മാധ്യമങ്ങളുടെ അടിയന്തിര ശ്രദ്ധയ്ക്ക്. ജയ്പുര്‍ വിമാനത്താവളത്തില്‍ ഇറങ്ങിയ ഉടനെ തന്നെ കുറച്ചു പൊലീസുകാര്‍ വന്നു കണ്ടു. തന്നെ നാഗോര്‍ ജില്ലയിലേക്ക് കടത്തി വിടില്ലയെന്നു പറയുന്ന കത്തില്‍ നിര്‍ബന്ധിപ്പിച്ച് ഒപ്പ് വെപ്പിച്ചു. ഇന്ത്യന്‍ ഭരണഘടനയെ കുറിച്ചും ബി.ആര്‍ അംബേദ്ക്കറെ കുറിച്ചും സംസാരിക്കാനായിരുന്നു ഞാന്‍ അവിടെ എത്തിയത്. മേവാനിയുടെ ഫെയ്‌സ് ബുക്ക് പോസ്റ്റില്‍ പറയുന്നു.

രാജ്യത്തിന്റെ വിവിധഭാഗത്ത് നിന്നും അംബേദക്കര്‍ പ്രതിമകളെ തകര്‍ക്കുകയും അക്രമങ്ങള്‍ നടത്തുകയും ചെയ്തതിന് പിന്നാലെയാണ് അംബേദ്ക്കര്‍ പരിപാടിക്കെത്തിയ ദളിത് നേതാവായ ജിഗ്‌നേഷിനെ വിലക്കിയത്. കഴിഞ്ഞ ദിവസം അംബേദ്കര്‍ ജയന്തിയോട് അനുബന്ധിച്ച് ഗുജറാത്തിലെ അഹമദാബാദില്‍ അംബേദ്കര്‍ പ്രതിമയില്‍ പുഷ്പാര്‍ച്ചന നടത്താനെത്തിയ ബി.ജെ.പി എം.പി കീര്‍ത്തി സൊളാങ്കിയെ ജിഗ്‌നേഷ് മേവാനി എം.എല്‍.എയുടെ അനുയായികള്‍ തടയാന്‍ ശ്രമിച്ചിരുന്നു. ഇതേ തുടര്‍ന്ന് നേരിയ സംഘര്‍ഷവും ഉണ്ടായിരുന്നു.

സംഭവത്തെ തുടര്‍ന്നു പോലീസ് അഞ്ച് ദളിത് പ്രവര്‍ത്തകരെ കസ്റ്റഡിയില്‍ എടുത്തിരുന്നു. എം.പി കീര്‍ത്തി സൊളാങ്കിയുടെ സന്ദര്‍ശനത്തിന് പിന്നാലെ ദളിത് പ്രവര്‍ത്തകര്‍ അംബേദ്ക്കര്‍ പ്രതിമ നന്നാക്കിയിരുന്നു. ഇതു ബി.ജെ.പി കേന്ദ്രങ്ങളെ ചൊടിപ്പിച്ചിരുന്നു. ഇതിന്റെ പ്രതികാരമായിട്ടാവാം മേവാനിയെ വിലക്കിയത്.

അംബേദ്കറുടെ പ്രതിമകള്‍ നിര്‍മ്മിക്കുന്നതില്‍ ശ്രദ്ധകേന്ദ്രീകരിച്ചവരേക്കാള്‍ ദളിതര്‍ക്കുവേണ്ടി ഒരുപാട് പ്രവര്‍ത്തിച്ചയാളാണ് യോഗി എന്നു പറഞ്ഞാണ് അംബേദ്കര്‍ മഹാസഭ പ്രസിഡന്റ് ലാല്‍ജി പ്രസാദ് നിര്‍മ്മല്‍ യോഗിക്ക് പുരസ്‌കാരം നല്‍കിയത്.എന്നാല്‍ യോഗിക്ക് പുരസ്‌കാരം നല്‍കുന്നത് സഭക്കുള്ളില്‍ തന്നെ വലിയ പ്രതിഷേധങ്ങള്‍ക്കു വഴിവെക്കുകയായിരുന്നു. നിര്‍മ്മല്‍ യോഗിക്ക് പുരസ്‌കാരം പ്രഖ്യാപിച്ചതിനു പിന്നാലെ മഹാസഭയിലെ മുതിര്‍ന്ന അംഗങ്ങളായ ഹാരിഷ് ചന്ദ്ര, എസ്.ആര്‍ ദരപുരി എന്നിവര്‍ നിര്‍മ്മലിനെതിരെ അച്ചടക്ക നടപടിയെടുക്കാനായി വാര്‍ഷിക ജനറല്‍ മീറ്റിങ് വിളിച്ചുചേര്‍ത്തു.

യു.പിയില്‍ ദളിതര്‍ക്കെതിരെയുള്ള അതിക്രമങ്ങള്‍ വര്‍ധിച്ചിരിക്കുകയാണ്. യോഗിക്ക് പുരസ്‌കാരം നല്‍കാനുള്ള തീരുമാനം പ്രസിഡണ്ട് മാത്രം തീരുമാനമാണെന്നും തീരുമാനമെടുക്കുന്നതിനു മുമ്പ് ആരോടും ആലോചിച്ചിരുന്നില്ല. നിര്‍മല്‍ ഒഴികെ മഹാസഭയിലെ എല്ലാ അംഗങ്ങളും യോഗിക്ക് പുരസ്‌കാരം നല്‍കിയതിന് എതിരാണ്. കഴിഞ്ഞ ഒരു വര്‍ഷത്തിനിടെ സംസ്ഥാനത്ത് ദളിതര്‍ക്കെതിരെ അത്രികമങ്ങളുടെ എണ്ണത്തി ഗണ്യമായ വര്‍ധനവാണ് ഉണ്ടായിരിക്കുന്നത്. ഈ സാഹചര്യത്തില്‍ യോഗി ആദിത്യനാഥിനെ ആദരിക്കേണ്ട ഒരു കാര്യവുമില്ല. ദളിത് ആക്ടിവിസ്റ്റ് ദരപുരി പറഞ്ഞു.
അംബേദ്കര്‍ മഹാസഭ സ്ഥിതി ചെയ്യുന്ന കെട്ടിടത്തിന് വാടക ഇളവ് ലഭിക്കുമെന്ന് പ്രതീക്ഷിച്ചാണ് നിര്‍മ്മല്‍ ഇതു ചെയ്തതെന്നും ദരപുരി ആരോപിക്കുന്നു.

അതേസമയം രാജ്യത്തെ 35 കോടി ദളിതര്‍ക്ക് മോദി സര്‍ക്കാര്‍ ബാങ്ക് അക്കൗണ്ട് തുടങ്ങാന്‍ സഹായിച്ചുവെന്നാണ് പുരസ്‌കാരം സ്വീകരിച്ചുകൊണ്ട് യോഗി പറഞ്ഞത്.

ഭരണഘടനാ ശില്‍പി ബി.ആര്‍ അംബേദ്കര്‍ ജയന്തി രാജ്യത്തിന്റെ വിവിധ ഭാഗങ്ങളില്‍ ആചരിച്ചു. ഇതിനിടെ വഡോദരയില്‍ കേന്ദ്ര മന്ത്രി മേനക ഗാന്ധി അംബേദ്കര്‍ പ്രതിമയില്‍ പുഷ്പാര്‍ച്ചന നടത്തിയ ശേഷം ദലിത് ആദിവാസി സംഘടനകള്‍ പ്രതിമ ‘കഴുകി വൃത്തിയാക്കി’.

രാവിലെ ഒമ്പത് മണിക്ക് ബി.ജെ.പി നേതാക്കളോടൊപ്പമെത്തിയായിരുന്നു മേനക ഗാന്ധി അംബേദ്കര്‍ പ്രതിമയില്‍ പുഷ്പാര്‍ച്ചന നടത്തിയത്. ഇതിനെതിരെ ദലിത് പിന്നോക്ക വിഭാഗങ്ങളുടെ നേതാവ് ഠാക്കൂര്‍ സോളങ്കിയുടെ നേതൃത്വത്തില്‍ മുദ്രാവാക്യങ്ങളുയര്‍ത്തി പ്രതിഷേധിച്ചു. പരിസരം മലിനമാക്കിയാണ് ബി.ജെ.പി നേതാക്കള്‍ മടങ്ങിയതെന്നും ദലിത് നേതാക്കള്‍ ആരോപിച്ചു.

#Mehsana : Dalit activists clean Ambedkar’s statue after Dy CM #NitinPatel garlands it.#AmbedkarJayanti pic.twitter.com/rO3DvATaCA

— Tv9 Gujarati (@tv9gujarati) April 14, 2018