പിഞ്ചുകുഞ്ഞുമായി ആറരമണിക്കൂറുകൊണ്ട് പരിയാരത്തുനിന്നും തിരുവനന്തപുരത്തേക്ക്; ആംബുലന്‍സ് ഡ്രൈവര്‍ തമീമിന് അഭിനന്ദന പ്രവാഹം

chandrika — Thu, 16 Nov 2017 07:20:29 +0000

തിരുവനന്തപുരം: കണ്ണൂര്‍ പരിയാരം മെഡിക്കല്‍ കോളേജില്‍ നിന്നും തിരുവനന്തപുരം വരെ ആറര മണിക്കൂറുകൊണ്ടു ആംബുലന്‍സ് എത്തിച്ച ഡ്രൈവര്‍ക്ക് സാമൂഹ്യമാധ്യമങ്ങളില്‍ അഭിനന്ദന പ്രവാഹം. കാസര്‍കോട് സ്വദേശി തമീമാണ് 31 ദിവസം പ്രായമായ പിഞ്ചുകുഞ്ഞുമായുള്ള ആംബുലന്‍സുമായി പുറപ്പെട്ടത്. ഏകദേശം 550 കിലോമീറ്റര്‍ ദൂരമാണ് തമീം ആറര മണിക്കൂറുകൊണ്ട് ഓടിയെത്തിയത്. തിരുവനന്തപുരം ശ്രീചിത്ര ആസ്പത്രിയിലേക്കായിരുന്നു കുഞ്ഞിനെ എത്തിക്കേണ്ടിയിരുന്നത്. 14 മണിക്കൂര്‍ വേണ്ട സ്ഥാനത്തു വെറും ആറര മണിക്കൂറില്‍ ആംബുലന്‍സ് ലക്ഷ്യത്തിലെത്തിക്കുകയായിരുന്നു. ഇന്നലെ രാത്രിയാണ് സംഭവം. പരിയാരം മെഡിക്കല്‍ കോളേജില്‍ നിന്നും 8.30നാണ് അത്യാസന്ന നിലയിലായ കുഞ്ഞുമായി ആംബുലന്‍സ് പുറപ്പെട്ടത്. ഇതുമായി ബന്ധപ്പെട്ട് ട്രാഫിക് സൗകര്യമൊരുക്കണമെന്ന് സാമൂഹ്യമാധ്യമങ്ങളിലുള്‍പ്പെടെ സന്ദേശങ്ങള്‍ കൈമാറിയിരുന്നു. കണ്ണൂര്‍ പൊലീസ് വാഹനവും ഒരു ആംബുലന്‍സും അകമ്പടിയായി വരുന്നുണ്ടെന്നും ആംബുലന്‍സ് കടന്നു പോകാന്‍ വേണ്ട സഹായങ്ങള്‍ ചെയ്തു നല്‍കണമെന്നുമായിരുന്നു സന്ദേശം. ആംബുലന്‍സ് നമ്പറുള്‍പ്പെടെയായിരുന്നു പ്രചാരണം.

watch video:

ഇന്ത്യന്‍ എയര്‍ ആംബുലന്‍സ് ബാങ്കോക്കില്‍ കത്തിയമര്‍ന്ന് പൈലറ്റ് മരിച്ചു

chandrika — Tue, 07 Mar 2017 07:23:06 +0000

ന്യൂഡല്‍ഹി: തായ്‌ലാന്റ് തലസ്ഥാനമായ ബാങ്കോക്കില്‍ ഇറക്കാന്‍ ശ്രമിക്കുന്നതിനിടെ ഇന്ത്യന്‍ എയര്‍ ആംബുലന്‍സ് കത്തിയമര്‍ന്ന് പൈലറ്റ് മരിച്ചു. ന്യൂഡല്‍ഹിയില്‍ നിന്ന് ബാങ്കോക്കിലേക്ക് പോയ പിസി 12 വിമാനമാണ് അഗ്നിക്കിരയായത്. യന്ത്രതകരാറു മൂലം സൈനിക വ്യോമത്താവളത്തില്‍ ഇറക്കാന്‍ ശ്രമിക്കുന്നതിനിടെ വിമാനം കത്തിയമരുകയായിരുന്നു.

രണ്ടു ഡോക്ടര്‍മാരും ഒരു നഴ്‌സുമടക്കം നാലു പേര്‍ക്ക് പരിക്കേറ്റു. ബാങ്കോക്കില്‍ ഇറങ്ങുന്നതിന് 20 മിനിറ്റ് മുമ്പാണ് യന്ത്രത്തകരാറുള്ളതായി പൈലറ്റ് കണ്ടെത്തുന്നത്. വിമാനത്തിന്റെ സഹപൈലറ്റിന് 80 ശതമാനവും ഒരു ഡോക്ടര്‍ക്ക് 45 ശതമാനവും പൊള്ളലേറ്റിട്ടുണ്ട്. മറ്റു മൂന്നു പേരുടെ നില ഗുരുതരമല്ല.

air ambulance – Chandrika Daily

ഇന്ത്യന്‍ എയര്‍ ആംബുലന്‍സ് ബാങ്കോക്കില്‍ കത്തിയമര്‍ന്ന് പൈലറ്റ് മരിച്ചു