angel de maria – Chandrika Daily

ബൂട്ടഴിക്കാനൊരുങ്ങി അര്‍ജന്റീനയുടെ ‘മാലാഖ’

webdesk13 — Wed, 18 Oct 2023 13:21:27 +0000

അര്‍ജന്റീനയുടെ രക്ഷകന്‍ എയ്ഞ്ചല്‍ ഡി മരിയ ബൂട്ടഴിക്കുന്നു. 2024 കോപ്പ അമേരിക്കയ്ക്ക് ശേഷം അര്‍ജന്റീന ദേശീയ ടീമില്‍ നിന്ന് വിരമിക്കുമെന്ന് ഡി മരിയ. അര്‍ജന്റീനിയന്‍ ഔട്ട്‌ലെറ്റ് ടൊഡോ പാസയോടാണ് അദ്ദേഹം ഇക്കാര്യം പറഞ്ഞത്. നീണ്ട 16 വര്‍ഷത്തെ കരിയറാണ് ഡി മരിയ അവസാനിപ്പിക്കുന്നത്.

അടുത്ത വര്‍ഷം കോപ്പ അമരിക്കയോടെ അത് അവസാനിപ്പിക്കും. ദേശീയ ടീമിനൊപ്പം എന്റെ അവസാന ടൂര്‍ണമെന്റായിരിക്കും അത്. ലിയോയ്‌ക്കൊപ്പം, ഞാന്‍ എല്ലാം നേടി. അദ്ദേഹത്തോടൊപ്പം ഒരു ക്ലബ്ബില്‍ കളിക്കാന്‍ പറ്റില്ല എന്നത് മാത്രമായിരുന്നു ബാക്കി. പാരിസ് സെന്റ് ജര്‍മെനില്‍ അതും സംഭവിച്ചു. ക്ലബില്‍ നിന്ന് വിടപറയാന്‍ നേരം മെസിയെ കെട്ടിപ്പിടിച്ച് ഞാന്‍ പറഞ്ഞു, ‘ഒന്നിച്ച് ഒരു ക്ലബ്ബില്‍ കളിക്കാന്‍ കഴിഞ്ഞതില്‍, എല്ലാ ദിവസവും കാണാന്‍ കഴിഞ്ഞതില്‍ നന്ദിയുണ്ട്” ഡി മരിയ പറഞ്ഞു.

‘ഒരു വര്‍ഷം മുഴുവന്‍ ലിയോയെ കണ്ടിരിക്കാനും ഒപ്പം പരിശീലിക്കാനും അവന്‍ ചെയ്യുന്നതൊക്കെ കാണാനും കഴിഞ്ഞു. എന്നെ സംബന്ധിച്ചിടത്തോളം ഏറ്റവും മികച്ച അനുഭവങ്ങളിലൊന്നായിരുന്നു അത്’ ഡി മരിയ കൂട്ടിച്ചേര്‍ത്തു. 35 കാരനായ ഡി മരിയ 134 മത്സരങ്ങളില്‍ അര്‍ജന്റീനക്കുവേണ്ടി കളത്തിലിറങ്ങിയിട്ടുണ്ട്. നിലവില്‍ അര്‍ജന്റീനയ്ക്ക് വേണ്ടി ഡിമരിയ 28 ഗോളുകള്‍ നേടിയിട്ടുണ്ട്.

ടീമിനൊപ്പം 2022 ലോകകപ്പ്, 2021 കോപ അമേരിക്ക, ഫൈനലിസിമ ടൂര്‍ണമെന്റ് വിജയങ്ങളിലും പങ്കാളിയായി. ഖത്തര്‍ ലോകകപ്പിന് ശേഷം വിരമിക്കുമെന്ന് പ്രഖ്യാപിച്ചിരുന്നെങ്കിലും പിന്നീട് അദ്ദേഹം തന്നെ അത് തിരുത്തുകയായിരുന്നു. നിലവില്‍ ബെന്‍ഫിക്ക ക്ലബ്ബിന് വേണ്ടിയാണ് താരം കളിക്കുന്നത്.

യൂറോപ്പിലെ പ്രമുഖരായ പി.എസ്.ജി, റയല്‍ മാഡ്രിഡ്, യുവന്റസ്, മാഞ്ചസ്റ്റര്‍ യുണൈറ്റഡ് എന്നിവര്‍ക്ക് വേണ്ടിയും അദ്ദേഹം ബൂട്ടുകെട്ടി.

‘ചാംപ്യനായി കളിക്കണം’; ഉടന്‍ വിരമിക്കില്ലെന്ന പ്രഖ്യാപനവുമായി എയ്ഞ്ചല്‍ ഡി മരിയ

webdesk12 — Sat, 24 Dec 2022 10:14:32 +0000

ലയണല്‍ മെസിക്ക് പിന്നാലെ ഫുട്‌ബോളില്‍ നിന്ന് ഉടന്‍ വിരമിക്കില്ലെന്ന് പ്രഖ്യാപിച്ച് അര്‍ജന്റീനയുടെ എയ്ഞ്ചല്‍ ഡി മരിയയും.2024ലെ കോപ്പ അമേരിക്ക വരെ അദ്ദേഹം അര്‍ജന്റീന ടീമിലുണ്ടാകുമെന്നാണ് റിപ്പോര്‍ട്ടുകള്‍.ലോകകപ്പില്‍ അര്‍ജന്റീനയുടെ കിരീടവിജയത്തിനു ശേഷമാണ് സീനിയര്‍ താരങ്ങള്‍ നിലപാട് വ്യക്തമാക്കിയത്. നീണ്ട 36 വര്‍ഷത്തെ കാത്തിരിപ്പിനൊടുവിലാണ് അര്‍ജന്റീനയുടെ വിജയം.

ഫൈനലില്‍ ഷൂട്ടൗട്ടില്‍ ഫ്രാന്‍സിനെ തോല്‍പ്പിച്ചാണ് അര്‍ജന്റീന കിരീടം ഉയര്‍ത്തിയത്. 2008ല്‍ അര്‍ജന്റീനയ്ക്കായി അരങ്ങേറ്റം കുറിച്ച ഡിമരിയ ഇതുവരെ 129 മല്‍സരങ്ങള്‍ കളിച്ചിട്ടുണ്ട്. ഖത്തര്‍ ലോകകപ്പിന്റെ ഗ്രൂപ്പ് ഘട്ടത്തിലെ പരിക്കുകള്‍ താരത്തെ ബുദ്ധിമുട്ടിച്ചിരുന്നു. എന്നാല്‍ ഫൈനലില്‍ നിര്‍ണായക പങ്കുവഹിച്ച എയ്ഞ്ചല്‍ ഡി മരിയ ലയണല്‍ മെസിക്കൊപ്പം കിരീടം ഉയര്‍ത്തി.

മഴവില്ലഴകില്‍ കോര്‍ണര്‍ കിക്കില്‍ നിന്ന് ഡീ മരിയയുടെ സൂപ്പര്‍ ഗോള്‍

ചന്ദ്രിക വെബ് ഡെസ്‌ക്‌ — Sun, 02 Sep 2018 12:20:33 +0000

പാരീസ്: ഫുട്‌ബോളില്‍ വീണ്ടും ചരിത്ര മുഹൂര്‍ത്തം കുറിച്ച് പാരീസ് സെയ്ന്റ് ജര്‍മന്‍ സ്‌ട്രൈക്കര്‍ എയ്ഞ്ചല്‍ ഡീ മരിയ. ആരാധകരെ എന്നും ആവേശം കൊള്ളിച്ച ഡീ മരിയ കളത്തില്‍ വീണ്ടും വിസ്മയം തീര്‍ത്തിരിക്കുകയാണ്. ഫുട്‌ബോള്‍ ചരിത്രത്തില്‍ അപൂര്‍വമായി മാത്രം പിറന്നിട്ടുള്ള കോര്‍ണര്‍ കിക്ക് ഗോള്‍ സ്വന്തമാക്കിയിരിക്കുകയാണ് താരം. ഫ്രഞ്ച് ലീഗ് വണ്ണില്‍ നിമെസിനെതിരെയാണ് ഡീ മരിയ കോര്‍ണര്‍ കിക്ക് നേരിട്ട് വലയിലെത്തിച്ചത്.

മരിയയുടെ മഴവില്ലിന് മുന്നില്‍ നിമെസ് പ്രതിരോധതാരങ്ങള്‍ക്കും ഗോളിക്കും കാഴ്ച്ചക്കാരാകാനേ കഴിഞ്ഞുള്ളൂ. കോര്‍ണറില്‍ നിന്നും മരിയ എടുത്ത കിക്ക് വില്ലുപോലെ വളഞ്ഞ് ഗോള്‍ പോസ്റ്റിന് ഉളളിലേക്ക് കയറുകയായിരുന്നു. ഫുട്‌ബോള്‍ ലോകത്ത് അപൂര്‍വ്വമായി മാത്രം കണ്ടിട്ടുള്ള കാഴ്ച്ചയില്‍ ലോകം തന്നെ അമ്പരന്നുപോയി.

പുതിയ സീസണില്‍ മരിയയുടെ ആദ്യ ഗോളാണിത്. മരിയയെ കൂടാതെ നെയ്മറും എംബാപ്പെയും കവാനിയും ഗോള്‍ കണ്ടെത്തിയ മത്സരത്തില്‍ പി.എസ്.ജി 4-2ന് വിജയിച്ചു. ലോകകപ്പിലും മനോഹരമായൊരു ഗോള്‍ ഡീ മരിയ സ്വന്തമാക്കിയിരുന്നു. എന്നാല്‍, അര്‍ജന്റീനയുടെ മോശം പ്രകടനം ഡീ മരിയയുടെ ലോകകപ്പ് ഓര്‍മ്മകള്‍ക്ക് മങ്ങലേല്‍പ്പിക്കുന്നുണ്ട്.

Di Maria just scored this goal for PSG. Holy shit what have I just seen. This is absolute madness. pic.twitter.com/fW9jqzAQKe

— World Cup (@FlFAWC2018) September 1, 2018