കോഴിക്കോട്ടെ യുഡിഎഫ് സ്ഥാനാര്‍ഥി എംകെ രാഘവന്റെ കുന്ദമംഗലം നിയോജകമണ്ഡലത്തില്‍ നടന്ന തെരഞ്ഞെടുപ്പ് കണ്‍വെന്‍ഷനില്‍ രമ്യ പറഞ്ഞ വാക്കുകളാണ് പ്രവര്‍ത്തകര്‍ക്ക് ആവേശമായിരിക്കുന്നത്. നിങ്ങളുടെ ദൗത്യം രാഘവേട്ടനെ ജയിപ്പിക്കുക എന്നതാണ് അതുകൊണ്ട് തന്നെ ഇവിടെനിന്നും ആരും ആലത്തൂരേക്കു വന്നുപോകരുത്, രമ്യ ഹരിദാസ് ഇത് പറയുമ്പോള്‍ നിലയ്ക്കാത്ത കൈയടിയായിരുന്നു മറുപടി.
ആലത്തൂരില്‍ നിന്ന് എം.പിയാകാന്‍ നിങ്ങളുടെ പ്രാര്‍ത്ഥന മാത്രംമതി, കുന്ദമംഗലത്തുകാര്‍ക്ക് ആവേശമായി രമ്യ പറഞ്ഞു.

കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് കൂടിയായ രമ്യയുടെ വാക്കുകള്‍ വികാര നിര്‍ഭരമായിരുന്നു.

‘നിങ്ങളുടെ കൂടെ പോസ്റ്ററൊട്ടിച്ചും നിങ്ങളുടെ കൂടുംബയോഗത്തില്‍ സംസാരിച്ചും പ്രവര്‍ത്തിച്ചുമാണ് ഞാന്‍ ഇതുവരെ നിന്നത്. ആ അനുഭവങ്ങളാണ് എന്റെ കരുത്ത്. അതുമായാണ് ഞാന്‍ ആലത്തൂരിലേക്ക് പോകുന്നത്.’ രമ്യ ഹരിദാസ് പറഞ്ഞു.
‘എന്നെ കാണാനായി ആരും ആലത്തൂരിലേക്ക് വരേണ്ട. ഒരു ഫോണ്‍ കോള്‍ മതി, വിളിപ്പാടകലെ ഞാന്‍ ഉണ്ടാകും’- കണ്‍വന്‍ഷനില്‍ രമ്യ ഉറപ്പുകൊടുത്തു.

ബെന്നി ബെഹനാന്‍

ചാലക്കുടിയില്‍ കോണ്‍ഗ്രസ് സ്ഥാനാര്‍ത്ഥിയായി തിരഞ്ഞെടുക്കപ്പെട്ടതില്‍ അതിയായ സന്തോഷമുണ്ടെന്ന് ബെന്നി ബെഹനാന്‍. വലിയ കോണ്‍ഗ്രസ് പാരമ്പര്യമുള്ള മണ്ഡലമാണ് ചാലക്കുടി. കോണ്‍ഗ്രസിന്റെ ശക്തി കേന്ദ്രമായ ചാലക്കുടിയില്‍ മത്സരിക്കാന്‍ സാധിക്കുന്നതില്‍ വലിയ അഭിമാനമുണ്ടെന്നും ബെന്നി ബെഹനാന്‍ പറഞ്ഞു.

രമ്യ ഹരിദാസ്

യുവജനങ്ങള്‍ക്കും ജനപ്രതിനിധിയെന്ന നിലയിലും കിട്ടിയ അംഗീകാരമാണ് ഈ സ്ഥാനാര്‍ഥി നിര്‍ണയമെന്ന് ആലത്തൂര്‍ മണ്ഡലം കോണ്‍ഗ്രസ് സ്ഥാനാര്‍ഥിയായി പ്രഖ്യാപിച്ച രമ്യ ഹരിദാസ്. ജനങ്ങള്‍ വലിയ പ്രതീക്ഷയോടെയാണ് ഈ തെരഞ്ഞെടുപ്പിനെ നോക്കിക്കാണുന്നത്. യൂത്ത് കോണ്‍ഗ്രസിലൂടെ പ്രവര്‍ത്തിച്ച് കുന്ദമംഗലത്തെ മുഖമായി പ്രവര്‍ത്തിച്ചു. അതേപോലെ ആലത്തൂരും തുടരും. ആലത്തൂരിന്റെ വികസന പ്രശ്‌നങ്ങള്‍ പഠിച്ച് വേണ്ട പരിഹാരങ്ങള്‍ നടത്തും.