Air Crash – Chandrika Daily

നെടുമ്പാശേരിയിൽ ഹെലികോപ്റ്റർ തകർന്നു വീണു

webdesk14 — Sun, 26 Mar 2023 07:21:05 +0000

നെടുമ്പാശേരിയിൽ ഹെലികോപ്റ്റർ തകർന്നു വീണു. കോസ്റ്റ് ഗാർഡിൻ്റെ ഹെലികോപ്റ്ററാണ്തകര്‍ന്നുവീണത്. വിമാനത്താവളത്തിനകത്താണ് അപകടം സംഭവിച്ചത്. വിമാനത്താവളത്തിൻ്റെ പ്രവർത്തനം 2 മണിക്കൂർ നിർത്തിവെച്ചു.തുടര്‍ന്ന് സാധാരണനിലയിലായി. പറന്നുയർന്നയുടൻ റൺവേയിൽ ഉരസി വീഴുകയായിരുന്നു. മൂന്നു പേരിൽ ഒരാൾക്ക് പരിക്കുണ്ട്.

വിമാനത്തില്‍ യാത്രികന്റെ ലാപ്‌ടോപ്പ് ബാറ്ററി പൊട്ടിത്തെറിച്ച് നാല് പേര്‍ക്ക് പരിക്ക്

webdesk13 — Wed, 08 Feb 2023 12:48:10 +0000

ന്യൂഡല്‍ഹി: യുണൈറ്റഡ് എയര്‍ലൈന്‍ വിമാനത്തില്‍ യാത്രികന്റെ ലാപ്‌ടോപ്പ് ബാറ്ററി പൊട്ടിത്തെറിച്ച് നാല് യാത്രക്കാര്‍ക്ക് പരിക്കേറ്റു. വിമാനം പറന്നുയര്‍ന്ന ഉടനാണ് ലാപ്‌ടോപ്പിന്റെ ബാറ്ററി പൊട്ടിത്തെറിച്ചത്. സാന്‍ഡിയാഗോ വിമാനത്താവളത്തില്‍ നിന്നും പുറപ്പെട്ട വിമാനത്തിലാണ് അപകടമുണ്ടായത്.

അപകടത്തെ തുടര്‍ന്ന് വിമാനം വീണ്ടും സാന്‍ഡിയാഗോ വിമാനത്താവളത്തിലിറക്കി. ബാറ്ററി പൊട്ടിത്തെറിച്ചതാണ് അപകടത്തിന് കാരണമെന്ന് വിമാന കമ്പനി അധികൃതര്‍ അറിയിച്ചു. നിസാരമായ പരിക്കേറ്റ നാല് പേരെ ആശുപത്രിയില്‍ പ്രവേശിപ്പിച്ചുവെന്ന് വിമാന കമ്പനി അധികൃതര്‍ അറിയിച്ചു.

ലാപ്‌ടോപ്പ് പൊട്ടിത്തെറിച്ചതോടെ വിമാനത്തിലുണ്ടായിരുന്നവര്‍ ഭയന്നുവിളിച്ചു. ഉടന്‍ തന്നെ വിമാനത്തിലെ ജീവനക്കാര്‍ തീയണച്ചുവെന്നും യാത്രക്കാര്‍ പറഞ്ഞു. വിമാനത്തില്‍ അപകടമുണ്ടായ ഉടന്‍ സമയോചിതമായി ഇടപ്പെട്ട ജീവനക്കാരെ യുണറ്റൈഡ് എയര്‍ലൈന്‍സ് അധികൃതര്‍ അഭിനന്ദിച്ചു.

യുക്രെയ്‌നില്‍ ഹെലികോപ്റ്റര്‍ തകര്‍ന്നുവീണു; ആഭ്യന്തരമന്ത്രി ഉള്‍പ്പടെ 16 മരണം

webdesk13 — Wed, 18 Jan 2023 09:25:54 +0000

കീവ്: യുക്രെയ്‌നില്‍ ആഭ്യന്തരമന്ത്രി സഞ്ചരിച്ച ഹെലികോപ്റ്റര്‍ തകര്‍ന്ന് വീണ് 16 പേര്‍ മരിച്ചു. മരിച്ചവരില്‍ രണ്ട് കുട്ടികളും ആഭ്യന്തരമന്ത്രാലയത്തിലെ ഉദ്യോഗസ്ഥരും ഉള്‍പ്പെടുന്നു. തലസ്ഥാനനഗരമായ കീവിന് സമീപത്തുള്ള കിന്റര്‍ഗാര്‍ട്ടന് സമീപത്തായിരുന്നു അപകടം.

BREAKING and AWFUL

Interior Minister Denys Monastyrsky, First Deputy Interior Minister Yevhen Yenin and State Secretary of the Ministry of Internal Affairs Yuriy Lubkovych DIED in the HELICOPTER CATASTROPHE in the Kyiv region❗️

A total of 16 victims, including 2 children. pic.twitter.com/pz8I0TcrYE

— Iuliia Mendel (@IuliiaMendel) January 18, 2023

അപകടത്തില്‍ 22 പേര്‍ക്ക് പരിക്കേറ്റു. ഇതില്‍ പത്തുപേര്‍ കുട്ടികളാണ്. അപകട ദൃശ്യം സമൂഹ മാധ്യമങ്ങളില്‍ പ്രചരിക്കുന്നുണ്ട്. വീഡിയോയില്‍ തീപിടിച്ച സ്ഥലത്ത് നിന്ന് ഉച്ചത്തില്‍ നിലവിളിക്കുന്നത് കേള്‍ക്കാം.

നേപ്പാള്‍ വിമാനാപകടമെന്ന പേരില്‍ സമൂഹ മാധ്യമങ്ങളില്‍ വ്യാജ ദൃശ്യം: പ്രചരിക്കുന്നത് റഷ്യയില്‍ 2021 ല്‍ നടന്ന വിമാനാപകടം

webdesk13 — Tue, 17 Jan 2023 15:32:56 +0000

നേപ്പാള്‍ വിമാനപകടമെന്ന പേരില്‍ സമൂഹ മാധ്യമങ്ങളില്‍ വ്യാജ ദൃശ്യം പ്രചരിക്കുന്നു. നേപ്പാള്‍ വിമാനാപകടത്തിന്റെ ദൃശ്യം എന്ന കുറിപ്പോടെയാണ് വീഡിയോ ദൃശ്യം പ്രചരിക്കുന്നത്. എന്നാല്‍ ഇത് 2021 ല്‍ റഷ്യയില്‍ നടന്ന വിമാനാപകടത്തിന്റെ ദൃശ്യമാണെന്ന് തിരിച്ചറിഞ്ഞു. റഷ്യയിലെ മോസ്‌കോ മേഖലയില്‍ പരീക്ഷണ പറക്കലിനിടെ വിമാനം തകര്‍ന്ന് വീഴുന്നതാണ് വീഡിയോ.

ജനുവരി 15 ന് കാഠ്മണ്ഡുവില്‍ നിന്ന് പൊഖാറയിലേക്ക് പോകവെയാണ് യെതി എയര്‍ലൈന്‍സിന്റെ വിമാനം നേപ്പാളില്‍ തകര്‍ന്നുവീണത്. അതിനു പിന്നാലെയാണ് അതേ സംഭവത്തില്‍ നിന്നുള്ളതാണെന്ന് അവകാശപ്പെടുന്ന വീഡിയോ ദൃശ്യത്തിന്റെ പ്രചരണം.

വീഡിയോയില്‍ വിമാനത്തില്‍ നിന്ന് തീജ്വാലകള്‍ ഉയരുന്നതും തുടര്‍ന്ന് വന്‍ സ്‌ഫോടനത്തോടെ തകര്‍ന്ന് വീഴുന്നതും കാണാം. നേപ്പാളില്‍ അടുത്തിടെ നടന്ന വിമാനാപകടത്തില്‍ നിന്നുള്ളതാണെന്ന അടിക്കുറിപ്പോടെയാണ് സോഷ്യല്‍ മീഡിയ ഉപയോക്താക്കള്‍ വീഡിയോ പങ്കുവെച്ചിരിക്കുന്നത്.

അമേരിക്കയില്‍ യുദ്ധവിമാനം കൂട്ടിയിടിച്ച് ആറ് മരണം

Test User — Sun, 13 Nov 2022 05:30:42 +0000

ന്യൂയോര്‍ക്ക്: അമേരിക്കയില്‍ എയര്‍ ഷോയ്ക്കിടെ യുദ്ധവിമാനങ്ങള്‍ കൂട്ടിയിടിച്ച് ആറ് മരണം. അഭ്യാസ പ്രകടനത്തിനിടെയാണ് അപകടമുണ്ടായത്. ബോയിങ് ബി-17 യുദ്ധവിമാനവും മറ്റൊരു വിമാനവും തമ്മില്‍ കൂട്ടിയിടിക്കുകയായിരുന്നു. ശനിയാഴ്ച ടെക്‌സാസ് ഡല്ലാസ് എക്‌സിക്യുട്ടീവ് വിമാനത്താവളത്തിലാണ് സംഭവം.

ഇടിയുടെ ആഘാതത്തില്‍ വിമാനങ്ങള്‍ തകര്‍ന്ന് കത്തിനശിച്ചു. രണ്ട് വിമാനങ്ങളിലുമുണ്ടായിരുന്ന ആറുപേരും മരിച്ചതായാണ് സൂചന. സംഭവത്തില്‍ യു.എസ് ഫെഡറല്‍ ഏവിയേഷന്‍ അഡ്മിനിസ്ട്രഷന്‍ അന്വേഷണത്തിന് ഉത്തരവിട്ടു.

കരിപ്പൂര്‍ ദുരന്തത്തില്‍ മരിച്ചയാളുടെ രണ്ടു വയസുള്ള മകള്‍ക്ക് ഒന്നര കോടി നഷ്ടപരിഹാരം

web desk 1 — Sun, 31 Jan 2021 14:15:39 +0000

കൊച്ചി: കരിപ്പൂരിലുണ്ടായ വിമാന ദുരന്തത്തില്‍ മരിച്ച ആളുടെ രണ്ട് വയസുള്ള മകള്‍ക്ക് ഒന്നര കോടി നഷ്ടപരിഹാരം നല്‍കാന്‍ എയര്‍ഇന്ത്യ. ഇക്കാര്യം എയര്‍ ഇന്ത്യ കമ്പനി ഹൈക്കോടതിയെ അറിയിച്ചു. അപകടത്തില്‍ മരിച്ച കുന്ദമംഗലം സ്വദേശി ഷറഫുദ്ദീന്റെ മകള്‍ക്കാണ് ഈ നഷ്ടപരിഹാരം കിട്ടുക. 1.51 കോടി രൂപ നല്‍കാമെന്നാണ് കമ്പനി അറിയിച്ചത്. തുക എത്രയും വേഗം നല്‍കാന്‍ ഷറഫുദ്ദീന്റെ ഭാര്യ അമീന ഷെറിനും മകളും മാതാപിതാക്കളും നല്‍കിയ ഹരജി തീര്‍പ്പാക്കി ജസ്റ്റിസ് എന്‍. നഗരേഷ് ഉത്തരവിട്ടു.

വിമാനാപകട ഇരകള്‍ക്ക് കൂടുതല്‍ നഷ്ടപരിഹാരത്തിന് അവകാശമുണ്ടെന്ന് പ്രഖ്യാപിക്കുകയും അനുവദിച്ച് ഉത്തരവിടുകയും വേണമെന്നാവശ്യപ്പെട്ട് ഹര്‍ജിക്കാര്‍ കോടതിയെ സമീപിക്കുകയായിരുന്നു. ഷറഫുദ്ദീനൊപ്പം യാത്രക്കാരായിരുന്ന ഭാര്യക്കും മകള്‍ക്കും അപകടത്തില്‍ പരിക്കേറ്റിരുന്നു.

ഹര്‍ജിക്കാര്‍ക്ക് അന്തര്‍ ദേശീയ സ്റ്റാന്റേര്‍ഡ് പ്രകാരമുള്ള കുറഞ്ഞ തുക പോലും അനുവദിച്ചിട്ടില്ലെന്നും ഇത് നല്‍കാന്‍ ഉത്തരവിടണമെന്നുമായിരുന്നു ആവശ്യം. നേരത്തെ ഹര്‍ജി പരിഗണിക്കവെ ഹര്‍ജിക്കാരുടെ അപേക്ഷ ലഭിച്ചിട്ടില്ലെന്ന് കേന്ദ്രസര്‍ക്കാറും എയര്‍ ഇന്ത്യയും (നാഷനല്‍ ഏവിയേഷന്‍ കമ്ബനി ഓഫ് ഇന്ത്യ) കോടതിയെ അറിയിച്ചു. ക്ലെയിം ഫോറം ഉടന്‍ നല്‍കുമെന്ന് ഹരജിക്കാരും അറിയിച്ചു. തുടര്‍ന്ന് എത്രയും വേഗം അപേക്ഷ നല്‍കാനും പരിഗണിച്ച് നല്‍കാന്‍ ഉദ്ദേശിക്കുന്ന തുക വ്യക്തമാക്കാനും കോടതി നിര്‍ദേശിച്ചു. തുടര്‍ന്നാണ് കഴിഞ്ഞ ദിവസം കുട്ടിക്ക് 1,51,08,234 രൂപ നഷ്ടപരിഹാരം നല്‍കാമെന്ന് വിമാനക്കമ്പനി അറിയിച്ചത്.

കരിപ്പൂര്‍ വിമാനദുരന്തം; എയര്‍ ഇന്ത്യ നഷ്ടപരിഹാരം നല്‍കി, തുക ഇത്ര

web desk 1 — Tue, 29 Dec 2020 13:01:06 +0000

ന്യൂഡല്‍ഹി: കരിപ്പൂര്‍ വിമാനത്താവളത്തില്‍ ഉണ്ടായ വിമാന അപകടത്തില്‍ പരിക്കേറ്റവര്‍ക്കും, മരിച്ചവരുടെ കുടുംബങ്ങള്‍ക്കും നഷ്ടപരിഹാരം വിതരണം ചെയ്ത് എയര്‍ ഇന്ത്യ എക്‌സ്പ്രസ്. 4.25 കോടി രൂപയാണ് ആകെ നഷ്ടപരിഹാരമായി നല്‍കിയത്. വ്യോമയാന മന്ത്രി ഹര്‍ദീപ് സിംഗ് പുരിയാണ് ഇക്കാര്യം അറിയിച്ചത്.

നേരത്തെ അപകടത്തില്‍ മരിച്ചവരുടെ കുടുംബങ്ങള്‍ക്ക് അടിയന്തരമായി നഷ്ടപരിഹാരം നല്‍കുമെന്ന് വ്യോമയാന മന്ത്രാലയം അറിയിച്ചിരുന്നു. ഇത് പ്രകാരം അപകടത്തില്‍ മരിച്ചവരുടെ കുടുംബങ്ങള്‍ക്ക് 10 ലക്ഷവും, ഗുരുതരമായി പരിക്കേറ്റവര്‍ക്ക് 2 ലക്ഷം രൂപയുമാണ് വിതരണം ചെയ്തത്.

2020 ആഗസ്റ്റ് 17നായിരുന്നു കേരളത്തെ നടുക്കിയ വിമാന ദുരന്തം ഉണ്ടായത്. കരിപ്പൂര്‍ വിമാനത്താവളത്തില്‍ എത്തിയ എയര്‍ ഇന്ത്യ എക്‌സ്പ്രസ് IX 1538 വിമാനം ലാന്‍ഡിംഗിനിടെ തെന്നിമാറുകയായിരുന്നു. സംഭവത്തില്‍ പൈലറ്റും സഹ പൈലറ്റും ഉള്‍പെടെ മരിച്ചിരുന്നു. വിമാന ദുരന്തത്തില്‍ അന്വേഷണം പുരോഗമിക്കുകാണ്. ക്യാപ്റ്റന്‍ എസ് എസ് ചഹാറിനാണ് അന്വേഷണത്തിന്റെ ചുമതല.

റഷ്യന്‍ വിമാന ദുരന്തം ഇടിമിന്നലെന്ന് സംശയം; മരണം 41

chandrika — Mon, 06 May 2019 16:17:20 +0000

റഷ്യന്‍ തലസ്ഥാനമായ മോസ്‌കോയില്‍ അടിയന്തര ലാന്‍ഡിങ് നടത്തുന്നതിനിടെ വിമാനത്തിന് തീപിടിച്ച അപകടത്തില്‍ മരണം 41 ആയി. അതേസമയം വിമാനത്തിന് തീപിടിക്കാന്‍ കാരണം ഇടിമിന്നലാണെന്ന് റിപ്പോര്‍ട്ട്. വിമാനം തകരുന്നതിന് തൊട്ടുമുമ്പുള്ള ദൃശ്യങ്ങള്‍ സിസിടിവിയില്‍ പ്രചരിക്കുന്നുണ്ട്. വിമാനം റണ്‍വേയില്‍ ടച്ച് ചെയ്യുന്നതും പിന്നീട് പൊങ്ങുന്നതും തൊട്ടുപിന്നാലെ എന്‍ജിനുകള്‍ക്ക് തീപിടിക്കുന്നതും ദൃശ്യങ്ങളില്‍ കാണാം. ഇടിമിന്നലിനെ തുടര്‍ന്നാണ് വിമാനത്തിന് പെട്ടെന്ന് തീപിടിച്ചതെന്നാണ് സംശംയം.

അതേസമയം ഇടിമിന്നലിനെ പ്രതിരോധിക്കാന്‍ സാധിക്കുന്ന സംവിധാനത്തോടെയാണ് ആധുനിക വിമാനങ്ങളെല്ലാം നിര്‍മിക്കുന്നത്. അതിനാല്‍ തന്നെ ഇടിമിന്നലല്‍ ആരോപണം സംബന്ധിച്ച വാര്‍ത്തയോട് പ്രതികരിക്കാന്‍ റഷ്യന്‍ വൃത്തങ്ങള്‍ തയാറായിട്ടില്ല. യന്ത്രത്തകരാറിനെത്തുടര്‍ന്ന് വിമാനം എയര്‍പോര്‍ട്ടിലേക്ക് മടങ്ങുകയായിരുന്നുവെന്ന് മാത്രമാണ് എയറോഫ്‌ളോട്ട് എയര്‍ലൈന്‍സ് അറിയിച്ചത്.

Only 37 out of 78 people survived.
A flight attendant died, helping passengers’s evacuation.
Some people reportedly delayed evacuation getting their bags, against being instructed not to… #planecrash pic.twitter.com/It7GFVbpVK
— Vera Van Horne (@VeraVanHorne) May 5, 2019

Russia Plane Fire: 41 People Killed. #SU1492 #Moscow #MoscowAirport #planecrash pic.twitter.com/X1QITSEbcD
— World News (@worldnewsevery) May 6, 2019

Russian plane crash in Moscow. #Russianplanecrash #Russian Sympathies to those who died. pic.twitter.com/MfLrsEKqFv
— lazy artist (@lazyartist20) May 5, 2019

മോസ്‌കോയിലെ ഷെറെമെറ്റിയേവോ വിമാനത്താവളത്തിലാണ് അപകടം നടന്നത്. റഷ്യന്‍ നഗരമായ മുന്‍മാന്‍സ്‌കിലേക്ക് പുറപ്പെട്ട സുഖോയ് സൂപ്പര്‍ജെറ്റ് വിമാനം പറന്നുയര്‍ന്ന് അര മണിക്കൂറിന് ശേഷം തിരിച്ചിറക്കുകയായിരുന്നു. അപകടം മനസ്സിലാക്കിയ പൈലറ്റ് വിമാനം തിരിച്ചിറക്കുകയായിരുന്നെന്നാണ് വിവരം.

ഇന്ധനം പൂര്‍ണമായി നിറച്ചനിലയിലാണ് വിമാനം അടിയന്തര ലാന്‍ഡിങിന് ശ്രമിച്ചത്. എയര്‍ട്രാഫിക് കണ്‍ട്രോളര്‍മാരുമായുള്ള ബന്ധം വിച്ഛേദിക്കപ്പെട്ടതിനെ തുടര്‍ന്ന് ഇന്ധനടാങ്കുകള്‍ ഉപേക്ഷിക്കാന്‍ പൈലറ്റിന് സാധിച്ചില്ല. 73 യാത്രക്കാരും അഞ്ച് ജീവനക്കാരുമാണ് വിമാനത്തിലുണ്ടായിരുന്നത്. അഗ്നിഗോളമായി മാറിയ വിമാനത്തിന്റെ മുന്‍ ഭാഗത്തുകൂടി ചിലര്‍ ചാടി രക്ഷപ്പെടുകയായിരുന്നു. 37 പേര്‍ രക്ഷപ്പെട്ടു.

എത്യോപ്യന്‍ യാത്രാ വിമാനം തകര്‍ന്ന് 157 മരണം

chandrika — Sun, 10 Mar 2019 18:51:34 +0000

അഡിസ് അബാബ: കെനിയന്‍ തലസ്ഥാനമായ നെയ്‌റോബിയിലേക്ക് പുറപ്പെട്ട എത്യോപ്യന്‍ എയര്‍ലൈന്‍സ് വിമാനം തകര്‍ന്നുവീണ് 157 മരണം. 149 യാത്രക്കാരും എട്ട് ജീവനക്കാരുമാണ് വിമാനത്തിലുണ്ടായിരുന്നത്. പ്രാദേശിക സമയം രാവിലെ 8.44നായിരുന്നു അപകടം. എത്യോപ്യന്‍ തലസ്ഥാനമായ അഡിസ് അബാബയിലെ ബോലെ വിമാനത്താവളത്തില്‍നിന്ന് രാവിലെ 8.38നാണ് വിമാനം പറന്നുയര്‍ന്നത്. ആറു മിനുട്ടിന് ശേഷം വിമാനവുമായുള്ള ബന്ധം നഷ്ടപ്പെട്ടു. അഡിസ് അബാബയില്‍നിന്ന് 62 കിലോമീറ്റര്‍ അകലെയുള്ള ബിഷോഫ്ടു നഗരത്തിന് സമീപമാണം വിമാനം തകര്‍ന്നുവീണത്. വിമാനത്തിലുണ്ടായിരുന്നവരില്‍ ആരും രക്ഷപ്പെട്ടില്ലെന്നാണ് രാജ്യാന്തര മാധ്യമങ്ങള്‍ നല്‍കുന്ന വിവരം.

157 people were killed in an Ethiopian Airlines plane crash 6 minutes after takeoff pic.twitter.com/DHvKexPAV0
— NowThis (@nowthisnews) March 10, 2019

വിമാനം തകര്‍ന്നുവീണതിനെ തുടര്‍ന്ന് വന്‍ സ്‌ഫോടനവും അഗ്നിബാധയുമുണ്ടായതായി ദൃക്‌സാക്ഷികള്‍ പറയുന്നു. അപകടത്തില്‍ മരിച്ചവരുടെ കുടുബാംഗങ്ങളെ എത്യോപ്യന്‍ പ്രധാനമന്ത്രി അബി അഹ്മദ് ട്വിറ്ററിലൂടെ അനുശോചനം അറിയിച്ചു. വിമാനം തകര്‍ന്നുവീണ സ്ഥലത്ത് ഊര്‍ജിത തെരച്ചില്‍ തുടരുകയാണ്. അഡിസ് അബാബക്കും നെയ്‌റോബിക്കുമിടയില്‍ പ്രതിദിന സര്‍വീസ് നടത്തുന്ന ബോയിങ് 737 വിമാനമാണ് തകര്‍ന്നത്. 2016ലാണ് വിമാനം സര്‍വീസ് ആരംഭിച്ചത്. ആഫ്രിക്കയിലെ തന്നെ ഏറ്റവും വലിയ വിമാനങ്ങളാണ് കമ്പനി സര്‍വീസിന് ഉപയോഗിക്കുന്നത്.

വ്യോമാഭ്യാസം നടക്കാനിരിക്കെ; വിമാനങ്ങള്‍ കൂട്ടിയിടിച്ച് പൈലറ്റ് മരിച്ചു

chandrika — Tue, 19 Feb 2019 09:45:26 +0000

ബംഗളുരുവില്‍ ‘ഏയ്‌റോ ഇന്ത്യ ഷോ’യുടെ പരിശീലന പറക്കലിനിടെ രണ്ട് വിമാനങ്ങള്‍ കൂട്ടിയിടിച്ച് ഒരു പൈലറ്റ് മരിച്ചു. നാളെ നടക്കുന്ന എയര്‍ ഷോയുടെ ഭാഗമായി എത്തിച്ച വ്യോമസേനയുടെ ‘സൂര്യ കിരണ്‍’ വിമാനങ്ങളാണ് കൂട്ടിയിടിച്ചത്.

Terribly tragic. Wing Commander Sahil Gandhi, the pilot who died in today’s #SuryakiranCrash. He was unable to eject after the collision. Remained in the aircraft as it went down. #AeroIndia2019 pic.twitter.com/TJTGtUpPcT
— Livefist (@livefist) February 19, 2019

നോർത്ത് ബെംഗളൂരുവിലെ യെലഹങ്ക എയർബേസിലാണ് അപകടമുണ്ടായത്. എയ്റോബാറ്റിക്സ് പരിശീലനത്തിനിടെയായിരുന്നു അപകടം.
ഈ മാസം 20 മുതൽ 24 വരെ ബെംഗളൂരുവിൽ സൈന്യത്തിന്‍റെ വ്യോമ അഭ്യാസം നടക്കാനിരിക്കുകയായിരുന്നു. മൂന്ന് പൈലറ്റുമാർ ഈ വിമാനങ്ങളില്‍ ഉണ്ടായിരുന്നു. ഇവരിൽ രണ്ടുപേർക്ക് ചാടി രക്ഷപ്പെടാൻ സാധിച്ചെന്നാണ് റിപ്പോർട്ടുകൾ പറയുന്നത്.

#WATCH Two aircraft of Surya Kiran Aerobatics Team crashed today at Yelahanka airbase in Bengaluru, during rehearsal for #AeroIndia2019. One civilian hurt. Both pilots ejected, the debris has fallen near ISRO layout, Yelahanka new town area. #Karnataka pic.twitter.com/gJHWx6OtSm
— ANI (@ANI) February 19, 2019

ഇന്ന് രാവിലെ 11.50ഓടെ യെലഹങ്ക എയര്‍ബേസിനടുത്തയായിരുന്നു അപകടം. കൂട്ടിയിടിച്ച വിമാനങ്ങള്‍ നിലത്തേക്ക് വീഴുകയായിരുന്നു. തകര്‍ന്ന വിമാനത്തിന്റെ ഭാഗങ്ങള്‍ പതിച്ച് ഒരു പ്രദേശവാസിക്കും പരുക്കേറ്റിട്ടുണ്ട്.