കോഴിക്കോട്ടെ സംസ്ഥാന സ്‌കൂള്‍ യുവജനോത്സവത്തിലെ ‘തീവ്രവാദി ആക്രമണത്തിന് ‘ തലേ ദിവസം ചത്തിസ്ഗറില്‍ ഒരു മിതവാദി ആക്രമണമുണ്ടായിരുന്നു. ഒരു ക്രിസ്ത്യന്‍ പള്ളിയില്‍ കടന്നുകയറി അലങ്കോലമാക്കുകയും കന്യാമറിയത്തിന്റെ രൂപം ചെറുതായൊന്ന് വെട്ടിപ്പൊളിക്കുകയും ചെയ്തു. ഇങ്ങനെ ഓരോ വര്‍ഷവും ക്രിസ്ത്യന്‍ പള്ളികള്‍ക്കെതിരെയും സ്ഥാപനങ്ങള്‍ക്കെതിരെയും നടക്കുന്ന മിതവാദി ആക്രമണങ്ങളുടെ കണക്ക് ലഭ്യമാണ്. ബീഫ് തിന്നെന്നാരോപിച്ചും കടത്തിയെന്ന് പറഞ്ഞും മിതവാദികള്‍ കെട്ടിയിട്ട് കൊന്നവരുടെ എണ്ണവും അറിയാം. കലോത്സവ സ്‌ക്രിപ്‌റ്റെഴുത്തുകാരന്റെ വിലാസം തന്നാല്‍ അയച്ചു തരാം.

മിതവാദികളുടെ മറ്റനേകം സല്‍പ്രവൃത്തികള്‍ പറയാനുണ്ടെങ്കിലും ഒരു നാലെണ്ണം പറയാം.
ഇജക ദേശീയ എക്‌സിക്യൂട്ടീവ് അംഗമായിരുന്ന ഗോവിന്ദ പന്‍സാരയെ കൊന്നത് 81ാം വയസിലാണ്. 2015 ഫെബ്രുവരി 15 നായിരുന്നു ആ സമാധാന ദൗത്യം.

നാസ്തികപ്രചാരകനും ഡോക്ടറുമായിരുന്ന നരേന്ദ്ര ദബോല്‍ക്കറെ(67) കൊന്നത് അതിനും രണ്ട് വര്‍ഷം മുമ്പ് 2013 ആഗസ്റ്റ് 20ന് . പിന്നില്‍ മിതവാദികള്‍ തന്നെ. കര്‍ണാടക യൂണിവേഴ്‌സിറ്റി വൈസ് ചാന്‍സലര്‍ എന്ന ഛോട്ടാ പദവിയിലിരുന്നയാളും 103 പുസ്തകങ്ങളുടെ കര്‍ത്താവുമായ കല്‍ബുര്‍ഗിയെ 76ാം വയസിലും കൊന്നു കളഞ്ഞു. 2015 ആഗസ്റ്റ് 30ന് . പത്രപ്രവര്‍ത്തകയായ ഗൗരി ലങ്കേഷിനെ 2017 സെപ്റ്റംബര്‍ 5 നാണ് കൊന്നത്. രണ്ടും നേരത്തെ പറഞ്ഞ അതേ വെള്ളരിപ്രാവുകള്‍ .

ബില്‍ക്കീസ് ബാനുവിനെ ബലാല്‍സംഗം ചെയ്യുകയും 9 കുടുംബാംഗങ്ങളെ കൊല്ലുകയും ചെയ്ത 11 പേര്‍ ജയിലില്‍ സല്‍സ്വഭാവികളായിരുന്നുവെന്ന് പറഞ്ഞാണല്ലോ മോചിപ്പിച്ചത്. സ്വാതന്ത്യം കിട്ടുന്നതിന് മുമ്പല്ല കലോല്‍സവക്കാരേ ഇത് . 2022 ആഗസ്റ്റ് 15 നായിരുന്നു.

രാജ്യത്തെ ആദ്യ മിതവാദ ആക്രമണം 1948 ലായിരുന്നല്ലോ. കൊല്ലപ്പെട്ടത് മഹാത്മജി. കൊന്നത് താടിയും തലേക്കെട്ടൊന്നുമില്ലാത്ത എക്‌സ്ട്രീം പീസ് ലവര്‍.

ഇങ്ങനെ രാജ്യത്തുടനീളം നടന്ന സമാധാനപരമായ മിതവാദി ആക്രമണങ്ങളുടെ കണക്ക് പ്രസിദ്ധീകരിച്ചാല്‍ എത്ര വാള്യങ്ങളുണ്ടാവും. എണ്ണം പറഞ്ഞ് നിങ്ങളെ ബോറടിപ്പിക്കുന്നില്ല.

ഇത് സ്‌ക്രിപ്റ്റ്കാരന്റെ ഒരു കൈപ്പിഴയല്ല. കേരളത്തില്‍ കാവി നിറമില്ലാത്തവരെന്ന് പറയപ്പെടുന്നവര്‍ വളര്‍ത്തിക്കൊണ്ടുവരുന്ന പൊതുബോധത്തിന്റെ സ്വാഭാവിക പ്രതിഫലനം മാത്രം. അതുകൊണ്ടാണ് തീവ്രവാദികളെ ചിത്രീകരിക്കേണ്ടി വരുമ്പോള്‍ രാജ്യത്തെ അനേകായിരം ഉദാഹരണങ്ങളില്‍ ഒന്ന് പോലും അവരുടെ തലയില്‍ കയറാത്തത്. തലേക്കെട്ടും താടിയും അതിന്റെ ക്ലൈമാക്‌സാണ്. പേര് മാത്രം മതി ഇവിടെ. കലോത്സവ വേദിയുടെ വിളിപ്പാടകലെയാണല്ലോ ആവിക്കല്‍ തോട്.

അല്‍പം പോലും ദയാദാക്ഷിണ്യമില്ലാതെ വെസ്റ്റ്ബാങ്കില്‍ ഓരോ ദിവസവും ഇസ്രാഈല്‍ പട്ടാളക്കാര്‍ നിരപരാധികളെ കൊന്നു തള്ളുകയായിരുന്നു. അടിത്തറയിളകി ഏത് നിമിഷവും തകര്‍ച്ചയെ കാത്തിരുന്ന കൂട്ടുകക്ഷി സര്‍ക്കാരില്‍ അറബ് അനുകൂല പാര്‍ട്ടികള്‍ക്കൂകൂടി പ്രാതിനിധ്യമുണ്ടായിട്ടും ഫലസ്തീനികളെ ക്രൂശിച്ച് വിനോദിക്കുകയായിരുന്നു നെഫ്താലി ബെന്നറ്റ്, യേര്‍ ലാപിഡ് ഭരണകൂടം. പുരോഗമനപരമെന്ന് അവകാശപ്പെട്ടിരുന്ന ഒരു ലിബറല്‍ ഭരണകൂടം ഇത്രയും ഭീകരമാണെങ്കില്‍ ജൂത തീവ്രവാദികള്‍ മാത്രം അടങ്ങിയ പുതിയ നേതൃത്വം എന്താണ് ചെയ്യാന്‍ പോകുന്നതെന്ന് ഫലസ്തീനികള്‍ക്ക് മാത്രമല്ല, അന്താരാഷ്ട്ര സമൂഹത്തിന് മുഴുക്കെയും ആശങ്കയുണ്ട്. വെസ്റ്റ്ബാങ്കിനെ ഇസ്രാഈലിനോട് കൂട്ടിച്ചേര്‍ക്കണമെന്ന വാശിക്കാരാണ് നെതന്യാഹുവിന്റെ ലിക്വിഡ് പാര്‍ട്ടി അടക്കം എല്ലാവരും. ദേശീയ സുരക്ഷാ ചുമതല കയ്യാളാന്‍ പോകുന്ന ഇറ്റാമര്‍ ബെന്‍-ഗ്വിര്‍ കടുത്ത ജൂത തീവ്രവാദിയും ഫലസ്തീനികളുടെ പ്രത്യക്ഷ ശത്രുവുമാണ്. 1994ല്‍ ഹെബ്രോണിലെ ഇബ്രാഹിമി മസ്ജിദില്‍ 29 ഫലസ്തീനികളെ വെടിവെച്ചു കൊന്ന സയണിസ്റ്റ് ഭീകരന്‍ ബറൂച്ച് ഗോള്‍ഡ്‌സ്റ്റീന് പരസ്യ പിന്തുണ പ്രഖ്യാപിച്ചതിലൂടെ കുപ്രസിദ്ധി നേടിയ ബെന്‍-ഗ്വിറിന്റെ വാക്കുകള്‍ക്കപ്പുറം നീങ്ങാന്‍ നെതന്യാഹു ധൈര്യപ്പെടില്ല. ഇയാളെപ്പോലുള്ള ഭീകരന്‍മാര്‍ മന്ത്രിയാകുമ്പോള്‍ ഉണ്ടാകുന്ന അപകടത്തെക്കുറിച്ച് ബോധ്യമുണ്ടായിട്ടും ഇസ്രാഈലിന്റെ ക്രൂരതകളെ പച്ചയായി ന്യായീകരിക്കാന്‍ അമേരിക്കയുടെ നേതൃത്വത്തുള്ള പാശ്ചാത്യ സമൂഹത്തിന് ഒട്ടും ലജ്ജയുണ്ടാവില്ല.

ജൂത അധിനിവേശം കൂടുതല്‍ ശക്തമാക്കുകയും വെസ്റ്റ്ബാങ്കിനെ ഇസ്രാഈലിനോട് കൂട്ടിച്ചേര്‍ക്കുകയും ചെയ്യണമെന്നാണ് ലിക്കുഡ് പാര്‍ട്ടി പുതിയ സര്‍ക്കാറിനുള്ള മാര്‍ഗരേഖയില്‍ മുന്നോട്ടുവെച്ചിരിക്കുന്ന പ്രധാന ആവശ്യം. നിയുക്ത ധനമന്ത്രി ബെസാലല്‍ സ്‌മോട്രിച്ച് വാള്‍സ്ട്രീറ്റ് ജേണലില്‍ എഴുതിയ ലേഖനത്തില്‍ വെസ്റ്റ്ബാങ്ക് പിടിച്ചെടുക്കുമെന്ന് തുറന്ന് പ്രഖ്യാപിച്ചിട്ടുണ്ട്. ബെന്‍-ഗ്വിറും സ്‌മോട്രിച്ചും വെസ്റ്റ്ബാങ്കിലെ അനധികൃത കുടിയേറ്റക്കാരാണ്. വെസ്റ്റ്ബാങ്കില്‍ ജൂത കുടിയേറ്റ കേന്ദ്രങ്ങളുടെ നിയന്ത്രണം ഇവര്‍ക്കാണ് നെതന്യാഹു നല്‍കിയിരിക്കുന്നത്. 2007ല്‍ ഇസ്രാഈലില്‍നിന്ന് ഫലസ്തീനികളെ ആട്ടിയോടിക്കണമെന്ന് ബെന്‍-ഗ്വിര്‍ ആവശ്യപ്പെട്ടിരുന്നു. ഇസ്രാഈലിനെ ചിറകിലൊതുക്കി നടക്കുന്ന അമേരിക്കക്ക് പോലും പുതിയ ഭരണകൂടത്തിന്റെ ഭാവി പ്രവര്‍ത്തനങ്ങളില്‍ ആശങ്കയുണ്ട്. വെസ്റ്റ്ബാങ്കിനെ കൂട്ടിച്ചേര്‍ക്കാനുള്ള നീക്കങ്ങളെ ശക്തമായി എതിര്‍ക്കുമെന്ന് യു.എസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍ സൂചന നല്‍കിക്കഴിഞ്ഞു. പക്ഷേ, നിര്‍ണായക സമയത്ത് അമേരിക്ക തങ്ങളോടൊപ്പം നില്‍ക്കുമെന്നും യൂറോപ്യന്‍ ശക്തികളും ഐക്യരാഷ്ട്രസഭയും മൗനത്തിലേക്ക് പിന്‍വലിയുമെന്നും ഇസ്രാഈലിന് ഉറപ്പുണ്ട്. അമേരിക്കന്‍ എംബസി ജറൂസലമിലേക്ക് മാറ്റി ഭാവി ഫലസ്തീന്‍ രാഷ്ട്രത്തിന്റെ അസ്തിത്വം തന്നെ ചോദ്യം ചെയ്ത യു.എസില്‍നിന്ന് അന്താരാഷ്ട്ര സമൂഹം ഏറെയൊന്നും പ്രതീക്ഷിക്കുന്നില്ല. സയണിസ്റ്റുകളുടെ വാള്‍ത്തലയില്‍ ജീവന്‍ പണയം വെച്ച് മരണത്തെ മുഖാമുഖം കണ്ട് ജീവിക്കുന്ന ഫലസ്തീനികള്‍ ദുരിതപര്‍വം താണ്ടുകയാണ്. ഇസ്രാഈലെന്ന ഭീകരരാഷ്ട്രം ക്രൂരതയുടെ പുതിയ പരീക്ഷണം എന്താണ് തങ്ങള്‍ക്കായി കരുതിവെച്ചിരിക്കുന്നതെന്ന് മാത്രമാണ് അവര്‍ക്ക് അറിയാനുള്ളത്.

ഉത്തരവാദികളെ സ്വതന്ത്രമായി വിഹരിക്കാനും രാജ്യത്തിനെതിരെ കൂടുതല്‍ അതിര്‍ത്തി കടന്നുള്ള ആക്രമണങ്ങള്‍ നടത്താന്‍ അനുവദിച്ചുവെന്നും രുചിര കൂട്ടിച്ചേര്‍ത്തു. പാക് ഭീകരരായ ഹാഫിസ് തല്‍ഹ സയീദ്, ലഷ്‌കറെ തൊയ്ബ നേതാവ് ഷാഹിദ് മെഹ്മൂദ്, ലഷ്‌കറെ തൊയ്ബ ഭീകരന്‍ സാജിദ് മിര്‍, ജെയ്‌ഷെ മുഹമ്മദ് നേതാവ് അബ്ദുള്‍ റൗഫ് എന്നിവരെ അറസ്റ്റ് ചെയ്തിരുന്നു. ഇവരെ യുഎന്നിന്റെ കരിമ്പട്ടികയില്‍പ്പെടുത്തി ആഗോള ഭീകരരായി പ്രഖ്യാപിക്കാനുള്ള ഇന്ത്യയുടേയും യുഎസിന്റേയും നീക്കം ചൈന തടഞ്ഞുവെന്നും രുചിക കാംബോജ് പറഞ്ഞു.

2022 ലെ തീവ്രവാദ വിരുദ്ധ സമിതിയുടെ (സിടിസി) ചെയര്‍മാനെന്ന നിലയില്‍, കമ്മിറ്റിക്ക് അതിന്റെ ചുമതല ഫലപ്രദമായി നിറവേറ്റാന്‍ കഴിയുമെന്ന് ഉറപ്പാക്കാന്‍ ഇന്ത്യ എല്ലാ ശ്രമങ്ങളും നടത്തിയിട്ടുണ്ടെന്ന് കാംബോജ് പറഞ്ഞു. കഴിഞ്ഞ മാസം മുംബൈയിലും ന്യൂഡല്‍ഹിയിലും സിടിസിയുടെ പ്രത്യേക യോഗങ്ങള്‍ സംഘടിപ്പിച്ചതിന്റെ ബഹുമതി ഇന്ത്യാ ഗവണ്‍മെന്റിനുണ്ടെന്നും അവര്‍ വ്യക്തമാക്കി.

ഡല്‍ഹിയില്‍ സമ്മേളിച്ച യോഗത്തില്‍ നിരവധി തവണയാണ് മനുഷ്യാവകാശങ്ങളെ കുറിച്ചും മൗലിക സ്വാതന്ത്ര്യത്തെ കുറിച്ചും സംസാരിച്ചത്. തീവ്രവാദം പുതിയ കാലത്ത് സാങ്കേതിക വിദ്യയുടെ സഹായത്തോടെ വളര്‍ന്നു വരുന്നത് തടയാന്‍ ഏതു വിധേനെയും നേരിടാന്‍ സജ്ജമാണെന്ന് പ്രതിനിധികള്‍ അഭിപ്രായപ്പെട്ടു. അതിനായി ലോക രാജ്യങ്ങളുടെ കൂട്ടായ പ്രവര്‍ത്തനം ആവശ്യമാണെന്നും യോഗം വിലയിരുത്തി.

കേരളത്തിലും കര്‍ണാടകയിലും ഐഎസ് ഭീകരരുടെ സാന്നിധ്യമുണ്ടെന്ന റിപ്പോര്‍ട്ടിനെ തുടര്‍ന്ന് കേരളത്തില്‍ ഐഎസ് ഭീകരരുമായി ബന്ധമുണ്ടെന്നു സംശയിക്കുന്ന സംഘങ്ങളെ പ്രത്യേകം നിരീക്ഷിക്കാന്‍ സംസ്ഥാന തീവ്രവാദ വിരുദ്ധ സ്‌ക്വാഡിന് (എടിഎസ്) ഡിജിപി ലോക്‌നാഥ് ബെഹ്‌റ നിര്‍ദേശം നല്‍കിയിരുന്നു. എടിഎസ് ഡിഐജി അനൂപ് കുരുവിള ജോണിനാണു നിര്‍ദേശം കൈമാറിയത്.

സ്വര്‍ണക്കടത്തു കേസിനു ഭീകരബന്ധമുണ്ടെന്ന് വെളിപ്പെടുത്തിയ ദേശീയ അന്വേഷണ ഏജന്‍സിയും കേരളത്തിലെ ഐഎസ് ബന്ധങ്ങളെക്കുറിച്ച് അന്വേഷിക്കുന്നുണ്ട്.

ലോകത്തിന് ഭീഷണിയായിക്കൊണ്ടിരിക്കുന്ന ഭീകരവാദത്തിനെതിരെ ശക്തമായ പോരാട്ടങ്ങള്‍ നടത്തുമെന്ന് എമിറേറ്റ്സ് ഫത്വ കൗണ്‍സില്‍. ഭീകരവാദത്തിനെതിരേയുള്ള പ്രവര്‍ത്തനങ്ങള്‍ നടത്തുന്നതിന് പരിപാടികള്‍ ആവിഷ്‌കരിക്കുമെന്നും തെറ്റായ സന്ദേശങ്ങളും ക്രമവിരുദ്ധമായ ഫത്വകളും പുറപ്പടുവിച്ച് മുസ്ലിം സമൂഹത്തില്‍ പ്രശ്നങ്ങളുണ്ടാക്കുന്ന പ്രവണതകള്‍ക്കെതിരേയുള്ള പോരാട്ടത്തിന് നേതൃത്വം നല്‍കുമെന്നും എമിറേറ്റ്സ് ഫത്വ കൗണ്‍സില്‍ അറിയിച്ചു. യഥാര്‍ഥ ഇസ്ലാമിക ദര്‍ശനങ്ങളുടെ പ്രചാരണത്തിലൂടെ ലോകമിന്ന് അഭിമുഖീകരിക്കുന്ന ഭീകരവാദത്തിനും തീവ്രനിലപാടുകള്‍ക്കുമെതിരേ പ്രവര്‍ത്തിക്കാനാണ് കൗണ്‍സില്‍ ആദ്യ യോഗം തീരുമാനിച്ചതെന്ന് ഇസ്ലാമിക സമൂഹത്തിന്റെ സമാധാനം ലക്ഷ്യമിട്ടുകൊണ്ടുള്ള ഫോറത്തിന്റെ ചെയര്‍മാന്‍ ശൈഖ് അബ്ദുല്ല ബിന്‍ ബയ പറഞ്ഞു.

തെറ്റായ ഫത്വകള്‍ ഇസ്ലാമിന്റെ തത്ത്വങ്ങളെ കാറ്റില്‍പ്പറത്തി സമൂഹത്തില്‍ സുഖകരമല്ലാത്ത അന്തരീക്ഷമുണ്ടാക്കുന്നതിന് കാരണമായിട്ടുണ്ട്. രാഷ്ട്രങ്ങളുടെ നാശത്തിനും രക്തച്ചൊരിച്ചിലുകള്‍ക്കും ഇത് കാരണമായിട്ടുണ്ട്. കൃത്യതയോടെയുള്ള ഇടപെടല്‍കൊണ്ട് മാത്രമേ ഇതിനെ ഇതില്ലാതാക്കാന്‍ കഴിയുള്ളുവെന്നും ശൈഖ് ബിന്‍ ബയ പറഞ്ഞു. തെറ്റായ ഫത്വകള്‍ നിയന്ത്രിക്കാനും ഇസ്ലാമിക ദര്‍ശനങ്ങള്‍ സത്യസന്ധമായി സമൂഹത്തിലേക്ക് എത്തുന്നുണ്ടെന്ന് ഉറപ്പുവരുത്താനുമായി കഴിഞ്ഞ മാസമാണ് യു.എ.ഇ. കാബിനറ്റ് യു.എ.ഇ. ഫത്വ കൗണ്‍സിലിനെ നിയോഗിച്ചത്. മതസംഹിതകളെ തെറ്റായ രീതിയില്‍ വ്യാഖ്യാനിച്ച് കുഴപ്പം സൃഷ്ടിക്കുന്നതിനെതിരേ നിയമപരമായ സംവിധാനമുണ്ടാക്കിയ ആദ്യ അറബ് രാജ്യവും യു.എ.ഇ.യാണ്.