സംഖ്യയുടെ കളികളേക്കാള്‍ ജനങ്ങള്‍ നേരിടുന്ന പ്രശ്‌നങ്ങലില്‍ നിന്ന് ഒളിച്ചോടുന്ന കേന്ദ്രത്തിന്റെ പൊള്ളത്തരം തുറന്നു കാട്ടും. ലോകസഭാ തെരഞ്ഞെടുപ്പിനു മുമ്പ് കേന്ദ്ര സര്‍ക്കാറിന്റെ കള്ളത്തരങ്ങള്‍ ജനങ്ങള്‍ക്കു മുന്നില്‍ അവതരിപ്പിക്കുകയാണ് പ്രതിപക്ഷത്തിന്റെ ലക്ഷ്യം. ഇക്കാര്യത്തില്‍ പ്രതിപക്ഷം ഒറ്റക്കെട്ടാണെന്നും അദ്ദേഹം പറഞ്ഞു. ഏഴു മണിക്കൂര്‍ നീളുന്ന ചര്‍ച്ചയില്‍ ബി.ജെ.പിക്കാണ് ഏറ്റവും സമയം അനുവദിച്ചിട്ടുളളത്.

കോണ്‍ഗ്രസിന് വെറും 38 മിനിറ്റാണ് അനുവദിച്ചത്. ഇതില്‍ നിന്നു തന്നെ സര്‍ക്കാറിന്റെ കള്ളക്കളി വ്യക്തമാണെന്ന് അദ്ദേഹം പറഞ്ഞു. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി, മല്ലികാര്‍ജുന്‍ ഖാര്‍ഗെ, ജ്യോതിരാദിത്യ സിന്ധ്യ എന്നിവരാണ് അവിശ്വാസപ്രമേയത്തെ പിന്തുണച്ച് കോണ്‍ഗ്രസിനായി സംസാരിക്കുക.

കേന്ദ്രസര്‍ക്കാരിനെതിരെ ജനങ്ങള്‍ ഇതിനോടകം അവിശ്വാസപ്രമേയം പാസാക്കി കഴിഞ്ഞെന്നും 132 കോടി ജനങ്ങളുടെ വികാരം പ്രകടിപ്പിക്കാനാണ് തങ്ങള്‍ ശ്രമിക്കുന്നതെന്നും ആനന്ദ് ശര്‍മ്മ കൂട്ടിച്ചേര്‍ത്തു. അതിനിടെ, വിശ്വാസവോട്ടെടുപ്പില്‍ നിന്ന് വിട്ടു നില്‍ക്കുമെന്ന് എന്‍ഡിഎ ഘടകകക്ഷിയായ ശിവസേന അറിയിച്ചു.

കഴിഞ്ഞ നാല് വര്‍ഷത്തിനിടയില്‍ ഇന്ത്യ ഒരു വലിയ രാജ്യം ആയിട്ടില്ല. ബി.ജെ.പി സര്‍ക്കാര്‍ അധികാരത്തില്‍ വരുന്നതിന് മുമ്പ് തന്നെ ഇന്ത്യ ഒരു സാമ്പത്തിക ശക്തിയായി മാറിയിരുന്നുവെന്നും അദ്ദേഹം പറഞ്ഞു. മോദി പ്രധാനമന്ത്രിയാകുന്നതിന് മുമ്പ് തന്നെ ഇന്ത്യയില്‍ ഐ.ഐ.ടികളും ഐ.ഐ.എമ്മുകളും ഉണ്ടായിരുന്നു. എന്നാല്‍ ബി.ജെ.പി അധികാരത്തില്‍ വരുന്നതിന് മുമ്പ് ഇന്ത്യയില്‍ യാതൊന്നും സംഭവിച്ചിട്ടില്ലെന്നാണ് അവര്‍ പറയുന്നത്. അതിനാല്‍ അവര്‍ ഭ്രാന്തിന് ചികിത്സ തേടണമെന്നും ശര്‍മ പറഞ്ഞു.

പരാമര്‍ശത്തില്‍ മോദി പിടിവാശി കളഞ്ഞ് വിശദീകരണം നല്‍കണമെന്ന് അദ്ദേഹം പറഞ്ഞു. എന്നാല്‍ മാത്രമേ രാജ്യസഭയുടെ സുഗമമായ നടത്തിപ്പിന് കഴിയുകയുള്ളൂ. ആരോപണങ്ങള്‍ തെളിയിക്കേണ്ടത് പ്രധാനമന്ത്രിയുടെ ഉത്തരവാദിത്തമാണ്. അത് മാന്യതയാണെന്നും ആനന്ദ് ശര്‍മ്മ കൂട്ടിച്ചേര്‍ത്തു. രാജ്യത്തിന് വേണ്ടി പത്തുവര്‍ഷത്തത്തോളം പ്രധാനമന്ത്രിയായി സേവനമനുഷ്ഠിച്ച മന്‍മോഹന്‍സിങിനെക്കുറിച്ചുള്ള പരാമര്‍ശത്തില്‍ മോദി മാപ്പു പറയാത്തത് നിര്‍ഭാഗ്യകരമാണ്. വാക്കുകള്‍ പിന്‍വലിക്കാന്‍ മോദി തയ്യാറാവുന്നില്ലെന്നും ആനന്ദ് ശര്‍മ്മ പറഞ്ഞു.

പരാമര്‍ശം പിന്‍വലിക്കണമെന്നാവശ്യപ്പെട്ട് ഇന്നലെ രാജ്യസഭയില്‍ കോണ്‍ഗ്രസ് പ്രതിഷേധവുമായെത്തിയിരുന്നു. ഇതിനിടയില്‍ ക്രിക്കറ്റ് താരം സച്ചിന്‍ തെണ്ടുല്‍ക്കറുടെ കന്നിപ്രസംഗവും തടസ്സപ്പെട്ടത് വിവാദമായി. ഇതിനെതിരെ ബി.ജെ.പി എം.പിമാരും രംഗത്തെത്തിയിരുന്നു.