മാധ്യമസ്വാതന്ത്ര്യത്തെ ഇല്ലാതാക്കാനാണ് ശ്രമം നടന്നതെന്നും മാധ്യമപ്രവര്‍ത്തകര്‍ക്ക് നേരെ കരുതിക്കൂട്ടി ആക്രമണമുണ്ടാകുകയായിരുന്നുവെന്നും അല്‍ജസീറ പ്രസ്താവനയിലൂടെ ആരോപിച്ചു. അനസ് അല്‍ ഷെരീഫിനെതിരെ ആക്രമണം നടന്നുവെന്നും അദ്ദേഹം കൊല്ലപ്പെട്ടുവെന്നും ഇസ്രഈല്‍ ആര്‍മി സ്ഥിരീകരിച്ചിട്ടുണ്ട്. പ്രദേശത്ത് ഇസ്രാഈല്‍ നടത്തിയ ആക്രമണത്തില്‍ അഞ്ച് മാധ്യമപ്രവര്‍ത്തര്‍ ഉള്‍പ്പെടെ ഏഴ് പേര്‍ കൊല്ലപ്പെട്ടതായാണ് റിപ്പോര്‍ട്ട്. തങ്ങളുടെ അംഗീകൃത സ്റ്റാഫുകള്‍ തന്നെയാണ് ഗസ്സ മുനമ്പില്‍ അവര്‍ ജോലി ചെയ്യുന്നതിനിടെ കൊല്ലപ്പെട്ടതെന്ന് അല്‍ ജസീറ മാനേജിങ് എഡിറ്റര്‍ മുഹമ്മദ് മൊവാദ് അറിയിച്ചു.

21 മാസത്തിലേറെയായി, ഇസ്രായേലിന്റെ ബോംബാക്രമണവും അടിച്ചേൽപ്പിക്കപ്പെട്ട ഭക്ഷ്യക്ഷാമവും ഗസ്സയിലെ ഏകദേശം 20 ലക്ഷത്തോളം വരുന്ന ജനങ്ങളെ മാനുഷിക ദുരന്തത്തിന്റെ വക്കിലെത്തിച്ചിരിക്കുകയാണ്. ഈ തുടർച്ചയായ വംശഹത്യയെക്കുറിച്ച് ധീരമായി റിപ്പോർട്ട് ചെയ്തവരാണ് മാധ്യമപ്രവർത്തകർ. ഈ ക്രൂരതകളിലേക്ക് വെളിച്ചം വീശുന്നതിനായി തങ്ങളുടെ ജീവൻ പണയപ്പെടുത്തി, കുടുംബങ്ങളുടെ സുരക്ഷയും അപകടത്തിലാക്കി പ്രവർത്തിച്ചവർ ഇപ്പോൾ സ്വന്തം നിലനിൽപ്പിനായി പോരാടുകയാണ്.

തങ്ങളുടെ തുടരാനുള്ള ശേഷി ക്ഷയിച്ചുവരുന്നുവെന്നാണ് ജൂലൈ 19ന്, അൽ ജസീറ മാധ്യമപ്രവർത്തകർ സോഷ്യൽ മീഡിയയിൽ പോസ്റ്റ്ഹൃ ചെയ്ത സന്ദേശങ്ങൾ സൂചിപ്പിക്കുന്നത്. ​ഗസ്സയിലെ അൽ ജസീറ അറബിക് ചാനൽ ലേഖകനായ അനസ് അൽ ഷരീഫിന്റെ ഒരു പോസ്റ്റിൽ ഇങ്ങനെ പറയുന്നു “21 മാസത്തിനിടെ ഒരു നിമിഷം പോലും ഞാൻ വാർത്ത നൽകുന്നത് നിർത്തിയിട്ടില്ല, ഇന്ന് ഞാൻ അത് തുറന്നു പറയുന്നു… വിവരണാതീതമായ വേദനയോടെ. ഞാൻ വിശപ്പിൽ മുങ്ങുകയാണ്, ക്ഷീണത്താൽ വിറയ്ക്കുകയാണ്, ഓരോ നിമിഷവും എന്നെ പിന്തുടരുന്ന ബോധക്ഷയത്തെ ചെറുക്കുന്നു… ഗസ്സ മരിക്കുകയാണ്. ഞങ്ങളും അതിനൊപ്പം മരിക്കുന്നു”

“ഗസ്സയിലെ ധീരരായ പത്രപ്രവർത്തകർക്ക് അവരുടെ ശബ്ദം വർധിപ്പിക്കാനും ഇസ്രായേൽ അധിനിവേശ സേനയുടെ നിർബന്ധിത പട്ടിണിയും ലക്ഷ്യമിട്ടുള്ള കൊലപാതകങ്ങളും കാരണം അവർ അനുഭവിക്കുന്ന അസഹനീയമായ കഷ്ടപ്പാടുകൾ അവസാനിപ്പിക്കാനും ഞങ്ങൾ കടപ്പെട്ടിരിക്കുന്നു.”

“പത്രപ്രവർത്തക സമൂഹത്തിനും ലോകത്തിനും വലിയൊരു ഉത്തരവാദിത്തമുണ്ട്; ഈ മഹത്തായ തൊഴിലിൽ നമ്മുടെ സഹപ്രവർത്തകരെ പിന്തുണയ്ക്കുന്നതിന് നമ്മുടെ ശബ്ദമുയർത്തുകയും ലഭ്യമായ എല്ലാ മാർഗങ്ങളും സമാഹരിക്കുകയും ചെയ്യേണ്ടത് നമ്മുടെ കടമയാണ്. ഇപ്പോൾ നമ്മൾ നടപടിയെടുക്കുന്നില്ലെങ്കിൽ, നമ്മുടെ കഥകൾ പറയാൻ ആരും അവശേഷിക്കാത്ത ഒരു ഭാവിയിലേക്ക് നമ്മൾ നീങ്ങേണ്ടിവരും. നമ്മുടെ നിഷ്ക്രിയത്വം നമ്മുടെ സഹ പത്രപ്രവർത്തകരെ സംരക്ഷിക്കുന്നതിൽ വലിയ പരാജയമായും ഓരോ പത്രപ്രവർത്തകനും ഉയർത്തിപ്പിടിക്കാൻ ശ്രമിക്കുന്ന തത്വങ്ങളുടെ വഞ്ചനയായും ചരിത്രത്തിൽ രേഖപ്പെടുത്തപ്പെടും.”- ഗസ്സയിലെ മാധ്യമപ്രവർത്തകരുടെ ദുരവസ്ഥയെക്കുറിച്ച് അഭിപ്രായപ്പെട്ടുകൊണ്ട് അൽ ജസീറ മീഡിയ നെറ്റ്‌വർക്കിന്റെ ഡയറക്ടർ ജനറൽ ഡോ. മുസ്തഫ സൗഗ് പറഞ്ഞു.

2023 ഒക്ടോബർ മുതൽ, ഇസ്രായേൽ അധിനിവേശ സേന അഞ്ച് അൽ ജസീറ പത്രപ്രവർത്തകരെ വധിച്ചു. സമീർ അബുദഖ, ഹംസ അൽദഹ്ദൂഹ്, ഇസ്മാഈൽ അൽ-ഗൗൾ, അഹമ്മദ് അൽ-ലൗഹ്, ഹൊസം ഷബാത് എന്നിവരാണ് കൊല്ലപ്പെട്ടത്. അൽ ജസീറയുടെയും മറ്റ് പത്രപ്രവർത്തകരുടെയും കുടുംബാംഗങ്ങളെയും ഇസ്രായേൽ വധിച്ചിട്ടുണ്ട്. എന്നിട്ടും ഈ ധീരരായ പത്രപ്രവർത്തകരും അവരുടെ സഹപ്രവർത്തകരും, ഇസ്രായേൽ ഭരണകൂടം അവരെ നിശബ്ദരാക്കാൻ പ്രയോഗിക്കുന്ന ഭീഷണികൾക്കും സമ്മർദ തന്ത്രങ്ങൾക്കും വഴങ്ങാൻ വിസമ്മതിക്കുകയാണ്.

ഇത്തരം ഭീഷണികൾക്ക് വഴങ്ങുന്നത് ഗസ്സയിലെ സിവിലിയൻ ജനതയുടെമേൽ തുടർച്ചയായി നടക്കുന്ന വംശഹത്യ, നിർബന്ധിത പട്ടിണി, മനുഷ്യരാശിക്കെതിരായ കുറ്റകൃത്യങ്ങൾ എന്നിവയുടെ വാർത്താകൾ ഏതാണ്ട് പൂർണമായും നിർത്തലാക്കാൻ കാരണമാകും.

സത്യത്തിന്റെ വാഹകരായ മാധ്യമപ്രവർത്തകരെ പോലും വെറുതെ വിടാത്ത ഈ നിർബന്ധിത പട്ടിണി അവസാനിപ്പിക്കാൻ ബന്ധപ്പെട്ട അന്താരാഷ്ട്ര സംഘടനകൾ അടിയന്തര നടപടി സ്വീകരിക്കണമെന്ന് അൽ ജസീറ മീഡിയ നെറ്റ്‌വർക്ക് ആവശ്യപ്പെട്ടു.

ഇസ്രാഈല്‍ ഹമാസുമായി വെടിനിര്‍ത്തല്‍ കരാറില്‍ ഒപ്പുവെച്ചതിന് പിന്നാലെ ബെന്‍ഗ്വിര്‍ മന്ത്രിസഭയില്‍ നിന്ന് രാജിവെച്ചിരുന്നു. വെടിനിര്‍ത്തല്‍ പിന്‍വലിച്ച് ഇസ്രാഈല്‍ ഗസ്സയില്‍ ആക്രമണം പുനരാരംഭിച്ചതിന് പിന്നാലെയാണ് ബെന്‍ഗ്വിര്‍ വീണ്ടും മന്ത്രിസഭയില്‍ ചേര്‍ന്നത്.

ഗസ്സയില്‍ ഇസ്രാഈല്‍ നടത്തുന്ന വംശഹത്യ ലോകത്തിന് മുന്നില്‍ തുറന്നുകാട്ടുന്നത് ഖത്തര്‍ ആസ്ഥാനമായി പ്രവര്‍ത്തിക്കുന്ന അല്‍ ജസീറ ചാനല്‍ ആണ്. ഗസ്സയിലെ അതിക്രമങ്ങള്‍ ലോകത്തിന് മുന്നിലെത്തിക്കുന്നതില്‍ അല്‍ ജസീറ നിര്‍ണായക പങ്കുവഹിക്കുന്നു എന്നതാണ് ബെന്‍ഗ്വിറിനെ പ്രകോപിപ്പിച്ചത്.

ദേശീയ സുരക്ഷക്ക് അപകടകാരമാണെന്ന് പ്രതിരോധ മന്ത്രാലയത്തിന് തോന്നുന്ന മാധ്യമ സ്ഥാപനങ്ങളെ താല്‍ക്കാലികമായി നിരോധിക്കുന്നതിന് അനുവാദം നല്‍കുന്ന ബില്ലിന് ഇസ്രാഈലി പാര്‍ലമെന്റായ നെസറ്റില്‍ നാലിനെതിരെ 25 വോട്ടുകള്‍ക്ക് പാസാക്കി.
അല്‍ജസീറയെ പ്രത്യേകം ലക്ഷ്യമിട്ട് അവതരിപ്പിച്ച നിയമം എന്നതിനാല്‍ ‘അല്‍ ജസീറ നിയമം’ എന്നാണ് ഇതിനെ പ്രദേശികമായി വിളിക്കുന്നത്.

അല്‍ ജസീറയുടെ റിപ്പോര്‍ട്ടര്‍ മുഹമ്മദ് വഷാഹ് തീവ്രവാദിയാണെന്ന് ഇസ്രാഈലി സൈനിക വക്താവ് ആരോപിച്ചതിന് പിന്നാലെയാണ് നടപടി. രാവിലെ അയാള്‍ അല്‍ ജസീറ ചാനലിലെ മാധ്യമപ്രവര്‍ത്തകനാണ്. വൈകുന്നേരം ഹമാസിലെ തീവ്രവാദിയും! വഷാഹ് ആയുധം ഉപയോഗിക്കുന്നതായി കാണിക്കുന്ന ഫോട്ടോ പങ്കുവെച്ചുകൊണ്ട് ലെഫ്റ്റനന്റ് കേണല്‍ അവിച്ചേ അഡ്രെ എക്സില്‍ പോസ്റ്റ് ചെയ്തു.

ഒക്ടോബര്‍ ഏഴിലെ ഹമാസിന്റെ പ്രത്യാക്രമണത്തിന് മറുപടിയായി ഇസ്രഈല്‍ പ്രധാനമന്ത്രി ബെഞ്ചമിന്‍ നെതന്യാഹു യുദ്ധം പ്രഖ്യാപിച്ചതിന് പിന്നാലെയാണ് കമ്മ്യൂണിക്കേഷന്‍സ് മന്ത്രി ശ്ലോമോ കാര്‍ഹി ‘അല്‍ ജസീറ നിയമത്തിന്റെ’ കരട് രൂപപ്പെടുത്തിയത്.

നേരത്തെ യു.എസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍ ഗസ യുദ്ധത്തിന്റെ റിപ്പോര്‍ട്ടിങ്ങിന്റെ തോത് അല്‍ ജസീറ നെറ്റ്വര്‍ക്ക് കുറയ്ക്കണമെന്ന് ഖത്തര്‍ സര്‍ക്കാരിനോട് ആവശ്യപ്പെട്ടിരുന്നു. ഖത്തര്‍ സര്‍ക്കാരിന്റെ ഫണ്ടിങ് ലഭിക്കുന്ന സ്വതന്ത്ര വാര്‍ത്താ നെറ്റ്വര്‍ക്കാണ് അല്‍ ജസീറ. കഴിഞ്ഞ ദിവസം രണ്ട് അല്‍ ജസീറ ജീവനക്കാര്‍ക്ക് ഇസ്രഈലി വ്യോമാക്രമണത്തില്‍ സാരമായി പരിക്കേറ്റിരുന്നു.

വാഷിങ്ടണ്‍: അമേരിക്കന്‍ മുസ്്‌ലിംകളെയും ഇസ്്‌ലാമിക സംഘടനകളെയും തീവ്രവാദികളായി ചിത്രീകരിച്ച് മുന്‍ എഫ്.ബി.ഐ ഏജന്റ് ജോണ്‍ ഗ്വാന്‍ഡോലോ പൊലീസുകാര്‍ക്ക് ഭീകരവിരുദ്ധ പരിശീലനം നല്‍കുന്ന ദൃശ്യം അല്‍ജസീറ പുറത്തുവിട്ടു.
ഗ്വാന്‍ഡോലോയുടെ രഹസ്യ പരിശീലന പരിപാടി അല്‍ജസീറ ചാനല്‍ വളരെ പരസ്യമായാണ് പകര്‍ത്തിയത്. അമേരിക്കന്‍ സര്‍വകലാശാലകളിലെ മുസ്്‌ലിം വിദ്യാര്‍ത്ഥികള്‍ മുഴുവന്‍ തീവ്രവാദികളാണെന്ന് അദ്ദേഹം പൊലീസുദ്യോഗസ്ഥരോട് പറയുന്നുണ്ട്. കൗണ്‍സില്‍ ഫോര്‍ അമേരിക്കന്‍ ഇസ്്‌ലാമിക് റിലേഷന്‍സിനെയും ഭീകരസംഘടനയായാണ് അദ്ദേഹം പരിചയപ്പെടുത്തുന്നത്. മുസ്്‌ലിം ബ്രദര്‍ഹുഡിന്റെ മറ്റൊരു പകര്‍പ്പാണ് കൗണ്‍സിലെന്ന് ഗ്വാന്‍ഡോലോ അഭിപ്രായപ്പെടുന്നു.

My own opinion piece for @jdforward addresses the controversy over Al Jazeera Investigative Unit’s undercover series on America’s pro-Israel lobby https://t.co/X8d2eZZdLk

— Clayton Swisher (@claytonswisher) March 9, 2018

പാശ്ചാത്യ ഭരണകൂടങ്ങളുടെ നിലപാടിനെ സ്വാധീനിക്കാന്‍ ഇസ്രാഈല്‍ നടത്തുന്ന ലോബിയിങ്ങിനെ തുറന്നു കാട്ടുന്ന ഡോക്യുമെന്ററിയുടെ ആദ്യ ഭാഗം കഴിഞ്ഞ വര്‍ഷം സംപ്രേഷണം ചെയ്തിരുന്നു. ഇതിനെതിരെ അമേരിക്കയിലെ വിവിധ രാഷ്ട്രീയക്കാര്‍ പരസ്യമായി രംഗത്തു വരികയും ചെയ്തു. ഖത്തറും സൗദിയടക്കമുള്ള രാജ്യങ്ങലും തമ്മിലുള്ള സംഘര്‍ഷത്തിന്റെ പശ്ചാത്തലത്തില്‍ അല്‍ ജസീറ ഈ ഡോക്യുമെന്ററി ‘മുക്കുന്നതിനു’ പിന്നില്‍ ദുരൂഹതയുണ്ടെന്നും സ്വന്തം നിലപാട് ലോകത്തെ അറിയിക്കാനുള്ള അവസരമാണ് ഖത്തര്‍ നഷ്ടപ്പെടുത്തുന്നതെന്നും സ്വിഷര്‍ പറയുന്നു. ഖത്തറിനെതിരായ ഉപരോധം പിന്‍വലിക്കുന്നതിനായി സൗദിയും മറ്റു രാജ്യങ്ങളും മുന്നോട്ടു വെച്ച ഉപാധികളിലൊന്ന് അല്‍ജസീറ അടച്ചു പൂട്ടുക എന്നതായിരുന്നു.

അമേരിക്കന്‍ ഇസ്രാഈല്‍ പബ്ലിക് അഫയേഴ്‌സ് കമ്മിറ്റി (ഐപാക്) അടക്കമുള്ള ലാഭരഹിത സംഘടനകളില്‍ അണ്ടര്‍ കവര്‍ അന്വേഷണം നടത്തിയാണ് ഡോക്യുമെന്ററി തയ്യാറാക്കിയത് എന്നാണ് കരുതുന്നത്. ഇതിന് ചാനലിനെതിരെ നടപടിയെടുക്കണമെന്ന് ചില യു.എസ് കോണ്‍ഗ്രസ് അംഗങ്ങള്‍ അറ്റോര്‍ണി ജനറലിനോട് ആവശ്യപ്പെട്ടിട്ടുണ്ട്.

അല്‍ജസീറ മീഡിയ നെറ്റ്വര്‍ക്കിന്റെ വിശ്വാസ്യത തകര്‍ക്കാന്‍ ചില വ്യക്തികളും ഗ്രൂപ്പുകളും തുടര്‍ച്ചയായി ശ്രമങ്ങള്‍ നടത്തുന്നതായി അല്‍ജസീറ പ്രസ്താവനയില്‍ ചൂണ്ടിക്കാട്ടി. @അഹഷമ്വലലൃമശൃമി എന്ന വ്യാജ ട്വിറ്റര്‍ അക്കൗണ്ട് ഉപയോഗിച്ചാണ് ഇറാന്‍ പ്രക്ഷോഭത്തെക്കുറിച്ചുള്ള തെറ്റായ വാര്‍ത്തകളും തെറ്റിദ്ധരിപ്പിക്കുന്ന റിപ്പോര്‍ട്ടുകളും പ്രചരിപ്പിക്കുന്നത്. ഇത്തരം പ്രവര്‍ത്തനങ്ങളെ ശക്തമായി അപലപിക്കുന്നതായി അല്‍ജസീറ അറിയിച്ചു. വ്യാജ അക്കൗണ്ടിനെതിരെ നടപടിയെടുക്കണമെന്ന് ട്വിറ്ററിനോടും ആവശ്യപ്പെട്ടിട്ടുണ്ട്. വ്യാജവും തെറ്റിദ്ധരിപ്പിക്കപ്പെടുന്നതുമായ അക്കൗണ്ടുകളുടെ കാര്യത്തില്‍ ജാഗ്രത പാലിക്കണമെന്ന് ട്വിറ്റര്‍ ഫോളോവേഴ്‌സിനോട് അല്‍ജസീറ ആവശ്യപ്പെട്ടു. എല്ലാ പ്ലാറ്റ്‌ഫോമുകളിലൂടെയും പക്ഷഭേദമില്ലാത്തതും തുല്യവുമായ വാര്‍ത്തകളായിരിക്കും സംപ്രേഷണം ചെയ്യുകയും പ്രസിദ്ധീകരിക്കുകയും ചെയ്യുകയെന്നും അല്‍ജസീറ പ്രസ്താവനയില്‍ അറിയിച്ചു.