ഇക്കുറി സ്വന്തം ടീം സെമിയില്‍ തോറ്റു പുറത്തായെങ്കിലും വിക്കറ്റ് കൊയ്ത്തില്‍ കാല്‍ സെഞ്ചുറി നേട്ടത്തോടെ പര്‍പ്പിള്‍ ക്യാപ്പിന് ഈ 26കാരന്‍ അര്‍ഹനാകുകയായിരുന്നു. രണ്ട് തവണയാണ് അഖില്‍ നാല് വിക്കറ്റുകള്‍ വീഴ്ത്തിയത്. 14 റണ്‍സ് വഴങ്ങി നാല് വിക്കറ്റ് നേടിയതാണ് രണ്ടാം സീസണില്‍ അഖിലിന്റെ ഏറ്റവും മികച്ച ബൗളിംഗ് പ്രകടനം.

കേരള ക്രിക്കറ്റ് ലീഗില്‍ തുടര്‍ച്ചയായ രണ്ടാം തവണയാണ് അഖില്‍ സ്‌കറിയ പര്‍പ്പിള്‍ ക്യാപ് നേട്ടം സ്വന്തമാക്കുന്നത്. കഴിഞ്ഞ സീസണിലും 25 വിക്കറ്റുകളാണ് താരം വീഴ്ത്തിയത്. ഇതോടെ കെ.സി.എല്ലില്‍ 50 വിക്കറ്റ് തികയ്ക്കുന്ന ആദ്യ ബോളര്‍ എന്ന റെക്കോര്‍ഡും അഖില്‍ സ്വന്തം പേരിലാക്കി. ബൗളിങ്ങില്‍ മാത്രമല്ല ബാറ്റിംഗിലും വിസ്മയ പ്രകടനമാണ് അഖില്‍ പുറത്തെടുത്തത്. ടൂര്‍ണമെന്റില്‍ ആകെ 314 റണ്‍സ് നേടിയ താരത്തിന്റെ ഉയര്‍ന്ന വ്യക്തിഗത സ്‌കോര്‍ 72 റണ്‍സാണ്.

വിക്കറ്റ് വേട്ടക്കാരില്‍ രണ്ടാം സ്ഥാനത്ത് കൊല്ലം ഏരീസിന്റെ അമല്‍ എ.ജി ആണ്. 12 മത്സരങ്ങളില്‍ നിന്ന് 17 വിക്കറ്റുകളാണ് അമല്‍ പേരിലാക്കിയത്. കൊച്ചി ബ്ലുടൈഗേഴ്‌സിന്റെ കെ.എം. ആസിഫ് 16 വിക്കറ്റുമായി മൂന്നാം സ്ഥാനതെത്തി. തൃശൂര്‍ ടൈറ്റന്‍സ് താരം സിബിന്‍ ഗിരീഷും പി.എസ് ജെറിനും 15 വീക്കറ്റ് വീതം വീഴ്ത്തി.

10 മത്സരങ്ങളില്‍ നിന്നായി 479 റണ്‍സ് അടിച്ചൂകൂട്ടിയ ട്രിവാന്‍ഡ്രം റോയല്‍സിന്റെ നായകന്‍ ക്യഷ്ണ പ്രസാദിനാണ് ഓറഞ്ച്. സെമി കാണാതെ റോയല്‍സ് ലീഗ്ഘട്ടത്തില്‍ തന്നെ പുറത്തായെങ്കിലും ഒരു സെഞ്ച്വറിയും മൂന്ന് അര്‍ധ സെഞ്ച്വറിയും കൃഷ്ണ പ്രസാദ് സ്വന്തംപേരില്‍ കുറിച്ചു. കെ.സി.എല്ലില്‍ റോയല്‍സിനായി ഓപണര്‍ റോളില്‍ ഇറങ്ങിയ ‘കെ.പി,’ പവര്‍ പ്ലേകളില്‍ പവറായും മധ്യ ഓവറുകളില്‍ ഫീല്‍ഡിങ് ഗ്യാപ്പുകളിലൂടെ റണ്ണൊഴുക്കി ടീമിന്റെ സ്‌കോര്‍ ഉയര്‍ത്തിയും അവസാന ഓവറുകളില്‍ ബൗളര്‍മാര്‍ക്കെതിരെ കത്തിപ്പടരുന്നതിനും ഗ്രീന്‍ഫീല്‍ഡ് സാക്ഷ്യം വഹിച്ചു. പ്രഥമ കെ.സി.എല്‍ സീസണില്‍ ആലപ്പി റിപ്പിള്‍സ് താരമായിരുന്ന കൃഷ്ണപ്രസാദിനെ ഇത്തവണ ട്രിവാന്‍ഡ്രം മൂന്ന് ലക്ഷത്തിനാണ് ലേലത്തില്‍ പിടിച്ചെടുത്തത്. ആദ്യ സീസണില്‍ 10 മത്സരങ്ങളില്‍ നിന്ന് 192 റണ്‍സായിരുന്നു സമ്പാദ്യം.

ആരോഗ്യമന്ത്രി വീണ ജോര്‍ജിന്റെ പേഴ്‌സണല്‍ സ്റ്റാഫ് അഖില്‍ മാത്യുമായി ബന്ധമുണ്ടെന്ന് വിശ്വസിപ്പിച്ച് അഖില്‍ സജീവ് തട്ടിപ്പ് നടത്തിയത് പരാതിക്ക് പിന്നാലെയാണ് മറ്റു സാമ്പത്തിക തട്ടിപ്പുകളും പുറത്തുവരുന്നത്. കൊല്ലത്തും അഖിലിന് എതിരെ വെസ്റ്റ് സ്‌റ്റേഷനില്‍ സാമ്പത്തിക തട്ടിപ്പ് കേസുണ്ട്. കേസില്‍ അഖിലിനെ ഒന്നാം പ്രതിയാക്കിയാണ് കുറ്റപത്രം.

2021ല്‍ സി.ഐ.ടി.യു പത്തനംതിട്ട ഓഫീസ് സെക്രട്ടറിയായിരുന്ന അഖില്‍ സജീവ് കെല്‍ട്രോണിലെ എച്ച് ആര്‍ വിഭാഗം ഉദ്യോഗസ്ഥന്‍ എന്ന് പറഞ്ഞ് വിശ്വസിപ്പിച്ചാണ് പരാതിക്കാരനെ സമീപിച്ചത്. കൊല്ലം തേവള്ളി സ്വദേശി വേണുഗോപാലപിള്ളയുടെ പരാതിയില്‍ വെഞ്ഞാറമൂട് സ്വദേശി ശിവന്‍, നെടുമങ്ങാട് സ്വദേശി ശരത് എന്നിവരും പ്രതികളാണ്.

അഖില്‍ സജീവ് ആണ് തട്ടിപ്പിന്റെ മുഖ്യ ആസൂത്രകന്‍ എന്നാണ് പൊലീസ് കണ്ടെത്തല്‍. മകന് കെല്‍ട്രോണില്‍ സിഐടിയുവിന്റെ കോട്ടയില്‍ സെയില്‍സ് മാനേജരായി ജോലി വാഗ്ദാനം ചെയ്തായിരുന്നു തട്ടിപ്പ്.

20 ലക്ഷം രൂപ ജോലിക്ക് നല്‍കണമെന്ന് ആവശ്യപ്പെട്ടു. 2021 മാര്‍ച്ച് മുതല്‍ നവംബര്‍ വരെ 34 തവണകളായി പ്രതികളുടെ അക്കൗണ്ടിലേക്ക് 32 ലക്ഷത്തി 92000 രൂപ നിക്ഷേപിച്ചു. തുടര്‍ന്ന് അഖില്‍ പരാതിക്കാരനെ വീണ്ടും ബന്ധപ്പെട്ട് കൂടുതല്‍ തുക വേണമെന്നും, സീനിയര്‍ പോസ്റ്റ് ആയതുകൊണ്ട് മറ്റ് യൂണിയനുകള്‍ക്കും പണം നല്‍കണമെന്ന് ആവശ്യപ്പെട്ടു.

വീണ്ടും 36 തവണകളായി അഖിലിന്റെ പത്തനംതിട്ടയിലുള്ള സൗത്ത് ഇന്ത്യന്‍ ബാങ്ക് അക്കൗണ്ടിലേക്ക് 15,80,500 രൂപ നിക്ഷേപിച്ചു. മാസങ്ങള്‍ കഴിഞ്ഞിട്ടും ജോലിയും പണവും ലഭിച്ചില്ല. പ്രതികളെ ബന്ധപ്പെട്ടിട്ട് മറുപടിയും നല്‍കിയില്ല. ഇതോടെ ആണ് പറ്റിക്കപ്പെട്ടു എന്ന് വിവരം പരാതിക്കാരന്‍ മനസ്സിലാക്കുന്നത്.

കൊല്ലം വെസ്റ്റ് പൊലീസില്‍ നല്‍കിയ പരാതിയില്‍ വിശ്വാസവഞ്ചന, കബളിപ്പിക്കല്‍, ക്രിമിനല്‍ ഗൂഢാലോചന തുടങ്ങിയ വകുപ്പുകള്‍ പ്രകാരം കേസെടുത്തു. പ്രതികളെ ഇതുവരെയും പിടികൂടാത്തതിന് പിന്നില്‍ അഖിലിന്റെ ഉന്നത ബന്ധം ആണെന്ന് പരാതിക്കാരന്‍ സംശയിക്കുന്നു.

കൊല്ലം വെസ്റ്റ് പൊലീസ് എടുത്തകേസില്‍ ഹൈക്കോടതി മുന്‍കൂര്‍ ജാമ്യം റദ്ദാക്കിയിട്ടും അറസ്റ്റ് നടന്നില്ല എന്നും അഖില്‍ സജീവിനെതിരായ കോടതിയെ സമീപിച്ച അഭിഭാഷകനായ പ്രശാന്ത് വി. കുറുപ്പ് പറഞ്ഞു

പത്തനംതിട്ടയില്‍ അഖിലിനെതിരെ 4 കേസുകള്‍, ജില്ലാ പൊലീസ് മേധാവിക്ക് തന്നെ പരാതി നല്‍കിയിട്ടും നടപടിയില്ല. പന്തളം സ്വദേശിയായ മുന്‍ കോളജ് അധ്യാപകന്റെ 30,000 തട്ടിയെടുത്തു. മകള്‍ക്ക് കെല്‍ട്രോണില്‍ ജോലി വാഗ്ദാനം ചെയ്താണ് പണം തട്ടിയത്.

വള്ളിക്കോട് സ്വദേശി വിനോദ് കുമാറിന് ബവ്‌റിജസില്‍ സെയില്‍സ് മാന്‍ ജോലി വാഗ്ദാനം ചെയ്ത് ഒരു ലക്ഷം തട്ടി. കൊല്ലം കൈതക്കോട് സ്വദേശി സിജു ജോര്‍ജിന് കെ.എം.എം.എല്ലില്‍ ജോലി വാഗ്ദാനം ചെയ്ത് 10,000 ലക്ഷം തട്ടിയെടുത്തു. കോന്നി ഐരവണ്‍ സ്വദേശി അനീഷില്‍ നിന്ന് ബന്ധുവിന് കെല്‍ട്രോണില്‍ ജോലി വാഗ്ദാനം ചെയ്ത് ഒരു ലക്ഷം തട്ടിയെടുക്കുകയും ചെയ്തു അഖില്‍ സജീവ്.

അഖില്‍ സജീവ് സാമ്പത്തിക തട്ടിപ്പ് നടത്തി എന്ന് സി.ഐ.ടിയു പത്തനംതിട്ട ജില്ലാ നേതൃത്വം ആണ് പരാതി നല്‍കിയത്. പത്തനംതിട്ട പൊലീസ് 2022 ജൂലൈയിലാണ് കേസ് രജിസ്റ്റര്‍ ചെയ്തത്. ഈ കേസില്‍ ഇതുവരെ ഇയാളെ പിടികൂടാനായിട്ടില്ല.

വള്ളിക്കോട്ടെ അഖില്‍ സജീവിന്റെ വീട് അടച്ചിട്ട നിലയിലാണുള്ളത്. ധാരാളം ആളുകള്‍ അഖിലിനെ അന്വേഷിച്ച് വരാറുണ്ടെന്ന് അയല്‍വാസികള്‍ പറയുന്നു.

സി.ഐ.ടിയു ഓഫീസ് സെക്രട്ടറിയായിരിക്കെ അംഗങ്ങളുടെ ലെവിയില്‍ തട്ടിപ്പ് നടത്തിയെന്നാണ് പരാതി. വ്യാജ സീലും വ്യാജ ഒപ്പും ഉപയോഗിച്ച് ബാങ്കിന്റെ വ്യാജ വൗച്ചര്‍ വരെ നിര്‍മ്മിച്ചാണ് തട്ടിപ്പ് നടത്തിയത്.

3 ലക്ഷത്തോളം രൂപയാണ് ഇത്തരത്തില്‍ തട്ടിയെടുത്തത്. അന്ന് സി.ഐ.ടി.യു ഓഫീസ് സെക്രട്ടറിയായിരുന്നു ഇയാള്‍. ടൂറിസം വകുപ്പിലും ട്രാവന്‍കൂര്‍ ടൈറ്റാനിയത്തിലും ജോലി ശരിയാക്കി കൊടുക്കാമെന്ന് വാഗ്ദാനം ചെയ്തും ഇയാള്‍ പലരില്‍ നിന്നും പണം വാങ്ങിയിട്ടുണ്ടെന്നാണ് വിവരം.