കര്‍ണാടക സ്വദേശികളായ ഇന്ത്യയുടെ രണ്ട് മുന്‍ ക്രിക്കറ്റ് നായകന്മാരെ പാര്‍ട്ടിയിലെത്തിക്കാനായിരുന്നു ബി.ജെ.പിയുടെ ശ്രമം. കര്‍ണ്ണാടകയില്‍ കോണ്‍ഗ്രിനും സിദ്ധരാമയ്യക്കും തിരിച്ചടി നല്‍കി യുവ വോട്ടര്‍മാരെ പിടിക്കാനായിരുന്നു ബി.ജെ.പിയുടെ നീക്കം. ഇതിനായി ആഴ്ച്ചകളായി ചര്‍ച്ചകള്‍ നടത്തിയെങ്കിലും ഇത് വിഫലമാവുകയായിരുന്നു. ഒരാളെ കേന്ദ്രത്തിലേക്ക് ക്ഷണിച്ചു കൊണ്ടുളള വാഗ്ദാനം വരെ നല്‍കിയതായും റിപ്പോര്‍ട്ടിലുണ്ട്. എന്നാല്‍ തങ്ങള്‍ക്ക് രാഷ്ട്രീയത്തില്‍ ഇറങ്ങാന്‍ താത്പര്യമില്ലെന്ന് ഇരുവരും അറിയിച്ചതായാണ് വിവരം.

ഇരു താരങ്ങളുടേയും പ്രതിച്ഛായയും ജനപ്രിയതയും മെയ് 12ന് നടക്കുന്ന വോട്ടെടുപ്പില്‍ തങ്ങളെ സഹായിക്കുമെന്നായിരുന്നു ബി.ജെ.പിയുടെ കണക്കുകൂട്ടല്‍. താരങ്ങളെ ബി.ജെ.പിയിലേക്ക് കൊണ്ടുവരാന്‍ നിരവധി തവണ ചര്‍ച്ച നടത്തിയതായും റിപ്പോര്‍ട്ടുണ്ട്. എന്നാല്‍ ഇതു സംബന്ധിച്ച് ഇരു താരങ്ങളും പ്രതികരിച്ചിട്ടില്ല. ഇന്ത്യന്‍ ക്രിക്കറ്റ് ടീമിന് വേണ്ടി കര്‍ണാടകയില്‍ നിന്നും കളിച്ച മികച്ച താരങ്ങളാണ് കുംബ്ലെയും ദ്രാവിഡും.

കുംബ്ലെയുടെ തീരുമാനത്തെ താനും മറ്റു ടീമാംഗങ്ങളും ബഹുമാനിക്കുന്നു. മികച്ച ക്രിക്കറ്റ് താരം എന്ന നിലയിലും കുംബ്ലെയോട് ഏറെ ആദരവുണ്ടെന്നും കോഹ്‌ലി പറഞ്ഞു. കോഹ്‌ലിയുമായി അസ്വാരസ്യത്തെത്തുടര്‍ന്നാണ് പരിശീലക സ്ഥാനത്തു നിന്ന് രാജിവെക്കുന്നതെന്ന് കുംബ്ലെ രാജി കത്തില്‍ വ്യക്തമാക്കിയിരുന്നു. കോഹ്‌ലിയുടെ മറുപടിക്കായാണ് ആരാധകര്‍ കാത്തിരുന്നതെങ്കിലും വിവാദം കൊഴുപ്പിക്കാതെയാണ് കോഹ്‌ലി പ്രതികരിച്ചത്.

ലണ്ടനിലെ ഐ.സി.സി വാര്‍ഷിക സമ്മേളനത്തില്‍ പങ്കെടുക്കേണ്ട അനിവാര്യത ചൂണ്ടിക്കാട്ടിയാണ് കുംബ്ലെ വെസ്റ്റ്ന്‍ഡീസിലേക്ക് പര്യടനത്തിന് പോകുന്ന ഇന്ത്യന്‍ ടീമിനെ അുഗമിക്കാതിരുന്നത്. എന്നായിരുന്നു ഔദ്യോഗിക വിശദീകരണം. തിങ്കളാഴ്ച തുടങ്ങിയ ഐ.സി.സി വാര്‍ഷിക സമ്മേളനം ഈ മാസം 23 നായിരിക്കും അവസാനിക്കുക.

ചില തല്പര കക്ഷികളാണ് ഇത്തരം വാര്‍ത്തകള്‍ക്ക് പിന്നില്‍. പരിശീലകന്‍ അനില്‍ കുംബ്ലെയുമായി യാതൊരു പ്രശനവുമില്ലെന്നും വളരെ സുഗമമായാണ് ഞങ്ങള്‍ മുന്നോട്ട് പോകുന്നെന്നും നായകന്‍ കൂട്ടിച്ചേര്‍ത്തു.

ഇന്ത്യന്‍ നായകനുള്‍പ്പടെ മുന്‍ നിര താരങ്ങള്‍ക്ക് അനഭിമതനായ കുംബ്ലെ പരിശീലക സ്ഥാനത്ത് നിന്ന് ഒഴിയുമെന്ന റിപ്പോര്‍ട്ടുണ്ടായിരുന്നു. താരങ്ങളെ ഉപയോഗിച്ച് ബിസിസിഐ തന്നെയാണ് കുംബ്ലെയ്‌ക്കെതിരെ തിരിയുന്നതെന്നും വാര്‍ത്തകള്‍ പ്രചരിച്ചിരുന്നു. ഐസിസിയുമായുള്ള അഭിപ്രായ വ്യത്യാസത്തെ തുടര്‍ന്ന് ചാമ്പ്യന്‍സ് ട്രോഫിക്കുള്ള ഇന്ത്യന്‍ ടീമിനെ പ്രഖ്യാപിക്കാത്തതിനെതിരെ അനില്‍ കുംബ്ലെ രംഗത്തെത്തിയിരുന്നു. കോടതി രൂപീകരിച്ച താല്‍ക്കാലിക സമിതിക്ക് മുമ്പാകെ വേതനം കൂട്ടുന്നതിന് നിവേദനം നല്‍കിയ കുംബ്ലെയുടെ നിലപാടും ബിസിസിഐക്ക് രസിച്ചിരുന്നില്ല. ഇതിനിടെ കുംബ്ലെയുടെ കാലാവധി തീരുന്നതോടെ സെവാഗിനെ പരിശീലകനാക്കാനുളള നീക്കം നടക്കുന്നതായും വാര്‍ത്തകള്‍ പ്രചരിച്ചു.

വിവാദങ്ങള്‍ക്ക് എരിവ് പകര്‍ന്ന് താല്‍ക്കാലിക ഭരണ സമിതി അംഗമായ രാമചന്ദ്ര ഗുഹ ഇന്ത്യന്‍ ക്രിക്കറ്റിലെ കൊള്ളരുതായ്മകള്‍ ചൂണ്ടിക്കാട്ടി കത്തെഴുതുകയും രാജി പ്രഖ്യാപിക്കുകയും ചെയ്തു. ഇത്രയുമായതോടെ സൗരവ് ഗാംഗുലി വിശദീകരണവുമായി എത്തി. ഇന്ത്യന്‍ ടീമില്‍ ഇപ്പോള്‍ യാതൊരു പ്രശ്‌നവുമില്ലെന്നും ചാമ്പ്യന്‍സ് ട്രോഫി പോലൊരു സുപ്രധാനമായ മത്സരം കളിക്കുമ്പോള്‍ കളിക്കാരുടെ മനോബലം കുറക്കാന്‍ മാത്രമേ ഇത്തരം ആരോപണങ്ങള്‍ കൊണ്ട് കഴിയൂ എന്നും സൗരവ് ഗാംഗുലി പറഞ്ഞിരുന്നു.

ഇന്ത്യന്‍ ടീമില്‍ ഒരു പ്രശ്‌നവുമില്ലെന്ന് ഉറപ്പിച്ചു പറയുന്ന ഇന്ത്യന്‍ നായകന്‍ വിരാട് കോഹ്‌ലി മറ്റേത് കളിയും പോലെയേ ഇന്ത്യാ-പാക് മത്സരത്തെ കാണുന്നുള്ളൂ എന്നും കൂട്ടിച്ചേര്‍ത്തു.

ചാമ്പ്യന്‍സ് ട്രോഫിയോടെ കരാര്‍ അവസാനിക്കാനിരിക്കെയാണ് കുംബ്ലെയെ ചുറ്റിപ്പറ്റി ഊഹാപോഹങ്ങള്‍ പരക്കുന്നത്. കാലാവധി അവസാനിക്കുന്ന മുറക്ക് കുംബ്ലെയെ മാറ്റി പുതിയ പരിശീലകനെ നിയമിക്കാന്‍ ബിസിസിഐ ആലോചിക്കുന്നുവെന്നും വാര്‍ത്ത വന്നിരുന്നു. സെവാഗിനെ പരിശീലക സ്ഥാനത്തേക്ക് പരിഗണിക്കുന്നുവെന്ന വാര്‍ത്തയും ഈയിടെ പ്രചരിച്ചിരുന്നു.

ചാമ്പ്യന്‍സ് ട്രോഫിയില്‍ പാകിസ്താനെതിരെ ഇന്ത്യ ജൂണ്‍ നാലിന് ഇറങ്ങാനിരിക്കെയാണ് പരിശീലനകനെ സംബന്ധിച്ച പുതിയ വിവാദങ്ങള്‍ വരുന്നത്. കുംബ്ലെയുടെ പരിശീലന രീതിയോട് യോജിച്ചു പോകാനാവില്ലെന്ന് വിരാട് കോഹ്‌ലി സുപ്രിം കോടതി നിയമിച്ച ഇടക്കാല ഭരണസമിതിയെ അറിയിച്ചിട്ടുണ്ട്. കളിക്കാരെ കൂടി വിശ്വാസത്തിലെടുക്കുന്ന രവി ശാസ്ത്രിയുടെ പരിശീലന രീതിയോടാണ് മുതിര്‍ന്ന താരങ്ങള്‍ക്ക് താല്‍പര്യം. ന്യൂസിലന്‍ഡിനെതിരായ ചാമ്പ്യന്‍സ് ട്രോഫി സന്നാഹ മത്സരത്തിന് ശേഷം കോഹ് ലി ഈ പ്രശ്‌നം ബിസിസിഐ ഉപദേശക സമിതി അംഗമായ സൗരവ് ഗാംഗുലിയുമായി ചര്‍ച്ച ചെയ്തതായും ദേശീയ മാധ്യമം റിപ്പോര്‍ട്ട് ചെയ്യുന്നു.

ഓസ്‌ട്രേലിയക്കെതിരെ ധര്‍മശാലിയില്‍ നടന്ന ടെസ്റ്റിന് ശേഷമാണ് കുംബ്ലെയും കോഹ് ലിയും തമ്മിലുള്ള തര്‍ക്കം രൂക്ഷമായത്. പരിക്കേറ്റ കോഹ് ലിക്ക് പകരം കുംബ്ലെയുടെ താല്‍പര്യത്തില്‍ കുല്‍ദീപ് യാദവിനെ അവസാന ഇലവനില്‍ ഉള്‍പ്പെടുത്തുകയായിരുന്നു. എന്നാല്‍ അവസാന നിമിഷമാണ് കോഹ് ലി ഇക്കാര്യം അറിയുന്നത്. ഇതോടെയാണ് ക്യാപ്റ്റനും കോച്ചും തമ്മിലുള്ള ബന്ധം വഷളായതെന്നറിയുന്നു.

ഐസിസിയുമായുള്ള അഭിപ്രായ വ്യത്യാസത്തെ തുടര്‍ന്ന് ചാമ്പ്യന്‍സ് ട്രോഫിക്കുള്ള ഇന്ത്യന്‍ ടീമിനെ പ്രഖ്യാപിക്കുന്നത് വൈകിപ്പിക്കുന്നതിനെതിരെ കുംബ്ലെ രംഗത്തു വന്നതാണ് ഇന്ത്യന്‍ പരിശീലകന്‍ ബിസിസിഐക്ക് അനഭിമതനാകാന്‍ കാരണമായത്.

പുറത്തു വരുന്ന വാര്‍ത്തകള്‍ ശരിയാണെങ്കില്‍ അടുത്തു തന്നെ ഇന്ത്യന്‍ ടീമില്‍ ഒരു പൊട്ടിത്തെറി പ്രതീക്ഷിക്കാമെന്ന് അനുബന്ധവൃത്തങ്ങള്‍ അറിയിക്കുന്നു.

അതേസമയം പുതിയ ത്രീ-ടെയര്‍ പ്രതിഫല രീതി ടെസ്റ്റില്‍ നിന്ന് വിരമിച്ച മുന്‍ ക്യാപ്റ്റന്‍ എം.എസ് ധോനിയുടെ പ്രതിഫലത്തില്‍ പ്രശ്നമുണ്ടാക്കാകുമെന്നാണ് വിലയിരുത്തല്‍. ഏകദിനവും ടിട്വന്റിയും മാത്രം കളിക്കുന്ന മുന്‍ ഇന്ത്യന്‍ നായകന്റെ പ്രതിഫലം മറ്റു ടെസ്റ്റ് താരങ്ങളെക്കാന്‍ താഴെവരാനാണ് സാധ്യത.

ഗ്രേഡ് എ താരങ്ങളുടെ പ്രതിഫലത്തില്‍ 150% വര്‍ദ്ധനവ് ആവശ്യപ്പെടുന്നതാണ് പ്രൊപ്പോസല്‍. രണ്ടു കോടി രൂപ വാര്‍ഷിക വരുമാന കരാറിലാണ് ഗ്രേഡ് എ താരങ്ങളിപ്പോള്‍. എല്ലാ തരം ഫോര്‍മാറ്റിലും കളിക്കുന്ന ഗ്രേഡ് എ താരങ്ങളുടെ പ്രതിഫലം അഞ്ചു കോടി രൂപയാക്കണമെന്നാണു പ്രപ്പോസല്‍ ആവശ്യപ്പെടുന്നത്. ഗ്രേഡ് ബി താരങ്ങള്‍ക്ക് ഒരു കോടി രൂപയും ഗ്രേഡ് സി താരങ്ങള്‍ക്കു 50 ലക്ഷം രൂപയുമാണ് വാര്‍ഷിക വരുമാനം.

ബി.സി.സി.ഐ സി.ഇ.ഒ രാഹുല്‍ ജോഹ്രി, ജോയിന്റ് സെക്രട്ടറി അമിതാഭ് ചൗധരി, ട്രഷറര്‍ അനിരുദ്ധ് ചൗധരി എന്നിവരുടെ മുമ്പാകെയാണ് പ്രൊപ്പോസല്‍ വെച്ചത്. എന്നാല്‍ ഇക്കാര്യത്തില്‍ അവസാന തീരുമാനമെടുക്കേണ്ടത് ഭരണസമിതിയാണ്. ബോര്‍ഡംഗങ്ങളോടു റിപ്പോര്‍ട്ട് തയാറാക്കാന്‍ ഭരണസമിതി നിര്‍ദേശം നല്‍കിയിട്ടുണ്ട്.