രണ്ടാം മോദി സര്‍ക്കാരിന്റെ ബജറ്റ് വലിയ വിലക്കയറ്റമുണ്ടാക്കുന്നതാണെന്ന് ആന്റോ ആന്റണി എം.പിയു കുറ്റപ്പെടുത്തി. ബജറ്റില്‍ രണ്ടരമണിക്കൂര്‍ പ്രസംഗം മാത്രമാണുള്ളത്. പെട്രോള്‍-ഡീസല്‍ വിലയില്‍ വര്‍ധന വരുത്തിയത് തിരിച്ചടിയാണ്.

ഇന്ധന നികുതിയിനത്തിലെ വര്‍ധന കേരളത്തിന് തിരിച്ചടിയാവും. ഏറ്റവും വലിയ ദൂഷ്യഫലം അനുഭവിക്കുന്നത് ഉപഭോക്തൃ സംസ്ഥാനമായ കേരളമാണ്. കാര്‍ഷിക-വ്യവസായിക മേഖലക്ക് ഈ ബജറ്റ് ഹാനികരം. പുതിയ തൊഴിലവസരങ്ങള്‍ക്കായി ഒരു പദ്ധതിയുമില്ല. ഇത്രയും നെഗറ്റീവായ ബജറ്റ് അടുത്ത കാലത്തൊന്നുമുണ്ടായിട്ടില്ലെന്നും ആന്റോ ആന്റണി പ്രതികരിച്ചു.

പുതിയ മോദി സര്‍ക്കാറിന്റെ കന്നി ബജറ്റ് നിരാശാജനകമെന്ന് ബെന്നി ബഹനാന്‍ എം.പിയും പ്രതികരിച്ചു. ബജറ്റില്‍ ഏറ്റവും കൂടുതല്‍ ആനുകൂല്യങ്ങള്‍ നല്‍കിയത് കോര്‍പറേറ്റ് മാനേജ്‌മെന്റുകള്‍ക്കാണുള്ളത്. സംസ്ഥാനസര്‍ക്കാരിന്റെ ആവശ്യങ്ങളൊന്നും പരിഗണിച്ചില്ല. തൊഴിലില്ലായ്മ പരിഹരിക്കാന്‍ ബജറ്റില്‍ യാതൊരു നിര്‍ദേശങ്ങളുമില്ലെന്നും അദ്ദേഹം പറഞ്ഞു.
സ്വര്‍ണത്തിന് കസ്റ്റംസ് തീരുവ 10ല്‍ നിന്ന് 12.5 ശതമാനമാക്കി ഉയര്‍ത്തി. പെട്രോളിനും ഡീസലിനും ഒരു രൂപ അധിക സെസ്ഈടാക്കും. റോഡ് സെസും എക്‌സൈസ് നികുതിയുമാണ് അധികമായി ഈടാക്കുന്നത്.

വിദ്യാര്‍ഥികള്‍ എം.പിയുടെ ഓഫീസിലേക്ക് കയറിയെന്നു പറഞ്ഞെത്തിയ പൊലീസ് ഗേറ്റ് ചിവിട്ടി തുറക്കുകയും ഓഫിസിലുണ്ടായിരുന്ന സനിലിനെ വളഞ്ഞിട്ടു മര്‍ദിക്കുകയും ആയിരുന്നെന്ന് ആന്റോ ആന്റണി പറഞ്ഞു. ഈ സമയം ഓഫിസില്‍ മറ്റാരും ഉണ്ടായിരുന്നില്ല. പത്തനംതിട്ട സി.ഐ സി.സുനില്‍കുമാറാണ് മര്‍ദിച്ചതെന്നും എം.പി അറിയിച്ചു. റോഡില്‍ നിന്നവരെയും പെണ്‍കുട്ടികളെയും പൊലീസ് മര്‍ദിച്ചെന്നും പരാതിയുണ്ട്.