ഹിന്ദു പെണ്‍കുട്ടിയെ ന്യൂനപക്ഷ വിഭാഗത്തില്‍പ്പെട്ട യുവാവ് ബലാല്‍സംഘം ചെയ്‌തെന്ന ഇല്ലാക്കഥ പ്രചരിപ്പിച്ചായിരുന്നു ഹിന്ദുത്വവാദികളുടെ അഴിഞ്ഞാട്ടം. ബി.ജെ.പിയുടെ വിദ്യാര്‍ത്ഥി വിഭാഗമായ എ.ബി.വി.പിയുടെ നേതൃത്വത്തിലാണ് സമൂഹമാധ്യമങ്ങളിലൂടെ വ്യാജപ്രചാരണം നടത്തി ആളുകളെ കൂട്ടിയത്. സംഘടിച്ചെത്തിയ അക്രമികള്‍ അഗസ്ത്യമുനി ടൗണിലെ മുസ്‌ലിം വ്യാപാര സ്ഥാപനങ്ങള്‍ തെരഞ്ഞുപിടിച്ച് ആക്രമിക്കുകയായിരുന്നു. കടയിലുള്ളവരെ അടിച്ചോടിച്ച ശേഷം സാധനങ്ങള്‍ കൊള്ളയടിക്കുകയും ചെയ്തു. മൊബൈല്‍ ഷോപ്പുകള്‍, വസ്ത്രശാലകള്‍, പച്ചക്കറിക്കടകള്‍, വാച്ച് കടകള്‍ തുടങ്ങി 20 ഓളം സ്ഥാപനങ്ങള്‍ ആക്രമിച്ചതായാണ് റിപ്പോര്‍ട്ട്. സാധനങ്ങള്‍ റോഡില്‍ വാരിവലിച്ചിട്ട് അഗ്നിക്കിരയാക്കിയതായും രുദ്രപ്രയാഗ് ജില്ലാ പൊലീസ് സുപ്രണ്ട് തൃപ്തി ഭട്ട് അറിയിച്ചു.

പ്രദേശത്തെ ഹിന്ദു പെണ്‍കുട്ടി പീഡിപ്പിക്കപ്പെട്ടതായി ചിലര്‍ പറയുന്ന വീഡിയോ ആണ് വ്യാപകമായി പ്രചരിപ്പിക്കപ്പെട്ടത്. ദൃശ്യങ്ങള്‍ വ്യക്തമല്ലാത്തതിനാല്‍ ഇവര്‍ ആരെന്ന് തിരിച്ചറിഞ്ഞിട്ടില്ല. കലാപമുണ്ടാക്കാനായി സംഘ്പരിവാര്‍ മെനഞ്ഞെടുത്ത നാടകമാണിതെന്ന് വ്യക്തമായിട്ടുണ്ട്. വീഡിയോ വ്യാജമാണെന്ന് വ്യക്തമാക്കി ജില്ലാ മജിസ്‌ട്രേറ്റ് മങ്കേഷ് ഖില്‍ദ്യാല്‍ ഫേസ്ബുക്കില്‍ വീഡിയോ സന്ദേശം പോസ്റ്റ് ചെയ്തിട്ടുണ്ട്. ഇത് പ്രചരിപ്പിച്ചവര്‍ക്കെതിരെ കര്‍ശന നടപടിയെടുക്കുമെന്നും സമാധാനാന്തരീക്ഷം പുന:സ്ഥാപിക്കാന്‍ ജനങ്ങള്‍ സഹകരിക്കണമെന്നും വീഡിയോയില്‍ അദ്ദേഹം ആവശ്യപ്പെട്ടു.

നിരോധനാജ്ഞ പ്രഖ്യാപിച്ചതിന്റെ പശ്ചാത്തലത്തില്‍ പ്രദേശത്ത് വന്‍ പൊലീസ് സന്നാഹം ക്യാമ്പ് ചെയ്യുന്നുണ്ട്. മുസ്‌ലിംകള്‍ വളരെക്കുറച്ചുമാത്രമുള്ള മലയോര പ്രദേശമാണ് അഗസ്ത്യമുനി. പതിറ്റാണ്ടായി ഇവിടെ ഒരു സംഘര്‍ഷം പോലും ഉണ്ടായിട്ടില്ലെന്ന് പ്രദേശവാസികള്‍ സാക്ഷ്യപ്പെടുത്തുന്നു. എന്നാല്‍ ബി.ജെ.പി സര്‍ക്കാര്‍ സംസ്ഥാനത്ത് അധികാരത്തിലേറിയതിന് പിന്നാലെ മുസ്‌ലിംകള്‍ക്കെതിരെ ആക്രമണങ്ങള്‍ തുടര്‍ക്കഥയായിട്ടുണ്ട്. ഉത്തരാഖണ്ഡില്‍ തദ്ദേശ തെരഞ്ഞെടുപ്പ് ആസന്നമായിരിക്കെ കലാപം അഴിച്ചുവിടാനുള്ള ഹിന്ദുത്വ തീവ്രവാദികളുടെ നീക്കമാണിതെന്നാണ് വിലയിരുത്തല്‍.

മകന്റെ മരണത്തിനു നിങ്ങള്‍ പ്രതികാരം ചെയ്യുക ആണെങ്കില്‍ ഞാന്‍ ഈ നാടും പള്ളിയും വിട്ടുപോവും. എന്നോട് സ്‌നേഹം ഉണ്ടെങ്കില്‍ ഒരു വിരല്‍ പോലും ഉയര്‍ത്താതിരിക്കുകയാണ് വേണ്ടതെന്ന് റശീദി പറഞ്ഞു. ആയിരക്കണക്കിനാളുകളാണ് സിബത്തുള്ളയുടെ മരണവാര്‍ത്ത അറിഞ്ഞ് സംഘടിച്ചുനിന്നത്. ഈ സാഹചര്യത്തിലാണ് ഇനിയൊരു അക്രമത്തിന് ഇടവരുത്താതെ റശീദി സമാധാനത്തിനായി നില കൊണ്ടത്.

‘ഞാന്‍ സമാധാനമാണ് ആഗ്രഹിക്കുന്നത്. എന്റെ മകന്‍ നഷ്ടപ്പെട്ടു കഴിഞ്ഞു. ഇനിയൊരു കുടുംബത്തിന്റേയും സ്‌നേഹനിധികളായ മക്കളെ നഷ്ടപ്പെടുത്താന്‍ താന്‍ ആഗ്രഹിക്കുന്നില്ല. ഇനിയും വീടുകള്‍ കത്തിനശിക്കാന്‍ ഞാന്‍ ആഗ്രഹിക്കുന്നില്ല. എന്റെ മകന്റെ മരണത്തിനു നിങ്ങള്‍ പ്രതികാരം ചെയ്യുക ആണെങ്കില്‍ ഞാന്‍ ഈ നാടും പള്ളിയും വിട്ടുപോവും. എന്നോട് സ്‌നേഹം ഉണ്ടെങ്കില്‍ ഒരു വിരല്‍ പോലും ഉയര്‍ത്താതിരിക്കുക’; റശീദി പറഞ്ഞു.

കഴിഞ്ഞ 30 വര്‍ഷമായി അസനോളിലെ നൂറാനി പള്ളിയിലെ ഇമാമാണ് ഞാന്‍. ജനങ്ങള്‍ക്ക് ശരിയായ സന്ദേശം നല്‍കലാണ് എന്റെ പ്രാധാന്യം. സമാധാനത്തിന്റെ സന്ദേശം. എന്റെ വ്യക്തിപരമായ നഷ്ടത്തേക്കാള്‍ അതാണ് ചെയ്യേണ്ടത്. ഇവിടുത്തെ ജനങ്ങള്‍ സംഘര്‍ഷങ്ങള്‍ നടത്തുന്നില്ല. ഇതിന് പിന്നില്‍ ഗൂഢാലോചനയുണ്ടെന്നും ഇംദാദുല്‍ റശീദി കൂട്ടിച്ചേര്‍ത്തു.

10-ാം ക്ലാസ് വിദ്യാര്‍ഥിയായിരുന്നു കൊല്ലപ്പെട്ട സിബത്തുള്ള റശീദി. രാം നവമി ആഘോഷത്തോടനുബന്ധിച്ചുള്ള സംഘ്പരിവാര്‍ സംഘര്‍ഷത്തെ തൊട്ട് കാണാതാവുകയായിരുന്നു. കഴിഞ്ഞ ചൊവ്വാഴ്ച്ച മുതല്‍ കാണാതായ സിബത്തുള്ളയെ പിറ്റേ ദിവസമാണ് കണ്ടെത്തുന്നത്. പൊലീസ് തിരിച്ചറിഞ്ഞ മൃതദേഹത്തില്‍ മര്‍ദ്ദനമേറ്റതിന്റെ പാടുകളുണ്ടായിരുന്നു. അസനോളിലുണ്ടായ സംഘര്‍ഷത്തെ തുടര്‍ന്ന് സംഘ്പരിവാറുകള്‍ തട്ടിക്കൊണ്ടുപോവുകയായിരുന്നു സിബത്തുള്ളയെ. ഒരു കൂട്ടം ആളുകള്‍ സിബത്തുള്ളയെ തട്ടിക്കൊണ്ടുപോയെന്ന് ദൃക്‌സാക്ഷികള്‍ പറയുന്നു.

എന്‍.സി.ആര്‍.ടിയുടെ പന്ത്രണ്ടാം ക്ലാസ് പാഠപുസ്തകത്തിലാണ് ഈ തിരുത്തല്‍ വരുത്തിയത്. ഇന്ത്യന്‍ രാഷ്ട്രീയത്തിലെ സമകാലിക സംഭവങ്ങള്‍ എന്ന പാഠപുസ്തകത്തിലെ അവസാന ഭാഗത്താണ് തിരുത്തല്‍.

‘മുസ്‌ലിം വിരുദ്ധ ഗുജറാത്ത് കലാപം 2002’ എന്നത് ഗുജറാത്ത് കലാപം 2002 എന്നാണ് തിരുത്തിയെഴുതിയത്. ഇതേ പാഠഭാഗത്തില്‍ തന്നെ 1984ലെ സിഖ് വിരുദ്ധ കലാപം എന്നതിന് യാതൊരു മാറ്റവും വരുത്തിയിട്ടില്ല.

പാഠഭാഗത്തിന്റെ ആരംഭത്തില്‍ നിന്ന് മുസ്‌ലിം എന്ന പദം പൂര്‍ണമായും എടുത്തു മാറ്റിയാണ് പ്രസിദ്ധീകരിച്ചിരിക്കുന്നത്. അതേസമയം ഗോദ്ര കലാപത്തിന്റെ ചിത്രം പാഠപുസ്തകത്തില്‍ നല്‍കിയിട്ടുമുണ്ട്.

യു.പി.എ സര്‍ക്കാറിന്റെ കാലത്ത് 2007ല്‍ പുറത്തിറക്കിയ പ്ലസ് ടു പാഠപുസ്തകത്തിലാണ് എന്‍.സി.ഇ.ആര്‍.ടി ഇപ്പോള്‍ മാറ്റം വരുത്തിയിരിക്കുന്നത്.