ന്യൂ ഡല്‍ഹി: ഇന്ത്യയും ചൈനയും തമ്മിലുള്ള 21ാമത് അതിര്‍ത്തി ചര്‍ച്ച തെക്കുപടിഞ്ഞാറന്‍ ചൈനയിലെ സിച്വാന്‍ പ്രവിശ്യയിലെ ദുജിയാങ്‌യാന്‍ നഗരത്തില്‍ നടക്കും. ചര്‍ച്ചക്കായി ദേശീയ സുരക്ഷ ഉപദേഷ്ടാവ് അജിത് ഡോവല്‍ ചൈനയിലെത്തി. ചൈനീസ് വിദേശകാര്യ മന്ത്രി വാങ് യീയുമായാണ് ചര്‍ച്ച.

ഈ വര്‍ഷം ഏപ്രിലില്‍ നടന്ന വുഹാന്‍ ഉച്ചകോടിക്കു ശേഷം ഇരുരാജ്യങ്ങളുടെയും ബന്ധത്തിലുണ്ടായ പുരോഗതിയെ കുറിച്ച് ഇരുവരും അവലോകനം നടത്തും. വാങ് വിദേശകാര്യമന്ത്രിയായ ശേഷം നടക്കുന്ന ആദ്യ അതിര്‍ത്തി ചര്‍ച്ചയാണിത്.

‘പരമാധികാര രാഷ്ട്രം സൃഷ്ടിക്കുകയെന്നാല്‍ പരമാധികാരമുള്ള ജനതയെ സൃഷ്ടിക്കുകയെന്നതാണ്. അതിനടിസ്ഥാനമായ ഭരണഘടന എല്ലായിടത്തേക്കുമുള്ളതാണ്. പക്ഷേ, ജമ്മു കശ്മീരിനെ സംബന്ധിച്ചടത്തോളം എവിടെയാണ് ഭരണഘടന? മുറിഞ്ഞ അവസ്ഥയിലാണ്. മറ്റൊരു ഭരണഘടനയാണ് ജമ്മു കശ്മീരില്‍. ഇത് പരമാധികാരത്തില്‍ നിന്നുള്ള വ്യതിചലനമാണ്’-ഡോവല്‍ പറഞ്ഞു.

അതേസമയം ഡോവലിന്റെ പ്രസ്താവനക്കെതിരെ കശ്മീര്‍ നേതാക്കള്‍ രംഗത്തെത്തി. ഡോവലിന്റെ പ്രസ്താവന കേന്ദ്രം പരിശോധിക്കണമെന്ന് നാഷണല്‍ കോണ്‍ഫറന്‍സ് നേതാവ് മുസ്തഫ കമാല്‍ പറഞ്ഞു. ഡോവലിന്റെ പരാമര്‍ശത്തില്‍ കേന്ദ്രസര്‍ക്കാര്‍ ശ്രദ്ധ പതിപ്പിക്കുന്നില്ലെങ്കില്‍ അദ്ദേഹം ഗവണ്‍മെന്റിന്റെ നിര്‍ദേശാനുസരണം സംസാരിക്കുകയാണെന്ന് കരുതേണ്ടി വരുമെന്നും മുസ്തഫ പറഞ്ഞു.

പി.ഡി.പി നേതാവ് അഹമ്മദ് മിറും ഡോവലിനെതിരെ രംഗത്തെത്തി. ഡോവലിന്റെ പ്രസ്താവന നിരുത്തരവാദപരമാണെന്ന് അദ്ദേഹം പറഞ്ഞു. ഇത്തരം പ്രസ്താവനകള്‍ കശ്മീരിലെ പൊതുജനങ്ങളുടെ മനഃസ്ഥിതിയില്‍ മാറ്റം വരുത്താന്‍ കാരണമാകുമെന്നും അദ്ദേഹം പറഞ്ഞു.