അബുദാബി: അവധിക്കാലത്ത് എയര്‍ലൈനുകള്‍ ഈടാക്കുന്ന പൊള്ളുന്ന നിരക്ക് പ്രവാസികളുടെ ഹൃയങ്ങളെ പൊരിയുന്ന അവസ്ഥയിലാക്കിമാറ്റുന്നു. സാധാരണ നിരക്കിനേക്കാള്‍ മൂന്നും നാലും ഇരട്ടി നിരക്ക് വര്‍ധനവ് വരുത്തിയാണ് എയര്‍ലൈനുകള്‍ പ്രവാസികളെ മാനസിക സമ്മര്‍ദ്ദത്തിലും കടുത്ത സാമ്പത്തിക പ്രതിസന്ധിയിലുമാക്കിമാറ്റുന്നത്.

സ്‌കൂള്‍ അവധിക്കാലത്ത് നാട്ടില്‍ പോകാനും തിരിച്ചുവരുവാനും ഒരുങ്ങുന്നവര്‍ക്ക് എക്കാലവും ഏറ്റവും വലിയ വെല്ലുവിളി താങ്ങാനാവാത്ത വിമാനടിക്കറ്റ് നിരക്കുതന്നെയാണ്. ജൂണ്‍ ആരംഭിക്കുന്നതോടുകൂടി ഗള്‍ഫ് നാടുകളില്‍നിന്നും ഇന്ത്യയിലേക്കുള്ള വിശിഷ്യാ കേരളത്തിലേക്കുള്ള നിരക്ക് വര്‍ധനവിന് തുടക്കംകുറിക്കുകയാണ്. ആഗസ്റ്റ് വരെ ഈ വര്‍ധനവ് തുടരും. ആഗസ്റ്റ് തുടക്കം മുതല്‍ തിരിച്ചു ഗള്‍ഫ് നാടുകളിലേക്കുള്ള യാത്രക്കാരെ തികച്ചും കൊള്ളയടിക്കുന്നതിനുതുല്യമായാണ് നിരക്ക് വര്‍ധനവ് ഏര്‍പ്പെടുത്തിയിട്ടുള്ളത്.

ആറായിരം രൂപക്ക് ലഭിച്ചിരുന്ന ടിക്കറ്റുതന്നെയാണ് ഒരുലക്ഷത്തിനുമുകളിലാക്കി ഉയര്‍ത്തിയിട്ടുള്ളത്. മൂന്നും നാലും അംഗങ്ങളുള്ള കുടുംബങ്ങള്‍ക്ക യാത്ര ചെയ്യാന്‍ ലക്ഷങ്ങള്‍ തന്നെ വേണമെന്നതാണ് അവസ്ഥ. പതിറ്റാണ്ടുകളായി തുടരുന്ന അനീതിക്കെതിരെ എക്കാലവും പ്രവാസികള്‍ പ്രതിഷേധിക്കുന്നുണ്ടെങ്കിലും അധികാരികളില്‍നിന്നും ഇതുവരെ അനുകൂല തീരുമാനങ്ങളൊന്നും ഉണ്ടായിട്ടില്ല.

എയര്‍ഇന്ത്യ എക്‌സ്പ്രസിന്റെ വരവ് പ്രവാസികള്‍ക്ക് ഏറെ പ്രതീക്ഷ നല്‍കിയിരുന്നുവെങ്കിലും അവധിക്കാലത്തെ നിരക്കിന്റെ കാര്യത്തില്‍ ഇതരഎയര്‍ലൈനുകളുടെ മാതൃക പിന്തുടരുകയെന്ന നയമാണ് എക്‌സ്പ്രസ്സും സ്വീകരിച്ചത്.

സാധാരണക്കാരായ പ്രവാസികളാണ് നിരക്ക വര്‍ധനവില്‍ ഏറ്റവും പ്രയാസമനുഭവിക്കേണ്ടിവരുന്നത്. തങ്ങളുടെ ജോലി സ്ഥാപനത്തില്‍നിന്നും ലഭിക്കുന്ന അവധിദിനങ്ങള്‍ പലര്‍ക്കും ജൂണ്‍,ജൂലൈ മാസങ്ങളിലാണെന്നത് ചെറിയ ശമ്പളത്തിന് ജോലി ചെയ്യുന്ന നൂറുകണക്കിനുപേരെ പ്രയാസത്തിലാക്കുന്നുണ്ട്. ഇവര്‍ക്ക് വേനല്‍കാല അവധിയുമായി യാതൊരു ബന്ധവുമില്ലെങ്കിലും ഇവരും യഥാര്‍ത്ഥത്തില്‍ എയര്‍ലൈനുകളുടെ ഇരയായിമാറുകയാണ്.

ആയിരക്കണക്കിനുപേര്‍ ഇതിനകംതന്നെ കൂടിയനിരക്കില്‍ ടിക്കറ്റ് എടുത്തുവെങ്കിലും അതിലേറെപേര്‍ ദിനേന നിരക്ക് കുറയുന്നതുംനോക്കി വെബ്‌സൈറ്റുകളില്‍ നോക്കിയിരിപ്പാണ്. കുറഞ്ഞ നിരക്കില്‍ ടിക്കറ്റ് എന്ന സന്ദേശവുമായി അനവധി വെബ്‌സൈറ്റുകളാണ് ഇ രംഗത്ത് സജീവമായി പ്രവര്‍ത്തിച്ചുകൊണ്ടിരിക്കുന്നത്. പല സൈറ്റുകളിലും കുറഞ്ഞ നിരക്ക് കാണിക്കുമെങ്കിലും പെയ്‌മെന്റ്ിലെത്തുമ്പോള്‍ ഇരട്ടിയിലേറെയായിമാറുകയാണ് ചെയ്യുന്നത്.

അബുദാബി: ഗള്‍ഫ് നാടുകളിലെ അവധിക്കാലത്ത് എയര്‍ലൈനുകള്‍ ഈടാക്കുന്ന അമിതനിരക്കില്‍ ഇക്കുറിയും മാറ്റമില്ല. ആറുമാസത്തോളം ഇനിയും ബാക്കിയുണ്ടെങ്കിലും ഉയര്‍ന്ന ടിക്കറ്റ് നിരക്കാണ് വിവിധ എയര്‍ലൈനുകളുടെ വെബ്‌സൈറ്റുകളിലുള്ളത്. സാധാരണ നിരക്കിനേക്കാള്‍ നാലിരട്ടിവരെയാണ് നിരക്ക് കാണിക്കുന്നത്.

അമിതനിരക്കിനെതിരെ കഴിഞ്ഞ നാലുപതിറ്റാണ്ടിലേറെയായി ശക്തമായ പ്രതിഷേധങ്ങളുണ്ടെങ്കിലും പ്രവാസികള്‍ക്ക് ആശ്വാസമാകുന്ന ഇടപെടലുകള്‍ ഇതുവരെ ഉണ്ടായിട്ടില്ല. എയര്‍ഇന്ത്യ എക്‌സ്പ്രസ്സ് വരുന്നതോടെ അവധിക്കാലത്തെ ചൂഷണത്തിന് അറുതി വരുമെന്ന് കരുതിയിരുന്നുവെങ്കിലും പഴയരീതി തന്നെ തുടരുന്ന അവസ്ഥയാണുണ്ടായത്.

ആറുമാസം മുമ്പ് ടിക്കറ്റെടുത്താല്‍ നിരക്ക കുറഞ്ഞുകിട്ടുമെന്ന് കരുതി കഴിഞ്ഞ ഏതാനും ആഴ്ചകളായി നിരവധിപേര്‍ വെബ്‌സൈറ്റുകളില്‍ നിരക്ക് നോക്കിയിരിക്കുകയാണ്. എന്നാല്‍ വിവിധ എയര്‍ലൈനുകളുടെ ടിക്കറ്റ് നിരക്ക് നിലവില്‍ നാല്‍പ്പതിനായിരവും അമ്പതിനായിരവുമൊക്കെയാണ്.

ജൂണ്‍ അവസാനം മുതല്‍ ജൂലൈ പകുതിവരെയാണ് സ്‌കൂള്‍ അവധിക്കാലം ചെലവഴിക്കാന്‍ ആയിരക്കണക്കിന് കുടുംബങ്ങള്‍ നാട്ടിലേക്ക് യാത്ര തിരിക്കുന്നത്. ഈ സമയത്താണ് കടുത്ത സാമ്പത്തിക ബാധ്യതയുണ്ടാക്കുന്ന നിരക്കുമായി എയര്‍ലൈനുകള്‍ പ്രവാസികളെ ചൂഷണം ചെയ്യുന്നത്. നാലംഗ കുടുംബം നാട്ടില്‍ പോയിവരുന്നതിന് രണ്ടുലക്ഷത്തിലധികം രൂപ വേണമെന്നതാണ് മുന്‍കാലങ്ങളില്‍ പലരുടെയും അനുഭവം.

സാധാരണക്കാരും ചെറിയ വേതനത്തിന് തൊഴിലെടുക്കുന്നവര്‍ക്കും മാസങ്ങള്‍ക്കുമുമ്പ് ടിക്കറ്റ് എടുക്കാന്‍ സാമ്പത്തിക ഭദ്രതയില്ല എന്നതാണ് നേര്. എങ്കിലും നിരക്ക് കുറവില്‍ കിട്ടുകയാണെങ്കില്‍ കടം വാങ്ങിയെങ്കിലും ടിക്കറ്റെടുക്കാമെന്നാണ് പലരും കരുതുന്നത്. പക്ഷെ നിരക്ക് തീരെ കുറയുന്നില്ലെന്നത് ഇത്തരക്കാരെ പ്രയാസത്തിലാക്കുന്നു.

വിദേശ എയര്‍ലൈകള്‍ ഉള്‍പ്പെടെ നിരവധി വിമാനങ്ങള്‍ കേരളത്തിലേക്ക് സര്‍വ്വീസ് നടത്തുന്നുണ്ട്. അതുകൊണ്ടുതന്നെ എയര്‍ലൈനുകള്‍ തമ്മില്‍ കടുത്ത മത്സരം നടക്കുന്നുണ്ട്. എന്നാല്‍ അതുകൊണ്ടൊന്നും അവധിക്കാലത്ത് കാര്യമായ പ്രയോജനം സാധാരണക്കാര്‍ക്ക് ലഭിക്കുന്നില്ല.

15 ദിവസത്തിനുള്ളില്‍ തുക തിരിച്ചു നല്‍കുകയോ സാമ്പത്തിക പ്രതിസന്ധി നേരിടുന്ന കമ്പനികള്‍ 2021 മാര്‍ച്ച് 31 വരെ ഉപയോഗിക്കാന്‍ കഴിയുന്ന തരത്തില്‍ ക്രെഡിറ്റ് സംവിധാനം ഒരുക്കുകയോ ചെയ്യണമെന്നും സുപ്രീംകോടതി അറിയിച്ചു. ഈ ക്രെഡിറ്റ് ട്രാന്‍സ്ഫര്‍ ചെയ്യാവുന്നതും ഇതുപയോഗിച്ച് കമ്പനി സര്‍വീസ് നടത്തുന്ന ഏത് മേഖലയിലേക്കും യാത്ര ചെയ്യാനും സാധിക്കും. ക്രെഡിറ്റ് ഉപയോഗിക്കാന്‍ യാത്രക്കാരെ പ്രേരിപ്പിക്കുന്നതിനായി 2021 മാര്‍ച്ച് വരെ പ്രതിമാസം പലിശ ക്രെഡിറ്റില്‍ നല്‍കണം. മാര്‍ച്ച് വരെ ക്രെഡിറ്റ് ഉപയോഗിച്ചില്ലെങ്കിലും തുക പ്രസ്തുത യാത്രക്കാരന് തിരിച്ചുനല്‍കണമെന്നും കോടതി നിര്‍ദേശിച്ചിട്ടുണ്ട്.

ട്രാവല്‍ ഏജന്റുമാര്‍ മുഖേനെ ബുക്ക് ചെയ്ത ടിക്കറ്റ് ചാര്‍ജുകള്‍ ട്രാവല്‍ ഏജന്റുമാരിലൂടെ തന്നെ തിരികെനല്‍കുമെന്ന് ജസ്റ്റിസുമാരായ അശോക് ഭൂഷണ്‍, ആര്‍എസ് റെഡ്ഡി, എംആര്‍ ഷാ എന്നിവരടങ്ങിയ ബെഞ്ച് പറഞ്ഞു.