ഡോ. ഭീംറാവു അംബേദ്കറുടെ സമൃതി ദിനമായ ഇന്നലെ ലഭിച്ചതിനാലാണ് ഭീം എന്ന് പേരിട്ടതായി ശിശുക്ഷേമ സമിതി ജനറല്‍ സെക്രട്ടറി അറിയിച്ചു. 10 ദിവസം പ്രായവും 2.13 കി.ഗ്രാം ഭാരവുമുള്ള ആണ്‍കുഞ്ഞ് അതിഥിയായി എത്തിയത്.

ഇതോടെ ഒക്ടോബര്‍, നവംബര്‍, ഡിസംബര്‍ മാസങ്ങളിലായി തിരുവനന്തപുരത്ത് 8 കുട്ടികളെയാണ് അമ്മത്തൊട്ടിലില്‍ ലഭിച്ചത്. സെപ്തംബര്‍ മാസം നാല് കുട്ടികളും അമ്മത്തൊട്ടിലില്‍ എത്തിയിരുന്നു.

ആലപ്പുഴയില്‍ നിന്ന് 20 ദിവസ പ്രായമുള്ള ഒരു കുഞ്ഞും, തിരുവനന്തപുരം ജില്ലയിലെ രണ്ടാഴ്ച പ്രായമുള്ള രണ്ട് കുഞ്ഞുങ്ങളുമാണ് എത്തിച്ചത്. മൂന്നു പേരും പെണ്‍കുട്ടികളാണ്. കുട്ടികളുടെ ആരോഗ്യനില തൃപ്തികരമാണെന്ന് ശിശുക്ഷേമ സമിതി ജനറല്‍ സെക്രട്ടറി അരുണ്‍ ഗോപി അറിയിച്ചു.

ആലപ്പുഴയിലെ കുഞ്ഞിന് വീണ, തിരുവനന്തപുരത്തെ കുഞ്ഞുങ്ങള്‍ക്ക് അഹിംസയും അക്ഷരയുമെന്നിങ്ങനെ പേരിട്ടു. ഈ വര്‍ഷം ഇതുവരെ അമ്മത്തൊട്ടിലില്‍ എത്തിയത് 23 കുഞ്ഞുങ്ങളാണ്14 പെണ്‍കുട്ടികളും 9 ആണ്‍കുട്ടികളും.

തിരുവോണ ദിവസം പത്തനംതിട്ട ജനറല്‍ ആശുപത്രിക്ക് സമീപമുള്ള അമ്മത്തൊട്ടിലില്‍ നിന്ന് നവജാത ശിശുവിനെ ലഭിച്ചിരുന്നു. പത്ത് ദിവസം പ്രായമുള്ള കുഞ്ഞിനെയാണ് ലഭിച്ചത്. സിതാര്‍ എന്നാണ് ആരോഗ്യമന്ത്രി വീണ ജോര്‍ജ് കുഞ്ഞിന് പേരു നല്‍കിയത്. 2009ല്‍ സ്ഥാപിതമായ പത്തനംതിട്ടയിലെ അമ്മത്തൊട്ടിലില്‍ ലഭിക്കുന്ന ഇരുപതാമത്തെ കുഞ്ഞായിരുന്നു സിതാര്‍.

കോവിഡിന്റെ അതിജീവന കാലത്തെത്തിയ അതിഥിക്ക് നഴ്‌സുമാര്‍ നല്‍കിയത് ന്യൂസിലാന്‍ഡ് പ്രധാനമന്ത്രിയുടെ പേര്; ജസീന്ദ ആര്‍ഡെന്‍. മാനവരാശി ചരിത്രത്തിലെ ഏറ്റവും വലിയ ആരോഗ്യ പ്രതിസന്ധിയിലൂടെ മുമ്പോട്ടു പോകുമ്പോള്‍ മഹാമാരിക്കെതിരെ മുമ്പില്‍ നിന്നു നയിച്ച ലോകനേതാവിന്റെ പേര്.

ജസീന്ദ ആര്‍ഡെന്‍

അമ്മത്തൊട്ടില്‍ സ്ഥാപിച്ച ശേഷം ലഭിക്കുന്ന 278-ാമത്തെ കുഞ്ഞും തിരുവനന്തപുരം അമ്മത്തൊട്ടിലില്‍ ലഭിക്കുന്ന 142-ാമത്തെ കുഞ്ഞുമാണ് ജസീന്ദ.

കുഞ്ഞിന്റെ ദത്തെടുക്കല്‍ നടപടിക്രമങ്ങള്‍ ആരംഭിക്കേണ്ടതിനാല്‍ അവകാശികള്‍ ആരെങ്കിലും ഉണ്ടെങ്കില്‍ സമിതി അധികൃതരുടമായി ബന്ധപ്പെടണമെന്ന് ജനറല്‍ സെക്രട്ടറി ഡോ. ഷിജുഖാന്‍ വാര്‍ത്താക്കുറിപ്പില്‍ അറിയിച്ചു.