അഭിപ്രായ ഭിന്നതകളെതുടര്‍ന്ന് ബി.ജെ.പി സഖ്യം ഉപേക്ഷിക്കാന്‍ എ.ഐ.എ.ഡി.എം.കെ ഒരുങ്ങുന്നുവെന്ന വാര്‍ത്തകള്‍ക്കിടെയാണ് ഇ.ഡി റെയ്ഡിലൂടെ പുകമറ സൃഷ്ടിക്കാനുള്ള കേന്ദ്ര ശ്രമം. ജയലളിത സര്‍ക്കാറില്‍ ഗതാഗത വകുപ്പ് മന്ത്രിയായിരുന്ന 2011-15 കാലത്ത് സര്‍ക്കാര്‍ ജോലി വാഗ്ദാനം ചെയ്ത് ഉദ്യോഗാര്‍ത്ഥികളില്‍ നിന്ന് പണം വാങ്ങി കബളിപ്പിച്ചെന്ന പരാതിയിലാണ് ഒരു പതിറ്റാണ്ടിനു ശേഷമുള്ള ഇ.ഡിയുടെ അപ്രതീക്ഷിത നീക്കം.

അതേസമയം അറസ്റ്റിലായ സെന്തില്‍ ബാലാജിയെ കോടതി ഈ മാസം 28 വരെ ജുഡീഷ്യല്‍ കസ്റ്റഡിയില്‍ റിമാന്റു ചെയ്തു. ചികിത്സയില്‍ ആയതിനാല്‍ ആശുപത്രിയില്‍ തന്നെ തുടരാന്‍ കോടതി അനുമതി നല്‍കി. പ്രിന്‍സിപ്പല്‍ സെഷന്‍സ് ജഡ്ജ് എസ് അല്ലിയുടേതാണ് ഉത്തരവ്. ഇതിനിടെ സന്തില്‍ ബാലാജിയുടെ മെഡിക്കല്‍ റിപ്പോര്‍ട്ട് വിശ്വസനീയമല്ലെന്ന വാദവുമയി ഇ.ഡി രംഗത്തെത്തി. ചോദ്യം ചെയ്യുന്നത് വരേയും മന്ത്രിക്ക് ആരോഗ്യ പ്രശ്‌നങ്ങളുണ്ടായിരുന്നില്ലെന്നാണ് ഇ.ഡി വാദം.

ഉപതെരഞ്ഞെടുപ്പ് ഫലം സംസ്ഥാനത്ത് ഭരണ മാറ്റത്തിന് തന്നെ കളമൊരുക്കാന്‍ സാധ്യതയുണ്ട്. 234 അംഗ നിയമസഭയില്‍ ഭരണകക്ഷിയായ എ.ഐ.എ.ഡി.എം.കെക്ക് 113 അംഗങ്ങളാണുള്ളത്. ഇതില്‍ മൂന്ന് സിറ്റിങ് എം.എല്‍.എമാരായ ഇ രത്‌ന സഭാപതി, വി.ടി കലൈശെല്‍വം, എ പ്രഭു എന്നിവര്‍ ടിടിവി ദിനകരനുമായി ബന്ധം പുലര്‍ത്തുന്നവരാണ്. ഇവരെ അയോഗ്യരാക്കാന്‍ വേണ്ടി സ്പീക്കര്‍ ഉത്തരവ് പുറപ്പെടുവിച്ചിരുന്നെങ്കിലും ഇത് സുപ്രീം കോടതി സ്‌റ്റേ ചെയ്തിരിക്കുകയാണ്. പ്രതിപക്ഷത്ത് ഡി.എം. കെ സഖ്യത്തിന് നിലവില്‍ 97 അംഗങ്ങളുണ്ട്. ഇന്ന് ഫലം പുറത്ത് വരാനിരിക്കെ മൂന്ന് സാധ്യതകളാണ് തമിഴ്‌നാട്ടില്‍ സംഭവിക്കാന്‍ സാധ്യതയുള്ളത്.

വിശ്വാസ വോട്ടെടുപ്പിനെ നേരിട്ടാല്‍ എടപ്പാടി പളനിസാമി സര്‍ക്കാറിന് ഇടഞ്ഞ് നില്‍ക്കുന്ന മൂന്ന് എം.എല്‍.എമാരുടെ പിന്തുണ കിട്ടാന്‍ സാധ്യത വിരളം. ഇതിന് പുറമെ അണ്ണാഡി.എം.കെ സ്ഥാനാര്‍ത്ഥികളായി വിജയിച്ച കരുണാസ്, യു തനിയരശ്, തമീമുന്‍ അന്‍സാരി എന്നിവര്‍ സ്ഥാനം മോഹിച്ച് മറുകണ്ടം ചാടാന്‍ റെഡിയായി നില്‍ക്കുന്നവരാണ്. ഇതോടെ ഉപതെരഞ്ഞെടുപ്പില്‍ ചുരുങ്ങിയത് 11 ഇടത്തെങ്കിലും വിജയിച്ചില്ലെങ്കില്‍ സര്‍ക്കാര്‍ വീഴാനാണ് സാധ്യത

ഡി.എം.കെ 22ല്‍ 21 ഇടത്ത് വിജയിക്കുകയാണെങ്കില്‍ സ്റ്റാലിന്‍ മുഖ്യമന്ത്രി പദത്തിന് അവകാശം ഉന്നയിക്കും. ഉപതെരഞ്ഞെടുപ്പില്‍ മുഴുവന്‍ സീറ്റുകളിലും വിജയിക്കാനായില്ലെങ്കില്‍ ഡി.എം.കെ പുതിയ ഫോര്‍മുല തേടാനാണ് ഏറിയ സാധ്യത. 15 സീറ്റുകള്‍ ഡി.എം.കെ നേടിക്കഴിഞ്ഞാല്‍ എടപ്പാടി സര്‍ക്കാറിന്റെ നിലനില്‍പ് തുലാസിലാകും. ഈ സാഹചര്യത്തില്‍ ഇടഞ്ഞു നില്‍ക്കുന്ന മൂന്ന് റിബല്‍ എം.എല്‍. എമാര്‍, അണ്ണാഡി.എം.കെയുടെ സ്ഥാനമോഹികളായ മൂന്ന് എം.എല്‍.എമാര്‍, ടി.ടി.വി ദിനകരന്‍ എന്നിവരുടെ പിന്തുണ ഡി.എം.കെ തേടിയേക്കും. പക്ഷേ ടി.ടി.വിയും അദ്ദേഹത്തെ പിന്തുണക്കുന്ന മൂന്ന് എം.എല്‍. എമാരും സ്റ്റാലിനെ പിന്തുണക്കുമോ എന്നത് കാത്തിരുന്ന് കാണേണ്ടതാണ്. പിന്തുണ ലഭ്യമല്ലാത്ത സാഹചര്യം വന്നാല്‍ നിയമസഭ പിരിച്ചു വിട്ട് പുതിയ തെരഞ്ഞെടുപ്പിന് വേണ്ടി ഡി.എം.കെ രംഗത്തു വരും.
15 സീറ്റുകള്‍ തങ്ങള്‍ക്ക് ലഭിച്ചാല്‍ പിന്നീട് സര്‍ക്കാര്‍ രൂപീകരണത്തിന് സമയത്തിന്റെ മാത്രം പ്രശ്‌നമെ അവശേഷിക്കുന്നുള്ളൂവെന്നായിരുന്നു മുതിര്‍ന്ന ഡി.എം.കെ നേതാവിന്റെ പ്രതികരണം. എക്‌സിറ്റ് പോളുകള്‍ 14 സീറ്റുകള്‍ ഡി.എം.കെ വിജയിക്കുമെന്നാണ് പ്രവചിക്കുന്നത്. അഞ്ചിടത്ത് കനത്ത പോരാട്ടവും മൂന്നിടത്ത് അണ്ണാഡി.എം.കെയും ജയിക്കുമെന്നാണ് പ്രവചനം. തമിഴ്‌നാട് രാഷ്ട്രീയത്തിന്റെ ഗതിവിഗതികള്‍ എവിടേക്കെന്ന് ഇന്ന് വൈകീട്ടോടെ വ്യക്തമാകും.

കാലുകള്‍ തൊടുന്നതിന്റെ അടിമത്തം ഉപേക്ഷിച്ചുകൊണ്ട് നല്ലൊരു രാഷ്ട്രീയ സംസ്‌ക്കാരം വളര്‍ത്തിയെടുക്കാന്‍ ശ്രദ്ധയും പരിചരണവും നല്‍കാമെമന്ന് ഡിഎംകെ പ്രസ്താവനയില്‍ പറയുന്നു. ഇത്തരത്തിലുള്ള നടപടികള്‍ ദ്രാവിഡ രാഷ്ട്രീയത്തിന്റെ അന്തസത്ത ചോര്‍ത്തിക്കളയും എന്നാണ് സ്റ്റാലിന്റെ നിലപാട്. സ്റ്റാലിനും മുതിര്‍ന്ന നേതാക്കള്‍ക്കും ഉപഹാരങ്ങളും ഷോളുകളും നല്‍കുന്നതിന് പകരം തമിഴ്‌നാട്ടിലെ ലൈബ്രറികളിലേക്ക് ഉപകാരപ്രദമാകുന്ന പുസ്തകകങ്ങള്‍ നല്‍കാനും പാര്‍ട്ടി നിര്‍ദേശിച്ചിട്ടുണ്ട്. അതുപോലെ പൊതുജനങ്ങളെ ബുദ്ധിമുട്ടിലാക്കി, ഗതാഗത കുരുക്ക് സൃഷ്ടിക്കുന്ന തരത്തില്‍ പാര്‍ട്ടി ഫല്‍ക്‌സ് ബോര്‍ഡുകള്‍ സ്ഥാപിക്കരുതെന്നും നിര്‍ദേശമുണ്ട്.

ഡി.എം.കെയുടെ വര്‍ക്കിങ് പ്രസിഡന്റായി സ്ഥാനമേറ്റ മുതല്‍ പാര്‍ട്ടി അണികള്‍ തന്റെ പാദം തൊട്ട് നമസ്‌കരിക്കരുതെന്ന് അദ്ദേഹം നിര്‍ദ്ദേശം നല്‍കിയിരുന്നു. അന്തരിച്ച മുന്‍ മുഖ്യമന്ത്രി ജയലളിത ഈ പതിവ് തുടര്‍ന്നതിന് എതിരെ വ്യാപക പരിഹാസങ്ങള്‍ ഉയര്‍ന്നുവന്നിരുന്നു. ജയലളിത അടിമത്തം വളര്‍ത്തുന്നുവെന്നായിരുന്നു വിമര്‍ശനം.

TTV Dhinakaran reaches Parappana Agrahara Central Jail in #Bengaluru to meet VK Sasikala pic.twitter.com/1EmREPi4I7

— ANI (@ANI) December 28, 2017

അതിനിടെ വികെ ശശികലയെ സന്ദര്‍ശിക്കാനായി ടി.ടി.വി. ദിനകരന്‍ പരപ്പന അഗ്രഹാര സെന്‍ട്രല്‍ ജയിലിലെത്തി.

നേരത്തെ പാര്‍ട്ടി വിപ്പ് ലംഘിച്ചതിന് ഒമ്പത് പാര്‍ട്ടി നേതാക്കള്‍ക്കെതിരെ അണ്ണാഡി.എം.കെ നടപടി എടുത്തിരുന്നു. ദിനകരനെ പിന്തുണച്ച് എത്തുന്നവരുടെ എണ്ണത്തില്‍ വര്‍ധനയുണ്ടായതോടെയാണ് പാര്‍ട്ടി ശക്തമായ നടപടിയുമായി മുന്നോട്ടു വന്നത്.

ആര്‍ കെ നഗറിലെ തോല്‍വിയെ തുടര്‍ന്ന് എഐഎഡിഎംകെയില്‍ പൊട്ടിത്തെറി. ടി ടി വി ദിനകരനെ പിന്തുണച്ച ആറ് പേരെ പുറത്താക്കി. ആര്‍ കെ നഗര്‍ തെരഞ്ഞെടുപ്പ് ഫലം വിലയിരുത്താന്‍ ചേര്‍ന്ന യോഗത്തിലാണ് ആറ് പേരെ പുറത്താക്കിയത്. എസ് വെട്രിവേല്‍, തങ്ക തമിള്‍ സെല്‍വന്‍, രംഗസ്വാമി, മുത്താത്തയ്യ, വി പി കലൈരാജന്‍, ഷോളിങ് പ്രതിഭന്‍ എന്നിവരെയാണ് പുറത്താക്കിയത്. അതേസമയം നേതൃയോഗത്തില്‍ നിന്ന് മൂന്ന് മന്ത്രിമാര്‍ വിട്ടുനിന്നു. ദണ്ഡഗല്‍ ശ്രീനിവാസന്‍, കടമ്പൂര്‍ രാജന്‍, രാജേന്ദ്ര ബാലാജി എന്നിവരാണ് യോഗത്തില്‍ നിന്ന് വിട്ടുനിന്നത്. ആര്‍ കെ നഗറിലുണ്ടായത് സര്‍ക്കാരിന് തിരിച്ചടിയാവില്ലെന്ന് യോഗത്തില്‍ മുഖ്യമന്ത്രി പളനിസ്വാമി പറഞ്ഞു.

ആര്‍ കെ നഗറിലെ ജനങ്ങള്‍ ‘അമ്മ’യുടെ പിന്മുറക്കാരെ തെരഞ്ഞെടുത്തുവെന്നും പളനിസ്വാമി സര്‍ക്കാര്‍ മൂന്ന് മാസത്തിനുള്ളില്‍ തകരുമെന്നും തെരഞ്ഞെടുപ്പ് വിജയമുറപ്പിച്ചതോടെ ടി ടി വി ദിനകരന്‍ പ്രതികരിച്ചിരുന്നു. യഥാര്‍ത്ഥ എഐഎഡിഎംകെ തങ്ങളാണെന്നും ദിനകരന്‍ അവകാശപ്പെട്ടു. ഒരു പാര്‍ട്ടിയുടേയും പിന്തുണയില്ലാതെയാണ് ടി ടി വി ദിനകരന്‍ ആര്‍ കെ നഗറില്‍ വിജയിച്ചത്. എഐഡിഎംകെയുടെ വോട്ടിലും ഡിഎംകെയുടെ വോട്ടിലും ചോര്‍ച്ചയുണ്ടാക്കാന്‍ ടിടിവിയ്ക്ക് സാധിച്ചു. അന്തരിച്ച തമിഴ്നാട് മുന്‍മുഖ്യമന്ത്രി ജയലളിതയുടെ മണ്ഡലമായിരുന്ന ആര്‍ കെ നഗറില്‍ പളനിസ്വാാമി പക്ഷത്തിന്റെ സ്ഥാനാര്‍ത്ഥിയായ മധുസൂധനനെയും ഡിഎംകെ സ്ഥാനാര്‍ത്ഥി മരുത് ഗണേഷിനെയും പരാജയപ്പെടുത്തിയാണ് ദിനകരന്റെ വിജയം.

യോഗത്തില്‍ സംസാരിച്ച മുഖ്യമന്ത്രി പളനിസ്വാമി ആര്‍.കെ നഗറിലുണ്ടായത് തിരിച്ചടിയല്ലെന്നും അത് ദിനകരന്റ മായാജാലമാണെന്നും ചൂണ്ടിക്കാട്ടി. ആര്‍.കെ നഗറിലെ ഫലം സര്‍ക്കാരിന് ഒരു തരത്തിലും തിരിച്ചടിയാവില്ലെന്നും യോഗത്തില്‍ ചൂണ്ടിക്കാട്ടുകയുണ്ടായി. മൂന്ന് മാസം കൊണ്ട് തമിഴ്നാട് സര്‍ക്കാര്‍ താഴെ വീഴുമെന്നായിരുന്നു ഫലം വന്ന ശേഷം ദിനകരന്‍ പ്രതികരിച്ചത്. നിലവില്‍ ദിനകരനോടൊപ്പം ആരും പോയിട്ടില്ലെങ്കിലും ഇക്കാര്യത്തില്‍ എ.ഐ.എ.ഡി.എം.കെ നേതാക്കള്‍ക്ക് ഉറപ്പില്ല. ഈയൊരു സാഹചര്യത്തിലാണ് പുറത്താക്കല്‍. പുറത്താക്കിയവരില്‍ രണ്ടു പേര്‍ ദിനകരന്റെ അടുത്ത അനുയായികളാണ്.

ആര്‍കെ നഗര്‍ ഉപതിരഞ്ഞെടുപ്പില്‍ 40,000ത്തില്‍ പരം വോട്ടിന്റെ ഭൂരിപക്ഷത്തിലാണ് എഐഡിഎംകെ സ്ഥാനാര്‍ഥി ഇ.മധുസൂദനന്‍ ടിടിവി ദിനകരനോട് പരാജയപ്പെടുന്നത്. ”ഞങ്ങളാണ് യഥാര്‍ത്ഥ എഐഡിഎംകെ.. അമ്മയുടെ പിന്തുടര്‍ച്ചക്കാര്‍ ഞങ്ങളാണ് എന്നാണു ആര്‍കെ നഗറിലെ വോട്ടര്‍മാര്‍ വിധിയെഴുതിയത് ‘ എന്നായിരുന്നു വിജയം അറിഞ്ഞ ടിടിവി ദിനകരന്റെ പ്രതികരണം.

പാര്‍ട്ടി സ്ഥാപകന്‍ എം.ജി.രാധാകൃഷ്ണന്‍ എന്ന എംജിആറിന്റെ മുപ്പതാം ചരമ വാര്‍ഷികത്തിന്റെ അവസരത്തില്‍ ”ഒന്നരക്കോടി വരുന്ന പാര്‍ട്ടി അനുഭാവികള്‍ നല്‍കിയ സമ്മാനമാണ്” തിരഞ്ഞെടുപ്പ് വിജയം എന്നും ദിനകരന്‍ അവകാശപ്പെട്ടു.

ടിടിവി ദിനകരന്‍ പറയുന്നതൊക്കെ നുണയാണ് എന്നായിരുന്നു ഇത് സംബന്ധിച്ച് തമിഴ്നാട് മുഖ്യമന്ത്രി ഒ.പനീര്‍സെല്‍വത്തിന്റെ മറുപടി. താന്‍ വലിയ ‘കേഡി’ ആണെന്ന് ദിനകരന്‍ തന്നെ തങ്ങളോട് പറഞ്ഞിട്ടുണ്ട് എന്നും പനീര്‍സെല്‍വം പ്രതികരിച്ചു.

എടപ്പാടി പളനിസ്വാമി സര്‍ക്കാരിനുള്ള പിന്തുണ പിന്‍വലിച്ചതോടെ ഇനി ഗവര്‍ണര്‍ വിദ്യാസാഗര്‍ റാവു നിയമസഭയില്‍ വിശ്വാസവോട്ടെടുപ്പ് നടത്താന്‍ ഉത്തരവിടും. മുഖ്യമന്ത്രി എടപ്പാടി പളനിസ്വാമിയില്‍ വിശ്വാസമില്ലെന്ന് എം.എല്‍.എമാര്‍ ഗവര്‍ണര്‍ക്ക് പരാതി നല്‍കി. ഇന്നലെ നടന്ന ലയനത്തില്‍ ശശികലയെ പാര്‍ട്ടിയുടെ നേതൃത്വത്തില്‍ നിന്ന് പുറത്താക്കാന്‍ പ്രമേയം പാസ്സാക്കിയിരുന്നു. ഈ ലയനം തങ്ങള്‍ അംഗീകരിക്കുന്നില്ലെന്നും എം.എല്‍.എമാര്‍ ഗവര്‍ണറോട് വ്യക്തമാക്കിയിട്ടുണ്ട്.

233അംഗങ്ങളുള്ള തമിഴ്‌നാട് നിയമസഭയില്‍ 117 ആണ് കേവല ഭൂരിപക്ഷം. 19 എം.എല്‍.എമാര്‍ കൂറുമാറുന്നതോടെ സര്‍ക്കാര്‍ വീഴുന്നതിന് സാധ്യതകളേറിയിരിക്കുകയാണ്. നേരത്തെ സര്‍ക്കാരിനെ മറിച്ചിടുമെന്ന് ഡി.എം.കെ എക്‌സിക്യൂട്ടീവ് പ്രസിഡണ്ട് എം.കെ സ്റ്റാലിന്‍ പറഞ്ഞിരുന്നു. നിലവില്‍ 99 എം.എല്‍.എമാരാണ് പ്രതിപക്ഷത്തുള്ളത്. ഇവര്‍ക്ക് സര്‍ക്കാരിനെ മറിച്ചിടാനാകില്ല. 19പേര്‍ പിന്തുണ വലിക്കുകയാണെങ്കില്‍ തമിഴ്‌നാട് സര്‍ക്കാര്‍ താഴെ വീഴുന്നതിനാണ് സാധ്യത.

ശശികലയും ബന്ധുവായ ഇളവരശിയും പുറത്തുപോയി വരുന്നതാണ് ദൃശ്യങ്ങള്‍. ജയില്‍ വേഷമില്ലാതെ കുര്‍ത്തയണിഞ്ഞാണ് ശശികലയുള്ളത്. ജയിലിന്റെ പ്രധാന പ്രവേശന കവാടത്തിലൂടെ നടന്നു വരുന്ന സി.സി.ടി.വി ദൃശ്യങ്ങളില്‍ ഇരുവരുടേയും കയ്യില്‍ ബാഗും കാണുന്നുണ്ട്. പോലീസുകാരുടെ സാന്നിദ്ധ്യത്തിലാണ് ഇരുവരും കയറിവരുന്നത്. ജയിലിനകത്തേക്ക് പ്രവേശിപ്പിച്ചപ്പോള്‍ വാതില്‍ അടക്കുന്ന പോലസുകാരും ദൃശ്യങ്ങളില്‍ വ്യക്തമാണ്.

ജയിലില്‍ ശശികലക്ക് വി.ഐ.പി പരിഗണന ലഭിക്കുന്നെന്ന് രൂപ ആരോപണ മുന്നയിച്ചിരുന്നു. ഇതിന്റെ അടിസ്ഥാനത്തില്‍ കര്‍ണാടക പോലീസിന്റെ അഴിമതി വിരുദ്ധ വിഭാഗത്തിന് മൊഴി നല്‍കുമ്പോഴാണ് രൂപ ദൃശ്യങ്ങള്‍ തെളിവുകളായി നല്‍കിയത്. നേരത്തെ ജയില്‍ അധികൃതര്‍ക്ക് രണ്ടുകോടി രൂപ കോഴ നല്‍കി ശശികലക്ക് വി.ഐ.പി പരിഗണന നല്‍കുന്നുവെന്നും ആരോപണമുയര്‍ന്നിരുന്നു.

WATCH VIDEO: