akilesh – Chandrika Daily

ഗുജറാത്ത് തെരഞ്ഞടുപ്പ്: 5 മണ്ഡലങ്ങളില്‍ മല്‍സരിക്കുമെന്ന് അഖിലേഷ് യാദവ്

chandrika — Mon, 23 Oct 2017 12:43:57 +0000

ഡല്‍ഹി/ലക്‌നൗ: വരാനിരിക്കുന്ന ഗുജറാത്ത് നിയമസഭാ തെരഞ്ഞടുപ്പില്‍ 5 മണ്ഡലങ്ങളില്‍ സമാജ് വാദി പാര്‍ട്ടി മല്‍സരിക്കുമെന്ന് പാര്‍ട്ടി അദ്ധ്യക്ഷന്‍ ശ്രീ. അഖിലേഷ് യാദവ് അറിയിച്ചു. ബാക്കിയുള്ള 178 സീറ്റുകളില്‍ കോണ്‍ഗ്രസിനെ പിന്തുണക്കു. പാര്‍ട്ടിക്ക് വേണ്ടി അഖിലേഷ് യാദവടക്കമുള്ള നേതാക്കള്‍ ഗുജറാത്തില്‍ പ്രചാരണത്തിനിറങ്ങുമെന്നും സമാജ് വാദി പാര്‍ട്ടി വൃത്തങ്ങള്‍ അറിയിച്ചു.
കോണ്‍ഗ്രസുമായി തെരഞ്ഞടുപ്പ് സഖ്യത്തിനു തങ്ങള്‍ തയ്യാറാണന്നും അഖിലേഷ് വാര്‍ത്താസമ്മേളനത്തില്‍ പറഞ്ഞു.

കഴിഞ്ഞ ഉത്തര്‍പ്രദേശ് തിരഞ്ഞടുപ്പില്‍ കോണ്‍ഗ്രസ് -സമാജ് വാദി പാര്‍ട്ടികള്‍ സഖ്യമായിട്ടായിരുന്നു മല്‍സരിച്ചത്. 403 അംഗ ഉത്തര്‍പ്രദേശ് അസംബ്ലി സീറ്റുകളില്‍ 298 സീറ്റില്‍ എസ്പിയും 105 സീറ്റില്‍ കോണ്‍ഗ്രസുമാണ് മല്‍സരിച്ചത്. എന്നാല്‍ ബിജെപിയുടെ അപ്രതീക്ഷിത മുന്നേറ്റം എസ്പിയെ 47 സീറ്റിലും കോണ്‍ഗ്രസിനെ 7 സീറ്റിലേക്കും ഒതുക്കി കളഞ്ഞിരുന്നു.

ഗുജറാത്തിലെ ഖേദ ജീ ല്ലയിലെ കത്‌ലാല്‍ മുന്‍സിപാലിറ്റിയില്‍ കഴിഞ്ഞ വര്‍ഷം നടന്ന തിരഞ്ഞടുപ്പില്‍ 24 സീറ്റില്‍ 23 ഉം വിജയിച്ച് സമാജ് വാദി പാര്‍ട്ടി ചരിത്രം കുറിച്ചിരുന്നു. ഈ ഒരു പാശ്ചാത്തലത്തിലാണ് ഗുജറാത്തില്‍ 5 മണ്ഡലങ്ങളില്‍ മല്‍സരിക്കാനുള്ള സമാജ് വാദി പാര്‍ട്ടി നീക്കം എന്നാണ് വിലയിരുത്തപ്പെടുന്നത്.

കുടുംബ വാഴ്ച; രാഹുലിനെ പിന്തുണച്ച് അഖിലേഷ് യാദവ്

chandrika — Thu, 14 Sep 2017 16:06:44 +0000

ലക്‌നോ: ഇന്ത്യയില്‍ കുടുംബ വാഴ്ച സാധാരണമാണെന്ന കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെ പ്രസ്താവനക്ക് അഖിലേഷ് യാദവിന്റെ പിന്തുണ. ഇന്ത്യയില്‍ മാത്രമല്ല ലോകത്ത് എല്ലായിടത്തും കുടുംബ വാഴ്ച നിലനില്‍ക്കുന്നുണ്ടെന്നും അദ്ദേഹം വ്യക്തമാക്കി. കഴിവുള്ളവര്‍ ഉന്നതങ്ങളിലെത്തുമെന്നും ബി.ജെ.പി അതില്‍ ആശങ്കപ്പെടേണ്ടതില്ലെന്നും സമാജ്‌വാദി പാര്‍ട്ടി അധ്യക്ഷന്‍ കൂടിയായ അഖിലേഷ് മാധ്യമങ്ങളോട് പറഞ്ഞു. ‘അമേരിക്കന്‍ രാഷ്ട്രീയം എടുത്ത് പരിശോധിച്ചാല്‍ കുടുംബ വാഴ്ച കാണാം. യു.എസ് പ്രസിഡന്റായ ഒരാളുടെ മകനോ ഭാര്യയോ ഈ സ്ഥാനത്തേക്ക് എത്തിയ നിരവധി ഉദാഹരണങ്ങള്‍ ചൂണ്ടിക്കാട്ടാനാകും’-അഖിലേഷ് പറഞ്ഞു. രാഹുല്‍ ഗാന്ധി തന്റെ അടുത്ത സുഹൃത്താണെന്നും ഈ ബന്ധം സുദൃഢമായി തുടരുമെന്നും അദ്ദേഹം പറഞ്ഞു. നേരത്തെ കാലിഫോര്‍ണിയ സര്‍വകലാശാലയില്‍ നടന്ന സംവാദത്തിലാണ് രാഹുല്‍ കുടുംബ വാഴ്ചയെക്കുറിച്ച് പരാമര്‍ശിച്ചത്. രാഷ്ട്രീയത്തിലും ബിസിനസിലും സിനിമയിലുമെല്ലാം കുടുംബവാഴ്ച സാധാരണമാണെന്ന് അഖിലേഷ് (മുലായം സിങിന്റെ മകന്‍), സ്റ്റാലിന്‍ (കരുണാനിധിയുടെ മകന്‍), മുകേഷ് അംബാനി (ധീരുഭായ് അംബാനിയുടെ മകന്‍), അഭിഷേക് ബച്ചന്‍ (അമിതാഭ് ബച്ചന്‍) എന്നിവരെ പേരെടുത്ത് പറഞ്ഞ് രാഹുല്‍ സമര്‍ത്ഥിച്ചിരുന്നു.

യു.പി തെരഞ്ഞെടുപ്പ്: രാഹുല്‍-അഖിലേഷ് സംയുക്ത റാലി ഇന്ന്

chandrika — Sun, 29 Jan 2017 04:06:28 +0000

ലക്‌നോ: ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ പ്രചാരണങ്ങള്‍ക്കായി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയും ഉത്തര്‍പ്രദേശ് മുഖ്യമന്ത്രി അഖിലേഷ് യാദവും സംയുക്തമായി നടത്തുന്ന റാലി ഇന്ന്.

റാലിക്കു ശേഷം ഇരുവരും ലക്‌നോവില്‍ സംയുക്തമായി വാര്‍ത്താസമ്മേളനം നടത്തും. കോണ്‍ഗ്രസും സമാജ്‌വാദി പാര്‍ട്ടിയും സഖ്യത്തിലേര്‍പ്പെട്ടതിന് ശേഷം നേതാക്കള്‍ നടത്തുന്ന ആദ്യ വാര്‍ത്താസമ്മേളനമാണിതെന്ന പ്രത്യേകതയുണ്ട്. ഇരുപാര്‍ട്ടികളും തമ്മിലുള്ള സഖ്യം കീഴ്ഘടകങ്ങളിലേക്ക് എത്തിക്കുന്നതിനാണ് ഒന്നിച്ചുള്ള വാര്‍ത്താസമ്മേളനമെന്നാണ് കോണ്‍ഗ്രസ്-സമാജ്‌വാദി പാര്‍ട്ടിനേതൃത്വം വിശദീകരിക്കുന്നത്.