അമേരിക്ക നടത്തുന്ന സമാധാന ശ്രമങ്ങളെ അഭിനന്ദിച്ച സല്‍മാന്‍ രാജാവ് 2002ല്‍ സൗദി മുന്നോട്ടുവെച്ച സമാധാന ഉടമ്പടിയുടെ അടിസ്ഥാനത്തില്‍ ഫലസ്തീന്‍ പ്രശ്‌നത്തിന് സമ്പൂര്‍ണ പരിഹാരം വേണമെന്നും ആവശ്യപ്പെട്ടു. 1967ലെ അറബ്-ഇസ്രയേല്‍ യുദ്ധത്തില്‍ ഇസ്രയേല്‍ കയ്യടക്കിയ ഫലസ്തീന്‍ ഭൂപ്രദേശത്ത് നിന്ന് ഇസ്രയേല്‍ പൂര്‍ണായും പിന്‍മാറിയാല്‍ മാത്രമേ ഇസ്രയേലുമായി സഹകരിക്കാന്‍ തയ്യാറുള്ളൂ എന്നാണ് സൗദി മുന്നോട്ട് വെച്ച ഉടമ്പടിയില്‍ പറയുന്നത്.

അതേസമയം യുഎഇ-ഇസ്രയേല്‍ വ്യോമഗതാഗതത്തിന് തങ്ങളുടെ വ്യോമപാത തുറന്നുകൊടുക്കുമെന്ന് സൗദി വ്യക്തമാക്കിയിരുന്നു.

4 Saudi ships were targeted by "sabotage" off the Strait of Hormuz where 1/3 of the world's oil travels through amid rising tensions with Iran pic.twitter.com/7RteDvlrUQ

— TicToc by Bloomberg (@tictoc) May 14, 2019

ആക്രമണത്തില്‍ രണ്ട് കപ്പലിന് തുളവീണിട്ടുണ്ട്. ആക്രമണത്തില്‍ ആര്‍ക്കും പരിക്കില്ലെന്നും കപ്പലുകള്‍ക്ക് സാരമായ നാശം സംഭവിച്ചെന്നും സഊദി ഊര്‍ജ്ജ മന്ത്രി ഖാലിദ് അല്‍ ഫാലിദ് വ്യക്തമാക്കി. യുഎഇ അന്വേഷണം ആരംഭിച്ചിട്ടുണ്ട്.
ആക്രമണം ആശങ്ക ജനകമാണെന്ന് ഇറാന്‍ ആരോപിച്ചു. സമഗ്ര അന്വേഷണം വേണമെന്നും ഇറാന്‍ ആവശ്യപ്പെട്ടു. ഗള്‍ഫ് രാജ്യങ്ങളുടെ കൂട്ടായ്മയായ ജിസിസി ആക്രമണത്തെ അപലപിച്ചു. മേഖലയില്‍ ആശങ്കയും അസ്ഥിരതയും വളര്‍ത്താനുള്ള ശ്രമമാണെന്നും ജിസിസി കുറ്റപ്പെടുത്തി. ഇറാനുമായുള്ള ബന്ധം വഷളായതിനെ തുടര്‍ന്ന് അമേരിക്ക ഗള്‍ഫ് മേഖലയില്‍ സൈനിക വിന്യാസം നടത്തിയിരിക്കുകയാണ്. ഇതോടെ ഈ മേഖല സംഘര്‍ഷഭരിതമാണ്.

ആയിരം ഡിഗ്രി സെല്‍ഷ്യസിലേറെ ചൂടുള്ള ചൂള കോണ്‍സുല്‍ ജനറലിന്റെ പ്രത്യേക നിര്‍ദ്ദേശപ്രകാരമാണ് നിര്‍മിച്ചതെന്ന് അല്‍ജസീറ അന്വേഷണത്തില്‍ കണ്ടെത്തി. ചൂള നിര്‍മിച്ച തൊഴിലാളിയുമായുള്ള അഭിമുഖം ചാനല്‍ പുറത്തുവിട്ടു. വിവാഹ രേഖകള്‍ ശരിയാക്കാന്‍ കോണ്‍സുലേറ്റിലെത്തിയ ഖഷോഗിയെ കൊലപ്പെടുത്തിയ ശേഷം മൃതദേഹം കോണ്‍സുല്‍ ജനറലിന്റെ വസതിയില്‍ കൊണ്ടുവന്ന് ചുട്ടെരിക്കുകയായിരുന്നുവെന്ന് തുര്‍ക്കി അന്വേഷണ സംഘവും കണ്ടെത്തിയിട്ടുണ്ട്. മൂന്ന് ദിവസം കൊണ്ടാണ് മൃതദേഹം ദഹിപ്പിച്ചത്.

സഊദി കോണ്‍സുല്‍ ജനറലിന്റെ വീടിന്റെ ചുമരില്‍ തുര്‍ക്കി സംഘം ഖഷോഗിയുടെ രക്തക്കറ കണ്ടെത്തിയിരുന്നു. സഊദി അറേബ്യയില്‍നിന്നെത്തിയ സംഘം ഖഷോഗിയെ കോണ്‍സുലേറ്റില്‍ കൊലപ്പെടുത്തിയെന്ന് സഊദി ഭരണകൂടം സമ്മതിച്ചിട്ടുണ്ടെങ്കിലും മൃതദേഹം എന്ത് ചെയ്തുവെന്ന ചോദ്യത്തിന് മറുപടി നല്‍കിയിട്ടില്ല. സഊദി ഭരണാധികാരി മുഹമ്മദ് ബിന്‍ സല്‍മാന്റെ അറിവോടെയായിരിക്കും കൃത്യം നടത്തിയിരിക്കുകയെന്ന് സി.ഐ.എയും അഭിപ്രായപ്പെടുന്നു. ഖഷോഗി വധവുമായി ബന്ധപ്പെട്ട് ഏഴ് പേര്‍ സഊദിയില്‍ നിയമനടപടി നേരിടുന്നുണ്ട്. ഇവരെ തങ്ങള്‍ക്ക് കൈമാറണമെന്ന ആവശ്യം തുര്‍ക്കി അംഗീകരിച്ചിട്ടില്ല.

അതേസമയം ഖഷോഗിയുടെ വിയോഗത്തില്‍ മൗനം തുടരുന്ന ട്രംപ് നിലാപാടിനെതിരെ യുഎസ് സെനറ്റേര്‍മാര്‍ അതൃപ്തി പ്രകടിപ്പിച്ചതായും റിപ്പോര്‍ട്ടുണ്ട്.

കോണ്‍സുലേറ്റിലെ ചര്‍ച്ചകള്‍ വഴക്കിന് കാരണമാവുകയും തുടര്‍ന്ന് കൊല്ലപ്പെടുകയും ചെയ്തുവെന്ന് സഊദി അറ്റോര്‍ണി ജനറല്‍ ഷെയ്ഖ് സഊദ് അല്‍ മുജീബ് പറഞ്ഞു. സംഭവവുമായി ബന്ധപ്പെട്ട് 18 സഊദി പൗരന്മാരെ അറസ്റ്റ് ചെയ്തതായും രണ്ട് പ്രമുഖരെ പിരിച്ചുവിട്ടതായും അദ്ദേഹം അറിയിച്ചു. സഊദി കിരിടാവകാശി മുഹമ്മദ് ബിന്‍ സല്‍മാന്റെ മുതിര്‍ന്ന ഉപദേഷ്ടാവ് സഊദ് അല്‍ ഖഹ്താനിയെയും ഇന്റലിജന്‍സ് ഉപമേധാവി അഹ്്മദ് അല്‍ അസീരിയേയുമാണ് പിരിച്ചുവിട്ടത്.

കോണ്‍സുലേറ്റ് ഉദ്യോഗസ്ഥരെ തുര്‍ക്കി അന്വേഷണം സംഘം ചോദ്യംചെയ്തിട്ടുണ്ട്. ഖഷോഗി കൊല്ലപ്പെട്ടുവെന്ന് അറിയിച്ചുകൊണ്ടുള്ള സഊദി പ്രസ്താവനയില്‍ യു.എസ് പ്രസിഡന്റ് ഡൊണാള്‍ഡ് ട്രംപ് സംതൃപ്തി പ്രകടിപ്പിച്ചു. സഊദി വിശദീകരണം തൃപ്തികരമാണ്. വളരെ പ്രധാനപ്പെട്ട ആദ്യ ചുവടുവെപ്പാണ് അതെന്നും അദ്ദേഹം വ്യക്തമാക്കി. സൗദി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരന്‍ അറിഞ്ഞിട്ടാവില്ല കൊലപാതകമെന്നും ട്രംപ് അഭിപ്രായപ്പെട്ടു. ഖഷോഗി കൊല്ലപ്പെട്ടുവെന്ന് സ്ഥിരീകരിക്കപ്പെട്ടാല്‍ വന്‍ പ്രത്യാഘാതങ്ങള്‍ നേരിടേണ്ടിവരുമെന്ന് ട്രംപ് മുന്നറിയിപ്പ് നല്‍കിയിരുന്നു.

എന്നാല്‍ റിപ്പബ്ലിക്കന്‍ സെനറ്റര്‍ റാന്‍ഡ് പോള്‍ ഉള്‍പ്പെടെ ട്രംപിന്റെ പാര്‍ട്ടിക്ക് അകത്തും പുറത്തമുള്ള നിരവധി പ്രമുഖര്‍ സംഭവത്തില്‍ ആശങ്ക പ്രകടിപ്പിച്ചു. ആയുധ കരാറുകള്‍ റദ്ദാക്കുന്നതുള്‍പ്പെടെ കര്‍ശന നടപടികള്‍ വേണമെന്ന് റാന്‍ഡ് പോള്‍ ആവശ്യപ്പെട്ടു. ഒക്ടബോര്‍ രണ്ടിന് വിവാഹ രേഖകള്‍ ശരിയാക്കാന്‍ ഇസ്തംബൂളിലെ സഊദി കോണ്‍സുലേറ്റിലേക്ക് പോയ ശേഷം ഖഷോഗി പുറത്തുവന്നിട്ടില്ല.

പ്രതിശ്രുതവധു ഹാറ്റിസ് സെന്‍ഗിസിനോടൊപ്പമാണ് അദ്ദേഹം കോണ്‍സുലേറ്റിലെത്തിയത്. സെന്‍ഗിസിനെ അദ്ദേഹം കോണ്‍സുലേറ്റിന് പുറത്തുനിര്‍ത്തുകയായിരുന്നു. ഓഫീസ് അടക്കന്നതുവരെ താന്‍ കാത്തുനിന്നിട്ടും അദ്ദേഹം പുറത്തുവന്നില്ലെന്ന് സെന്‍ഗിസ് അറിയിച്ചു.

ഭരണകൂടത്തിന്റെ കടുത്ത വിമര്‍ശകനായിരുന്ന ഖഷോഗി കോണ്‍സുലേറ്റില്‍ കൊല്ലപ്പെട്ടുവെന്ന് സഊദി സമ്മിതിക്കുന്നത് ആദ്യമായാണ്. ഖഷോഗി ജീവനോടെ പുറത്തുപോയെന്നായിരുന്നു ആദ്യ വിശദീകരണം. സംഭവത്തെക്കുറിച്ച് അന്വേഷിക്കുന്ന തുര്‍ക്കി സംഘം സഊദി കോണ്‍സുലേറ്റില്‍ കയറി എട്ട് മണിക്കൂറോളം പരിശോധന നടത്തിയിരുന്നു.

അന്താരാഷ്ട്ര സാമ്പത്തിക ശക്തിയുടെ ഭാഗമാണ് സൗദി എന്നതിനാല്‍ സൗദിയെ മാത്രമായല്ല ഇത്തരം നീക്കങ്ങള്‍ ബാധിക്കുക. സൗദി അറേബ്യക്ക് മേഖലയിലെ രാഷ്ട്രങ്ങള്‍ക്കിടയിലും മുസ് ലിം രാഷ്ട്രങ്ങള്‍ക്കിടയിലും നേതൃപരമായ പദവിയാണുള്ളത്.

ലോക മുസ്‌ലിംകളുടെ പവിത്രഭൂമി ഉള്‍ക്കൊള്ളുന്ന രാജ്യമെന്ന നിലക്ക് മുസ്‌ലിം മനസ്സുകളിലും ആദരണീയമായ പദവിയാണ് സൗദിക്കുള്ളത്. ഈ പദവി നിലനില്‍ക്കെത്തന്നെയാണ് സൗഹൃദരാജ്യങ്ങളുമായും സഹോദര രാജ്യങ്ങളുമായും സൗദി അതിന്റെ ചരിത്രപരമായ ബന്ധം നിലനിര്‍ത്തുന്നത്. എന്നാല്‍, സൗദിയുടെ പദവിക്കും സ്ഥാനത്തിനും കോട്ടംതട്ടുന്ന നിലപാടുകള്‍ ആരുടെ ഭാഗത്ത് നിന്നായാലും അംഗീകരിക്കാനാവില്ലെന്നും സൗദി ഔദ്യോഗിക പ്രസ്താവനയില്‍ വ്യക്തമാക്കി.