മാതാവ് ഫാത്തിമ അല്‍ സാഖ് അറസ്റ്റിലായതിനെ തുടര്‍ന്ന് 2008ലാണ് ഇസ്രായേലി ജയിലിൽ വെച്ച് യൂസുഫ് സാഖ് ജനിക്കുന്നത്. ആശുപത്രിയിലേക്ക് പോകവെയാണ് ഇസ്രായേൽ സൈന്യം മാതാവിനെ കസ്റ്റഡിയിലെടുത്തത്. അറസ്റ്റിലാകുമ്പോൾ ഗർഭിണിയാണെന്ന് അറിഞ്ഞിരുന്നില്ല. അറസ്റ്റിന് ശേഷമാണ് ഗര്‍ഭിണിയാണെന്ന് തിരിച്ചറിഞ്ഞത്. ജയിലറക്കുള്ളില്‍ വെച്ച് തന്നെ കുഞ്ഞിന് ജന്മം നല്‍കുകയും ചെയ്തു.

മോശം പരിചരണവും കഠിനമായ സാഹചര്യങ്ങളോടും പടവെട്ടിയാണ് ചെറിയ സെല്ലിലിരുന്ന് അവനെ അമ്മ വളർത്തിയത്. എന്നാല്‍ 2009ല്‍ ഇരുവരും ജയില്‍ മോചിതരായി. ഹമാസ് കസ്റ്റഡിയിലുള്ള ഇസ്രായേലി സൈനികൻ ഗിലാദ് ഷാലിതിന് പകരമായി 20 ഫലസ്തീൻ സ്ത്രീകളെ ഇസ്രായേൽ മോചിപ്പിക്കുന്ന കരാറിന്റെ ഭാഗമായാണ് ഇരുവരെയും വിട്ടയക്കുന്നത്. ഫലസ്തീന്‍ പോരാട്ടങ്ങളുടെയും ചെറുത്തുനില്‍പ്പിന്റെയുമൊക്കെ പ്രതീകമായിട്ടാണ് യൂസുഫ് വളർന്നതും അറിയപ്പെട്ടതും.

കേരളത്തില്‍ നിന്നും ഗള്‍ഫ് രാജ്യങ്ങളിലേക്കുള്ള വിമാന നിരക്ക് ചില ഘട്ടങ്ങളില്‍ ശരാശരിയേക്കാള്‍ കൂടുതലാണന്ന് കേന്ദ്രം തുറന്ന് സമ്മതിച്ചു. വിമാന കമ്പനികളില്‍ നിന്നും ലഭിച്ച വിവരത്തിന്റെ അടിസ്ഥാനത്തില്‍ ശരാശരി നിരക്കില്‍ ചെറിയ തോതിലുള്ള വര്‍ധനവുണ്ടാവാറുണ്ടെന്നാണ് വ്യോമയാന മന്ത്രാലയം രേഖാമൂലം നല്‍കിയ മറുപടിയില്‍ പറഞ്ഞിരിക്കുന്നത്.

ചോദ്യസംബന്ധിച്ച് എംപി ഫെയ്‌സ്ബുക്കിലിട്ട കുറിപ്പ്

പ്രവാസികളുടെ എല്ലാകാലത്തുമുള്ള പരാതിയായിരുന്നു അവരുടെ യാത്രാ പ്രശ്‌നങ്ങള്‍ .പലഘട്ടങ്ങളിലായി അത്തരം കാര്യങ്ങള്‍ അധികാരികളുടെ ശ്രദ്ധയിലേക്ക് കൊണ്ടുവരാന്‍ അവസരമുണ്ടായിട്ടുണ്ട് .അതിലൊന്നാണ് ഫെസ്റ്റിവല്‍ കാലത്തുള്ള ടിക്കറ്റ് വിലവര്‍ധന ഏറെ പ്രതിഷേധങ്ങള്‍ക്കു ഇടയാക്കാറുണ്ട് . ഇതുമായി ബന്ധപ്പെട്ട എന്റെ ചോദ്യത്തിന് വകുപ്പ് മന്ത്രി സഭയില്‍ നല്‍കിയ മറുപടിയുടെ വിവരങ്ങള്‍ താഴെ നല്‍കുന്നു .

കേരളത്തില്‍ നിന്നും ഗള്‍ഫ് രാജ്യങ്ങളിലേക്കുള്ള വിമാന നിരക്ക് ചില ഘട്ടങ്ങളില്‍ ശരാശരിയേക്കാള്‍ കൂടുതലാണന്ന് തുറന്ന് സമ്മതിച്ചിരിക്കുകയാണ് ഇപ്പോള്‍ കേന്ദ്ര വ്യോമയാന മന്ത്രാലയം. കരുപ്പൂരില്‍ നിന്നും ഗള്‍ഫ് രാജ്യങ്ങളിലേക്കുള്ള വിമാന നിരക്കില്‍ ഉല്‍ത്സവകാലത്തും അവധിക്കാലത്തുമുണ്ടാവുന്ന അനിയന്ത്രിതമായ നിരക്ക് വര്‍ധനയെ പറ്റിയുള്ള ചോദ്യത്തിന് നല്‍കിയ മറുപടിയാലാണ് കേന്ദ്ര വ്യോമയാന മന്ത്രാലയം നിരക്ക് ശരാശരിയേക്കാള്‍ ഉയരാറുണ്ടന്ന് സമ്മതിച്ചത്. വിമാന കമ്പനികളില്‍ നിന്നും ലഭിച്ച വിവരത്തിന്റെ അടിസ്ഥാനത്തില്‍ ശരാശരി നിരക്കില്‍ ചെറിയ തോതിലുള്ള വര്‍ധനവുണ്ടാവാറുണ്ടെന്നാണ് വ്യോമയാന മന്ത്രാലയം രേഖാമൂലം നല്‍കിയ മറുപടിയില്‍ പറഞ്ഞിരിക്കുന്നത്. എന്നാല്‍ കമ്പോള ശക്തികളായ സംഭരണവും ആവശ്യവുമാണ് നിരക്ക് വര്‍ധനവിന് കാരണമായി മന്ത്രാലയം ഉയര്‍ത്തിക്കാട്ടിയിരിക്കുന്നത്. ജെറ്റ് എയര്‍വേഴ്സ് സര്‍വ്വീസ് നിര്‍ത്തിയതും, ബോയിംഗ് 737 വലിയ വിമാനങ്ങള്‍ ഇറക്കാന്‍ കഴിയാതിരുന്നതും നിരക്ക് വര്‍ധനക്ക് കാരണമായിരുന്നതായും വ്യോമയാന മന്ത്രി ഹര്‍ദീപ് സിംഗ് പുരി നല്‍കിയ മറുപടിയില്‍ പറയുന്നു. വലിയ വിമാനങ്ങള്‍ക്ക് സര്‍വ്വീസ് നടത്താന്‍ കഴിയുന്ന തരത്തില്‍ 2018 ഡിസംബറില്‍ കരിപ്പൂര്‍ വിമാനത്താവളം സജ്ജമാക്കിയത് സൗദി എയര്‍ലൈന്‍സ് അടക്കമുള്ള വിമാനങ്ങള്‍ക്ക് സര്‍വ്വീസ് നടത്താനുള്ള സാഹചര്യമൊരുക്കിയതായും മറുപടിയിലുണ്ട്. കരിപ്പൂരില്‍ ജെറ്റ് എയര്‍വേഴ്സിന് അനുവദിച്ചിരുന്ന ട്രാഫിക്ക് അവകാശങ്ങള്‍ മറ്റൊരു ഇന്ത്യന്‍ വിമാന കമ്പനിക്ക് നല്‍കിയതായും അവര്‍ ഉടന്‍ തന്നെ അവിടുന്ന് സര്‍വ്വീസ് തുടങ്ങുമെന്നും മന്ത്രി അറിയിച്ചു. ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ (ഡി.ജി.സി.എ) വിമാന കമ്പനികളോട് പരമാവധി നിരക്ക് കുറക്കാന്‍ നിര്‍ദ്ദേശിക്കാറുണ്ടന്നും മറുപടിയില്‍ പറയുന്നു.

മുക്കം-അരീക്കോട് റോഡിലാണ് സംഭവം. സമരം ശക്തമായ ഇവിടെ ഇന്ന് ധാരാളം പേര്‍ സമരപ്പന്തലിലെത്തിയിരുന്നു. വെള്ളിയാഴ്ചയായിട്ടും ഉച്ചനേരം സമരക്കാര്‍ പിരിഞ്ഞു പോയില്ല.അവര്‍ ഒത്തൊരുമിച്ച് റോഡില്‍ നമസക്കാരം നിര്‍വഹിക്കുകയായിരുന്നു. സമരം തുടരുന്ന സാഹചര്യത്തില്‍ കനത്ത പൊലീസ് കാവലിലാണ് പ്രദേശം.

മുക്കം കൊടിയത്തൂര്‍ ജനവാസ മേഖലയിലൂടെ പോവുന്ന നിര്‍ദിഷ്ട കൊച്ചി-മംഗലാപുരം വാതക പൈപ്പ് ലൈന്‍ പ്രവൃത്തിക്കെതിരായാണ് എരഞ്ഞിമാവില്‍ പ്രതിഷേധം നടക്കുന്നത്. വന്‍ പൊലീസ് സാന്നിധ്യത്തിലാണ് സര്‍ക്കാര്‍ പ്രവൃത്തി നടത്താനൊരുങ്ങുന്നത്. എന്നാല്‍ ഗെയില്‍ വിരുദ്ധ ജനകീയ കമ്മിറ്റിയുടെ നേതൃത്വത്തില്‍ പ്രതിഷേധവും ശക്തമാണ്. കഴിഞ്ഞ ദിവസം പ്രതിഷേധക്കാരെ പൊലീസ് അറസ്റ്റ് ചെയ്തിരുന്നു.

സമര സമിതി നേതാക്കളെ അറസ്റ്റ് ചെയ്തതോടെ സമരം അവസാനിക്കില്ലെന്നും വരും ദിവസങ്ങളില്‍ കൂടുതല്‍ ശക്തിയോടെ സമര രംഗത്ത് എത്തുമെന്നും ആക്ഷന്‍ കമ്മിറ്റി ഭാരവാഹികള്‍ പറഞ്ഞു.

ദമസ്‌കസ്: പടിഞ്ഞാറന്‍ സിറിയയിലെ സൈനിക കേന്ദ്രത്തില്‍ ഇസ്രാഈല്‍ നടത്തിയ വ്യോമാക്രമണത്തില്‍ രണ്ടുപേര്‍ കൊല്ലപ്പെട്ടു. മസിയാഫ് നഗരത്തിനു സമീപമുള്ള സൈനിക താവളത്തിന് ആക്രമണത്തില്‍ നാശനഷ്ടമുണ്ടായതായും സിറിയന്‍ വാര്‍ത്താ ഏജന്‍സി സന അറിയിച്ചു.
മേഖലയുടെ സുരക്ഷക്കും സുസ്ഥിരതക്കും നേരെയുള്ള കടന്നാക്രമണത്തിന് അപകടകരമായ പ്രത്യാഘാതങ്ങളുണ്ടാകുമെന്ന് സിറിയന്‍ സേന മുന്നറിയിപ്പുനല്‍കി. ലബനീസ് വ്യോമാതിര്‍ത്തിയില്‍നിന്നാണ് ഇസ്രാഈല്‍ ആക്രമണം നടത്തിയത്. ഭരണകൂടവുമായി ഏറ്റുമുട്ടുന്ന ഭീകരരെ സഹായിക്കാനാണ് ഇസ്രാഈലിന്റെ ശ്രമമെന്നും സിറിയ ആരോപിച്ചു. ലബനീസ് വ്യോമാതിര്‍ത്തിയില്‍നിന്ന് ഇസ്രാഈല്‍ പോര്‍വിമാനങ്ങള്‍ എണ്ണമറ്റ മിസൈലുകള്‍ തൊടുത്തുവിട്ടതായി സൈന്യം പറയുന്നു. ആരോപണത്തോട് ഇസ്രാഈല്‍ പ്രതികരിച്ചിട്ടില്ല.
ഇസ്രാഈല്‍ സേന തങ്ങളുടെ വ്യോമാതിര്‍ത്തി ലംഘിച്ചതായി ലബനാന്‍ സ്ഥിരീകരിച്ചിട്ടുണ്ട്. എന്നാല്‍ സിറിയ കേന്ദ്രീകരിച്ച് പ്രവര്‍ത്തിക്കുന്ന ഇറാനെയും ഹിസ്ബുല്ലയേയും ദുര്‍ബലപ്പെടുത്താനാണ് വ്യോമാക്രമണം നടത്തിയതെന്ന് ഇസ്രാഈലിന്റെ ദേശീയ സുരക്ഷാ കൗണ്‍സില്‍ മുന്‍ മേധാവി യാകോസ് അമിഡ്‌റോര്‍ പറഞ്ഞു. സിറിയന്‍ ഭരണകൂടമല്ല തങ്ങളുടെ വിഷയമെന്നും ഇറാന്റെയും ഹിസ്ബുല്ലയുടേയും ശക്തിക്ഷയമാണ് ലക്ഷ്യമെന്നും അദ്ദേഹം കൂട്ടിച്ചേര്‍ത്തു. മസിയാഫ് നഗരത്തിന് വടക്ക് സിറിയയുടെ പരിശീലന ക്യാമ്പും ശാസ്ത്ര പഠന, ഗവേഷണ കേന്ദ്ര(എസ്.എസ്.ആര്‍.സി)വും പ്രവര്‍ത്തിക്കുന്നുണ്ട്. ഏപ്രിലില്‍ ഖാന്‍ ഷെയ്ഖൂനില്‍ നിരവധി പേര്‍ കൊല്ലപ്പെട്ട രാസായുധ പ്രയോഗത്തിനുള്ള വിഷവാതകം ഉല്‍പാദിപ്പിച്ചത് എസ്.എസ്.ആര്‍.സിയിലാണെന്ന് അമേരിക്ക ആരോപിക്കുന്നു.