യൂണിവേഴ്‌സിറ്റി ഓഫ് അരിസോണയില്‍ നിന്നുള്ള ഗവേഷകരാണ് കൊവിഡ് ബാധിച്ച 6,000 പേരില്‍ നിന്നുള്ള സാമ്പിളുകള്‍ പരിശോധിച്ച് ആന്റിബോഡികളുടെ ഉല്‍പ്പാദനം സംബന്ധിച്ച പഠനം നടത്തിയത്. എന്നാല്‍ ഈ ആന്റിബോഡി കോവിഡില്‍ നിന്ന് ശാശ്വത സംരക്ഷണം നല്‍കുന്നുണ്ടോയെന്നത് ബുദ്ധിമുട്ടേറിയ ചോദ്യമാണെന്നും ഗവേഷകര്‍ പറയുന്നു.

‘കോവിഡ്19 രോഗബാധയ്ക്ക് ശേഷം അവരുടെ ശരീരത്തില്‍ അഞ്ച് മുതല്‍ ഏഴ് മാസം വരെ ആന്റിബോഡി ഉല്‍പ്പാദിപ്പിക്കപ്പെടുന്നതായി വ്യക്തമായി കണ്ടു’ അരിസോണ യൂനിവേഴ്‌സിറ്റിയിലെ അസോസിയേറ്റ് പ്രൊഫസറായ ദീപ്ത ഭട്ടാചാര്യ പറഞ്ഞു.

കോവിഡ് ബാധിച്ച വ്യക്തിയില്‍ ആന്റി ബോഡികളുടെ ഏകദേശം 100 ദിവസമാണെന്ന് ഐസിഎംആര്‍ മേധാവി പറഞ്ഞ അതേ സാഹചര്യത്തിലാണ് അമേരിക്കയില്‍ നിന്നുള്ള പഠന റിപ്പോര്‍ട്ട് പുറത്ത് വരുന്നത്. ‘ആന്റി ബോഡികളുടെ ആയുസ് 100 ദിവസമോ 90 ദിവസമോ ആണ്. ഇക്കാര്യത്തില്‍ ഇതുവരെ ലോകാരോഗ്യ സംഘടന കൃത്യമായ നിഗമനത്തില്‍ എത്തിയിട്ടില്ല. എന്നിരുന്നാലും, ഏകദേശം 100 ദിവസമായി ഞങ്ങള്‍ കണക്കാക്കുന്നു.’ എന്നായിരുന്നു ഐസിഎംആര്‍ മേധാവി ബല്‍റാം ഭാര്‍ഗവ കഴിഞ്ഞ ദിവസം പറഞ്ഞത്.

തെക്കേ അമേരിക്കയില്‍ കണ്ടു വരുന്ന ഒരു തരം ഒട്ടകമായ അല്‍പാക്കയുടെ ശ്വേതരക്താണു കോശമായ ബി സെല്ലുകളില്‍ നിന്നാണ് ഈ നാനോബോഡി സീക്വന്‍സുകള്‍ ക്ലോണ്‍ ചെയ്‌തെടുത്തത്. ഫെബ്രുവരിയില്‍ ആരംഭിച്ച പഠനത്തിന്റെ ഭാഗമായി ആദ്യം അല്‍പാക്കകളില്‍ കൊറോണ വൈറസ് സ്‌പൈക് പ്രോട്ടീനുകള്‍ കുത്തി വച്ചു. 60 ദിവസത്തിനു ശേഷം ഇവയുടെ രക്ത സാംപിളുകള്‍ പരിശോധിച്ചപ്പോള്‍ സ്‌പൈക്ക് പ്രോട്ടീനെതിരെ ശക്തമായ പ്രതിരോധം കണ്ടെത്തി. തുടര്‍ന്നാണ് ഇവയുടെ ബി സെല്ലുകളില്‍ നിന്ന് Ty1 നാനോബോഡിയെ വേര്‍തിരിച്ചെടുത്തത്.

കോവിഡിന് എതിരായ ആന്റിവൈറല്‍ ചികിത്സയ്ക്കായി ഈ നാനോബോഡി വികസിപ്പിക്കാമെന്ന് നേച്ചര്‍ കമ്മ്യൂണിക്കേഷന്‍സ് ജേണലില്‍ പ്രസിദ്ധീകരിച്ച പഠനറിപ്പോര്‍ട്ടില്‍ പറയുന്നു.