ബാറ്റിംഗ് ദുഷ്‌കരമായ പിച്ചില്‍ നാലാം ഓവറില്‍ തന്നെ രോഹന്‍ കുന്നുമ്മലിന്റെ (2) വിക്കറ്റ് നഷ്ടമായി. രാജുവിന്റെ പന്തില്‍ വിക്കറ്റ് കീപ്പര്‍ കെ എസ് ഭരതിന് ക്യാച്ച്. മൂന്നാമനായി ക്രീസിലെത്തിയ മുഹമ്മദ് അസറുദ്ദീന്‍ ആറ് റണ്‍സുമായി മടങ്ങി. കൃഷ്ണ പ്രസാദ് (5), അബ്ദുള്‍ ബാസിത് (2), സല്‍മാന്‍ നിസാര്‍ (5), ഷറഫുദ്ദീന്‍ (3) എന്നിവര്‍ക്ക് തിളങ്ങാന്‍ സാധിച്ചില്ല. ബിജു നാരായണന്‍ (7) സഞ്ജുവിനൊപ്പം പുറത്താവാതെ നിന്നു. ഒരറ്റം തകര്‍ന്നപ്പോഴും പിടിച്ചു നിന്ന സഞ്ജുവിന്റെ ഇന്നിംഗ്സില്‍ മൂന്ന് സിക്സും എട്ട് ഫോറുമുണ്ടായിരുന്നു.

അഞ്ച് മത്സരങ്ങളില്‍ 16 പോയിന്റുള്ള് ആന്ധ്ര പോയിന്റ് പട്ടികയില്‍ രണ്ടാം സ്ഥാനത്താണ്. അഞ്ച് മത്സങ്ങളില്‍ 12 പോയിന്റുള്ള കേരളം മൂന്നാം സ്ഥാനത്തും തുടരുകയാണ്. ഇന്ന് ജയിച്ചാല്‍ മാത്രമെ കേരളത്തിന് അടുത്ത റൗണ്ടില്‍ പ്രതീക്ഷ വെക്കേണ്ടതൊള്ളൂ. ഇരു ടീമുകളുടേയും പ്ലേയിംഗ് ഇലവന്‍ അറിയാം

ചൊവ്വാഴ്ച നടന്ന ഏറ്റുമുട്ടലില്‍ മുതിര്‍ന്ന മാവോയിസ്റ്റ് കമാന്‍ഡറായ മാധവി ഹിദ്മ കൊല്ലപ്പെട്ടിരുന്നു. ഇതിന് പിന്നാലെ പ്രദേശത്ത് ശക്തമായ തെരച്ചില്‍ തുടരുന്നതിനിടെ ഇന്ന് വീണ്ടും ഏറ്റുമുട്ടലുണ്ടായി.

കൊല്ലപ്പെട്ടവരില്‍ ടെക് ശങ്കര്‍ എന്ന പേരില്‍ അറിയപ്പെടുന്ന ശ്രീകാകുളം സ്വദേശി മെതുരി ജൊക്കറാവുവും ഉള്‍പ്പെടുന്നു. ആയുധ നിര്‍മാണത്തിലും സാങ്കേതിക ദൗത്യങ്ങളിലും പ്രാവീണ്യമുള്ള മാവോവാദിയായിരുന്നു ശങ്കര്‍.

രഹസ്യവിവരത്തെ തുടര്‍ന്ന് സുരക്ഷാസേന നടത്തിയ വ്യാപക തിരച്ചിലില്‍ എന്‍.ടി.ആര്‍, കാകിനഡ, കൊനസീമ, എലൂരു ജില്ലകളില്‍ ചേര്‍ന്നാണ് 50 മാവോവാദികളെ അറസ്റ്റ് ചെയ്തതെന്നും എ.ഡി.ജി.പി വ്യക്തമാക്കി. വന്‍തോതില്‍ ആയുധങ്ങളും നിര്‍മാണ സാമഗ്രികളും പോലീസ് പിടിച്ചെടുത്തിട്ടുണ്ട്.

ജില്ലയില്‍ 120 ദുരിതാശ്വാസ ക്യാമ്പുകള്‍ തുറന്നിട്ടുണ്ട്. 120 ഗര്‍ഭിണികളെയും സുരക്ഷിതത്വത്തിനായി ആശുപത്രികളിലേക്ക് മാറ്റി. ചുഴലിക്കാറ്റ് ശമിക്കുന്നതുവരെ ഇവരെ ആശുപത്രികളില്‍ പാര്‍പ്പിക്കുമെന്നും അധികൃതര്‍ വ്യക്തമാക്കി.

കടല്‍ത്തീരത്തിന് സമീപമുള്ള ദേശീയപാതയിലെ 40 കിലോമീറ്റര്‍ ഭാഗത്തും സംസ്ഥാന പാതയിലെ 400 കിലോമീറ്റര്‍ ഭാഗത്തും സ്ഥാപിച്ചിരുന്ന പരസ്യബോര്‍ഡുകളും ഹോര്‍ഡിങുകളും ശക്തമായ കാറ്റ് മുന്നില്‍ കണ്ടാണ് നീക്കം ചെയ്തത്.

പടിഞ്ഞാറന്‍ ഗോദാവരി ജില്ലയിലും ജാഗ്രത തുടരുകയാണ്. ഗോദാവരി ജലം തുറന്നുവിടുന്നത് താത്കാലികമായി നിര്‍ത്തിയിരിക്കുകയാണ്. നര്‍സാപുരം കടല്‍ത്തീരത്ത് അധിക ജാഗ്രതാ നടപടികളും സ്വീകരിച്ചു. ജില്ലയില്‍ 16 ദുരിതാശ്വാസ ക്യാമ്പുകള്‍ സജ്ജമാക്കിയിട്ടുണ്ട്.

മോന്‍ത ചുഴലിക്കാറ്റ് നാളെ കരതൊടുമെന്നാണ് കേന്ദ്ര കാലാവസ്ഥാ വകുപ്പ് അറിയിച്ചത്. 28ന് വൈകുന്നേരത്തോടെ മാച്ചിലിപട്ടണത്തിനും കാക്കിനാടക്കും ഇടയില്‍ തീരം തൊടുമെന്നാണ് പ്രവചനം. ചുഴലിക്കാറ്റ് കൂടുതല്‍ ശക്തിയാര്‍ജ്ജിച്ച് ശക്തമായ ചുഴലിക്കാറ്റായി മാറാനുള്ള സാധ്യതയുണ്ടെന്നും മുന്നറിയിപ്പുണ്ട്.

ഒഡീഷ, ആന്ധ്ര, തമിഴ്‌നാട് സംസ്ഥാനങ്ങളില്‍ വ്യാപകമായ മഴയ്ക്കും മണിക്കൂറില്‍ 110 കിലോമീറ്റര്‍ വേഗതയില്‍ കാറ്റ് വീശാനുമാണ് സാധ്യത. ഒഡീഷയിലെ എട്ട് ജില്ലകളെ ‘റെഡ് സോണ്‍’ ആയി പ്രഖ്യാപിച്ചിരിക്കുകയാണ്.

ഒഡിഷ ട്രെയിന്‍ ദുരന്തത്തിന് പിന്നാലെ ജാര്‍ഖണ്ഡിലെ ബൊക്കാറോയില്‍ ചൊവ്വാഴ്ച ദില്ലി-ഭുവനേശ്വര്‍ രാജധാനി എക്സ്പ്രസ് വന്‍ അപകടത്തില്‍ നിന്ന് രക്ഷപ്പെട്ടു. സന്താല്‍ഡിഹ് റെയില്‍വേ ക്രോസിനു സമീപം റെയില്‍വേ ഗേറ്റില്‍ ട്രാക്ടര്‍ ഇടിച്ച് കുടുങ്ങിയതിനെ തുടര്‍ന്നാണ് അപകട സാധ്യതയുണ്ടായത്. എന്നാല്‍, ലോക്കോ പൈലറ്റിന്റെ സമയോചിതമായ ഇടപെടലില്‍ വന്‍ അപകടം ഒഴിവായതായി റെയില്‍വേ ഉദ്യോഗസ്ഥര്‍ അറിയിച്ചു.

ഭോജുദിഹ് റെയില്‍വേ സ്റ്റേഷന് സമീപമുള്ള സന്താല്‍ദിഹ് റെയില്‍വേ ക്രോസിംഗിലാണ് സംഭവം. റെയില്‍വേ ട്രാക്കിനും ഗേറ്റിനുമിടയില്‍ ട്രാക്ടര്‍ കുടുങ്ങുകയായിരുന്നു. ഗേറ്റ് ഇടിച്ചുതെറിപ്പിച്ച് എത്തിയ ട്രാക്ടര്‍ ട്രാക്കില്‍ കുടുങ്ങി. ഈ സമയമാണ് രാജധാനി എക്‌സ്പ്രസ് എത്തിയത്. ലോക്കോ പൈലറ്റ് ബ്രേക്കിട്ട് നിര്‍ത്തിയതിനാല്‍ അപകടം ഒഴിവായെന്ന് റെയില്‍വേ ഉദ്യോഗസ്ഥര്‍ അറിയിച്ചു. ചൊവ്വാഴ്ച വൈകുന്നേരം 5 മണിയോടെയാണ് സംഭവം നടന്നതെന്നും ട്രെയിന്‍ 45 മിനിറ്റോളം വൈകിയെന്നും ഉദ്യോഗസ്ഥര്‍ പറഞ്ഞു.

ചൊവ്വാഴ്ച മുഖ്യമന്ത്രിയുടെ ഔദ്യോഗിക വസതിയിൽ സന്ദർശിച്ചാണ് നരസിംഹ റാവു ജഗൻ മോഹൻ റെഡ്ഡിയെ കണ്ടത്. ജഗനെ എൻ.ഡി.എയിലേക്ക് ക്ഷണിക്കുന്നതിനു വേണ്ടിയാണ് കൂടിക്കാഴ്ച എന്നാണ് പല ദേശീയ മാധ്യമങ്ങളും റിപ്പോർട്ട് ചെയ്തത്. എന്നാൽ ഇത്തരം വാർത്തകളിൽ സത്യമില്ലെന്നും ആന്ധ്രയിൽ ഭരിക്കാൻ ആവശ്യമായ സീറ്റുകൾ പാർട്ടിക്കുണ്ടെന്നും കോത്താരി പറഞ്ഞു. ഭാവിയിൽ ബി.ജെ.പിയുമായി സഹകരിക്കുമോ എന്ന ചോദ്യത്തിന്, അത്തരം കാര്യങ്ങളിൽ അഭിപ്രായം പറയാൻ തനിക്കാവില്ലെന്നായിരുന്നു അദ്ദേഹത്തിന്റെ മറുപടി.

ഉപമുഖ്യമന്ത്രിമാരിൽ കാപു ഒഴികെയുള്ള വിഭാഗങ്ങളെല്ലാം പിന്നാക്ക വിഭാഗങ്ങളാണ്. എല്ലാവർക്കും ഭരണത്തിൽ തുല്യ പ്രാതിനിധ്യം നൽകുക എന്നത് ലക്ഷ്യമാക്കിയാണ് ഈ നീക്കമെന്നാണ് സൂചന. മുന്നാക്ക വിഭാഗമായ കാപു ഈസ്റ്റ് ഗോദാവരി, വെസ്റ്റ് ഗോദാവരി, വിശാഖപട്ടണം, വിജയനഗരം ജില്ലകളിലെ പ്രബല സമുദായമാണ്. കാപു സമുദായത്തിന്റെ വോട്ട് ഏകീകരണം ഇക്കഴിഞ്ഞ അസംബ്ലി തെരഞ്ഞെടുപ്പിൽ വൈ.എസ്.ആർ കോൺഗ്രസിന്റെ മികച്ച വിജയത്തിൽ പ്രധാന പങ്കുവഹിച്ചിട്ടുണ്ടെന്നാണ് രാഷ്ട്രീയ കേന്ദ്രങ്ങളുടെ വിലയിരുത്തൽ.

സർക്കാർ ഉദ്യോഗങ്ങളിൽ തങ്ങൾക്ക് സംവരണം നൽകണമെന്നാവശ്യപ്പെട്ട് കാപു വിഭാഗം കാലങ്ങളായി സമരത്തിലാണ്. ഇതേത്തുടർന്ന് തന്റെ സർക്കാറിന്റെ കാലാവധി പൂർത്തിയാകുംമുമ്പ് വിദ്യാഭ്യാസ, തൊഴിൽ മേഖലകളിൽ കാപു സമുദായത്തിന് അഞ്ച് ശതമാനം സംവരണം ഏർപ്പെടുത്തിക്കൊണ്ടുള്ള ബിൽ ചന്ദ്രബാബു നായിഡു സർക്കാർ അവതരിപ്പിച്ചിരുന്നു. അതേസമയം, കാപു സമുദായത്തിന് സംവരണം വാഗ്ദാനം ചെയ്യാൻ തനിക്കു കഴിയില്ലെന്നാണ് തെരഞ്ഞെടുപ്പ് പ്രചരണത്തിനിടെ ജഗൻ മോഹൻ റെഡ്ഡി പറഞ്ഞിരുന്നത്.

25 അംഗങ്ങളായിരിക്കും ജഗൻ മോഹൻ റെഡ്ഡിയുടെ മന്ത്രിസഭയിലുണ്ടാവുക എന്നാണ് വിശ്വസനീയ കേന്ദ്രങ്ങളിൽ നിന്നുള്ള റിപ്പോർട്ടുകൾ. ഇതിൽ പകുതിയും പിന്നാക്ക വിഭാഗങ്ങളുടെ പ്രതിനിധികളായിരിക്കും. രണ്ടു വർഷം കഴിഞ്ഞാൽ മന്ത്രിസഭാ പുനഃസംഘാടനം നടത്താനും യുവാക്കൾക്ക് മന്ത്രിസഭയിൽ കൂടുതൽ അവസരം നൽകാനും തീരുമാനമുണ്ട്.