട്ടി നേതൃത്വവും തമ്മിലുള്ള ഉരസല്‍ തുടങ്ങിയത്. അണ്ണാഡിഎംകെയുടെ സഖ്യം വേണ്ടെന്നും മുന്‍പ് അണ്ണാമലൈ തുറന്നടിച്ചിരുന്നു. തുടര്‍ന്നു ബിജെപി ദേശീയ നേതൃത്വം ഇടപെട്ട് പ്രശ്‌നങ്ങള്‍ക്കു താല്‍ക്കാലിക പരിഹാരമുണ്ടാക്കിയിരുന്നു.

എന്നാല്‍, കഴിഞ്ഞ ദിവസം പൊതുസമ്മേളനത്തിനിടെ അണ്ണാദുരൈയെക്കുറിച്ച് അപകീര്‍ത്തികരമായ പ്രസ്താവന അണ്ണാമലൈ നടത്തിയെന്നാരോപിച്ചാണ് ഇരു വിഭാഗവും തമ്മില്‍ വീണ്ടും വാക്‌പോരു തുടങ്ങിയത്. ലോക്‌സഭാ തിരഞ്ഞെടുപ്പില്‍ ബിജെപി അധികം സീറ്റിനായി സമ്മര്‍ദ്ദം ശക്തമാക്കിയതും പ്രകോപനത്തിനു കാരണമായി.

മുന്‍ മുഖ്യമന്ത്രി സി.എന്‍.അണ്ണാദുരൈയെക്കുറിച്ചുള്ള ബിജെപി സംസ്ഥാന അധ്യക്ഷന്‍ കെ.അണ്ണാമലൈയുടെ പരാമര്‍ശത്തെ തുടര്‍ന്നാണ് കടുത്ത തീരുമാനം. ഈറോഡ് ഈസ്റ്റ് ഉപതിരഞ്ഞെടുപ്പിനു പിന്നാലെയാണ് ഇരു പാര്‍ട്ടി നേതൃത്വവും തമ്മിലുള്ള ഉരസല്‍ തുടങ്ങിയത്. അണ്ണാഡിഎംകെയുടെ സഖ്യം വേണ്ടെന്നും മുന്‍പ് അണ്ണാമലൈ തുറന്നടിച്ചിരുന്നു. തുടര്‍ന്നു ബിജെപി ദേശീയ നേതൃത്വം ഇടപെട്ട് പ്രശ്‌നങ്ങള്‍ക്കു താല്‍ക്കാലിക പരിഹാരമുണ്ടാക്കിയിരുന്നു.

എന്നാല്‍, കഴിഞ്ഞ ദിവസം പൊതുസമ്മേളനത്തിനിടെ അണ്ണാദുരൈയെക്കുറിച്ച് അപകീര്‍ത്തികരമായ പ്രസ്താവന അണ്ണാമലൈ നടത്തിയെന്നാരോപിച്ചാണ് ഇരു വിഭാഗവും തമ്മില്‍ വീണ്ടും വാക്‌പോരു തുടങ്ങിയത്. ലോക്‌സഭാ തിരഞ്ഞെടുപ്പില്‍ ബിജെപി അധികം സീറ്റിനായി സമ്മര്‍ദ്ദം ശക്തമാക്കിയതും പ്രകോപനത്തിനു കാരണമായി.

എ.ഐ.എ.ഡി.എം.കെ കോര്‍ഡിനേറ്ററും ഉപമുഖ്യമന്ത്രിയുമായ ഒ. പനീര്‍സെല്‍വവും കോ-ഓര്‍ഡിനേറ്ററും മുഖ്യമന്ത്രിയുമായ എടപ്പാടി പളനിസ്വാമിയുമാണ് സ്ഥാനാര്‍ഥികളെ പ്രഖ്യാപിച്ചത്. 2011 ല്‍ വെല്ലൂര്‍ ജില്ലയിലെ റാണിപെട്ട് നിയോജകമണ്ഡലത്തില്‍ നിന്ന് തിരഞ്ഞെടുക്കപ്പെട്ട ജോണ്‍ മന്ത്രി സഭാ അംഗമായിരുന്നു. ജൂലൈ 18 നാണ് തെരഞ്ഞെടുപ്പ്.

ഇന്ത്യയിലെ ആദ്യത്തെ ഭീകരവാദി ഹിന്ദുവാണെന്ന് പറഞ്ഞ ആ നാവ് മുറിച്ചെടുക്കേണ്ടതാണെന്ന് രാജേന്ദ്രബാലാജി പറഞ്ഞു. ഭീകരവാദത്തിന് മതമില്ല. ഹിന്ദുവെന്നോ, മുസ്ലിം എന്നോ ക്രിസ്റ്റിയന്‍ എന്നോ ഇല്ല. അക്രമത്തിന് ആഹ്വാനം ചെയ്യുന്ന കമല്‍ഹാസന്റെ പാര്‍ട്ടി നിരോധിക്കണമെന്നും അദ്ദേഹം ആവശ്യപ്പെട്ടു. കമല്‍ഹാസന്റെ ഓരോവാക്കുകളും വിഷം തുപ്പുന്നവയാണെന്നും തെരഞ്ഞെടുപ്പ് കമ്മീഷന്‍ ഇടപെട്ട് പാര്‍ട്ടി നിരോധിക്കണമെന്നും അദ്ദേഹം കൂട്ടിച്ചേര്‍ത്തു.

കമല്‍ഹാസന്റെ പരാമര്‍ശത്തിനെതിരെ ബി.ജെ.പി നേതാക്കളും രംഗത്തെത്തിയിട്ടുണ്ട്. കമല്‍ഹാസന്റെ പ്രസ്താവനയെ അപലപിക്കുകയാണ്. ന്യൂനപക്ഷങ്ങള്‍ താമസിക്കുന്ന പ്രദേശത്ത് വര്‍ഗ്ഗീയത പരത്തുകയാണ് കമല്‍ഹാസന്‍. തെരഞ്ഞെടുപ്പ് കമ്മീഷന്‍ ഇതിനെതിരെ നടപടിയെടുക്കണമെന്നും തമിഴ്‌നാട് ബി.ജെ.പി നേതാവായ തമിലിസായ് സൗന്ദരരാജന്‍ ട്വീറ്റ് ചെയ്തു.

ഇന്ത്യയിലെ ആദ്യത്തെ ഭീകരവാദി ഹിന്ദുവാണെന്ന് കമല്‍ഹാസന്‍ പറഞ്ഞിരുന്നു. ഇന്ത്യയിലെ ആദ്യത്തെ ഭീകരവാദി ഹിന്ദുവായിരുന്നുവെന്നും പേര്, ഗോഡ്‌സെ ആണെന്നും കമല്‍ഹാസന്‍ പറഞ്ഞു. തമിഴ്‌നാട്ടിലെ അരവകുറിശ്ശിയില്‍ തെരഞ്ഞെടുപ്പ് പ്രചാരണ റാലിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം. 1948ലെ ഗാന്ധിവധം ചൂണ്ടിക്കാട്ടിയായിരുന്നു കമല്‍ഹാസന്റെ പുതിയ പരാമര്‍ശം.

ഇത് മുസ്‌ലിം ഭൂരിപക്ഷ പ്രദേശമായതു കൊണ്ടല്ല താനിതു പറയുന്നത്. ഗാന്ധി പ്രതിമക്കുമുന്നില്‍ നിന്നുകൊണ്ടാണ് പറയുന്നത്. സ്വതന്ത്ര ഇന്ത്യയിലെ ആദ്യത്തെ ഭീകരവാദി ഹിന്ദുവായിരുന്നു. അയാളുടെ പേര് നാഥുറാം ഗോഡ്‌സെ എന്നാണെന്നും കമല്‍ഹാസന്‍ പറഞ്ഞു. നല്ല ഇന്ത്യക്കാര്‍ എല്ലാവരുടേയും സമത്വത്തിന് വേണ്ടിയാണ് നിലനില്‍ക്കുക. മൂവര്‍ണ്ണപ്പതാക നിലനിര്‍ത്തുന്നതിനും അവര്‍ പരിശ്രമിക്കും. താനൊരു നല്ല ഇന്ത്യക്കാരനാണ്. അതില്‍ അഭിമാനിക്കുന്നുവെന്നും കമല്‍ഹാസന്‍ പറഞ്ഞു. ഇതിനെതിരെയാണ് തമിഴ്‌നാട് മന്ത്രിയും ബി.ജെ.പിയും ഇപ്പോള്‍ രംഗത്തെത്തിയിരിക്കുന്നത്.

ശരിയായ ചികിത്സ കിട്ടിയിരുന്നെങ്കില്‍ ജയലളിത ജീവിക്കുമായിരുന്നു. വിദേശത്ത് ചികിത്സക്ക് കൊണ്ടുപോകാനുള്ള തീരുമാനം അട്ടിമറിക്കപ്പെടുകയായിരുന്നു. ജയലളിതയെ ആന്‍ജിയോഗ്രാമിന് വിധേയമാക്കാനുള്ള തീരുമാനം എതിര്‍ക്കപ്പെടുകയായിരുന്നു. ഇതിന് പിന്നില്‍ ആരാണെന്ന് കണ്ടെത്തണം. അവരുടെ മരണവുമായി ബന്ധപ്പെട്ട ദുരൂഹത പുറത്തുകൊണ്ടുവരാന്‍ അന്വേഷണം വേണമെന്നും ഷണ്‍മുഖം ആവശ്യപ്പെട്ടു.

ജയലളിതയുടെ മരണത്തെ കുറിച്ച് അന്വേഷണത്തിന് ഒരു അന്വേഷണ കമ്മീഷനെ എ.ഐ.എ.ഡി.എം.കെ സര്‍ക്കാര്‍ നിയോഗിച്ചിരുന്നു. ജയലളിതക്ക് നല്‍കിയ ചികിത്സയില്‍ പിഴവുണ്ടായിരുന്നുവെന്ന് കമ്മീഷന്റെ അഭിഭാഷകന്‍ ഒരു ഹര്‍ജിയില്‍ വ്യക്തമാക്കിയിരുന്നു.

ജയലളിത ചികിത്സയില്‍ കഴിഞ്ഞിരുന്ന അപ്പോളോ ആസ്പത്രിയുമായി ആരോഗ്യ സെക്രട്ടറി ജെ.രാധാകൃഷ്ണന്‍ ഗൂഢാലോചന നടത്തിയിരുന്നുവെന്നും ‘അനുചിതമായ ചികിത്സയാണ്’ അവര്‍ക്ക് നല്‍കിയിരുന്നതെന്നുമാണ് കമ്മീഷന്‍ അഭിഭാഷകന്റെ വെളിപ്പെടുത്തല്‍. എന്നാല്‍ ആസ്പത്രിയും ആരോഗ്യസെക്രട്ടറിയും ഇക്കാര്യം നിഷേധിച്ചു.

തമിഴ്‌നാട് മന്ത്രിസഭയിലെ മുഴുവന്‍ മന്ത്രിമാരും സമരത്തില്‍ പങ്കെടുത്തതായാണ് വിവരം. മന്ത്രിമാരും സംസ്ഥാന നേതാക്കളുമാണ് സമരത്തിന് നേതൃത്വം നല്‍കിയത്. കാവേരി ബോര്‍ഡ് രൂപീകരിക്കാത്തതിനെതിരെ ജനരോഷം കനത്തതിനെ തുടര്‍ന്നാണ് ഭരണകക്ഷിയായ അണ്ണാ ഡി.എം.കെ സമരത്തിനിറങ്ങിയത്. എന്നാല്‍ സമരം ജനങ്ങളുടെ കണ്ണില്‍ പൊടിയിടാനുള്ള തന്ത്രം മാത്രമാണെന്ന് കാണിക്കുന്നതാണ് പുറത്തുവന്ന ദൃശ്യങ്ങള്‍.