നിലവിലെ സര്‍ക്കാറിന്റെ ഏക വികസനം വിദ്വേഷം പരത്തല്‍ മാത്രമാണ്. അതേ സമയം സമാജ് വാദി പാര്‍ട്ടിയിലെ പ്രശ്‌നങ്ങളെ കുറിച്ചുള്ള ചോദ്യത്തിന് പാര്‍ട്ടി അധികാരത്തില്‍ നിന്നും മാറിയതോടെ കുടുംബ പ്രശ്‌നങ്ങളും അവസാനിച്ചെന്നായിരുന്നു അദ്ദേഹത്തിന്റെ മറുപടി. നേരത്തെ ഉദ്ഘാടനം ചെയ്ത പദ്ധതികള്‍ വീണ്ടും ഉദ്ഘാടനം ചെയ്യുകയെന്നത് ആദിത്യനാഥ് സര്‍ക്കാറില്‍ മാത്രം കാണുന്ന പ്രതിഭാസമാണെന്നും അദ്ദേഹം പരിഹസിച്ചു. സ്വന്തമായി എന്തെങ്കിലും ബി.ജെ.പി സര്‍ക്കാര്‍ ചെയ്തിട്ടുണ്ടെങ്കില്‍ അക്കാര്യം ജനങ്ങളോട് ബി.ജെ.പി തുറന്ന് പറയണമെന്നും അദ്ദേഹം ആവശ്യപ്പെട്ടു. ഡിജിറ്റല്‍ ഇന്ത്യയെ കുറിച്ച് സംസാരിച്ചിരുന്നവരൊക്കെ ഇപ്പോള്‍ ചാണകത്തെ കുറിച്ചും പശുവിനെ കുറിച്ചുമാണ് സംസാരിക്കുന്നതെന്നും അദ്ദേഹം പറഞ്ഞു.