കുഞ്ഞിനെ കുളിപ്പിച്ച് അമ്മൂമ്മയുടെ അടുത്ത് കിടത്തി കുറച്ച് മിനിറ്റുകള്‍ക്കുള്ളില്‍ ആയിരുന്നു ആക്രമണം. വീട്ടില്‍ നിന്ന് ചോര പുരണ്ട കത്തി കണ്ടെത്തിയതോടെ കൊലപാതകമാണെന്ന് പൊലീസ് സ്ഥിരീകരിച്ചു. റോസിലി മാനസിക പ്രശ്‌നങ്ങള്‍ക്കായി ചികിത്സയില്‍ ആയിരുന്നു എന്നും പൊലീസ് വ്യക്തമാക്കി.

കത്തി കൊണ്ട് കഴുത്ത് മുറിച്ചാണ് കുഞ്ഞിനെ കൊലപ്പെടുത്തിയത്. പോസ്റ്റ്‌മോര്‍ട്ടം റിപ്പോര്‍ട്ടും കൊലപാതകമാണെന്ന് ഉറപ്പിച്ചു. കൊല്ലപ്പെട്ടത് ആന്റണി-റൂത്ത് ദമ്പതികളുടെ രണ്ടാമത്തെ മകള്‍ ഡെല്‍നയാണ്.

പോസ്റ്റ്‌മോര്‍ട്ടത്തിനു ശേഷം ഡെല്‍നയുടെ മൃതദേഹം വീട്ടിലെത്തിച്ച് ഇടക്കുന്നം സെന്റ് ആന്റണീസ് പള്ളിയില്‍ വൈകീട്ട് സംസ്‌കരിക്കും.

ബുധനാഴ്ച രാവിലെ 9 മണിയോടെയാണ് സംഭവം. കറുക്കുറ്റിയിലെ വീട്ടില്‍ അമ്മൂമ്മയുടെ കൂടെ കുഞ്ഞിനെ കിടത്തിയതായിരുന്നു. തിരിച്ച് അമ്മ എത്തിയപ്പോഴാണ് കുഞ്ഞിനെ ചോര വാര്‍ന്നോലിക്കുന്ന നിലയില്‍ കണ്ടത്. ഉടനെ ആശുപത്രിയില്‍ എത്തിച്ചെങ്കിലും 9:30കൂടി മരണം സ്ഥിരീകരിച്ചിരുന്നു. കുഞ്ഞിന്റെ അമ്മൂമ്മയ്ക്ക് മാനസികപ്രശ്‌നങ്ങള്‍ ഉള്ളതായി നാട്ടുകാരും പറയുന്നു. പൊലീസും ഫോറന്‍സിക്കും പരിശോധന നടത്തുകയാണ്.

കുഞ്ഞിന്റെ അച്ഛന്റെയും അമ്മൂമ്മയുടെയും മൊഴി എടുത്തു. മൃതദേഹം അപ്പോളോ ആശുപത്രിയിലാണ്. അതേസമയം കുട്ടിയുടെ അമ്മൂമ്മയെ ബോധരഹിത ആയതിനെ തുടര്‍ന്ന് ആശുപത്രിയിലേക്ക് മാറ്റി.നാളെ കുട്ടിയുടെ പോസ്റ്റുമാര്‍ട്ടം നടപടികള്‍ നടക്കും.