Andhra Special Status – Chandrika Daily

ആരാധനാലയ നിയമം ചോദ്യംചെയ്തുള്ള ഹരജികളില്‍ വാദം കേള്‍ക്കാന്‍ പ്രത്യേക ബെഞ്ച് രൂപീകരിച്ച് സുപ്രിംകോടതി

webdesk17 — Sat, 07 Dec 2024 09:30:15 +0000

1991ലെ ആരാധനാലയ നിയമം ചോദ്യംചെയ്തുള്ള ഹരജികളില്‍ വാദം കേള്‍ക്കാന്‍ പ്രത്യേക ബെഞ്ച് രൂപീകരിച്ച് സുപ്രിംകോടതി. ഇതുമായി ബന്ധപ്പെട്ട ഹരജികള്‍ പരിഗണിക്കുന്നതിനായി ചീഫ് ജസ്റ്റിസ് സഞ്ജീവ് ഖന്ന പുതിയ ബെഞ്ച് രൂപീകരിച്ചു.

ജസ്റ്റിസുമാരായ സഞ്ജയ് കുമാര്‍, കെ.വി വിശ്വനാഥന്‍ എന്നിവരാണ് ചീഫ് ജസ്റ്റിസ് അധ്യക്ഷനായ പ്രത്യേക ബെഞ്ചിലെ മറ്റ് അംഗങ്ങള്‍. ഡിംബര്‍ 12ന് ഉച്ചയ്ക്ക് 3.30നാണ് ബെഞ്ചിന്റെ ആദ്യ വാദം കേള്‍ക്കല്‍.

‘മതമൗലികവാദികളായ അധിനിവേശകര്‍’ കൈയേറിയ തങ്ങളുടെ ആരാധനാലയങ്ങള്‍ തിരിച്ചുപിടിക്കാന്‍ വേണ്ടി കോടതികളെ സമീപിക്കുന്നതില്‍നിന്ന് ഹിന്ദുക്കളെയും ജൈനന്മാരെയും ബുദ്ധന്മാരെയും സിഖുകാരെയും തടയുന്നതാണ് ആരാധനാലയ നിയമമെന്നാണ് അഡ്വ. അശ്വിനി കുമാര്‍ അശ്വിനികുമാര്‍ ഉപാധ്യായ ഹരജിയില്‍ വാദിച്ചത്. ഹരജികള്‍ ചോദ്യം ചെയ്ത് ആള്‍ ഇന്ത്യ മുസ്ലിം പേഴ്സനല്‍ ലോ ബോര്‍ഡും ജംഇയ്യത്ത് ഉലമായെ ഹിന്ദും കോടതിയെ സമീപിച്ചു. രാജ്യത്ത് സൗഹാര്‍ദവും മതേതരത്വവും കാത്തുരക്ഷിക്കുന്ന സുപ്രധാന നിയമത്തെ പൊതുതാല്‍പര്യ ഹരജികളുടെ മറവില്‍ ചോദ്യംചെയ്യാനാകില്ലെന്ന് സംഘടനകള്‍ പറഞ്ഞു.

‘അമിത് ഷാ ഗോ ബാക്ക്’, ആന്ധ്രയില്‍ കാലു കുത്താനാവാതെ ബിജെപി ദേശീയ അധ്യക്ഷന്‍; കാറിന്റെ ചില്ല് തകര്‍ത്തു

chandrika — Sat, 12 May 2018 07:23:43 +0000

ഹൈദരാബാദ്: ആന്ധ്രാപ്രദേശില്‍ ബി.ജെ.പി ദേശീയ അധ്യക്ഷന്‍ അമിത് ഷാക്കെതിരെ ശക്തമായ പ്രതിഷേധം. ആന്ധ്രാപ്രദേശിന് പ്രത്യേക പദവി ആവശ്യപ്പെട്ട് സമരം ചെയ്യുന്നവരാണ് ഷാക്കെതിരെ പ്രതിഷേധവുമായി രംഗത്തുവന്നത്. തിരുമലൈയില്‍ അമിത് ഷായുടെ വാഹനം തടഞ്ഞ പ്രതിഷേധക്കാര്‍ വാഹനവ്യൂഹത്തിലെ കാറിന്റെ ചില്ലുകള്‍ തകര്‍ത്തു.

കര്‍ണാടകയിലെ തെരഞ്ഞെടുപ്പ് പ്രചാരണ പരിപാടികള്‍ക്കു ശേഷം തിരുപ്പതി ക്ഷേത്ര ദര്‍ശനത്തിനായാണ് അമിത് ഷാ ആന്ധ്രയിലെത്തിയത്.

ക്ഷേത്രത്തിലേക്കുള്ള യാത്രക്കിടെ തന്നെ ഷാക്കു നേരെ ടിഡിപി പ്രവര്‍ത്തകര്‍ പ്രതിഷേധമുയര്‍ത്തിയിരുന്നു. പിന്നീട് ക്ഷേത്രദര്‍ശനം കഴിഞ്ഞ് തിരിച്ച് വരികയായിരുന്ന അമിത് ഷായുടെ വാഹനവ്യൂഹം തടഞ്ഞ ശേഷം കല്ലെറിയുകയായിരുന്നു. ആന്ധ്രയില്‍ മറ്റു പരിപാടികളിലൊന്നും പങ്കെടുക്കാനാവാതെ ഷാക്കു കാറില്‍ തിരിച്ചുപോകേണ്ടി വന്നു.

Andhra Pradesh: TDP workers protested against BJP Chief Amit Shah in Tirupati. A scuffle also broke out between BJP and TDP workers later pic.twitter.com/K1kRPSEQBW

— ANI (@ANI) May 11, 2018

കറുത്ത ബാഡ്ജ് ധരിച്ചെത്തിയ പ്രതിഷേധക്കാര്‍ അമിത് ഷാ ഗോ ബാക്ക്, വീ വാണ്ട് ജസ്റ്റിസ് (ഞങ്ങള്‍ക്ക് നീതി വേണം), ഞങ്ങള്‍ക്ക് പ്രത്യേക പദവി തരൂ എന്ന് മുദ്രാവാക്യം വിളിച്ചു. ഇതിനിടെ പ്രതിഷേധക്കാരും പൊലീസും തമ്മില്‍ വാക്കേറ്റം നടക്കുന്നതിനിടെ പ്രവര്‍ത്തകരിലൊരാള്‍ വാഹനവ്യൂഹത്തിനു നേരെ കല്ലെറിയുകയായിരുന്നു.

ആന്ധ്രാപ്രദേശിന് പ്രത്യേക പദവി നല്‍കാത്തതില്‍ പ്രതിഷേധിച്ച് ചന്ദ്രബാബു നായിഡുവിന്റെ തെലുങ്കുദേശം പാര്‍ട്ടി എന്‍.ഡി.എ സഖ്യം വിട്ടിരുന്നു.

ബിജെപിക്കെതിരെ നിലപാട് കടുപ്പിച്ച് ടിഡിപി; എന്‍ഡിഎ വിടും, കേന്ദ്രമന്ത്രിമാരുടെ രാജി ഈ ആഴ്ച

chandrika — Wed, 07 Mar 2018 05:42:55 +0000

ന്യൂഡല്‍ഹി: എന്‍ഡിഎ മുന്നണി വിടാനൊരുങ്ങി തെലുങ്കുദേശം പാര്‍ട്ടി. ആന്ധ്രപ്രദേശിന് പ്രത്യേക കാറ്റഗറി പദവി നല്‍കുന്നതിന് പ്രയോഗിക തടസ്സമുണ്ടെന്ന കേന്ദ്ര സര്‍ക്കാര്‍ നിലപാടില്‍ പ്രതിഷേധിച്ചാണ് ടിഡിപി എന്‍ഡിഎ സഖ്യം ഉപേക്ഷിക്കാന്‍ നീക്കം നടത്തുന്നത്. ബിജെപിയോടുള്ള അതൃപ്തി രേഖപ്പെടുത്തി മോദി മന്ത്രിസഭയില്‍ നിന്ന് രണ്ട് ടിഡിപി അംഗങ്ങള്‍ ഈ ആഴ്ച രാജിവെച്ചേക്കും. ഇന്നലെ ചേര്‍ന്ന ടിഡിപി നിയമസഭാകക്ഷി യോഗത്തില്‍ പങ്കെടുത്ത എല്ലാ എംഎല്‍എമാരും എംഎല്‍സിമാരും ബിജെപി ബന്ധം ഉപേക്ഷിക്കാന്‍ ആവശ്യപ്പെട്ടതായാണ് വിവരം. ജനപ്രതിനിധികളുടെ വികാരം കണക്കിലെടുത്ത് ടിഡിപി അധ്യക്ഷനും മുഖ്യമന്ത്രിയുമായ ചന്ദ്രബാബു നായിഡു ഇതുസംബന്ധിച്ച് അന്തിമ തീരുമാനം കൈകൊള്ളുമെന്നാണ് വിവരം.
എന്‍ഡിഎ സഖ്യം ഉപേക്ഷിക്കാന്‍ തീരുമാനമായാല്‍ കേന്ദ്ര വ്യോമയാന മന്ത്രി അശോക് ഗജപതി രാജുവും കേന്ദ്ര സഹമന്ത്രി വൈ.എസ് ചൗധരിയും ശനിയാഴ്ചയോടെ രാജിവെക്കും. എന്നാല്‍ ആന്ധ്രപ്രദേശിനാവശ്യമായ എല്ലാ സഹായങ്ങളും കേന്ദ്രം നല്‍കുന്നുണ്ടെന്നും പ്രത്യേക പദവി നല്‍കല്‍ സാധ്യമല്ലെന്നും ബിജെപി നേതാക്കള്‍ പ്രതികരിച്ചു. പിന്നോക്കാവസ്ഥ പരിഗണിച്ചാണ് പ്രത്യേക പദവി നല്‍കുന്നത്. അതനുസരിച്ച് ബിഹാറിനാണ് പ്രഥമ പരിഗണനയെന്നും ബിജെപി നേതാക്കള്‍ വ്യക്തമാക്കി.