കേന്ദ്രസര്‍ക്കാറിന്റെ ബജറ്റിനെയും അദ്ദേഹം വിമര്‍ശിച്ചു. കഴിഞ്ഞ ബജറ്റില്‍ പ്രഖ്യാപിച്ച കാര്യങ്ങളില്‍ എന്തൊക്കെ നടപ്പാക്കിയെന്ന് പരിശോധിച്ചിട്ട് പുതിയ ബജറ്റ് ചര്‍ച്ച ചെയ്യുന്നതാണ് ഉചിതമെന്ന് അദേഹം പറഞ്ഞു.

കേന്ദ്രത്തിന് ലാഭം നല്‍കുന്ന കോഴിക്കോട് വിമാനത്താവള വികസനത്തിന് ഫണ്ട് നല്‍കിയിട്ടില്ല. ബേപ്പൂര്‍ തുറമുഖ നവീകരണത്തിനും ലക്ഷദ്വീപ് കണക്റ്റിവിറ്റി വിപുലീകരിക്കുന്നതിനും ബേപ്പൂര്‍ മലാപ്പറമ്പ് നാലുവരിപാത പദ്ധതിക്കും ടൂറിസം മേഖലക്കും ഫണ്ട് അനുവദിക്കണമെന്നും എംപി ആവശ്യപ്പെട്ടു.

തൊഴിലുറപ്പ് പദ്ധതി വിഹിതം കുത്തനെ വെട്ടിക്കുറച്ചത് ഗ്രാമങ്ങളില്‍ വലിയ പ്രയാസമുണ്ടാക്കും. ജനങ്ങള്‍ക്ക് ഉപകാരപ്പെടുന്ന പദ്ധതി ഇഞ്ചിഞ്ചായി ഇല്ലാതാക്കുകയാണ് കേന്ദ്രസര്‍ക്കാര്‍. അദേഹം കുറ്റപ്പെടുത്തി. പ്രതിദിന വേതനം 300 രൂപയാക്കണമെന്നും രാഘവന്‍ ആവശ്യപ്പെട്ടു.