https://www.chandrikadaily.com Thu, 02 Mar 2023 22:14:53 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg https://www.chandrikadaily.com 32 32 https://www.chandrikadaily.com/ambergreese-arrest.html https://www.chandrikadaily.com/ambergreese-arrest.html#respond Thu, 02 Mar 2023 22:14:53 +0000 https://www.chandrikadaily.com/?p=240795 കല്‍പ്പറ്റ: വയനാട് കാര്യമ്പാടിയില്‍ 10 കിലോ തിമിംഗലഛര്‍ദ്ദിയുമായി രണ്ട് പേര്‍ പിടിയില്‍. കോഴിക്കോട് വിജിലന്‍സ് കണ്‍സര്‍വേറ്റര്‍ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ കണ്ണൂര്‍ ഫ്‌ളൈയിങ് സ്‌ക്വാഡ് ഡി.എഫ്.ഒ അജിത്ത് കെ രാമനും കല്‍പ്പറ്റ, കാസര്‍ഗോഡ്, കണ്ണൂര്‍ ഫ്‌ളയിങ് സ്‌ക്വാഡ് ജീവനക്കാരും സംയുക്തമായി നടത്തിയ റെയിഡിലാണ് മീനങ്ങാടി കാര്യമ്പാടിക്കടുത്തുള്ള കൊറ്റിമുണ്ടയിലുള്ള ഹോംസ്‌റ്റേയുടെ മുന്‍പില്‍ നിന്നും 10 കിലോ ആംബര്‍ഗ്രീസ് അഥവാ തിമിംഗല ഛര്‍ദ്ദി പിടികൂടിയത്.
സംഭവവുമായി ബന്ധപ്പെട്ട് കാര്യമ്പാടി സ്വദേശിയായ വി ടി പ്രജീഷ്, മുട്ടില്‍ കൊളവയല്‍ സ്വദേശി രെബിന്‍.കെ എന്നിവരാണ് പിടിയിലായത്. കാസര്‍ഗോഡ് സ്വദേശികള്‍ക്ക് വില്‍പ്പന നടത്താനായി കണ്ണൂരില്‍ താമസിക്കുന്ന കര്‍ണാടക സ്വദേശിയില്‍ നിന്നും കൊണ്ട് വന്നതാണ് ആംബര്‍ഗ്രീസ്. വന്യജീവി സംരക്ഷണ നിയമ പ്രകാരം ഷെഡ്യൂള്‍ ഒന്നില്‍പെടുത്തി സംരക്ഷിച്ച് വരുന്ന തിമിംഗലത്തിന്റെ ദഹന അവശിഷ്ടമാണ് തിമിംഗല ഛര്‍ദ്ദി അഥവാ ആംബര്‍ഗ്രീസ്. തിമിംഗല ഛര്‍ദ്ദി ആയ ആംബര്‍ഗ്രീസ് വില്‍പ്പന നടത്തുന്നത് 1972ലെ വന്യജീവി സംരക്ഷണ നിയമ പ്രകാരം ഇന്ത്യയില്‍ നിരോധിച്ചിട്ടുള്ളതാണ്. അന്താരാഷ്ട്ര മാര്‍ക്കറ്റില്‍ വന്‍വില ലഭിക്കുമെന്ന വ്യാജ പ്രചാരണത്തിന്റെ അടിസ്ഥാനത്തിലാണ് ആംബര്‍ഗ്രീസ് വില്‍പ്പനക്ക് ശ്രമിക്കുന്നത്.

]]> https://www.chandrikadaily.com/ambergreese-arrest.html/feed 0