സര്‍ക്കാരിന് പണം നഷ്ടമായിട്ടില്ലെന്ന് പറയുന്ന സി.പി.എം തന്നെയാണ ്‌വിജിലന്‍സ് അന്വേഷണം നടക്കുന്നുവെന്ന് പറയുന്നത്. മുഖ്യമന്ത്രിയുടെ മൗനം എന്തിനെന്ന ചോദ്യത്തിന് മറുപടി പറയാനാകാതെ കുഴഞ്ഞ ഗോവിന്ദന്‍ രോഷം പ്രകടിപ്പിച്ചാണ് അതിനെ പ്രതിരോധിച്ചത്. മുഖ്യമന്ത്രിയുടെ മകന്റെ ഭാര്യാപിതാവിന്റെ സുഹൃത്താണ് പ്രസാഡിയോ കമ്പനിയുടെ ഉടമയെന്നിരിക്കെ അതേക്കുറിച്ചുള്ള ചോദ്യത്തെ ഒഴിവാക്കാനാണ് ശ്രമം. ഇതും സര്‍ക്കാരും സി.പി.എമ്മും പ്രതിരോധത്തിലാണെന്നതിന്റെ സൂചനയാണ്.

പ്രതിപക്ഷം അഴിമതിത്തുകയില്‍ യോജിപ്പിലെത്തട്ടെ എന്നതും ദുര്‍ബലമായ വാദമായി. ഇന്നുതന്നെ ഗതാഗതമന്ത്രി ആന്റണി രാജു നടത്തിയ വാര്‍ത്താസമ്മേളനത്തില്‍ അബദ്ധത്തിലാണെങ്കിലും അഴിമതി പറയുന്നത്രയില്ലെന്ന് പറയാനിടയായത് അഴിമതിയുണ്ടെന്നതിന് തെളിവാണ്.