അതേസമയം  , കേരളത്തിലെ ഏത് വിമാനത്താവളത്തിലെത്തിച്ചാലും മകന്റെ മൃതദേഹം ഏറ്റുവാങ്ങാന്‍ സന്നന്ധമാണെന്നും ബന്ധപ്പെട്ടവരെ രേഖാമൂലം പിതാവ് അറിയിച്ചു. ചത്തീസ്ഗണ്ഡിലെ വിമാനത്താവളത്തിലെത്തി മൃതദേഹം ഏറ്റുവാങ്ങാന്‍ കഴിയില്ലെന്ന് മാത്രമാണ്  പറഞ്ഞതെന്ന് പിതാവ് ഹമീദ്ഹാജി പറഞ്ഞു. 5 വര്‍ഷമായി സുല്‍ഫിക്കറിനെ കുറിച്ച് ബന്ധുക്കള്‍ക്ക് യാതൊരു വിവരവുമില്ല. അതിര്‍ത്തി ലംഘിച്ചെത്തിയ മത്സ്യതൊഴിലാളി എന്ന നിലയിലാണ് സുല്‍ഫിക്കര്‍ (48) പാക്കിസ്താനില്‍ തടവിലാകുന്നത്. വിദേശത്ത് ഡ്രൈവര്‍ ജോലി ചെയ്തിരുന്ന സുല്‍ഫിക്കര്‍ 2018ന് നാട്ടിലത്തി മടങ്ങിയെങ്കിലും പിന്നീട് കാണാതാവുകയായിരുന്നു. കഴിഞ്ഞ ദിവസമാണ് പാക് ജയിലില്‍ വെച്ച് സുല്‍ഫിക്കര്‍ മരിച്ച വിവരം പൊലീസ് മുഖേന ബന്ധുക്കള്‍ അറിയുന്നത്. ചത്തീസ്ഗഡ് വിമാനത്താവളത്തിലെത്തി മൃതദേഹം ഏറ്റുവാങ്ങണമെന്നായിരുന്നു പൊലീസ് നിര്‍ദേശം. ശാരീരിക അവശത എറെ അലട്ടികൊണ്ടിരിക്കുന്ന സാഹചര്യത്തില്‍ അതിന് കഴിയില്ലെന്ന് പിതാവ് അറിയിച്ചിരുന്നു.
5വര്‍ഷം മുമ്പ് നാട്ടിലത്തി മടങ്ങിയ സുല്‍ഫിക്കര്‍ പിന്നീട് വീട്ടുകാരുമായി യാതൊരു ബന്ധവും ഉണ്ടായിരുന്നില്ല, എന്താണ് സംഭവിച്ചതെന്ന് തനിക്കറിയില്ലെന്നു അദ്ദേഹം പറഞ്ഞു. മൃതദേഹം നാട്ടിലെത്തിച്ച് മാരായംകുന്ന് പള്ളി ഖബര്‍സ്ഥാനില്‍ ഖബറടക്കം ചെയ്യും.
വര്‍ഷങ്ങളായി ദുബായിലായിരുന്ന സുല്‍ഫിക്കറിനെ കുറിച്ച് എന്‍.ഐ.എ ഉള്‍പ്പടെയുള്ള ഏജന്‍സികളും നേരത്തെ അന്വേഷണം നടത്തിയിരുന്നു. തിരോധാനത്തെകുറിച്ച് പൊലീസും അന്വേഷണം നടത്തിയിരുന്നു.

പഞ്ചാബിലെ അമൃതസറിലെ പ്രാര്‍ത്ഥന ഹാളില്‍ ഉണ്ടായ സ്‌ഫോടനത്തില്‍ മൂന്നു പേര്‍ മരിച്ചു. പത്തു പേര്‍ക്ക് പരിക്കേറ്റു. അമൃത്സറിലെ രാജസന്‍സി വില്ലേജിലെ ആത്മീയ സംഘടനയായ നിരന്‍കരി ഭവനിലാണ് ആക്രമണം ഉണ്ടായത്.

നിരന്‍കരിയുടെ സമ്മേളനത്തിനിടെയാണ് സ്‌ഫോടനം നടന്നതെന്ന് സൈന്യം അറിയിച്ചു. 11.30ഓടെ ബൈക്കിലെത്തിയ മുഖംമൂടി ധരിച്ചെത്തിയ രണ്ടു പേരാണ് പ്രാര്‍ഥാന ഹാളിലേക്ക് ഗ്രനേഡ് എറിഞ്ഞതെന്ന് ദൃക്‌സാക്ഷികള്‍ പറഞ്ഞു.
സ്‌ഫോടനത്തില്‍ മരിച്ചവരുടെ കുടുംബങ്ങള്‍ക്ക് അഞ്ചു ലക്ഷം രൂപയും പരിക്കേറ്റവര്‍ക്ക് സൗജന്യ ചികിത്സയും നല്‍കുമെന്ന് മുഖ്യമന്ത്രി അമരീന്ദ്രര്‍ സിങ് അറിയിച്ചു. സി.സിടിവി ദൃശ്യങ്ങളുടെ അടിസ്ഥാനത്തില്‍ അന്വേഷണം ആരംഭിച്ചതായി പൊലീസ് അറിയിച്ചു. സംഭവ സമയം 250 പേര്‍ സ്ഥലത്ത് ഉണ്ടായിരുന്നു.