ഭാര്യ ഷീലയ്ക്കും മകന്‍ ആകാശിനും കോവിഡ് നെഗറ്റീവാണെന്നും കണ്ണന്താനം ഫെയ്‌സ്ബുക്കിലൂടെ അറിയിച്ചു. പേടിക്കാനൊന്നുമില്ലെന്നും പ്രാര്‍ത്ഥിക്കണമെന്നും കണ്ണന്താനം പറഞ്ഞു.

അമ്മ മരിച്ചത് കോവിഡ് ബാധിച്ചാണെന്ന് കഴിഞ്ഞദിവസമാണ് വീഡിയോയിലൂടെ കണ്ണന്താനം വ്യക്തമാക്കിയിരുന്നത്. ഇതിനു പിന്നാലെയാണ് ജോമോന്‍ ആരോപണവുമായി രംഗത്തെത്തിയത്.

കണ്ണന്താനത്തോടൊപ്പം ഡല്‍ഹിയില്‍ താമസിച്ചിരുന്ന അമ്മ ബ്രിജിത് ജൂണ്‍ 10നാണ് അന്തരിച്ചത്. ന്യൂമോണിയെ തുടര്‍ന്ന് മേയ് 29 നാണ് എയിംസില്‍ പ്രവേശിപ്പിച്ചത്. ജൂണ്‍ അഞ്ചിനും പത്തിനും നടത്തിയ പരിശോധനകളില്‍ കോവിഡ് നെഗറ്റീവായിരുന്നു. ഇതിന്റെ സര്‍ട്ടിഫിക്കറ്റും കണ്ണന്താനം ഫേസ്ബുക്കില്‍ പങ്കുവച്ചിട്ടുണ്ട്.

ഡല്‍ഹിയില്‍ നിന്നും അമ്മയുടെ മൃതദേഹം വിമാനത്തില്‍ നാട്ടിലെത്തിച്ച് മണിമലയില്‍ പൊതുദര്‍ശനത്തിനുവച്ച ശേഷമാണ് സംസ്‌കാരിച്ചത്. ഈ സമയത്തെല്ലാം അമ്മ മരിച്ചത് കോവിഡ് ബാധിച്ചാണെന്ന കാര്യം കണ്ണന്താനം മറച്ചുവച്ചെന്നാണ് ജോമോന്‍ ആരോപിക്കുന്നത്.

ജോമോന്റെ കുറിപ്പിന്റെ പൂര്‍ണരൂപം:

” ബിജെപി നേതാവും മുന്‍ കേന്ദ്രമന്ത്രിയും എംപിയുയുമായ അല്‍ഫോന്‍സ് കണ്ണന്താനത്തിന്റെ അമ്മ കോവിഡ്-19 ബാധിച്ചാണ് മരിച്ചതെന്ന വിവരം വീഡിയോയിലൂടെ കണ്ണന്താനം തന്നെ ഇപ്പോള്‍ വെളിപ്പെടുത്തിയത് ഞെട്ടിപ്പിക്കുന്നതാണ്. 2020 ജൂണ്‍ 10 ന് ഡല്‍ഹിയിലെ ആശുപത്രിയിലാണ് കണ്ണന്താനത്തിന്റെ അമ്മ മരിച്ചത്.

അതിന് തൊട്ട്മുന്‍പ് കുറേ നാളുകളായി കണ്ണന്താനത്തോടൊപ്പം ഡല്‍ഹിയിലെ ഔദ്യോഗിക വസതിയിലാണ് അമ്മ താമസിച്ചിരുന്നത്. അന്ന് മരണവിവരം അറിയിച്ചുകൊണ്ടുള്ള വാര്‍ത്ത, ചാനലുകളിലും പത്രത്തിലും ഔദ്യോഗികമായി അറിയിച്ചപ്പോള്‍ കോവിഡ് ബാധിച്ചാണ് അമ്മ മരിച്ചതെന്ന് ഒരിടത്തുപോലും പറഞ്ഞിട്ടേയില്ലായിരുന്നു.

2020 ജൂണ്‍ 14 ന് ഞായറാഴ്ചയാണ് കണ്ണന്താനത്തിന്റെ സ്വദേശമായ കോട്ടയം ജില്ലയിലെ മണിമലയില്‍ വീട്ടിലും പള്ളിയിലും മൃതദേഹം പൊതുദര്‍ശനത്തിന് വച്ചശേഷമാണ് സംസ്‌കാരം നടത്തിയത്. അന്ന് സംസ്‌കാര ചടങ്ങില്‍ തിരുവനന്തപുരത്തുനിന്ന് ഞാന്‍ മണിമലയില്‍ പോയി പങ്കെടുത്തിരുന്നു. അന്നേ കണ്ണന്താനത്തിന്റെ അമ്മ കോവിഡ് ബാധിച്ചാണ് മരിച്ചതെന്ന രഹസ്യ സംസാരമുണ്ടായിരുന്നു.

ആര്‍.എസ്.എസ് സമ്മര്‍ദഫലമായാണ് കേന്ദ്രത്തിന്റെ തീരുമാനം. സംസ്ഥാനത്ത് എന്‍.എച്ച് വികസനത്തിന് പാരവെക്കാന്‍ മലയാളിയായ കേന്ദ്രമന്ത്രി കൂട്ടുനില്‍ക്കുകയാണെന്നും മുഖ്യമന്ത്രി വിമര്‍ശിച്ചു

കീഴാറ്റൂരില്‍ ബദല്‍ പാതയുടെ സാധ്യതാ പഠനത്തിന് കേന്ദ്രം സമിതിയെ നിയോഗിച്ചതിനെ രൂക്ഷമായി വിമര്‍ശിച്ച് മുഖ്യമന്ത്രി പിണറായി വിജയന്‍. കേന്ദ്ര നടപടി ഫെഡറല്‍ തത്വങ്ങള്‍ക്ക് വിരുദ്ധമാണ്. ആര്‍.എസ്.എസ് സമ്മര്‍ദഫലമായാണ് കേന്ദ്രത്തിന്റെ തീരുമാനം. സംസ്ഥാനത്ത് എന്‍.എച്ച് വികസനത്തിന് പാരവെക്കാന്‍ മലയാളിയായ കേന്ദ്രമന്ത്രി കൂട്ടുനില്‍ക്കുകയാണെന്നും മുഖ്യമന്ത്രി വിമര്‍ശിച്ചു. നേരത്തേ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനും കേന്ദ്രനടപടിയെ വിമര്‍ശിച്ചിരുന്നു.

കീഴാറ്റൂരില്‍ ബദല്‍ പാതക്ക് പഠനം നടത്താന്‍ വിദഗ്ധ സമിതിയെ നിയോഗിക്കാമെന്ന് കേന്ദ്ര ഗതാഗതമന്ത്രി അറിയിച്ചതായി അല്‍ഫോണ്‍സ് കണ്ണന്താനമാണ് പറഞ്ഞത്. വിദഗ്ധ സമിതിയെ നിയോഗിക്കാനുള്ള തീരുമാനത്തില്‍ തൃപ്തിയുണ്ടെന്ന് സമരക്കാരും പറഞ്ഞു.

അലൈന്‍മെന്റ് മാറുമെന്നാണ് പ്രതീക്ഷയെന്ന് വയല്‍കിളികള്‍ അറിയിച്ചു. തുരുത്തിയിലെ അലൈന്‍മെന്റ് വിഷയവും സമിതി പഠിക്കും.

വയല്‍ക്കിളി സമരസമിതി പ്രതിനിധികള്‍, അല്‍ഫോണ്‍സ് കണ്ണന്താനം, ബിജെപി നേതാക്കള്‍, നാഷണല്‍ ഹൈവേ അതോററ്റി ഉദ്യോഗസ്ഥര്‍ എന്നിവര്‍ യോഗത്തില്‍ പങ്കെടുത്തു. എന്നാല്‍ സംസ്ഥാന സര്‍ക്കാര്‍ പ്രതിനിധികളാരെയും യോഗത്തിലേക്ക് ക്ഷണിച്ചിരുന്നില്ല.

കുമ്പസാരം നിര്‍ത്തലാക്കണമെന്ന് ആവശ്യപ്പെട്ടു കൊണ്ട് ദേശീയ വനിതാ കമ്മീഷന്‍ അധ്യക്ഷ രേഖ ശര്‍മ്മ കേന്ദ്ര സര്‍ക്കാരിന് ശിപാര്‍ശ നല്‍കിയിരുന്നു. കുമ്പസാരത്തിലൂടെ സ്ത്രീകള്‍ ബ്ലാക്‌മെയിലിങ്ങിന് ഇരയാകുന്നുണ്ടെന്ന് കമ്മീഷന്‍ പറഞ്ഞിരുന്നു. സ്ത്രീകള്‍ ലൈംഗിക ചൂഷണത്തിന് ഇരയാകുമ്പോള്‍ പുരുഷന്മാരില്‍ നിന്ന് പണം തട്ടാനും വഴിയൊരുക്കുന്നതിനാലാണ് കുമ്പസാരം നിരോധിക്കാന്‍ ശിപാര്‍ശ ചെയ്തതെന്നും രേഖാ ശര്‍മ്മ വ്യക്തമാക്കിയിരുന്നു.

ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെതിരേ കന്യാസ്ത്രീയും ഓര്‍ത്തഡോക്‌സ് വൈദികര്‍ക്കെതിരെ ഒരു വനിതയും ഉന്നയിച്ച പീഡന പരാതികള്‍ കേന്ദ്ര ഏജന്‍സി അന്വേഷിക്കണമെന്നും പ്രധാനമന്ത്രി നരേന്ദ്രമോദിക്കും കേന്ദ്ര ആഭ്യന്തര മന്ത്രി രാജ്‌നാഥ് സിങ്ങിനും നല്‍കിയ റിപ്പോര്‍ട്ടില്‍ കമ്മീഷന്‍ ആവശ്യപ്പെട്ടിരുന്നു.

നേരത്തെ കുമ്പസാരം നിരോധിക്കണമെന്ന വനിതാ കമ്മീഷന്‍ നിലപാടിനെതിരെ ന്യൂനപക്ഷ കമ്മീഷനും വനിതാ കമ്മീഷനെതിരെ രംഗത്തെത്തിയിരുന്നു. ഫെമിനിസ്റ്റ് ആശയം അതിരു കടക്കുകയാണെന്നായിരുന്നു ദേശീയ ന്യൂനപക്ഷ കമ്മീഷന്‍ വൈസ് ചെയര്‍മാന്‍ ജോര്‍ജ് കുര്യന്‍ പ്രതികരിച്ചത്.

ബിജെപിയെക്കുറിച്ചുള്ള കാഴ്ചപ്പാടില്‍ ക്രിസ്തീയ സമൂഹം അടിസ്ഥാനപരമായ മാറ്റം വരുത്തണമെന്ന് കേന്ദ്ര ടൂറിസം സഹമന്ത്രി അല്‍ഫോണ്‍സ് കണ്ണന്താനം. ജനോപകാരപ്രദമായ പദ്ധതികള്‍ നടപ്പാക്കിയിട്ടും കേന്ദ്രസര്‍ക്കാരിനെ കുറിച്ച് ബോധപൂര്‍വം തെറ്റിദ്ധരിപ്പിക്കുന്ന വാര്‍ത്തകളാണ് പുറത്തു വരുന്നത്. നിസ്സാര കാര്യങ്ങള്‍ക്കു പോലും പ്രധാനമന്ത്രിയെ കുറ്റം പറയുന്ന പ്രവണതയാണ് മാധ്യമങ്ങളും പ്രതിപക്ഷ പാര്‍ട്ടികളും സ്വീകരിക്കുന്നത്.

മൂന്ന് വര്‍ഷം നീണ്ട ഭരണത്തില്‍ കേന്ദ്രസര്‍ക്കാരിനെതിരെ ഒരു അഴിമതി ആരോപണം പോലും ഉന്നയിക്കപ്പെട്ടിട്ടില്ല. അല്‍ഫോന്‍സ് കണ്ണന്താനം പറഞ്ഞു. കേരള റീജിയന്‍ ലാറ്റിന്‍ കാത്തലിക് കൗണ്‍സിലിന്റെ 31ാമത് ജനറല്‍ അസംബ്ലി ഉദ്ഘാടനം ചെയ്യുകയായിരുന്നു മന്ത്രി.

തിരുവനന്തപുരം: ഇനി തന്റെ വിഷയങ്ങളിലല്ലാതെ മറ്റൊരു കാര്യത്തിലും അഭിപ്രായം പറയില്ലെന്ന് കേന്ദ്ര ടൂറിസം മന്ത്രി അല്‍ഫോണ്‍സ് കണ്ണന്താനം. താന്‍ എന്ത് പറഞ്ഞാലും സമൂഹമാധ്യമങ്ങളില്‍ അതിനെ വളച്ചൊടിച്ച് പരിഹസിക്കുകയാണെന്നും അദ്ദേഹം പറഞ്ഞു. മനോരമ ചാനലില്‍ ന്യൂസ്‌മേക്കര്‍ സംവാദത്തിലായിരുന്നു കണ്ണന്താനത്തിന്റെ പ്രതികരണം. ബീഫ് നിരോധനം, പെട്രോള്‍ വില തുടങ്ങി പല വിഷയത്തിലും തന്റെ പ്രസ്താവന വളച്ചൊടിച്ചു കണ്ണന്താനം പറഞ്ഞു. തമാശപോലും പറയാന്‍ പറ്റാത്ത അവസ്ഥയാണിപ്പോള്‍.

‘എന്റെ വിഷയത്തിലല്ലാതെ ഇനി മറ്റൊരു കാര്യത്തിലും ഞാന്‍ അഭിപ്രായം പറയില്ല. ഇന്നത്തെ കാലാവസ്ഥയെന്താണ് എന്ന് ചോദിച്ചാല്‍ ഞാന്‍ പറയും ടൂറിസം നല്ലതാണെന്ന്. അതല്ലാതെ മറ്റൊരു കാര്യത്തിലും വാ തുറക്കില്ല. മാധ്യമങ്ങള്‍ പലതും വിവാദമാക്കി. തമാശപോലും പറയാന്‍ പറ്റാത്ത അവസ്ഥയാണ്’. കേന്ദ്രമന്ത്രി പറഞ്ഞു.

കണ്ണന്താനത്തിന്റെ പ്രവര്‍ത്തിയില്‍ അതൃപ്തിപൂണ്ട നേതാക്കള്‍ ഗ്രൂപ്പ് വ്യത്യാസമില്ലാതെയാണ് കേന്ദ്രമന്ത്രിക്കെതിരെ ആഞ്ഞടിച്ചത്. കണ്ണന്താനം കേരളത്തില്‍ പാര്‍ട്ടിക്ക് ഗുണത്തേക്കാളേറെ ദോഷമാണെന്ന് ചെയ്തതെന്നും പിണറായി വിജയനെ തന്റെ ഗുരുവായാണ് അദ്ദേഹം കാണുന്നത്, ഗുരുഭക്തി മൂത്ത് മുഖ്യമന്ത്രിയെ വല്ലാതെ പുകഴ്ത്തുന്നത് പാര്‍ട്ടിക്ക് ക്ഷീണമാണ് ഉണ്ടാക്കുന്നതെന്നും ബി.ജെ.പി സംസ്ഥാന വൈസ് പ്രസിഡന്റ് പി.പി. വാവ പറഞ്ഞു.

അതേസമയം മറ്റൊരു സംസ്ഥാന വൈസ് പ്രസിഡന്റായ എന്‍.ശിവരാജന്‍ കുറേക്കൂടി തീവ്രമായി കണ്ണന്താനത്തെ പരിഹസിച്ചു. കേന്ദ്രമന്ത്രി നല്ല കഴിവുള്ളയാളാണ്. പക്ഷേ, രാഷ്ട്രീയം അറിയില്ല. അദ്ദേഹത്തിന്റെ കഴിവുകള്‍ ഡല്‍ഹിയില്‍ പാര്‍ട്ടിക്ക് ഗുണമായിരിക്കും. അദ്ദേഹത്തോട് കേരളത്തിലേക്ക് വരരുതെന്ന് പറയണം. അഥവാ വന്നാല്‍തന്നെ പത്രക്കാരോട് വാ തുറക്കരുതെന്നും. പാലക്കാട്ട് എത്തിയ കണ്ണന്താനം എം.ബി. രാജേഷ് എം.പി.യെ പുകഴ്ത്തിയ കാര്യവും ശിവരാജന്‍ തമാശയായി അവതരിപ്പിച്ചു. ലോകമണ്ടത്തരങ്ങളാണ് കണ്ണന്താനം വിളിച്ചുപറയുന്നതെന്നും വിമര്‍ശമുണ്ടായി.

കേന്ദ്രനേതാക്കളായ നളിന്‍കുമാര്‍കട്ടീല്‍, എച്ച്. രാജ എന്നിവരുടെ സാന്നിധ്യത്തിലായിരുന്നു കണ്ണന്താനത്തിനെതിരെ പാര്‍ട്ടി സംസ്ഥാന നേതാക്കള്‍ ആഞ്ഞടിച്ചത്. സംസ്ഥാനനേതാക്കളില്‍ ഒരാള്‍പോലും കണ്ണന്താനത്തിന് അനുകൂലമായി ഒരക്ഷരംപോലും മിണ്ടിയില്ല എന്നതും ശ്രദ്ധേയമാണ്. സംസ്ഥാന നേതാക്കള്‍ വീണ്ടും വിമര്‍ശനത്തിനായി തുനിഞ്ഞപ്പോള്‍, ഒരേ കാര്യങ്ങള്‍ ഒന്നിലധികംപേര്‍ പറയേണ്ട എന്ന് വിലക്കുക മാത്രമേ കേന്ദ്രനേതാക്കള്‍ ചെയ്തുള്ളൂ.

മറ്റൊരു പണിയും ഇല്ലാത്തവരാണ് ട്രോളുകള്‍ക്ക് പിന്നിലെന്നും ആരിതൊക്കെ ശ്രദ്ധിക്കുന്നുവെന്നും അദ്ദേഹം പറഞ്ഞു. ആളുകള്‍ പരിഹസിക്കട്ടെ. തനിക്കിതൊക്കെ തമാശയാണ്. ചിരിക്കേണ്ടവര്‍ ചിരിക്കട്ടെ. സാമൂഹ്യമാധ്യമങ്ങളില്‍ രാവിലെ മുതല്‍ തുടങ്ങുകയാണ് ചിലര്‍. എല്ലാവരും അത്തരക്കാരാണെന്നല്ല പറയുന്നതെന്നും അല്‍ഫോന്‍സ് കണ്ണന്താനം പറഞ്ഞു. തുടര്‍ന്ന് മലയാളികള്‍ക്കുനേരെ രൂക്ഷ വിമര്‍ശനമാണ് കണ്ണന്താനം നടത്തിയത്. എല്ലാവരും പങ്കുവെച്ചു ജീവിക്കുക എന്നതാണ് മോദിയുടെ ആശയം. ഇത് രാജ്യവ്യാപകമായി ആളുകള്‍ ഏറ്റെടുത്തിട്ടുണ്ട്. എന്നാല്‍ ഞാനും എന്റെ പിള്ളേരും എന്നതാണ് മലയാളികളുടെ ചിന്ത. അതിനപ്പുറം ഒരു ലോകം അവര്‍ക്കില്ല. കാശുള്ളവര്‍ പാവപ്പെട്ടവരെക്കുറിച്ച് കൂടി ചിന്തിക്കണമെന്നും കണ്ണന്താനം പറഞ്ഞു. 67ശതമാനം പേര്‍ക്ക് കക്കൂസ് ഇല്ല എന്ന് പറയുന്നത് നാണക്കേടാണെന്നും പറഞ്ഞ കണ്ണന്താനം വേങ്ങരയിലെ യു.ഡി.എഫ് വിജയത്തില്‍ സന്തോഷമുണ്ടെന്നും പറഞ്ഞു.

നേരത്തെ, കേന്ദ്രമന്ത്രിയായി സ്ഥാനമേറ്റ വേളയില്‍ അല്‍ഫോന്‍സ് കണ്ണന്താനത്തിന്റെ ഭാര്യ നടത്തിയ ചില പരാമര്‍ശങ്ങള്‍ സാമൂഹ്യമാധ്യമങ്ങളില്‍ ട്രോളുകള്‍ക്കിരയായിരുന്നു. സാമൂഹ്യമാധ്യമങ്ങളിലുള്‍പ്പെടെ പ്രചരിച്ച ട്രോളുകളില്‍ വിഷമമുണ്ടെന്ന് ഭാര്യ ഷീല പ്രതികരിച്ചിരുന്നു. തുടര്‍ന്നാണ് ട്രോളുകളോടുള്ള കണ്ണന്താനത്തിന്റെ പ്രതികരണം പ്രത്യക്ഷപ്പെട്ടിട്ടുള്ളത്.

തന്നെ പരിഹസിച്ചു ഇറങ്ങിയ വീഡിയോ മൂന്നുലക്ഷത്തി മുപ്പതിനായിരം പേര്‍ കണ്ടെന്ന് ആരോ വിളിച്ചുപറഞ്ഞു. ഇതിനൊക്കെ പ്രകാശത്തേക്കാള്‍ വേഗമാണ്. ഇപ്പോള്‍ പെണ്‍പിള്ളാരു കറുത്ത കണ്ണാടിയൊക്കെ വച്ച് വീണ്ടും കളിയാക്കി ഡബ്‌സ്മാഷ് വീഡിയോ ഒക്കെ ഇറക്കിയെന്ന് കേട്ടു. വളരെ സങ്കടത്തോടെ ഇതുകണ്ട് കൂട്ടുകാരൊക്കെ വിളിക്കുന്നുണ്ടെന്നും അവര്‍ പറഞ്ഞു. എല്ലാവരും ദൈവത്തിന്റെ സൃഷ്ടികളാണ്. താന്‍ തമാശയിഷ്ടപ്പെടുന്നയാളുമാണ്. എന്നാല്‍ ഒരാളേയും മോശമായി ചിത്രീകരിക്കുന്നത് ശരിയല്ലെന്നാണ് വിശ്വസിക്കുന്നത്. ഒന്നും ചിത്രീകരിക്കുന്നില്ലെന്ന് പറഞ്ഞ് എടുത്ത് പരിഹസിച്ച് പുറത്തുവിടുകയാണുണ്ടായത്. അതെല്ലാം അതിന്റെ വഴിക്ക് പോകട്ടെയെന്നും അവര്‍ വ്യക്തമാക്കി.

ചൂടായതുകൊണ്ട് കാറിലിരിക്കുമ്പോഴാണ് ഒരു ഇംഗ്ലീഷ് ചാനലില്‍ നിന്നുമുള്ള പെണ്‍കുട്ടി വന്ന് കാണുന്നത്. കോട്ടയത്തുകാരിയാണെന്ന് പറഞ്ഞപ്പോഴാണ് കാറില്‍നിന്നിറങ്ങി സംസാരിക്കാന്‍ തയ്യാറായത്. അപ്പോള്‍ മറ്റു മാധ്യമങ്ങളും വന്നു. ഒരു വീട്ടുകാരിയെന്ന നിലയില്‍ തനിക്ക് അറിയുന്ന ഇംഗ്ലീഷില്‍ പറഞ്ഞാല്‍ മയിതെന്ന് പറഞ്ഞപ്പോള്‍ സംസാരിച്ചു. പിന്നെ മാറിനില്‍ക്കുമ്പോഴാണ് മലയാളം ചാനല്‍ വരുന്നത്. അവരത് പുറത്തുവിടില്ലെന്ന് പറഞ്ഞതുകൊണ്ടാണ് അങ്ങനെ സംസാരിച്ചതെന്നും ഷീല കൂട്ടിച്ചേര്‍ത്തു. താന്‍ പറഞ്ഞതൊന്നും ഗമ കൊണ്ടല്ല. ഭര്‍ത്താവുമായി ആറുവര്‍ഷത്തോളമുള്ള മോദിയുടേയും അമിത്ഷായുടേയും ബന്ധം തനിക്കാറിയാവുന്നതാണെന്നും ഷീല പറഞ്ഞു.

കേന്ദ്ര മന്ത്രിയായ വാര്‍ത്തയെ ക്രിസ്ത്യന്‍ സമുഹം എങ്ങനെ സ്വീകരിച്ചു എന്ന ചോദ്യത്തോടുള്ള പ്രതികരണത്തിനിടെയായിരുന്നു കണ്ണന്താനത്തിന്റെ പരാമര്‍ശം. ക്രസിത്യന്‍ സമുഹത്തിന്റെ സ്വപ്‌നങ്ങളാണ് മോദിയും പങ്കുവെക്കുന്നതെന്നത്. വിദ്യാഭ്യാസത്തിനും ആരോഗ്യത്തിനും വേണ്ടിയാണ് മോദി ശ്രമിക്കുന്നത്. അതാണ് ക്രിസ്തുവും ചെയ്തത്.