ഇതിനെതിരെ ഒരാള്‍ പരാതി നല്‍കിയിരുന്നു. സുരക്ഷാപരമായ കാരണങ്ങളാല്‍ പരാതി നല്‍കിയ ആളുടെ പേരുവിവരം പൊലീസ് വെളിപ്പെടുത്തിയിട്ടില്ല. സമൂഹത്തില്‍ വിദ്വേഷം പരത്താന്‍ ശ്രമിച്ച താരത്തിനെതിരെ കേസെടുക്കണമെന്നാണ് പരാതിയില്‍ ഉന്നയിച്ചിരുന്നത്. ഇതിന്റെ അടിസ്ഥാനത്തിലാണ് കേസെടുത്തിരിക്കുന്നത്.

ബംഗാളില്‍ അധികാരത്തിനുവേണ്ടി പാര്‍ട്ടി എന്തിനും തയാറാണെന്നും മുസ്‌ലിംകളെ വെട്ടി കുഴിച്ചുമൂടുമെന്നായിരുന്നു മിഥുന്‍ ചക്രവര്‍ത്തിയുടെ പരാമര്‍ശം.

ഞങ്ങളുടെ മരത്തില്‍നിന്ന് ഒരു പഴം മുറിച്ചാല്‍ പകരം നിങ്ങളുടെ നാല് പഴങ്ങള്‍ മുറിക്കും. ഭഗീരഥി നദിയെ വിശുദ്ധമായി കണക്കാക്കുന്നതിനാല്‍ മൃതദേഹം (മുസ്‌ലിംകളുടെ) അവിടെ സംസ്‌കരിക്കില്ല. അതിന് പകരം നിങ്ങളുടെ സ്ഥലത്ത് കുഴിച്ചിടും. അധികാരം ലഭിക്കാന്‍ തങ്ങള്‍ എന്തും ചെയ്യുമെന്നും അദ്ദേഹം കൂട്ടിച്ചേര്‍ത്തു. മിഥുന്‍ ചക്രവര്‍ത്തിയുടെ പ്രസംഗത്തെ ‘ജയ് ശ്രീറാം’ വിളികളോടെ സദസ്സ് സ്വീകരിക്കുകയായിരുന്നു.

കോടതി വിധിയെ തെറ്റായി വ്യാഖ്യാനിച്ച് കേരളത്തിലെ മുസ്്‌ലിംകളെ പ്രതിസന്ധിയിലാക്കുന്ന സര്‍ക്കാര്‍ നീക്കമാണ് മുളയിലെ നുള്ളിയത്. 1937ലെ ശരീഅത്ത് അപ്ലിക്കേഷന്‍ ആക്ടിന് വിധേയമായി രൂപീകരിച്ച ശരീഅത്ത് നിയമത്തിന് ചട്ടം രൂപീകരിക്കണമെന്ന ഹൈക്കോടതി വാദത്തെ ദുര്‍വ്യാഖ്യാനം ചെയ്താണ് എല്‍.ഡി.എഫ് സര്‍ക്കാര്‍ കഴിഞ്ഞ ഡിസംബര്‍ 21ന് ഗസറ്റില്‍ വിജ്ഞാപനം പ്രസിദ്ധികരിച്ചത്. ഇസ്്‌ലാമിക ശരീഅത്ത് അനുസരിച്ച് ജീവിക്കാന്‍ സത്യവാങ്മൂലം നല്‍കി പ്രത്യേകം അപേക്ഷ സമര്‍പ്പിക്കണമെന്ന ചട്ടം വന്നതോടെ സമുദായത്തിനു അനാവശ്യ കുരുക്കൊരുങ്ങുകയായിരുന്നു.

മുസ്‌ലിം വ്യക്തിനിയമത്തിന്റെ പരിധിയില്‍ വരുന്നതിന് രേഖകള്‍ക്കായി സര്‍ക്കാര്‍ കേന്ദ്രങ്ങളില്‍ ക്യൂ നില്‍ക്കേണ്ട ഗതികേടിലായെന്നു മാത്രമല്ല, മുസ്്‌ലിമാണെന്ന് സ്ഥാപിക്കാന്‍ സര്‍ക്കാര്‍ ഓഫീസുകള്‍ കയറിയിറങ്ങേണ്ട അവസ്ഥയുമായി. തൊണ്ണൂറ് ലക്ഷം വരുന്ന മുസ്‌ലിം സമൂഹത്തെ അവഹേളിക്കുന്ന പുതിയ വിജ്ഞാപനത്തിന്റെ അധാര്‍മ്മികതയും നിയമ വിരുദ്ധതയും ചൂണ്ടിക്കാണിച്ച് കഴിഞ്ഞ് ഏഴിനാണ് കെ.എന്‍.എ ഖാദര്‍ എം.എല്‍.എ, മുഖ്യമന്ത്രിക്കും നിയമ വകുപ്പ് മന്ത്രിക്കും നിവേദനം നല്‍കിയത്. ശരീഅത്ത് വേണ്ടാത്തവര്‍ക്ക് വിസമ്മത പത്രം എന്ന രീതിയിലേക്ക് ചട്ടം മാറ്റണമെന്ന അദ്ദേഹത്തിന്റെ ആവശ്യമാണ് സര്‍ക്കാര്‍ ഫലത്തില്‍ അംഗീകരിച്ചത്.

മുസ്‌ലിമാണെന്ന് തെളിയിക്കുന്ന സത്യവാങ്മൂലം നല്‍കാത്തവര്‍ക്ക് ശരീഅത്ത് നിയമം ബാധകമാകില്ലെന്നതിനാല്‍ വിവാഹം, ഇഷ്ടദാനം, വഖഫ്, അനന്തരാവകാശം തുടങ്ങി ശരീഅത്ത് നിയമം അടിസ്ഥാനമാകുന്ന എല്ലാ കാര്യങ്ങളിലും പുതിയ വിജ്ഞാപനം കുരുക്കാകുമായിരുന്നു. സത്യവാങ്മൂലത്തില്‍ മുസ്‌ലിമാണെന്ന് തെളിയിക്കുന്ന രേഖകള്‍ക്കൊപ്പം ശരീഅത്ത് നിയമപ്രകാരം ഭരിക്കപ്പെടാന്‍ താത്പര്യപ്പെടുന്നെന്ന് സമ്മതപത്രവും ഉള്‍പ്പെടുത്തി. ഇതോടെ നിലവില്‍ മുസ്‌ലിമെന്ന നിലയില്‍ ശരീഅത്ത് നിയമം ബാധകമായവരും അതത് തഹസില്‍ദാര്‍ക്ക്് രേഖകള്‍ സഹിതമുള്ള സത്യവാങ്മൂലം നല്‍കി സര്‍ട്ടിഫിക്കറ്റ് വാങ്ങണമെന്ന നിലയിലായി പുതുതായി ഉണ്ടാക്കിയ ചട്ടം.

നൂറുരൂപ ഫീസ് നല്‍കിയതിനൊപ്പം മുസ്‌ലിമാണെന്ന് തെളിയിക്കുന്നതിന് മഹല്ല് കമ്മിറ്റിയില്‍നിന്നുള്ള സര്‍ട്ടിഫിക്കറ്റ്, റവന്യു അധികൃതരില്‍നിന്നുള്ള ജാതി സര്‍ട്ടിഫിക്കറ്റ്, മറ്റ് അനുബന്ധ രേഖകള്‍ തുടങ്ങിയവയും ഹാജരാക്കേണ്ടിയിരുന്നു. ഒരു മാസത്തിനകം തഹസില്‍ദാര്‍ പരിശോധന നടത്തണം, അര്‍ഹരായവര്‍ക്ക് 45 ദിവസത്തിനകം സര്‍ട്ടിഫിക്കറ്റ് നല്‍കണം. തുടര്‍ന്ന് സര്‍ട്ടിഫിക്കറ്റ് 50 രൂപ മുദ്രപത്രത്തില്‍ രേഖപ്പെടുത്തി നല്‍കും. തഹസില്‍ദാര്‍ അപേക്ഷ നിരസിക്കുകയാണെങ്കില്‍ അപേക്ഷകനെ നേരിലോ രേഖാമൂലമോ കേള്‍ക്കണം. അപേക്ഷ നിരസിച്ചാല്‍ എ.ഡി.എമ്മിനാണ് അപ്പീല്‍ നല്‍കേണ്ടത്. അപ്പീലില്‍ ഒരു മാസത്തിനകം തീരുമാനമെടുക്കണം തുടങ്ങി വ്യവസ്ഥകളാണ് വിജ്ഞാപനത്തില്‍ പറയുന്നത്. വ്യത്യസ്ത രേഖകള്‍ക്കായി ആളുകള്‍ പരക്കംപായേണ്ട ഗതികേടിനു പുറമെ മഹല്ല് വ്യവസ്ഥയോ മറ്റോ ഇല്ലാത്ത സാഹചര്യങ്ങളില്‍ കഴിയുന്നവരെയും ഈ വിജ്ഞാപനം പ്രതിസന്ധിയിലാക്കുമായിരുന്നു. പുതിയ ചട്ടം വൈകാതെ ഗസറ്റില്‍ പ്രസിദ്ധീകരിക്കുമെന്നാണ് അറിയിപ്പ് ലഭിച്ചതെന്നും ഉറപ്പ് മുഖവിലക്കെടുത്ത് തുടര്‍ നീക്കങ്ങള്‍ തല്‍ക്കാലം ഒഴിവാക്കുന്നതായും കെ.എന്‍.എ ഖാദര്‍ പറഞ്ഞു.

സ്വാതന്ത്ര്യത്തിന് ശേഷം എത്ര മുസ്‌ലിംകള്‍ ഇന്ത്യന്‍ ക്രിക്കറ്റ് ടീമില്‍ കളിച്ചിട്ടുണ്ടെന്നാണ് ഭട്ട് ഉന്നയിച്ച ചോദ്യം. ട്വീറ്റിലൂടെയായിരുന്നു മുന്‍ ഐ.പി.എസ് ഓഫീസര്‍ ക്രിക്കറ്റ് ടീമിലെ മത അനുപാതത്തെ സംബന്ധിച്ച സംശയം ഉന്നയിച്ചത്.

क्या इस समय भारतीय क्रिकेट टीम में कोई मुस्लिम खिलाड़ी है ?

आज़ादी से आज तक ऐसा कितनी बार हुआ कि भारत की क्रिकेट… https://t.co/Nb6ufi71qX

— Sanjiv Bhatt (IPS) (@sanjivbhatt) October 22, 2017

“സ്വാതന്ത്ര്യത്തിന് ശേഷം എത്ര മുസ് ലിംകള്‍ ഇന്ത്യന്‍ ക്രിക്കറ്റ് ടീമില്‍ കളിച്ചിട്ടുണ്ട്. ഇപ്പോഴത്തെ ടീമില്‍ എത്ര മുസ് ലിംകളുണ്ട്. മുസ് ലിംകള്‍ ക്രിക്കറ്റ് കളിക്കുന്നത് അവസാനിപ്പിച്ചോ. അല്ലെങ്കില്‍ സെലക്ടര്‍മാര്‍ ക്രിക്കറ്റ് കളിക്കാരെ തെരഞ്ഞെടുക്കുന്നത് വേറെ കളിയുടെ നിയമപ്രകാരമാണോ”, സഞ്ജീവ് ഭട്ട് ട്വീറ്റ് ചെയ്തു.

അതേസമയം, മറുപടിയുമായി മുന്‍ ഇന്ത്യന്‍ ക്രിക്കറ്റ് താരം ഹര്‍ഭജന്‍ സിങ് രംഗത്തെത്തി. ക്രിക്കറ്റില്‍ മതത്തിന് പ്രാധാന്യമില്ലെന്നായിരുന്നു, ട്വിറ്ററിലൂടെ തന്നെ ഭാജിയുടെ മറുപടി.

हिंदू मुस्लिम सिख ईसाई आपस में है भाई। क्रिकेट टीम में खेलने वाला हर खिलाड़ी हिंदुस्तानी है उसकी जात या रंग की बात नहीं होनी चाहिए (जय भारत) https://t.co/UVvSHaLJdY

— Harbhajan Turbanator (@harbhajan_singh) October 23, 2017

“ഇന്ത്യന്‍ ക്രിക്കറ്റില്‍ മതത്തിന് പ്രാധാന്യമില്ല. ദേശീയ ടീമില്‍ ഒരാള്‍ കളിക്കുന്നത് ഇന്ത്യക്കാരന്‍ എന്ന പേരിലാണ്. ജാതിയും വര്‍ണ്ണവും നോക്കിയല്ല സെലക്ഷനെന്നും”, ഹര്‍ഭജന്‍ ട്വീറ്ററില്‍ കുറിച്ചു.

Shreyas Iyer and Mohammed Siraj have been included in India’s squad for the T20Is against New Zealand https://t.co/buDhbNptrT #INDvNZ

— ESPNcricinfo (@ESPNcricinfo) October 23, 2017

Who is Mohammed Siraj? All about India’s newest call-up pic.twitter.com/3dH2okHioM

— ESPNcricinfo (@ESPNcricinfo) October 24, 2017

അതേസമയം, ശ്രീലങ്കക്കെതിരായ ടെസ്റ്റ് പരമ്പരക്കും ന്യൂസിലന്‍ഡിനെതിരായ ട്വന്റി20 മത്സരത്തിനുമായി കഴിഞ്ഞ ദിവസം നിലവില്‍ വന്ന ഇന്ത്യന്‍ ടീമില്‍ രണ്ട് മുസ്‌ലിം അംഗങ്ങളുണ്ട്. മുഹമ്മദ് ഷമി, മുഹമ്മദ് സിറാജ് എന്നിവരെയാണ് പുതുതായി ഉള്‍പ്പെടുത്തിയത്. എന്നാല്‍ ടീം നിലവില്‍  വരുന്നതിന് മുന്നേയായിരുന്നു സഞ്ജീവ് ഭട്ട് വിഷയത്തില്‍ ട്വീറ്റ് നടത്തിയത്.

തിങ്കളാഴ്ച രാവിലെയാണ് പോസ്റ്ററുകള്‍ പ്രത്യക്ഷപ്പെട്ടത്. പോസ്റ്റര്‍ പ്രചാരണത്തെ തുടര്‍ന്ന് പൊലീസ് കേസെടുത്തു. പോസ്റ്ററുകളും നീക്കം ചെയ്തു. സംഭവുമായി ബന്ധപ്പെട്ട് അഞ്ച് പേരെ പൊലീസ് കസ്റ്റഡിയിലെടുത്തിട്ടുണ്ട്. സമാധാനപരമായിട്ടാണ് ഇവിടെ എല്ലാവരും കഴിയുന്നതെന്നും അത് തകര്‍ക്കാനുള്ള ചിലരുടെ ശ്രമമാണിതെന്നുമാണ് ഗ്രാമവാസികള്‍ പറയുന്നു.
മുസ്‌ലിം ഭൂരിപക്ഷ പ്രദേശങ്ങളില്‍ ബിജെപിക്ക് ഭൂരിപക്ഷം ലഭിച്ചത് എങ്ങനെയെന്ന് അന്വേഷിക്കണമെന്ന് ബിഎസ്പിയും എസ്പിയും ആരോപണം ഉന്നയിച്ചിരുന്നു. ഇതിനു പിന്നാലെയാണ് പോസ്റ്റര്‍ പ്രചരണം. മുസഫര്‍നഗറും മൊറാദാബാദും ഉള്‍പെടെ വംശീയ കലാപം നടന്ന ആറ് മണ്ഡലങ്ങളില്‍ ബിജെപി വന്‍ ഭൂരിപക്ഷത്തോടെ വിജയിച്ചത് സംശയങ്ങള്‍ക്കിടയാക്കിയിരുന്നു.

കെന്‍ചുകിയിലെ ലെക്‌സിങ്ടണ്‍ പള്ളിക്കു നേരെയാണ് ബോംബ് ഭീഷണി. കത്തിനൊപ്പം വെളുത്ത കടലാസില്‍ പൊതിഞ്ഞ ഗ്രീന്‍ ഇന്റെക്‌സ് കാര്‍ഡും ലഭിച്ചതായി പള്ളി അധികൃതര്‍ പറഞ്ഞു. പള്ളിയില്‍ സ്‌ഫോടക വസ്തു വൈകാതെ പൊട്ടിത്തെറിക്കുമെന്നായിരുന്നു ഗ്രീന്‍ ഇന്‍ടെക്‌സ് കാര്‍ഡില്‍ രേഖപ്പെടുത്തിയിരുന്നത്. അതേസമയം മറ്റു പള്ളികള്‍ക്കു ലഭിച്ച ഇ-മെയിലില്‍ ബോംബ് ഭീഷണിക്കു പകരം കൊലപാതക ഭീഷണിയായിരുന്നു ഉണ്ടായിരുന്നത്. ‘ നിങ്ങള്‍ക്കും നിങ്ങളുടെ വിഭാഗത്തില്‍പ്പെട്ടവര്‍ക്കും മരണം’ എന്നു തുടങ്ങുന്നതായിരുന്നു സന്ദേശം.

അമേരിക്കയിലുള്ള മുസ്‌ലിംകള്‍ പൂര്‍ണമായും രാജ്യത്ത് നിന്നു പുറത്തുപോകുന്നതു വരെ ആക്രമണങ്ങള്‍ തുടര്‍ന്നുകൊണ്ടിരിക്കുമെന്നും സന്ദേശത്തില്‍ പറയുന്നു. സമാനരീതിയില്‍ മുമ്പും ഇത്തരത്തില്‍ അമേരിക്കയിലെ പള്ളികള്‍ക്ക് ഭീഷണി സന്ദേശം ലഭിച്ചിരുന്നു.