അതിനിടെ പ്രളയക്കെടുതി നേരിടുന്നതിന് ദേശീയ ദുരന്ത നിവാരണ സേനയുടെ അഞ്ച് ട്രൂപ്പുകള്‍ എറണാകുളം ജില്ലയിലെത്തി. നേവിയുടെ രണ്ട് ഹെലികോപ്ടറുകളും വ്യോമസേനയുടെ മൂന്ന് ഹെലികോപ്ടറുകളും രക്ഷാപ്രവര്‍ത്തനത്തിനുണ്ട്. നാവിക സേനയുടെ 20 ബോട്ടുകള്‍ കോസ്റ്റ് ഗാര്‍ഡിന്റെ 11 ബോട്ടുകളും രംഗത്തുണ്ട്. സേനയുടെ ബോട്ടുകളും മത്സ്യത്തൊഴിലാളികളുടെയും സ്വകാര്യ വ്യക്തികളുടെയും ബോട്ടുകളടക്കം ഇരുനൂറ്റി പത്തോളം ബോട്ടുകളാണ് രക്ഷാപ്രവര്‍ത്തനത്തിലുള്ളത്. നേവിയുടെ രണ്ട് ഹെലികോപ്ടറുകള്‍ പ്രളയ ബാധിത മേഖലയില്‍ ഭക്ഷണ വിതരണം ആരംഭിച്ചു. 80,000 പേര്‍ക്കുള്ള ഭക്ഷണപ്പൊതികളാണ് വിതരണം ചെയ്യുന്നത്. യു സി കോളേജിലെ ക്യാംപിലെയും പരിസര പ്രദേശങ്ങളിലെയും ദുരിതബാധിതര്‍ക്ക് ഭക്ഷണം വിതരണം ചെയ്യുന്നതിനായി കുസാറ്റില്‍ നാവിക സേനയുടെ കിച്ചന്‍ ആരംഭിച്ചു. 7500 പേര്‍ക്കുള്ള ഭക്ഷണം ഇവിടെ തയാറാക്കും. ഉച്ച വരെ നാലായിരത്തോളം പേരെ രക്ഷപെടുത്തിയിട്ടുണ്ട്.

ഈ മാസം ആറാം തിയതി നടക്കുന്ന അച്ഛന്റെ ശ്രാദ്ധത്തിന് ബലിയിടാന്‍ അനുവദിക്കണമെന്നാണ് ദിലീപ് ജാമ്യാപേക്ഷയില്‍ ചൂണ്ടിക്കാട്ടിയിരുന്നത്. ജാമ്യാപേക്ഷ പരിഗണിച്ച കോടതി പരിപാടിയില്‍ പങ്കെടുക്കാനായി അനുമതി നല്‍കുകയായിരുന്നു.

സെപ്തംബര്‍ 6ന് ബുധനാഴ്ചയാണ് ദിലീപിന്റെ അച്ഛന്‍ പത്മനാഭന്‍ പിള്ളയുടെ ശ്രാദ്ധ ദിനം. അന്ന് രാവിലെ ഏഴു മണി മുതല്‍ 11 വരെ വീട്ടില്‍ നടക്കുന്ന ചടങ്ങില്‍ പങ്കെടുക്കാന്‍ അനുവദിക്കണമെന്നാണ് അപേക്ഷയില്‍ ആവശ്യപ്പെപ്പെട്ടത്. അങ്കമാലി മജിസ്ട്രേറ്റ് കോടതിയിലാണ് ചടങ്ങില്‍ പങ്കെടുക്കാന്‍ പ്രത്യേക അനുമതി നല്‍കണമെന്നാവശ്യപ്പെട്ട് ദിലീപിന്റെ അഭിഭാഷകന്‍ അപേക്ഷ സമര്‍പ്പിച്ചത്.

വീട്ടിലും ആലുവ മണപ്പുറത്തുമായാണ് ബലിദാന ചടങ്ങുകള്‍ നടക്കുന്നത്. ബലികര്‍മ്മങ്ങള്‍ പൂര്‍ത്തിയാക്കി രണ്ട് മണിക്കൂറിനകം ജയിലില്‍ തിരിച്ചെത്തണമെന്നാണ് കോടതി നിര്‍ദേശം. പൊലീസ് സംരക്ഷണയോടെ വേണം പുറത്തു പോകാനെന്നും കോടതി വ്യക്തമാക്കിയിട്ടുണ്ട്.

ജയിലിന്റെ ഒന്നര കിലോമീറ്റര്‍ മാത്രം അകലെയാണ് ദിലീപിന്റെ വീട്. ജയിലില്‍ നിന്നും പൊലീസ്  സംരക്ഷണത്തില്‍ ദിലീപിനെ വീട്ടില്‍ എത്തിക്കുകയും തിരിച്ച് ജയിലില്‍ എത്തിക്കുകയും വേണം. സുരക്ഷ കൂടി ഉള്‍പ്പെടുന്ന പ്രശ്നമായതിനാല്‍ വിഷയത്തില്‍ പൊലീസ് എന്ത് നിലപാടെടുക്കുമെന്നതും പ്രസക്തമാണ്.

അതേസമയം ജാമ്യം നല്‍കുന്നതിന് എതിര്‍പ്പുമായി പ്രോസിക്യൂഷനും രംഗത്തെത്തിയിരുന്നു. ദിലീപിനെ ജയിലില്‍നിന്ന് പുറത്തുവിടുന്നതില്‍ എതിര്‍പ്പുമായി എത്തിയ പ്രോസക്യൂഷന്‍ വീട്ടില്‍ നടക്കുന്ന ചടങ്ങില്‍ പങ്കെടുക്കാന്‍ ദിലീപിനെ അനുവദിക്കരുതെന്ന് ആവശ്യപ്പെട്ടു.

അതിനിടെ, ദിലീപിന്റെ റിമാന്‍ഡ് കാലാവധി ഈ മാസം 16 വരെ നീട്ടി. നേരത്തെ നടന്‍ ദിലീപ് ഹൈകോടതിയില്‍ സമര്‍പ്പിച്ച രണ്ടാം ജാമ്യഹരജിയും തള്ളിയിരുന്നു. ആദ്യ ജാമ്യഹരജി പരിഗണിച്ചപ്പോള്‍ ഉണ്ടായിരുന്ന സാഹചര്യത്തില്‍ മാറ്റമുണ്ടായിട്ടില്ലെന്നും അന്വേഷണം പുരോഗമിക്കുകയാണെന്നും വിലയിരുത്തിയാണ് സിംഗിള്‍ ബെഞ്ച് രണ്ടാം തവണയും ഹരജി തള്ളിയത്.

ദിലീപിന് ജാമ്യം അനുവദിക്കുന്നതിനെതിരെ പ്രോസിക്യൂഷന്‍ നിരത്തിയ വാദങ്ങള്‍ അംഗീകരിച്ചാണ് ജാമ്യാപേക്ഷ തള്ളിയത്. പ്രതിക്കെതിരെ ആരോപിക്കുന്ന ഇത്തരം കുറ്റകൃത്യങ്ങള്‍ കോടതി ലഘുവായി കാണുന്നില്ല. സമാനമനസ്‌കര്‍ക്കുള്ള മുന്നറിയിപ്പായാണ്  പ്രതിയുടെ ജാമ്യം നിഷേധിക്കുന്നതെന്നും കോടതി ഉത്തരവില്‍ പറയുന്നു.

ദിലീപിന്റെ പേരില്‍ ഉയര്‍ന്നത് വളരെ ഗുരുതരമായ ആരോപണങ്ങളാണ്. നടന്‍ കൂടിയായ പ്രതിക്ക് ജാമ്യം നല്‍കിയാല്‍ തെളിവുകള്‍ നശിപ്പിക്കാന്‍ സാധ്യതയുണ്ട്. അതിനാല്‍ തന്നെ അന്വേഷണം നടക്കുമ്പോള്‍ ദിലീപ് ജുഡീഷ്യല്‍ കസ്റ്റഡിയില്‍ ഉണ്ടാവേണ്ടതുണ്ടെന്നുമാണ് ഉത്തരവിലുള്ളത്.

ശനിയാഴ്ചയാണ് ദിലീപിന്റെ ജാമ്യാപേക്ഷ അങ്കമാലി കോടതി തള്ളിയത്. പ്രതിക്കു ജാമ്യം ലഭിച്ചാല്‍ തെളിവുകള്‍
നശിപ്പിക്കാനും സാക്ഷികളെ സ്വാധീനിക്കാനും സാധ്യതയുണ്ടെന്ന പ്രോസിക്യൂഷന്‍ വാദം കണക്കിലെടുത്തായിരുന്നു
കണക്കിലെടുത്തായിരുന്നു നടപടി. ദിലീപിന് വേണ്ടി നടക്കുന്ന പ്രചാരണവും നടന് സമൂഹ്യ മാധ്യമങ്ങിലുള്ള സ്വാധീനവും പ്രോസിക്യൂഷന്‍ ചൂണ്ടിക്കാണിച്ചിരുന്നു. പ്രതി പുറത്തിറങ്ങിയാല്‍ ഇരയായ നടിയുടെ ജീവന് പോലും ഭീക്ഷണിയാണെന്നും പ്രോസിക്യൂഷന്‍ ജാമ്യം തടയുന്നതിനായുള്ള വാദത്തില്‍ പറഞ്ഞു.

പ്രതിഭാഗത്തിന്റേയും വാദിഭാഗത്തിന്റേയും വാദങ്ങള്‍ കേട്ട കോടതി, കേസ് ഡയറി വായിച്ചു ബോധ്യപ്പെട്ട ശേഷമാണ് ഗൗരവകരമായ നിരീക്ഷണങ്ങളോടെ ദിലീപിന് ജാമ്യം നിഷേധിച്ചത്. ജാമ്യം നിഷേധിച്ച ഉത്തരവില്‍ കോടതി നിരീക്ഷിച്ച കാരണങ്ങള്‍ മേല്‍ക്കോടതിയിലും ദിലീപിന് പ്രശ്‌നമാവുമെന്നാണ് വിവരം.

അതേസമയം നടി ആക്രമിക്കപ്പെട്ട കേസില്‍ അറസ്റ്റിലായ ദിലീപ് ഹൈക്കോടതിയില്‍ ജാമ്യാപേക്ഷ സമര്‍പ്പിച്ചു. ഗൂഡാലോചന ആരോപിച്ച് പൊലീസ് അറസ്റ്റ് ചെയ്ത ദിലീപിനെതിരെ തെളിവുകളൊന്നുമില്ലന്നാണ് പ്രതിഭാഗത്തിന്റെ വാദം. സാക്ഷികളെ സ്വാധീനിക്കുമെന്ന പ്രോസിക്യൂഷന്‍ വാദം അടിസ്ഥാനരഹിതമാണെന്നും അറസ്റ്റ് തന്നെ സംശയത്തിന്റെ അടിസ്ഥാനത്തിലാണെന്നും ഹര്‍ജിയില്‍ പറയുന്നത്.