നിഗൂഢതയുണര്‍ത്തുന്ന രീതിയിൽ ഒരു സൈക്കോളജിക്കൽ സർവൈവൽ ത്രില്ലറായാണ് ചിത്രം ഒരുക്കിയിരിക്കുന്നത്. ഒരു ഡോക്ടറിന്‍റെ ജീവിതത്തിലെ ദുരൂഹത നിറഞ്ഞ സംഭവ വികാസങ്ങളിലൂടെയാണ് സിനിമയുടെ കഥാഗതി. ‘ഒണ്ടു മോട്ടേയ കഥേ’, ‘ഗരുഡ ഗമന ഋഷഭ വാഹന’ എന്നീ ചിത്രങ്ങളിലൂടെ സംവിധായകനായും മികച്ച അഭിനേതാവായും പ്രേക്ഷകമനം കവര്‍ന്ന രാജ്.ബി. ഷെട്ടി കന്നഡയിലെ നവതരംഗ സിനിമകളുടെ ശ്രേണിയിൽ ഉള്‍പ്പെട്ടയാളാണ്. മലയാളത്തിൽ ‘ടർബോ’യിലും ‘കൊണ്ടലി’ലും അദ്ദേഹം മികച്ച വേഷങ്ങളിൽ എത്തിയിരുന്നു. രാജ് ബി. ഷെട്ടിയും അപര്‍ണയും ഒന്നിച്ചെത്തുന്ന ‘രുധിരം’ മികച്ച അഭിനയ മുഹൂര്‍ത്തങ്ങള്‍ സമ്മാനിക്കുമെന്ന പ്രതീക്ഷയിലാണ് ഇപ്പോൾ സിനിമാ പ്രേക്ഷകര്‍.

റൈസിങ് സണ്‍ സ്റ്റുഡിയോസിന്‍റെ ബാനറില്‍ വി.എസ്. ലാലനാണ് രുധിരം നിര്‍മ്മിക്കുന്നത്. ഗോകുലം ഗോപാലൻ അവതരിപ്പിക്കുന്ന ചിത്രം ശ്രീ ഗോകുലം മൂവിസിനു വേണ്ടി ഡ്രീം ബിഗ് ഫിലിംസ് തീയേറ്ററുകളിൽ പ്രദർശനത്തിനെത്തിക്കുന്നു. സഹ സംവിധായകനായി സിനിമാലോകത്തെത്തിയ സംവിധായകൻ ജിഷോ ലോണ്‍ ആന്‍റണി ഒട്ടേറെ പരസ്യചിത്രങ്ങള്‍ ഒരുക്കിയിട്ടുള്ളയാളാണ്. സംവിധാനവും രചനയും ജിഷോ ലോണ്‍ ആന്‍റണി ‘രുധിര’ത്തിൽ നിർവഹിക്കുമ്പോൾ അദ്ദേഹത്തിന്‍റെ സഹ രചയിതാവായി പ്രവർത്തിച്ചത് ജോസഫ് കിരണ്‍ ജോര്‍ജാണ്.

‘രുധിര’ത്തിന്‍റെ ഛായാഗ്രഹണം: സജാദ് കാക്കു, എഡിറ്റിംഗ്: ഭവന്‍ ശ്രീകുമാര്‍, സംഗീതം: 4 മ്യൂസിക്സ്, ഓഡിയോഗ്രഫി: ഗണേഷ് മാരാര്‍, ആര്‍ട്ട്: ശ്യാം കാര്‍ത്തികേയന്‍, മേക്കപ്പ്: സുധി സുരേന്ദ്രന്‍, കോസ്റ്റ്യൂം: ധന്യ ബാലകൃഷ്ണന്‍, വി.എഫ്.എക്‌സ് സൂപ്പര്‍വൈസര്‍: എഎസ്ആർ, ആക്ഷൻ: റോബിൻ ടോം, ചേതൻ ഡിസൂസ, റൺ രവി, ചീഫ് അസോ.ഡയറക്ടർ: ക്രിസ് തോമസ് മാവേലി, അസോ. ഡയറക്ടർ: ജോമോൻ കെ ജോസഫ്, വിഷ്വൽ പ്രൊമോഷൻ: ഡോൺ മാക്സ്, കാസ്റ്റിങ് ഡയറക്ടർ: അലൻ പ്രാക്, എക്സി.പ്രൊഡ്യൂസേഴ്സ്: ശ്രുതി ലാലൻ, നിധി ലാലൻ, വിന്‍സെന്‍റ് ആലപ്പാട്ട്, സ്റ്റിൽസ്: റെനി, പ്രൊഡക്ഷൻ കൺട്രോളർ: റിച്ചാർഡ്, പോസ്റ്റ് പ്രൊഡക്ഷൻ കോഓർ‍ഡിനേറ്റ‍‍ര്‍: ബാലു നാരായണൻ, കളറിസ്റ്റ്: ബിലാൽ റഷീദ്, വിഎഫ്എക്സ് സ്റ്റുഡിയോ: കോക്കനട്ട് ബഞ്ച്, ക്രിയേറ്റീവ് പ്രൊഡ്യൂസർ: ഷബീർ പി, പബ്ലിസിറ്റി ഡിസൈൻസ്: യെല്ലോ ടൂത്ത്സ്, പ്രൊമോഷൻസ്: സ്നേക്ക്പ്ലാന്‍റ് എൽഎൽപി, പിആർഒ: പ്രതീഷ് ശേഖർ.

‘സൂരരൈ പൊട്രു എന്റെ കരിയറില്‍ വലിയ കാര്യമാണ്. സൂര്യയെ പോലെ കഴിവുള്ള ഒരു നടന്‍ത, സുധ കൊങ്കര പ്രസാദിനെപ്പോലുള്ള ഒരു സംവിധായിക. ഇതിന്റെ ഫലം വിസ്മയാവഹമായിരുന്നു. ബൊമ്മിക്ക് നല്ല പ്രാധാന്യം കിട്ടി. അതെനിക്ക് സ്‌പെഷ്യലാണ്. ഒരു സ്വപ്‌ന സംഘത്തോടൊപ്പമാണ് ജോലി ചെയ്തത്’ – അവര്‍ പറഞ്ഞു.

സൂരരൈ പൊട്രുവിന്റെ ഭാഗമാകുക എന്നത് തന്റെ സ്വപ്‌നങ്ങളുടെ അടുത്തു പോലുമുണ്ടായിരുന്നില്ല എന്ന് അപര്‍ണ പറയുന്നു. മധുരൈ ചുവയില്‍ സംസാരിക്കാന്‍ ഏറെ ബുദ്ധിമുട്ടായിരുന്നു. ആദ്യത്തെ ഓഡീഷനില്‍ താന്‍ സംതൃപ്തയായിരുന്നില്ല. അവര്‍ തനിക്ക് ഒരു അവസരം കൂടി തന്നു. അങ്ങനെയാണ് ആ റോള്‍ കിട്ടിയത്- അവര്‍ വെളിപ്പെടുത്തി.

സൂര്യയോടൊപ്പമുള്ള അഭിനയം എങ്ങനെയുണ്ടായിരുന്നു എന്ന ചോദ്യത്തിന്, ‘എന്റെ ഏതെങ്കിലും സീന്‍ സുധയെ സന്തോഷവതിയാക്കിയിട്ടുണ്ട് എങ്കില്‍ അത് സൂര്യ കാരണമാണ്. മറ്റു അഭിനേതാക്കളും അതില്‍ പങ്കുവഹിച്ചു. അദ്ദേഹം ഏറെ ആഹ്ലാദഭരിതനായ ഒരാളാണ്. നമുക്ക് ഇടം തരും. അതു കൊണ്ടാണ് ഒരുപാട് സീനുകളില്‍ എന്റെ വഴിക്ക് അഭിനയിക്കാനായത്. സഹഅഭിനേതാക്കള്‍ക്ക് അദ്ദേഹം നല്‍കുന്ന ആദരം വിസ്മയകരമാണ്’ എന്നായിരുന്നു മറുപടി.

എഴുത്തുകാരനും ഇന്ത്യന്‍ ആര്‍മിയിലെ മുന്‍ ക്യാപ്റ്റനും എയര്‍ ഡെക്കാണ്‍ സ്ഥാപകനുമായ ജി ആര്‍ ഗോപിനാഥന്റെ ജീവിതം പ്രചോദനമാക്കിയാണ് സൂരരൈ പൊട്രു ഒരുക്കിയത്. ബൊമ്മി എന്ന കഥാപാത്രമായി അപര്‍ണ ബാലമുരളിയുടെ അഭിനയം മികച്ചതായിരുന്നുവെന്ന് സിനിമ കണ്ട ജി ആര്‍ ഗോപിനാഥും പറഞ്ഞിരുന്നു.