ഹോട്ടലിലുണ്ടായിരുന്നവര്‍ അപകടത്തില്‍നിന്ന് രക്ഷപ്പെടുന്നതിനായി മുകളില്‍നിന്ന് താഴേക്ക് ചാടി. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമിക നിഗമനം. ഹോട്ടല്‍ ഇടുങ്ങിയ സ്ഥലത്ത് സ്ഥിതിചെയ്യുന്നതിനാല്‍ രക്ഷാപ്രവര്‍ത്തനം ദുഷ്‌കരമായിരുന്നു. അഗ്‌നിരക്ഷാസേനാംഗങ്ങളും പോലീസ് സേനാംഗങ്ങളും രക്ഷാപ്രവര്‍ത്തനത്തിനിടെ ശ്വാസം ലഭിക്കാതെ ബോധരഹിതരായതായും റിപ്പോര്‍ട്ടുകളുണ്ട്.

ഹോട്ടലിന്റെ പേരുമാറ്റുന്നതുമായി ബന്ധപ്പെട്ട് അജ്മീറില്‍ നിന്നുള്ള എം.എല്‍.എയും നിയമസഭ സ്പീക്കറുമായ വാസുദേവ് ദേവ്‌നാനി നേരത്തേ ആര്‍.ടി.ഡി.സിക്ക് നിര്‍ദേശം നല്‍കിയിരുന്നു. എന്നാല്‍ പേര് മാറ്റിയ നടപടിക്കെതിരെ അജ്മീര്‍ ദര്‍ഗ ശരീഫ് ഖാദിം രംഗത്തെത്തി. നഗരത്തിന്റെ ചരിത്രം മായ്ച്ചുകളയാനാണ് ബി.ജെ.പി ശ്രമിക്കുന്നതെന്ന് ദര്‍ഗയുടെ സൂക്ഷിപ്പുകാരനായ സയ്യിദ് സര്‍വാര്‍ ചിഷ്തി പറഞ്ഞു.

സൂഫി വര്യനായിരുന്ന ഖാജാ മുഈനുദ്ദീന്‍ ചിശ്തിയുടെ മഖ്ബറ ഉള്ളതിനാല്‍ ഈ നഗരം പ്രശസ്തമാണ്.

ചരിത്രപരമായി ‘അജയ്മേരു’വെന്നാണ് അജ്മീറിനെ അറിയപ്പെട്ടിരുന്നതെന്നാണ് സ്പീക്കര്‍ ദേവ്നാനി പറയുന്നത്. അജ്മീറിലെ കിങ് എഡ്വേര്‍ഡ് മെമ്മോറിയലിന്റെ പേര് ഹിന്ദു തത്വചിന്തകനായ സ്വാമി ദയാനന്ദ സരസ്വതിയുടെ പേരില്‍ പുനര്‍ നാമകരണം ചെയ്യാനും ദേവനാനി നിര്‍ദേശിച്ചതായി ഉദ്യോഗസ്ഥര്‍ അറിയിച്ചു.

പ്രതിഷേധക്കാരെ പിരിച്ചുവിടാന്‍ പൊലീസിന് ബലം പ്രയോഗിക്കേണ്ടി വന്നുവെന്ന് ഡെപ്യൂട്ടി സൂപ്രണ്ട് മഹിപാല്‍ ചൗധരി പറഞ്ഞു. തുടര്‍ന്ന് മാംസം പരിശോധനക്കായി വെറ്റിനറി ആശുപത്രിയിലേക്ക് അയച്ചു. പരിശോധനയില്‍ ഇത് പശുമാംസമല്ലെന്ന് വ്യക്തമായതായി പൊലീസ് അറിയിച്ചു.

ബൈക്കില്‍ വന്നയാളേയും ഇയാള്‍ക്ക് മാംസം വിറ്റയാളേയും കസ്റ്റഡിയിലെടുത്തിട്ടുണ്ട്. ഇവരെ ചോദ്യം ചെയ്ത് വരികയാണ്. സംഘര്‍ഷത്തിനിടെ പൊലീസ് വാഹനത്തിന് കേടുപാടുകള്‍ ഉണ്ടായെന്നും ഉദ്യോഗസ്ഥര്‍ അറിയിച്ചു.

ജീപ്പ് കേടുവരുത്തിയ സംഭവത്തില്‍ 15 പേര്‍ക്കെതിരെ കേസെടുത്തിട്ടുണ്ട്. സര്‍ക്കാര്‍ ജീവനക്കാരന്റെ ഔദ്യോഗിക കൃത്യനിര്‍വഹണം തടഞ്ഞതിനും ഇവര്‍ക്കെതിരെ കേസുണ്ട്. ഇതില്‍ 3 പേര്‍ നിലവില്‍ പൊലീസിന്റെ കസ്റ്റഡിയില്‍ ഉണ്ടെന്നാണ് വിവരം.

സ്‌ഫോടനത്തിന് പിന്നിലെ ഗൂഢാലോചനയില്‍ ആര്‍എസ്എസ് നേതാവ് അസിമാനന്ദ് പങ്കാളിയാണെന്ന് നേരത്തെ എന്‍.ഐ.എ കണ്ടെത്തിയിരുന്നു. എന്നാല്‍ അസിമാനന്ദ് ഉള്‍പ്പെടെ ഏഴ് പേരെ സംശയത്തിന്റെ ആനുകൂല്യത്തില്‍ കഴിഞ്ഞ വര്‍ഷം കോടതി വെറുതെ വിട്ടു. ദേവേന്ദ്ര ഗുപ്ത, ഭാവേഷ് പട്ടേല്‍, സുനില്‍ ജോഷി എന്നിവര്‍ക്ക് കോടതി ജീവപര്യന്തം ശിക്ഷ വിധിക്കുകയും ചെയ്തു.

സുരേഷ് ജനിച്ചതും പഠിച്ചതും ഗുജറാത്തിലായിരുന്നു. അജ്മീര്‍ സ്‌ഫോടനത്തെ തുടര്‍ന്ന് നിരീക്ഷണത്തിലായിരുന്ന സുരേഷ് പിന്നീട് മുങ്ങുകയായിരുന്നു. അന്വേഷണ ഉദ്യോഗസ്ഥര്‍ കൊയിലാണ്ടിയില്‍ വന്നിരുന്നു. അന്ന് ഇയാളെ കുറിച്ച് എന്തെങ്കിലും വിവരം നല്‍കുവാന്‍ നാട്ടുകാര്‍ക്കും കഴിഞ്ഞിരുന്നില്ല. ഇവിടെ നിന്നും വലിയൊരു വിഭാഗം ആളുകള്‍ ഗുജറാത്തില്‍ ടയര്‍ മേഖലയില്‍ ജോലി ചെയ്യുന്നുണ്ട്. അത് കൊണ്ട് പോലീസിന് ഇയാളെ കണ്ടെത്താന്‍ ഏറെ പ്രയാസങ്ങള്‍ നേരിട്ടിരുന്നു. സുരേഷിന് ആര്‍.എസ്.എസിന്റെ അഖിലേന്ത്യാ നേതൃത്വവുമായി അടുത്ത ബന്ധമുണ്ടെന്നാണ് പറയപ്പെടുന്നത്. സുരേഷ് ഉള്‍പ്പെടെ മൂന്ന് പേരാണ് ഒളിവില്‍ പോയത്. ഇയാളെ പിടികൂടാനായി വിവരം നല്‍കുന്നവര്‍ക്ക് രണ്ട് ലക്ഷം രൂപ ഇനാം പ്രഖ്യാപിച്ചിരുന്നു.

ഇന്ത്യയിലെ പ്രമുഖ മുസ്ലിം തീര്‍ത്ഥാടന കേന്ദ്രമായ അജ്മീര്‍ ദര്‍ഗയിലേക്ക് പ്രധാനമന്ത്രി നരേന്ദ്ര മോദി ചാര്‍ദാര്‍ കൊടുത്തയച്ചു. ദര്‍ഗയില്‍ ഉപയോഗിക്കുന്ന പ്രത്യേക തുണിയാണ് ചാര്‍ദാര്‍
ഖ്വാജാ മുഈനുദ്ദീന്‍ ചിശ്തിയുടെ 806ാമത് ഉറൂസിനോടനുബന്ധിച്ചാണ് ന്യൂനപക്ഷ വകുപ്പ് മന്ത്രി മുഖ്താര്‍ അബ്ബാസ് നഖ്‌വി മുഖേന ചാര്‍ദാര്‍ കൊടുത്തയച്ചത്. ഇന്ന് രാവിലെ ഒമ്പത് മണിക്ക് ദര്‍ഗയില്‍ ന്യുനപക്ഷ വകുപ്പ് മന്ത്രി നഖ്‌വി ചാര്‍ദാര്‍ സമര്‍പ്പിക്കുകയും പ്രധാനമന്ത്രിയുടെ സന്ദേശം അറിയിക്കുകയും ചെയ്തു. കഴിഞ്ഞ വര്‍ഷങ്ങളിലും പ്രധാനമന്ത്രി നരേന്ദ്ര മോദി ചാര്‍ദാര്‍ കൊടുത്തയച്ചിരുന്നു.